瘋狂小面 (佳德商業大廈)

营业中

休息中

今次黎食中環嘅名物瘋狂小麵🍜鐘意食辣嘅朋友千祈唔好錯過！我同朋友都點左套餐 一次過食埋甜品.🌟涼拌木耳/泡椒鳳爪首先食個小食前菜涼拌木耳辣味十足 口感爽脆🌶️而泡椒鳳爪都好易食 非常開胃.🌟瘋狂牛肉面麵類可以揀唔同辣度同麻度我點左小麻小辣 對我鐘意食辣但又唔食得好辣嘅人黎講啱啱好！🤤麵嘅口感好好又掛湯 而且牛肉亦都好軟腍🍜.🌟瘋狂大排面朋友個碗就改左個餸做排骨 一樣好入味最好就係肉唔痴骨 好易食到🍖好欣賞佢個湯底 味道濃郁 係經典四川風味.🌟成都老冰粉/紅棗銀耳湯食完重口味嘅麵都想食下甜品潤一潤冰粉係四川嘅特色甜品🥣口感好似啫喱 配料仲有酒糟、花生、提子乾等等至於紅棗銀耳湯有大大粒紅棗 非常滋潤.🌟烏梅汁/熱檸茶飲品方面烏梅汁同熱檸茶都好解膩☕️.店鋪係樓上鋪 但係好易搵 行一層樓梯或者搭搭𨋢就到木系裝修好有中華特色🐲

做完一日嘢放工之後已經好餓 同事就推介左係公司附近嘅瘋狂小面餐廳環境充滿中國風menu提供左唔同嘅配搭 任君選擇 我地唔係太肚餓 所以兩個都係叫左個A+B餐 都只係係$87已經包埋飲品 尤其係中環黎講 性價比好高！餐廳好貼心地除左提供左充滿四川特色嘅辣麵 仲有唔辣嘅選擇 我叫左番茄牛肉麵加煎蛋牛肉分量唔少 口感好軟腍 用新鮮番茄煮成嘅湯底味道鮮甜配埋燶邊煎蛋食落又香口又脆卜卜瘋狂豌雜麵 干撈麵味道濃郁 十分惹味 岩曬鍾意重口味嘅人 加左$15要牛肉 肉質厚身 值得一試

二訪呢間小麵館喺中環呢個黃金地段開左好耐，地點都算就腳上次食既重慶豌雜面，豆泥煮得夠化，和肉臊子拌起黎好掛麵，超好食，應該比較少人食過豌雜麵，喜歡拌麵既不容錯過我呢次食既牛肉麵都好食牛肉有五舊，好酥軟，湯底係滷香味加辣味我還喜歡佢地既麵條，細麵但有咬口，好食的佢套餐可以有三種唔同組合，最豐富的abcd套餐，可以選一碗麵，一樣小食+飲品+甜品今次就order左雞腳同青瓜甜品黎碗冰粉，好好咁解辣所有野都喺水準線上，突然想吃重慶小面或者豌雜面的話，推薦呢間

好唔起眼的樓上店中午約左個中環番工既外國朋友佢介紹呢間上到去都幾大間價錢算唔錯 特別係中環By request可以叫店員拎English menu啲面口感幾唔錯下次可再encore

#香港美食 瘋狂小面隱藏喺最繁華嘅中環區😂其實只係距離天橋位兩步路，但係唔行過嚟真係唔知有間一樓小店瘋狂大排面真係要讚一讚！湯底香濃，麻味好夠，搭配炆煮幾唸嘅肉簡直完美。個紅湯都算幾辣，第一次去嘅人最好揀辣揀得保守啲。既開胃又唔會過火，真係好正！配菜加錢揀左個棒棒雞，其實應該係口水雞，仲有啲花生碎，都幾過癮。第2個set叫咗酸辣粉，係真係幾好食，麻辣味道令整碗面更加立體，唔會覺得單調。甜品試埋清甜嘅紅棗銀耳湯，完美收尾。食重口味酸辣嘢又要有啲質素，可以揀呢間，無論係味道定係份量都非常滿意。瘋狂小麵果然夠瘋狂😂👏🏻

今晚屋企冇煮飯，好想食酸辣粉，所以放工同阿妹嚟咗呢度食我哋都好想食酸辣粉，所以都叫咗呢款麵，只係我妹比較食得辣，所以佢揀咗小辣，而我就係BB辣。BB辣對我嚟講啱啱好，好適合我，有啲辣舊嘢味，但係又唔會太辣。我妹就覺得自己可以再上多級辣度添😆😆配料方面：我就揀咗牛肉。上碟嘅時候係用牛腱，今次嘅牛腱係切成一嚿嚿，所以食嘅時候就啖啖肉。初初上菜嘅時候，我仲以為係豬軟骨添😆😆😆阿妹就揀咗豬大腸，同埋酸菜做餸。佢話豬大腸好新鮮，完全冇豬蘇味。酸菜切到好幼細，所以每啖薯粉都可以食到酸菜 。配菜我哋揀咗手拍蒜泥青瓜，同埋鐘水餃（小） 。鐘水餃有驚喜，味道同紅油抄手有分別。賣相似紅油抄手，但食嘅時候係有種甜辣嘅味道，所以整體唔算好辣，餃皮仲好煙靭添！呢度地方都算大，座位闊落，仲有卡位添。中環區多上班族，所以店員都好貼心，會提供即棄圍裙俾我哋享用容易彈汁嘅惹味辣粉😆😆，咁就唔怕啲紅油湯汁彈到件靚衫啦！

