番茄濃湯專門店 (已結業)

早前有朋友在此打咭，還說非常美味，今晚經過新墟，擇日不如撞日，就在這晚飯吧！鮮茄蓉煮帆立貝意粉（$63）～ 蕃茄味道非常濃郁，帆立貝煙韌有咬口，但味道奉欠；意粉不會太淋身，但對我來說，還可以再「生」多少少。聽店員說，蕃茄蓉用上大量蕃茄和蔬菜製作而成，不含肉類，很多素食人士都會到來光顧。檸檬利賓納（+$8）～ 提子味香濃，可惜味道偏甜。 回家路上，巳覺口喝，看來是受了不少「師父」的加持吧？

近屯門站行3分鐘就到十分易搵去到都見到唔少該區學生、上班一族食茄湯幾濃,有DD偏酸但都不錯本身就包炒蛋唔洗另外加錢,炒蛋軟硬適中但＄３８只包一個配菜，加多個就要$5好似有少少咁多貴而且可以揀的都係芝士腸、午餐肉個類雞扒都中規中矩幾香配雞扒既話就＄４２,感覺好似抵D??整體都OK值得一試,不過如果包野飲會更好P.S.都有其他平D既LUNCH SET不過就冇茄湯啦~

很喜歡吃酸甜的番茄製品，所以這間以番茄濃湯招徠的餐廳，是我間中會來吃早餐的地方.店舖地方不大，所以坐位比較窄，但櫈下放了小膠箱，可以放置手袋、物品，這點值得讚賞. 不過這店冷氣偏弱，夏天到來會有點熱的!番茄濃湯伴香脆多士 ($30)這次選了腸仔& 煎蛋配螺絲粉，湯底濃郁且帶番茄的酸甜，味道天然. 配上脆邊煎蛋、以及如同八爪魚模樣的炸香脆，都幾美味. 螺絲粉煙韌有彈性，煮得剛剛好，整體令人滿意.多士塗上牛油的香脆多士，簡單好吃.熱檸茶餐飲選了熱檸茶，有助消膩.街坊小店配上街坊價錢，以$30 可以吃到健康豐富早餐，已經很不錯了!屯門明藝街10號安全樓地下9822 2241

天氣又熱又焗，要搵返啲開胃小小既野食吓呢！呢間小店之前食過，印象唔錯，今日就嚟食佢個下午茶，三十幾蚊一個下午茶餐連凍飲，非常經濟叫左蕃茄濃湯雞排公仔麵，跟一塊厚多士同凍檸茶。多士咬落脆卜卜，牛油一D都唔孤寒，搽混全塊～雞排拍薄左煎，煎到微焦，食落香口，醃味剛好。主角濃湯真係堅。濃。郁湯裡面有新鮮蕃茄蓉，味道唔酸，牛油味濃，食到絕對真材料！個公仔麵索埋啲湯⋯⋯Yummy! 如果湯底嘅牛油輕手返小小就更好味喇！而家小店生存唔容易，有誠意既小店係要支持吓既

去巴黎倫敦紐約戲院睇戲前, 在附近食lunch, 想起有間食蕃茄的, 已收藏一段時間, 但一直未有機會人良到, 就今天試試吧。凍檸檳跟主餐+$8, 味道比較甜, 可以說它是濃郁, 檸檬片數都合理。Mozzarella 焗豬扒飯$66新鮮焗完, 熱辣辣, 豬扒揀了偏肥美的, 軟稔又juicy, 因為炸過夠香口, 肉質鬆化, 再加上蕃茄味醬汁融合埋mozzarella cheese, 好美味, 而底下的不是炒飯, 減少了熱氣。好食是好食, 但連飲品超過七十元, 有一點偏貴。時蔬粟米蕃茄滑蛋濃湯螺絲粉$41相比起濃味的豬扒飯, 這個就比較失色, 據說湯底是沒有加肉去煲, 所以比較清淡, 我選了少辣想惹味一點, 但個人覺得還是偏淡。滑蛋的滑度可以有提升的空間, 份量也是, 時蔬只有生菜, 有點悶, 粟米是特別+$5去配搭的, 但只有十多粒, 實在太少, 同類型的店, 我較喜歡在元朗的蕃滿門。

