白木屋居樂屋 (已結業)

上年FATHER'S DAY,同家人去白木屋食飯,人山人海,等了1個鐘先有位!ok fine..一坐低唔夠3分鐘就即時點菜,過了25分鐘,對面比我地遲落單既人都有野食喇,咁追單啦,個waiter話ok就快黎..15分鐘後都仲未黎!!咁再催佢啦,個waiter又淨係話就到!ok..再10分鐘後,終於有條友行埋黎話係漏單!好離譜!問佢又話得得得,最終都係漏單!完全係不知所謂!!!

21.4.2006與男友約了另一位朋友傾野,選這裏只因不用等位. 食物款式選擇比和民多,看餐牌也花了一點時間,結果點了:壽司拼盤: 魚生細件又無味,仲差過吉之島買的壽司,不提也罷櫻花蝦壽司:唔好食蟹粥: 連爐上,粥好杰,打埋隻強落去直頭像糊仔一樣,蟹味唔多覺,好淡,又係唔好食串燒拼盤:有雞肉,雞軟骨,雞翼,帶子,海螺. 呢個ok,海螺好食過和民炸蠔: 蠔本身炸得幾好,整得好過魚一丁,但個他他汁唔掂,無乜味道蟹肉帶子pizzaizza薄過張紙,唔知點形容,總之唔似食緊pizza. 蟹肉充其量只係肉碎,仲似係罐頭那種. 唔掂.因為仲有野要傾,但一食完侍應即走來清理枱面兼問食物到齊未,於是和男友各要了一個甜品,朋友則要了一杯飲品. 甜品聲稱以本田園雪糕製作,但雪到硬過石頭,成口碎冰,dairyfarm還要好吃,不知是雪糕還是雪櫃問題. 朋友說那杯果汁特飲太甜,看來飲品也不見得好.侍應不足,不會自動添茶,亦不夠醒目. 無論食物同服務都有好大的改善空間

Lunch~但並非食buffet~ 點了:什麼豆腐意粉,見是新食物,便試試,味道可以,但完全冇"送"可言~不加小食就不行了~其中1位友人食石頭飯,聽他說不錯~(如果連石頭飯都差的話可以說再見=.=)小食方面,有個串燒拼盤的東東,但個人認為5種內面只有帶子,向螺及雞肉ok~其他2種不太行呢~而那個牛油帶子非常好味~!!!有8隻的~~~推薦\o/!雖然waiter同waitress們的service都ok~但美中不足有1條友串串貢,講真,真係想打佢~好記得佢叫"TEA"~~~

$48的lunch buffet,價錢與食物質素成正比,其實都唔算太差啦,勝在夠多款式,啱曬D多心者.可能buffet都實行了好一段時間,見lunch hour都唔多人,坐唔滿的.不過唸住來食壽司的人就不要在午市來,因為係無魚生壽司的,有的只係加洲卷及紫菜卷二種.要食魚生的話就晚市來啦,因為晚市的質素好好多.

之前睇報紙介紹佢個lunch buffet，咁岩有朋友都想試就一齊去喇。環境幾靚，比人感覺舒服。我試左佢既炸三文魚、壽司、吉列豬扒、魚生飯、雲吞、炒飯、照燒雞扒、炸薯仔、蘋果批同埋廣島薄餅。最鐘意炸薯仔，好香口食落去有d似薯條，但冇薯條咁油膩。炸三文魚食落去幾得意，因為平時只係食開三文魚刺身，不過塊皮好肥。蘋果批係凍食，個批皮好好味但蘋果有點過甜。魚生飯同壽司就麻麻，一碗魚生飯得幾粒魚生。吉列豬扒就冇特別，同平時食開既差唔多。廣島薄餅食落去同八爪魚丸出面層皮一樣味，就咁一件食都幾得意。野飲方面有檸檬汁同無糖綠茶。檸檬汁酸酸甜甜幾好飲，無糖綠茶最好響食完炸物後飲，好似冇咁熱氣。侍應的服務態度幾好，會主動幫你收碟。總括而言幾好，會再去。

男朋友的朋友看見雜誌介紹~UM..仲要四十幾蚊~喜歡自助餐\的我~當然要去試下啦~一去到~見咁多..心諗應該唔錯掛~等左一陣~就有位啦~D野食...麻麻囉~仲要同人搭\"木台\"添~我最唔中意呀~服務又麻麻WOR~見佢\黎執一執D野..好似叫佢\去死咁WOR~雖然平姐..比返少少服務黎好WOR~D野食又無乜~簡直想搵樣岩食既都無呀~壽司得個一兩種~仲要係手卷黎添~我同男朋友都係食左少少野咋~超級唔抵