無意在樓下看到他們的招牌，試了他們的小食及麵，店裏面的麵10分推介，吃了撈麵以及湯麵，兩個都一級棒！唯一不好處，便是他們的店舖並不容易找，上了樓梯之後記得要搭𨋢啊，因為一開始諗住一樓就行上去，點知上到去嘅時候個樣望落去喺後門好奇怪 。個人喜好他的湯麵很好味，朋友就喜歡吃他的撈麵 。面質非常之彈牙，辣味可以自己選擇，個人選擇了小辣，不會太辣很適合喜歡吃辣，但是又不想吃太辣的人。後來吃完才知道，原來他們的麵很有名，而且得過很多獎項。並且是在成都成為成麵10麵 。10分推薦要來吃！

瘋狂擔擔麵 加大排+$21擔擔麵選用新鮮水麵非油炸，十分健康水麵麵質滑漏唔會過淋帶筋性同瘦多肥少既肉碎拌勻惹味可口青瓜、花生、油菜既搭配令成件事更加清新大排燘得入味肉質軟淋不失咬口啖啖肉食肉獸必試蕃茄牛肉麵牛肉選用牛展牛味突出蕃茄湯底味道濃郁酸甜適中水麵掛湯力不俗每一啖都品嚐到蕃茄湯底既味道食唔到辣既話推薦蕃茄牛肉麵成都老冰粉透明既冰粉呈啫喱狀帶少少彈牙既咀嚼感淋上黑糖入口清涼香甜配料有花生、提子乾、酒糟、芝麻、山楂等口感十分豐富食埋哩個甜品為一餐飯畫上完美句號烏梅汁酸中帶甜開胃解膩解辣一流羅漢果冬瓜茶味道甜甜地飲得出係羅漢果本身既甜味潤喉清熱

瘋狂擔擔麵套餐 ($118)呢碗撈麵揀咗BB辣、BB麻，撈麵嘅口感非常好，加咗牛舌作配料，味道更加豐富。牛舌煮得剛好，軟嫩多汁，配合擔擔麵嘅香辣醬汁，簡直係絕配👍🏻再加埋一杯凍檸茶，清新解膩，非常合適。最後甜品方面，叫咗紅棗銀耳湯清甜滋潤，劃上完美句號🥰瘋狂肥腸麵套餐 ($115)呢碗湯麵同樣係BB辣、BB麻，湯底濃郁，肥腸煮得剛好，口感滑膩，再搭配杯凍檸茶～另外仲加咗個小食泡椒鳳爪，酸辣味道一流，令人一口接一口。最後嘅點品叫咗成都老冰粉作為甜品，清涼滑口，帶有一絲香甜，係一個理想嘅結尾🥰總結來講，呢兩個套餐無論係味道定係價錢，都非常值得一試！如果你鍾意食辣，唔好錯過呢兩款！

瘋狂牛肉麵呢間餐廳，睇落似係普通小店，但食過你就知佢真係有心思。每日自家製作嘅水麵，新鮮彈牙，帶住淡淡嘅麥香，配埋兩款各具特色嘅牛肉麵，絕對令人回味無窮。首先介紹下瘋狂牛肉麵，呢碗麵用美國牛腱子，先紅燒再燉兩個鐘，每件牛肉軟腍入味，麻辣湯底夠香夠辣但唔會嗆，辣得過癮卻唔會遮蓋其他食材嘅味道。每一口麵都吸飽湯汁，麵條滑溜彈牙，配埋啖啖濃郁嘅牛肉，真係辣味十足但好滿足唔食辣既就一定要試下蕃茄牛肉麵。湯底用新鮮蕃茄慢煮，帶出自然嘅酸甜，再加入豬骨湯底，整體味道酸香開胃。牛肉嫩滑，配上濃郁嘅蕃茄湯，令人一食就愛上。小食我最愛嘅係佢哋嘅泡椒鳳爪。呢個鳳爪真係超級香辣，辣得過癮，咬落去啖啖彈牙，酸辣味十足，食完真係欲罷不能。食完鳳爪後，我通常會嚟碗冰粉解辣，羅漢果茶都係必叫，唔會太甜，飲完令人覺得好解膩又清新。成個套餐辣中帶清，刺激又舒緩，真係食得過癮又滿足，非常推薦畀所有鍾意重口味或者蕃茄湯嘅朋友試下！

