發哥粥底海鮮火鍋 (已結業)

終於開始轉涼啦，可以開始嘆下邊爐。咁多種邊爐既打法，最鍾意既當然係粥底海鮮火鍋🥳🥳。我同朋友都好鍾意食海鮮，而食完d海鮮之後，仲可以嘆埋海鮮粥。不過市面上既粥底火鍋五花八門，質素參差不齊，要揀一間好食既真係唔易！今次竟然比我搵到呢間咁高質既海鮮粥底火鍋🥳🥳🥳！！！所以一定要係度誠意推薦比大家。-呢間鋪頭朝早係冰室黎，夜晚變身成為打邊爐好去處🤩。首先一讚係侍應服務態度專業，我地一到達佢就熱情咁幫我地安排坐位，又為我地介紹食法同餐單。我地每人都叫左一個set，朋友叫左蟹套餐，我就叫左個龍蝦套餐。價錢方面，簡直係跳樓價😍，出面海鮮明明唔平，而呢度比既海鮮份量好多！！一個套餐（$288 for 龍蝦only) 已經包左前菜（青口）、冰鎮鮑魚、龍蝦、蜆、聖子皇、海蝦、魚、安格斯肥牛，再加6款火鍋配料，再加飲品任飲，仲有粥底！！d海鮮仲要又大隻，又鮮甜。龍蝦啖啖肉，聖子大大隻！平到甜到令人震驚😍 我同朋友都忍唔住一路食一路讚～～～唔係呃大家，唔信睇下相^_^ 連飲品都好用心，我地試左竹蓆茅根，佢地一渣一渣咁整好，比我地清下熱氣😍粥底就更加無野可以彈，咁多海鮮加埋，你話點樣唔甜呀。-一句講晒，性價比

今日接太太放工，搵咗一間食火鍋嘅茶餐廳，日頭係茶餐廳夜晚變火鍋店。裝修都幾得意，卡位兩個人坐得好舒服。叫咗個海鮮套餐，先上咗個青口小食，好惹味，仲有一個燉湯，然後就上咗個海鮮拼盤，好多唔同嘅海鮮，好新鮮同樣樣都有啲，龍蝦仲有膏。除咗好多海鮮，仲可以選多八樣火鍋料，好多配料可以選擇，我哋都係揀啲比較標準嘅，例如牛肉，蝦滑，墨魚滑，等等。唔係太特別，不過真係唔差。食到最後，夥計仲幫我地煮咗個海鮮粥。好飽。真係好抵食，最緊要係啲食材真係好新鮮，服務又好。

又喺觀塘工業大廈搵好嘢食 今次揀咗粥底火鍋因為香港人一年四季都鍾意食火鍋加上唔使諗食咩餸原來佢日頭係360冰室晚上先係粥底海鮮火鍋今次粥底火鍋揀龍蝦餐跟有海鮮拼盤有鮑魚，蟶子，龍蝦，牛肉 ，蝦，魚，貝類每人平均三百蚊左右幾抵食既任飲竹蔗水及汽水2個人既分量。會因應人數有唔同自選8款配料食肉獸既我當然唔少得肉啦叫左黑豚肉同豬腩片黑豚肉會偏瘦少少豬腩片則油脂比較多。但口感爽口因應每個人唔同既口味等待上菜。會有湯飲，今次係雞湯油就多左少少。但自己處理過都無咩大影響味道濃郁。開胃菜泰式青口上面配上泰式辣醬，甜甜地既好食2個人既分量其實對於2個人黎講都算好多野食肉類分量好足夠加上我地都無叫面，烏冬之類醬料方面。炸蒜一流。脆口岩晒我自行手動。最後個粥底勁濃海鮮味。不過小心要控制個火侯及水量完整結束今個粥底海鮮火鍋

