百樂門囍宴

营业中

休息中

呢間嘢食唔差，但係服務態度唔好，上次加單等咗半個鐘都冇嘢食上嚟，叫人過嚟幫我加返咪算，但係啲員工望到都唔行過黎。今日再去食，碗入面直程有昆蟲，我諗我唔會再想去食。

點了兩款菜外賣，付款後竟然不提供支付寶付款收據，要求店方提供，還拒絕提供，說沒有，根本冇可能的事情，不知道有沒有其他不正當的舉動。最後只提供外賣單，沒有一張正式收據提供顯示，支付了的收費，收銀服務態度還要很差，可看圖內的外賣單，只提供這張單，真的完全不明白一間咁大型集團嘅餐廳，竟然會有這事情發生，付了錢，給收據係非常正常的，亦都合理的，不知道餐廳高層知不知這樣的事情！！！真係好少遇到大餐廳會這樣，感覺非常不合理。

百樂門是一間做街坊生意為主的酒樓.中式酒樓在復活節沒有出特別優惠. 套餐組合有好幾款可以選擇. 自己就點了兩組, 三菜式再加兩菜式的,共五道菜食品用料足夠大碟, 五個大人吃五道菜不用加白飯!味道尚可, 不太咸也算不太油, 食得健康適合一家大細.

事源就係我打電話去咗訂片皮鴨 佢中途係冇人打過電話畀我 係到咗先同我講燒窿咗冇了 我就唔信佢係到咗先窿 同埋見到佢系仲有整緊片皮鴨嘅 都唔算少 覺得相比之前差左好多 單純呻下

百樂門囍宴位於將軍澳調景嶺彩明商場，有蓋天橋可直達，環境清優，位置尚可，交通方便，不失為一家吃飯和飲中茶的好地方。食品賣相很好，味道不錯，價廉物美，廚房出品味美，服務質素都幾好，好過其它酒樓，點心款式也多，價格相宜大衆化，地方也寬濶，食物水平及服務都不錯，收费亦合理。總結：屋苑酒樓，服務和食物質素不過不失，侍應服務殷勤，地方整齊。

以前常來晚飯覺得經理文強有招呼，出品可以，所以常來，生意好喜來，變面，今天隔離枱剛走，收枱鋪枱布，70年代仙女仙花，所有枱布 毛毛給了我，我還進餐，文強經理無反應當無事發生，炸生蠔無脆醬，不脆，油淋淋，涼爪班腩太過凍鮮，死實實，凉瓜可以，炸乳鴿味可以但不脆，無招乎，無客情，熟客有招乎，出品有改善空間

彩明百樂門是一家氣氛舒適的茶樓,適合一大群人聚餐。我和同事在這裡吃了一頓豐富的午餐,菜式種類繁多,味道都很正宗和美味。首先上桌的是燒鵝,外脆皮酥,肉質嫩滑,鵝油香氣撲鼻,一人一小塊已經很滿足。冬瓜盅捲入薑絲和蝦肉,冬瓜爽脆爽口,蝦肉彈牙新鮮,這道菜清爽開胃,很合乎天氣。小籠包是主打點心之一,皮薄餡足,上桌馬上就被同事們一擁而上,一口咬下,湯汁流豐,滋味美味。其他各種點心也都你喜歡我意,薑母鴨絲蓉餅,豉椒魚片韭菜餃子,芝麻酥雞翅......選擇太多了!飯後甜品當然少不了,桂花糕香濃口感Q彈爽滑,配上豆沙包香味四溢,是最完美的結尾。整體而言,百樂門的環境舒適,菜式豐富正宗,價錢合理。適合一大群朋友或同事聚餐,選擇多到令人眼花撩亂,但質素都保證,是個值得推薦的地方。要吃點心或正宗廣東菜,百樂門必定不會讓你失望!

呢間酒樓開左好耐，係唔少街坊嘅飯堂，更加系大家族大時大節嘅指定做節飯局！咁多年來都保持到水準。雖然未去到酒店級水準，但勝在夠獲氣，有人情味！而且性價比幾好，叫對得住個價錢！今晚當係提早食做冬飯，雖則話呢間鋪系做雑，不過佢嘅素菜都做得幾出色！食過幾次都覺得唔錯，食材多新鮮。普寧豆腐系我地每次必點的食物。完全做到外脆內軟，豆腐又夠滑，佢嘅配汁真係好出色，令到成豆腐升級左。我哋仲點左個炒時菜，不過唔記得影相，個菜都好獲氣，雖然有小小油！南乳粗齋都係指定動作，材料足，又新鮮，呢間酒樓嘅菇，真係幾新鮮，送飯一流！最後每次食完飯，都會送糖水。真係食到好滿足！

等下午茶時間，2點前能入座，街坊生意，坐位不逼夾，食物質素尚可，可能因為下午茶時段，食物新鮮，出煙，值得欣賞。有早茶，中午，下午茶時段，可供選擇。煎堆仔好食，蘿蔔絲酥卷返炸，其他點心不過不失，有點心拼盤，炒粉麵也不錯，碟頭大，不失禮，味道也不錯。偶爾會推介特色小食， 熱騰騰的韭菜豬紅，也不錯。服務員：上菜快，要求辣椒醬也傳送得快，加水也沒有抬慢，值得欣賞。大堂地方：整潔舒服，但冷氣好像弱弱的，有點熱。