男朋友話想試川菜，我唯有捨命陪君子，去左中環嘅瘋狂小麵。去到發現有驚喜，原來川菜都唔一定係辣嘅，都好多元化，有酸菜湯，亦有蕃茄湯⭐️瘋狂肥腸麵套餐男朋友話就我，揀左白湯，另外加左酸菜，肥腸清理得好乾淨，入面嘅脂肪都冇埋，正！⭐️羅漢果冬瓜茶有羅漢果嘅甘甜，配埋冬瓜茶，幾好嘅配搭，好飲！⭐️蒜泥青瓜本身清淡嘅青瓜，同蒜泥加埋一齊，簡直係絕配，好食！⭐️酸菜豬肚麵套餐豬肚唔會好un，個湯底好香，仲加左隻卤蛋，食到有d香料味，好鐘意佢嘅麵質，有種食日本拉麵嘅感覺，食得慢嘅我，食到最後，個麵都唔會漲曬😍⭐️烏梅汁正！真材實料，好夠味，好好飲😋⭐️涼拌木耳落單紙有兩隻辣椒，我勉強食到幾舊，留返比男朋友，佢話好啱食⭐️成都老冰粉白涼粉個面有山楂粒、提子乾、米粒、花生、芝麻，配埋一齊甜甜地，好清爽，又可以令口腔清新一下，入口又有唔同口感，好食！

中環食野好貴就知，呢間$100樓下有大大碗面同飲品，晚市嚟講都唔錯瘋狂牛肉麵（小辣）呢碗瘋狂牛肉麵，小辣㗎，食落去就係一陣濃烈嘅牛肉香氣，啲牛腱子肉切得啱啱好，軟綿綿唔會太糊口感啱啱好。紅燒嘅調味令牛肉更加鮮味，啖喺口入面香氣四溢，完全唔油膩。湯底係呢碗麵嘅靈魂，最好食係個麵，煙煙韌韌，有口感，同埋好掛湯，夠晒味瘋狂大排面（BB辣）大排食落似豬軟骨，好入味，唔難，豬肉味香。加埋啲辣味調味，好好食🤤仲有蒜香青瓜同冰酸梅汁

今日行完中環諗住去食個飯，先整返起有人推介過呢間瘋狂小面，係四川嘅過江龍，好似仲攞咗好多獎添主打唔同嘅面類，有紅湯白湯同埋乾撈，今日都試咗佢兩隻麵😝紅湯瘋狂牛肉面(加牛舌)濃郁的紅湯為基底,加入大塊的牛肉和嚼勁十足的牛舌,口感層次豐富。湯料醬香四溢,入口濃郁鮮美,配上彈牙的麵條,值得一提嘅係呢度嘅麵條係用新鮮水麵，所以口感特別好紅湯瘋狂大排面同頭先嗰碗一樣，不過叫咗大排，其實會有啲似豬軟骨，餐廳都炆得幾入味，唔單止出邊味濃，而且裏面都有味泡椒鳯爪有大量泡椒醃製，一樣非常入味，幾開胃

最近試咗中環川菜「瘋狂小麵」嘅套餐，價錢係$109，包括麵食、飲品、小食同甜品，真係物超所值👍🏻小食涼拌木耳木耳切得啱啱好，口感爽脆，每片都醃得入味。酸甜適中，令人開胃，係開場好選擇。泡椒鳳爪酸辣味道醒神，泡椒嘅香氣滲透入鳳爪，膠質豐富，入口即化，令人欲罷不能。主菜**瘋狂牛肉麵（紅湯）** 湯底紅潤，少辣加麻既選擇令味道更有層次，牛肉味濃郁且帶少許辣。麵條有蛋香，掛湯力強，口感彈牙，真係一絕。**瘋狂大排麵（白湯）** 白湯濃郁，帶有豬骨香氣。大排非常軟嫩，輕輕一咬即化，肉質鮮美，配搭白湯一流。甜品成都老冰粉結尾來一碗冰粉，冰涼透心，冰粉勁滑，薄荷味清新，糖水少甜而不膩，為整餐劃上完美句號。

一直都好中意食重慶小麵，辣辣嘚嘅川渝菜式一個人來食午餐，可惜唔可以點好多個特色面喇，不過食完都好滿足！我點咗A+B+C set,揀咗瘋狂牛肉麵 紅湯 加辣少痲 ，飲品係烏梅汁，瘋狂小吃係蒜泥青瓜。牛肉麵加辣係真係好爽啊，第一啖红汤即刻另我整個口腔都充斥晒川辣汤底嘅浓郁香味，少麻都一陣陣咁刺激住我條脷，食欲即刻就打開晒！正啊！跟住一啖面一啖牛肉片一啖紅湯，究極舒適，好爽好上癮烏梅汁可惜系常溫嘅，凍少少都可以更加解辣吖。小菜蒜泥青瓜都幾清香，好爽口，清清爽爽，都算唔錯！全部食晒下次一定要叫埋朋友一起來share，豌雜幹撈面都好吸引人啊，下次一定要食佢！