朋友在觀塘附近返工，聽聞下午餐廳係360冰室，晚上就變成海鮮粥底火鍋店。店內座位以卡位為主，中間有唔少大枱，適合大伙兒一起打邊爐傾下計😆每個套餐包左前菜，飲品，燉湯，最後我地揀左龍蝦餐。店員送左燉湯，前菜同竹蔗水比我地。海鮮盆中有海蝦，龍蝦，貴妃蚌等等，仲有勁生猛嘅鮑魚，如果出面要買齊e 堆海鮮去煮都幾貴，e 家e 個價錢食到，好抵食😋餐廳提供左已切粒的南瓜，粟米及芋頭，放入入去煮。貴妃蚌好鮮甜，龍蝦煮熟左，色澤好靚同好鮮味。鮑魚煮得岩岩好，食落好彈牙😍多寶魚唔算多骨，唔會腥☺️安格斯牛肩肉食落唔肥，冇雪氣味😆套餐仲包左8樣配料，重點推介墨魚滑同蝦滑，食落真係有墨魚粒同鮮蝦係入面😍最後店員比左粥料同莞茜，菜甫我地🤓落去煮粥，私心建議唔好加太多水，大火煮粥☺️最後個粥可以食埋海鮮嘅精華，好好味☺️

平日下午經過這間餐廳係360冰室，🤭估唔到晚市搖身一變海鮮粥底爐。店面係冰室關係唔似出面火鍋店咁迫🤓卡位好多，通風好好，唔會一入去就大大陣火鍋味。店員好細心解釋每個套餐包左燉湯，前菜，我地揀左2個龍蝦餐加新鮮鮑魚。店員好快手已經送左燉湯，前菜同竹蔗水比我地。燉湯好足料，真係有雞，響鏍去燉😋飲完覺得好補😆。竹蔗水係自家制，打住邊爐飲岩岩好😍等左一陣，主角終於出場🤓海鮮盆中有龍蝦🦞，海蝦🦐，鮑魚，貴妃蚌，蟶子，沙白，大蜆同多寶魚😍鮑魚仲係活生生😋e 個價錢可以食到好抵食🤩因為出面買e d 新鮮海鮮都好貴，同埋仲要自己洗🤦🏿‍♀️我地將海鮮逐一放入粥底去煲，店員貼心地提我地要把南瓜🎃粒，芋頭及粟米先所煮溶🥰龍蝦食落好鮮甜，貴妃蚌同蟶子好彈牙，沙白同大蜆新鮮全部都開到殻☺️多寶魚都好滑唔腥😋唔會多骨😌安格斯牛肩肉🐮唔會太老，食落唔肥😌除左牛之外，我地仲叫左8樣配料，墨魚滑同蝦滑都好正😍最後店員比左粥料我地，煮落入去煲，個粥勁鮮甜😍好滿足😋

食咗觀塘工業區成業街嘅發哥粥底火鍋，一個價錢包龍蝦，仲有幾款海鮮加自選配料，汽水或竹庶水任飲。附上兩個開胃小食同燉湯，好足料，真材實料，唔係味精湯，對於我哋少飲湯水嘅人就啱晒。每位仲有冰鎮鮑魚一隻及蒜蓉泰醬焗青二隻，唔使煮即刻有得食，鮑魚又好味又諗，青口即焗熱辣辣，正上粥底後先灼海鮮，當然係喺龍蝦打頭陣，龍蝦肉質爽口，新鮮，都幾大隻，有羔而肉都唔少另外仲有海蝦，貴妃蚌，聖子，大蜆同多寶魚，聖子同蚌都好爽口，証明新鮮無誤，其他海鮮食完已經有七八成飽。其他配料有，每台指定嘅安格斯牛肩肉，肉夠諗身，有牛味食咗咁多海鮮同肉，所以自選配料就食素啲，揀左墨魚滑，自家製蝦丸，雞髀菇，自家製雲吞，鮮冬菇同兩款菜等等，都相當有水準，要食晒真係飽到上心口最後加入粥膽煮成海鮮粥，鮮味非常濃郁，自己再加入芫茜，香蔥，榨菜等，真停停唔到口，我食咗兩碗已經飽到頂唔順，投降。整體來講呢度嘅食物選料新鮮，水準唔錯，地方亦光猛闊落，招呼服務週到，人均大約三幾，值得回頭