知道自己住嘅附近有一間番茄湯專門店，小妹本身對番茄稱唔上十分鐘情，亦都未至於討厭，只知熟番茄對身體好，所以就去試一試啦～早上送完小朋友返學後，特登一個人前往，當時九點正咁上下室外座有兩個客，一人坐一張檯，室內都有三檯客左右，未算太多人。舖面嘅店員有兩個，一個睇上黎似係老闆娘，另一個係後生嘅女仔，基本上除左落單，店員都唔會點理你，小妹行左入去最入面嘅四人檯坐低後就招手叫落單，叫左$33餐，要米粉+雞扒再加$5轉成牛油脆豬，飲熱奶茶。三分鐘後熱奶茶先上場，熱度十足，放低奶茶時店員放低一包糖俾我，開頭自己覺得一包糖實唔夠啦，但原來自己諗多左，一包糖倒入奶茶經攪拌後，甜度剛剛好；奶茶茶味夠濃，只奶略嫌奶味太淡，同埋唔夠滑。煎雞扒：帶皮嗰面煎得好脆，雞肉雖然唔滑又冇咩肉汁，但勝在唔會煎到乾晒同唔鞋口至於個牛油脆豬，牛油味唔突出，豬仔包個皮夠煙韌，咬落去真係有脆嘅口感，但老實講：唔試都唔會覺得可惜。最後到主角 番茄濃湯米粉啦～小妹選擇坐有冷氣嘅室內係冇錯架~因為米粉由一上檯已熱力十足，好辣口嗰隻熱哦！大冬天時食完會暖笠笠，但夏天時，未食完已汗流夾背啦！米粉煮得啱啱好，唔會硬亦都唔會糊晒，至於個湯的

蕃茄係大眾嘅至愛 又有營養又開胃美味 應該無人會唔同意 今日豬先生豬小姐尼到「tomato otamot」嚐嚐蕃茄滋味鋪頭分開兩層 由於下層已經滿座啦 所以被安排到樓上雅座 環境都算舒適企理 播住輕快嘅歌仔 牆上嘅綠葉裝飾添上不少大自然嘅感覺我地order左招牌嘅「蕃茄濃湯系列」一人一個 one of the 漢堡扒 and 芝士腸 (請留意餐牌 one of the… haha)豬先生揀左同蕃茄湯絕配嘅螺絲粉 而我就創新啲 揀左公仔麵！！碗型好有趣特別 係個XL size嘅湯羹 印有鋪頭吉祥物 蕃茄仔(我自己改架姐 哈哈)份量唔算多 比較大食嘅朋友仔應該會唔夠飽 先試試個靈魂 <蕃茄湯底>！尚算濃郁杰身 除左蕃茄蓉之外仲加入洋蔥調出甜味 亦有蕃茄切件 可惜蕃茄原有嘅酸味欠奉 甜和酸嘅比例可以改善下滑蛋面層幾滑溜 不過浸左湯嘅底層蛋蛋就過熟 老左啲了 但都算係中規中矩嘅滑蛋~漢堡扒同芝士腸就無特別啦 正常貨色！螺絲粉軟硬度適中 熟嘅程度準確 有口感 唔錯公仔麵雖然唔係一丁 但麵質ok喎 偏幼身唔會腍哂 而且掛到湯 蕃茄湯配公仔麵 成功！如果喜歡惹味啲嘅朋友可以加辣嘅 不

下午在屯門看電影，中午當然要避開沈悶的連鎖店，到此區獨有的餐廳試試。上網查看後發現番茄濃湯專門店就在附近，二話不說就決定了。假期1點左右人不算多，等了幾張檯便能進去。店面有點小，但勝在有兩層，比想像中能容下多些人客。餐牌果然滿是番茄菜式，有小食、飯類、麵類等選擇，想試別的也有不是番茄主題的焗飯。 雞扒番茄濃湯意粉 （$42） 番茄湯標榜不加肉類，番茄味濃而且果肉多，上面放著大大塊滑蛋，加上洋蔥，甜味香味都不錯，但若多加點香料調味相信味道會更添自家風味。意粉偏硬身，避免浸於湯中太久而變得太爛，份量不多，加上雞扒雞蛋等男生應該剛剛夠食。 雞扒切開四件，每件的皮都煎得香脆，肉很軟，鹹味剛好，配上雞油十分令人上癮。整體味道都不錯，若加多一點自家元素會更加吸引。

小魔女是蕃茄愛好者，同妹妹去新墟買點嬰兒用品就順便去吃過晚飯，經過見到以蕃茄做主打的店，即刻入去試試，叫了個2人套餐$178前菜有檸檬蜂蜜香脆麵包味道我和妹妹都不喜歡 望住隔離枱個沙律好後悔添...仲有個併盤都正常炸物味道，唯獨煙肉蕃茄幾正另外有一個蕃茄帆立貝意粉👍和自選的蕃茄牛丸蛋縲絲湯粉，意粉尚算可以，都夠味，甜甜地，另外縲絲粉就....太淡了，蕃茄湯不夠濃! 最後另送甜品泡芙加雪糕，粒泡芙入面有雪糕餡好好味，全餐我覺最正係粒泡芙