在日本讀書時,第一次幫襯居酒屋就是白木屋所以之後去日本旅行一定要去白木屋食番餐懷緬一下食物方面雞軟骨-本人去居酒屋必食,覺得香港店比日本店的份量少吞拿魚飯-ok,都足料串燒拼盤—燒雞軟骨最好食,燒得比和民好炸軟殼蟹壽司-軟殼蟹新鮮炸起,好脆,不過紫菜上(木台)已”林”帶子長腳蟹pizza-無特別,唔覺有海鮮味泡菜豬肉鍋-幾多料,但主角之一的泡菜好少甜品(木田園雪糕)南瓜-最好味柚子-普通,有柚子味,但無柚子酸酸的味道,假假地豆腐-最差,硬到朋友”筆”唔到,要慢慢削,有豆腐味服務當我地第一round落單時,說食品的全名侍應姐姐竟然話:”可唔可以講號碼(食物編號)俾我聽?”我地就講號碼俾佢聽第二round落單時,說號碼給剛才落單的姐姐仔聽完號碼,佢好快覆述號碼代表的食物名稱我地就覺得既然記得名稱及號碼,無理一定要我地落單講號碼!!落單時,又無跟日本店一樣,把身蹲低一些(雖然蹲唔蹲與有無禮貌無關)當晚唔係咁多客,但加茶要叫幾次才有人理服務麻麻

I just taste the Jumbo Tofu dumpling, it’s like a pudding, but I don't know why it serve with a salty source, 100% not match, if it serve with a mango juice or chocolate liquid (sweet source), it will be more better.

之前有朋友forward過apm呢間星期一至五中午$48蚊lunch buffet畀我，覺得都ok，所以搵埋daddy媽咪去試。其實48蚊，都冇咩期望架喇...唔難食，飽得肚已經ok...都算ok多野食有蛋花湯、海帶湯、意粉、魚生飯、烏冬、麵、天婦羅（冇蝦）、sushi、烤雞肉、炸唔知咩魚（好多骨）、綠茶、芝士焗茄子、咖哩牛肉、沙律，仲有好幾味唔係好記得０既熟食...d蘿蔔天婦羅好多蝦殼（不過就係冇蝦），d飯呢，一碗先得3.4粒魚生，不過睇個價錢... 將就下都ok0既...服務就...真係麻麻喇，不過48蚊又想服務有幾好丫...都係果句...將就下囉！

同同事去左apm 度諗住食日本野, 點知元氣好多人排隊, 和花亭就更無得好講啦! 於是就上左六樓到食白木屋, 我地等左一陣就有位啦!個度d 環境及裝修都幾好, 至於食物方面, 就不過不失啦! 我地叫左個魚生拼盤, 竹筒辣雞肉, 炸枝豆, 蟹肉沙津sushi, 日式薄餅等。魚生拼盤- 都幾新鮮竹筒辣雞肉- 唔覺得辣, 只不過局部地區性辣, 不過裝係竹筒就幾特別炸枝豆- 呢個幾好味, 值得推介呢蟹肉沙津sushi - menu 張相係好吸引架, 但當碟菜上到黎, 我地仲以為佢上錯左蟹柳沙津sushi, 咁我地就問個waiter 啦, 問點解個賣相相差咁遠, 佢就話係menu 度係靚d 架>.< , 但真係完全兩回事呢!日式薄餅- 無乜特別

年初三和朋友去apm食飯, 間間食店都好多人, 行下行下上到戲院o個層, 見到呢間居食屋, d野食都好似幾ok, 就決定食呢間. 等左20分鐘就有位, 不過係坐吧台, 大時大節由佢啦. 我地叫左5款食物+2杯飲品1) 麻醬雞絲沙律: 個麻醬幾好食, 雞絲份量都好多2) 三文魚壽司+ 飛魚子壽司: 三文魚都新鮮, d 飛魚子好有口感3) 招牌豬骨湯拉麵: 普普通通4) 燒軟牛肉: 俾個爐仔你自己燒, d牛肉都腌得好入味, 好食5) 竹筒免治雞肉: 用個竹筒裝住免治雞肉, 要刮出黎食, 幾得意朋友覺得食物方面比和民好, 不過service呢就不敢恭維, 叫寫野足足叫左15分鐘, d waiters 唔係掂行掂過就係叫你等等, 跟住就一去冇回頭; d 食物好耐唔黎, 想叫waiters幫手睇下, 揮足5分鐘手都冇人理, 到埋單又係咁情況, 真係火都o黎...... .\/.

$48一位任食免加一, 講真, 真係已經好ok!0野食款式唔多, 不過味道唔錯, 而且環境都幾好呀!係一個不錯o既choice!

本來諗住食赤丸, 不過排晒長龍...所以上黎食囉.. 反正都係日本野點左個魚生沙律, 份量略少...燒餅熱辣辣, 新鮮好食:-D魚生飯都算幾好食啦, 如果魚生可以多少少就好啦整體上都唔錯, 加上唔駛等位, 會再黎食既

今日同左amp行街, 大概一點鐘左右糯米決定黎試下, $48一位任食免加一.一點鐘飛, 點半有位… 睇個價錢都知道0野食款式唔方特別…1. 蒸蛋燒2. 秋刀魚3. 串燒雞4. 日式白蘿蔔, 紅蘿蔔5. 炒飯6. 炒意大粉7. 壽司飯-->好少魚生8. 凍豆腐--> 全場最好味9. 2款湯10. 好多沙拉以免4８黎講．．．算係咁

最近有promotion 好平, 所以去試試.我覺得唔錯呀, 裝修ok, 食品ok, 服務都ok.只是要上六樓咁解, 麻煩d. 但各方面都好過和民.