同事話九龍灣發哥喺觀塘開左分店，於是我同老公就去試吓，日頭係茶餐廳，晚上係粥底火鍋， 6:00pm去到已經有一枱人客，雖然係茶餐廳但座位尚算寬堂，我地order左二人龍蝦餐，四百幾蚊兩個人有咁豐富嘅海鮮，仲任飲汽水或竹庶水，又有泰式青口同燉湯，再揀8碟火鍋料，真係好抵。龍蝦非常新鮮厚肉，聖子好大隻，其實所有嘅海鮮都非常新鮮，前菜嘅青口同燉湯都好好味，真材實料冇落味精，飲完之後都唔會覺得口渴。八款火鍋配料我哋揀咗炸魚皮，牛柏葉，午餐肉，肥牛等等，兩個人食到捧住個肚走。另外值得一提嘅係牆上嘅油畫，好有香港嘅特色，我很喜歡。

今日特登去觀塘搵朋友食呢間餐廳，因為佢話幾抵食 原來呢間日頭係叫360冰室，難怪裝修咁冰室feel，然後晚上就變成發哥粥底火鍋。本來我想叫雞煲火鍋套餐，但係朋友話呢度啲海鮮幾新鮮如果揀雞煲就食唔出鮮味，所以最後都揀A龍蝦餐粥底火鍋。等火鍋嘅過程侍應先上咗冰鎮鮑魚同埋蒜蓉泰醬焗青口。冰鎖鮑魚好入味味道清甜，口感幾爽口。而青口都幾好味，個人本身唔太鐘意青口果種味，但泰醬幾濃味，所以岩岩好蓋過青口陣味。每人一盅燉湯。湯有螺肉、雞腳、豬肉、龍眼等，好多料呢度啲竹蔗茅根都係任飲嘅，味道唔算好甜，係天然嘅味道，似係只有本身竹蔗嘅甜味，無點加糖，咁樣反而無乜負擔咁飲多幾杯前菜：海鮮盤D海鮮好豐富呀！ 而且都幾大！最驚喜係第一次食多寶魚，魚肉彈滑，唔鬆散好好食。貴妃蚌同蟶子皇都好鮮味，肉質爽口。龍蝦有膏的， d蝦龍好扎實又幾彈牙，好有蝦味好想食多隻。食完海鮮其實都飽左一半，之後仲可以點8款食物， 本來我以為好少，但最後係食唔晒的脆鯇魚腩好大件，而且俾我地的部位都好爽好有肉蝦滑都幾多蝦粒，但份量就唔多。食唔晒d配料，但都想試下個粥底，畢竟係海鮮的精華所在嘛！！落埋粟米南瓜芋頭、爛飯、菜圃同蔥，d粥好綿滑

呢幾個月黎，外出用餐嘅次數少左好多，就算出去，好多時都係求其隨便食填肚，難得今日放早少少，喺觀塘食埋飯先走，就回訪呢間好評甚多嘅發哥粥底火鍋。餐廳位於成業街，幾有趣嘅係日頭係茶餐廳冰室，晚市會轉做粥底、火鍋。呢度面積頗大，比起一般食粥底鍋嘅餐廳闊落，大部份都係卡位，仲有唔少大圓枱，人多人少都坐得舒服餐牌分粥底、雞煲兩款，我地一致支持粥底，粥底分龍蝦/海蟹/原隻龍蝦海蟹/羊腩煲套餐，定價$248-438(醬油茶芥$15/位)，豐儉由人。喺蟹同龍蝦之間，我地一定揀後者，食過就知正好多套餐包括涼菜2碟、燉湯1盅、蒜蓉泰醬焗青口，主食8均款海鮮、安格斯牛肩肉、自選8款火鍋配料、粥底、竹蔗水/汽水任飲。涼菜燉湯蒜蓉泰醬焗青口每位2隻，肉質肥美。8款海鮮一次過上枱，砌得幾靚仔嘅分別有主角龍蝦每位半隻、海蝦、蟶子、貴妃蚌、黃金蜆、沙白、多寶魚，而鮑魚我地係揀左即食嘅冰鎮鮑。即食嘅冰鎮鮑魚都ok嘅，有輕輕調味過。龍蝦新鮮，肉質爽彈，而且仲有膏添海蝦肉都好實淨，一去殼就知新鮮蟶子、貴妃蚌大隻，唔洗淥好耐，食落都好爽口，而且乾淨黃金蜆同沙白可以用個小篩裝住，方便撈起。貝類肉鮑滿，粒粒無沙(好彩)。至於多寶