趁今日天氣好，落街飲番個早茶先！今日去咗樓下間百樂門飲茶，佢嘅點心喺11:30之前都有特價！食咗先講！一開始梗係搶食咗個$11嘅鳳爪排骨飯，雖然呢個價錢嘅排骨飯係細細盅，但係都幾好味！之後仲食咗個鮮蝦靚燒賣、超級適合打卡嘅大煎堆、南乳豬手、煎茄子，價錢唔貴，仲樣樣都好好食！ CP值很高！好快又會再來！

調景嶺酒樓真係唔多酒樓，今日由地鐵站行遠少少去到彩明商場試下呢間首先係藥膳雞腳，雖然色水淡茂茂唔多吸引，但食落藥材味都幾突出，又唔會重味精味，雞腳亦忟得林，值得推薦另一個係鮮蝦腐皮卷，見到腐皮色水偏深，似翻炸，所以入面嘅餡料唔會好熱，亦都有啲油，不推薦奶黃流沙包，小心翼翼咬第一口，點知完全唔流沙，不過奶黃餡有鹹蛋黃嘅咸香，都算幾好食最後呢個係灌湯餃，十分不推薦，食到一半已經放棄，皮厚，入面大部分係肉碎同仿翅，一切開肉碎嘅油令到成個湯變到好油好油，唔掂

孝子賢孫嘅聚腳地 拜完山後，一如既往同親友一齊行落山去飲茶！厘間係新開嘅酒樓，所以即管一試。地方不算好大，疫情關係，坐得幾闊落。由於清明節，好旺場，全場爆滿，樓面侍應唔多，招呼欠奉，但見佢哋都好忙並唔係偷懶可以諒解！ 點心都係啲大路款式， 腸粉， 蒸包， 粥粉麵飯亦有啲下午茶套餐。蝦餃餡料多，大粒可惜皮厚咗少少，而且啲蝦一啲鮮味都無又細隻，真係一般。奶皇包脹卜卜肥肥白白，包嘅質地軟淋淋，不過包並唔係流心奶皇餡。蘿蔔絲酥卷脆口又多蘿蔔絲，味道唔錯，即使過咗一段時間仍然脆口。燒賣皇材料多，每粒都有蝦，賣相吸引，內餡有冬菇粒，同埋肉粒，好吃。蠔皇鮮竹卷好多汁，味濃，好食。金錢肚分量好多，非常入味，很夠火候。乾炒牛河炒得好有鑊氣，加入牛肉同蔥，幾香。河粉份量多，河粉唔算太油膩，好味。一年一次嘅聚餐，除咗味道還帶著一份思念！

其中一個員工態度不佳、差差差！！！屋企人點心紙俾錯一張。我調轉一下、前後耽誤唔到1分鐘！應該30秒都唔使、個同事就語氣好差、話你地搞掂再叫人然後急急腳就走左。整個場最多都係7成滿啫，停留1分鐘都唔得？🤷‍♀️30秒耽誤左她寶貴時間？（戴口罩認唔到人🤦‍♀️太急冇睇到名牌） 送餐姐姐就好好人。都見到呢個情況。食物方面都算幾好，不過都唔再有下次啦。周街都有酒樓，年幾冇飲茶，一來就遇到呢啲態度差。無奈。

疫情過後，同朋友幫襯左兩次都覺得唔錯，今日仲要冇咩位（午市），上次去都好似聽d人講換左d人，感覺服務都唔錯啊，問矩地拎午市點餐紙態度都唔錯，今日點左南瓜^空心^煎堆，菜心蝦腸，燒賣，粟米魚餅，蘿蔔糕，全部勁好食（除左蘿蔔糕），真心推介一定係腸粉，好滑好滑！空心煎堆脆得利煙韌，空心真係好味好多，燒賣影相得三粒 因為太餓食左一粒先，好新鮮，蒸得岩岩好，肉既比例唔油膩，爽口 彈牙兩個人賣單 唔洗$140 都係收現金同8達通 過二百就可以碌卡 （匯豐係正格離）抵食既，下次會再去食 ！😋😋

一家人外出食團年飯，一定要預早book 位，仲要落定金先得，不過食物就set 好圍餐，無得揀，不過無辦法，唔想煮又唔想行得遠，就叫左個團圓全包宴($3188+150由上湯龍蝦轉為芝士)1. 芝士珍菌焗龍蝦伊麵(3隻)，份量足夠，芝士同伊麵亦多，超級飽肚2. 鴻運吉祥乳豬全體，皮脆肉滑，上枱時仲暖暖地。3. 黑松露翡翠鳳凰蚌片，黑松露雖然唔算多，但聞落好香。4. 脆皮黃金海鮮卷，無特別的菜式。5. 紅燒雞絲生翅，翅同雞絲唔太多，少少失色。6. 發財好市大利，發菜略嫌太少，蠔豉夠入味。7. 清蒸大龍躉班，火喉剛剛好，魚肉唔鞋。8. 醬皇炸子雞，同樣外皮脆肉嫩，好味9. 生炒糯米飯，炒得夠乾身，唔會癡埋一舊。10. 芒果西米糕，唔太甜，好味