平日甚少黎屯門區，今日為左睇戲特登黎左新墟呢邊，據聞有間以蕃茄做主題既食店好出名，甚至有人會專程入屯門食，難得黎開呢邊梗係要試試店家鋪面不大但勝在有兩層，但上層樓底較矮有些少焗促。其實不是只有蕃茄系列，仲有焗飯焗意粉之類，第一次試都係要試下招牌的蕃茄湯粉套餐蕃茄濃湯滑蛋螺絲粉配香炸惹味雞翼$42雞翼有三隻，炸得香脆但不油膩不乾，內裡保留肉汁，而且炸得好透徹，一咬即開，香氣四溢，good work!蕃茄螺絲粉，個碗好得意係一個大匙羹。先試蕃茄湯，沒我想像中濃，帶有少許蕃茄肉，微酸，如以蕃茄麵龍頭勝香園比的確係被比下去，但就比一般茶餐廳質素好，可幸螺絲粉煮得剛好，彈牙可口而且夠掛湯，挽回不少分數；上面炒滑蛋就不過不失，不會太老但又不夠香滑。加$6 叫左杯凍利賓納，大大杯夠凍又夠濃經過呢頭試下倒是不錯，雞翼雞扒質素above average, 登黎我就唔會了

食咗時蔬公仔麵，有生菜同蛋 . 湯好杰 蕃茄味幾濃。生菜唔多，但幾新鮮。蛋好滑。麵嘅軟硬度剛好，不過公仔麵都好難會唔好食😝。 男朋友食焗豬，個面焗得好靚，有小小燶燶地，佢話好味。有一位應該係經理or boss嘅男士服務態度好好，呢個亦係我寫食評嘅主因。其中一個example 係我地好夜先去食，未食完就要埋單先，嗰位男士同我地講唔好意思，又話慢慢食唔洗急。 當last order時間過後有新客入店，佢又會say sorry 講多謝咁請返新客走。係香港好難得有waiter咁殷勤待容，佢嘅服務態度係日本級數。 見佢好用心教新人，相信佢唔只係待客好，待員工亦都唔差。

平時唔係好喜歡食用蕃茄煮麵既人，居然去蕃茄濃湯專門店食野蕃茄滑蛋漢堡扒螺絲粉，份量都算多，賣相唔錯，飲左一啖湯，有好濃既蕃茄味仲有少少既蕃茄。滑蛋好滑，喜歡食辣既可以加大、中、小辣。每碗麵都可以包括一款配料我叫咗漢堡扒，漢堡扒比較細塊，咬起來都算有D彈性。

一心想淺嘗蕃茄主題的下午茶，但Tomato週末並沒有提供下午茶餐，我倆唯有散點正餐吧。聽聞檸檬蜜糖脆脆豬是推介小食，當然要首先品嘗。像是剛烘好便拿出來的脆脆豬，特別脆身香口，檸檬蜜糖很快從包面滲入包身，酸酸甜甜，算是惹味，但我個人比較喜歡甜味。主菜當然少不了蕃茄湯粉，我點的是鬆軟豬排配麻辣牛丸湯縲絲粉，橙紅色的蕃茄湯底尚算濃郁，鬆軟豬排如其名是鬆軟，但肉質較肥及有點韌，像是鬆肉粉搶去豬肉本身的鮮味。麻辣牛丸卻並非如其名般麻辣，只是微辣而已。鮮橙汁，沒有加冰，仍然略甜。

這間之前食過好味仲可以較辣度，今日經過見到就同朋友一起去試下…原來佢有樓上，而我地坐樓下比較迫左點，之後打開餐牌…餐牌大張蕃茄相已十分討好，增加食慾，而今次朋友叫左雞扒雞大辣和我雞翼小辣加一個小食和飲品。每人$64蚊都飽同蕃茄味濃濃咁係口腔度離開…番茄旦$42：旦煮得滑都吾老，蕃茄小辣剛好好有蕃茄味，大辣就慢慢滲出黎野就更野味，飯就吸湯太快，所以螺絲粉係絕配。牛丸$32：牛丸切入都入味番茄辣味，有5粒，價錢不叫大分平宜，但幸好味道不錯。

下午5點與推著嬰兒車的妹妹和BB去試試健康的番茄*露天有放兩枱休閒式感覺。我們怕BB凍揀了室內，員工一見到我們步入已立即移動坐枱讓我們方便擺放嬰兒車，亦細心提點枱角會弄傷小孩，還跟小孩一兩句交流（點到即止）。亦像高級餐廳介紹（今天推介食品），問他有什麼招牌菜（細心推介 斯文有禮），他從我們口中聽到不是正餐時他亦不贊成再加點（我會再回來），結果兩人食到剛剛好飽著走。1：肉醬意粉（味道不過不失 份量滿足）加多芝士更"正"2：番茄濃湯（料多，味道當然沒有家庭式的清）3：炸大蘑菇配黑松露沙律醬（推介菜式）有驚喜，炸粉薄，蘑菇不乾，調味特別，唔油膩，點少少黑松露沙律醬，完美！ 4：凍0茶（正常）特別嘉許員工 四眼哥哥的服務和態度 他說：將心比己者（一句 贏晒） 餐廳大經營或小規模 或所有服務性行業能體會這點 世界有多美好呢～