餐廳朝早係冰室，到夜晚就會變左粥底打邊爐的菜館。今次係朋友推薦黎食海鮮粥底火鍋套餐。套餐前菜有一份青瓜同花生，青瓜辣得黎又夠爽口，開胃前菜食完真係會覺得口水都出曬黎，想快d食主菜。😂套餐會包埋每位一客時令燉湯，加人瘦肉雞腳等材料，足料且味道甘甜。係主角出場前仲有呢個青口。蒜蓉青口配上泰式辣醬，真係第一次甘食，平時都係食芝士青口，味道都特別，同埋又係好開胃，唔會好似芝士青口甘溜，食曬酸酸甜甜野做前菜，搞到勁餓，好想快d食主角！「主角」終於都出場！！！海鮮套餐我地各點左一份龍同埋一份海蟹，兩樣都想試，好在餐廳可以每人叫一份！🤩除在龍蝦同海蟹是各一份之外，兩份餐都有聖子皇、海蝦、貴妃蚌及蜆等，十分豐富。龍蝦肉質鮮甜，其他海鮮的份量較多。套餐入面仲8份火鍋配料。食曬所有海鮮膽火鍋配料後，最後加入南瓜 粟米同芋頭，等佢地煮到爛曬，d味入曬粥水之後就可以加埋粥膽，收左水之後就可以食架啦！在海鮮煮熟的時間，海鮮將鮮味留在粥底入面，到最後成個粥底好濃味。😍係屋企食飯冇可能每樣海鮮都買少少，完全做唔到呢個雜錦海鮮火鍋粥甘豐富既味道，二百令蚊的套餐性價比好高！

有冇試過約一啲人食飯問佢想食乜佢答你冇所謂你話食壽司 佢話唔食生冷嘢你話打邊爐 佢話熱氣你話食燒肉 佢話肥膩你問多次佢想食乜佢話冇所謂呀你揀啦How about 打一場唔熱氣嘅邊爐？食唔生冷嘅海鮮？其實就真係可以嘅因為你可以打粥底火鍋ga ma呢個就係一煲白過白雪仙嘅白粥喺冇落任何調味料下打到最後變咗濃香海鮮粥嘅樣留意返係冇落任何調味點解可以變到咁嘅色因為個餐真係包好多海鮮有膏嘅蟹有膏嘅龍蝦嗱 夠新鮮啦？夠唔肥膩啦？如果連汽水都想戒 除咗去汽水櫃拎嘢飲仲可以任order竹蔗水夠消暑啦？個餐仲要包燉湯夠養生夠滋補喇掛？

因之後一日要追電視戲大結局XD 所以提早一天慶祝一週年，選了這間食海鮮粥底鍋的店。餐廳並非任食類型，不過海鮮餐一定夠哂飽。餐牌自己睇。開胃清涼兩小食碟 - 花生＆青瓜，花生是醃過淋的那種，青瓜酸酸地都唔錯。燉湯 - 裏面見到姬松茸、雞肉、豬肉、螺頭、玉竹等，無味精，足哂料蒜蓉泰醬焗青口 - 青口新鮮，醬料除咗蒜仲有少少甜味，配搭得宜。主食 - 兩個人都揀咗龍蝦(每人半隻)同新鮮鮑魚。加上其他必有海鮮一併送上。雖然大部分海鮮都唔係好大隻，不過望/食落鮮度都唔錯，尤其是鮑魚好生猛！見到兩隻都仲會郁如果唔知海鮮要燙幾耐，可以問待應攞張建議食法。安格斯牛肩肉 - 送到時溶雪差少少，我地食哂海鮮先食，所以影響不大，肉味ok。其他配料:-每枱可以選8款，會按人數而增加份量。日本黑豚肉、美國肥牛、雲吞、鮮滑雞、生菜、油麥菜、蜂巢豆腐、花膠。以上都屬正常程度，肥牛都幾多，滑雞係堅滑既，菜類份量超多，最後食唔哂。飲品任飲，不過選擇唔太多，好彩有足料竹蔗茅根，唔太甜，可以清熱氣！最後，這餐廳是無限時的，我們7:30到，10:15才離開，都幾啱一大班朋友眾會瘋狂傾計。

第一次食粥底火鍋鋪頭檯櫈好似普通茶餐廳但大就大到好似food court咁咩都未嗌已經有兩碟送嘅青瓜少少辣 非常開胃個辣有啲啲似譚仔嘅尖椒皮蛋加埋青瓜就一啖辣一啖清甜嗌咗一個龍蝦餐 一個海蟹餐餐飲係送嘅 除咗可以去雪櫃任揀仲可以揀竹蔗水雪櫃多唔多款汽水我就唔知因為竹蔗水已經好好飲我encore咗唔只係咁 佢仲包埋兩個燉湯粥+竹蔗+燉湯從來唔知打邊爐都可以打得咁養生每檯都有八款火鍋料揀雖然唔係任食但佢係任坐我同細佬兩個都大食已為唔會夠但最尾都食唔哂要打包擺唔哂所有相 但就算係普通食物質素都幾好唻到主角喇豐富得有啲誇張本身我都疑惑白粥底打邊爐咪好淡尤其碌豬紅呢類靠吸湯底味嘅食物但居然居然佢係可以靠海鮮令煲粥鮮味再令到豬紅入味順帶一提老細仲會親手serve每一檯教我地食到幾時加粥同南瓜芋頭菜莆落去老細見到我有支胡椒粉喺檯面仲好有信心咁叫我唔洗用因為佢啲料夠鮮的確其實我攞咗返唻之後真係派唔上用場嗱 精華所在👍🏿👍🏿👍🏿👍🏿👍🏿

放工特登同班同事揸車入嚟食，如果唔係有車其實都幾難識得嚟呢度。一坐低大家都揀龍蝦套餐，簡完主食可以最多簡8款火鍋配料，但由於我哋都有8個人，所以都幾驚唔夠食😂😂一開始職員放低咗個粥底火鍋先之後就有湯飲再跟住就係前菜，有鮑魚同青口架食晒呢啲主食之後，就開始上海鮮海鮮都算新鮮同多，啖啖肉仲有我哋最愛嘅響鈴今餐真係食到好飽，唯一美中不足係餐廳有啲嘈，搞到傾計唔算好方便。

之前係九龍灣食過發哥，覺得性價比幾高，今次再接再厲！這店好處是夠「鮮」，不怕食壞肚，而且份量剛剛好，服務亦周到。調味料好齊全呀！有我最愛既芫茜同炸蒜！粥底火鍋當然係用粥水做湯底，店員教落唔好用太大火，這樣粥水不會滾出來，而且粥才好吃！一開始清清的粥：海鮮盤非常足料，有龍蝦、海蟹、蜆、多寶魚、蝦、蟶子、鮑魚。本人原本不太鍾意食魚，但多寶魚煮原來好滑，好好味。鮑魚更為鮮甜，未煮前好有生氣，郁郁下，吸住旁邊的蜆，好有趣。所有點選的配料好快就到齊，可以俾我慢慢影相！我覺得自家牛丸好特別，他不是彈牙那種，而是軟綿綿的，嫩滑牛味濃郁，好食呀！而這裡有油炸鬼，係粥底火鍋的絕配！全晚非常重要的一環就係粥啦！店員怕我們會燙傷，所以幫我們將粥膽放入粥水內。另外還配上芫茜、蔥粒同蘿蔔乾！真的好鮮甜哦，如果多幾個人份量鮮味會更特出。另外直得一題是這餐包了個好好味既燉湯，好滿足哦！