百份百餐廳 (明德商場)

营业中

休息中

中午食 ，叫左個蔥油四寶飯$61。飯同餸都係微暖，已經係即上枱即食。完左，俾錢收銀，問拎單，單手飛張單俾你。屋村餐廳都係餐廳，我有俾錢架，唔係欠你錢，可唔可以有禮貌少少，阿姐。

一路食百份百都覺得唔錯，今次見到新推出嘅雪山西多圖片賣相幾吸引，就即刻點左一份。結果圖片與實物差距實在係相當之遠，令人非常失望。首先，原本都唔期待奶蓋會同圖片一樣多到滿瀉，但估唔到真係少到完全唔夠點個包，好似落多兩滴都驚蝕比你咁。棉花糖更加離譜，圖片上係較大粒嘅棉花糖，可以逐粒食到。但實物細過粒豆，都算，又落得少，上枱已經差唔多溶晒。賣相搞成咁樣，出餐個廚師良心會唔會痛？更唔理解明明叫雪山西多，佢落鮮紅色嘅棉花糖究竟係咩諗法，家明？天與地？除去賣相同用料方面，其實味道上係一份唔錯嘅花生醬西多士。如果本身無對圖片有咁大期望，當佢係普通西多咁，或者都會滿意。問題係佢收得43蚊，但竟然比d咁無誠意嘅貨色出嚟，真係叫份普通西多都無咁嬲。誠心建議大家千祈唔好點雪山西多。

今日嗌外賣嗌咗個紅白鴛鴦焗飯，即係鮮茄焗豬同埋白汁焗雞正千祈焗豬好夠味，豬扒都腍嘅，又唔會煮得好柴真係唔錯！加埋熱飲都係$63 ，份量都幾足料，男仔食都一定夠飽，女仔可能有機會要分兩餐㖭啊

一句講晒Lunch time過嚟叫外賣預咗食凍嘢姐姐淨係掛住上菜俾現場食客外賣出晒喺枱面十個八個攤開晒係都唔pack問收銀姐姐就叫我等pack但係完全冇任何一個姐姐係諗住掂嗰啲外賣嘅直到要同佢嘈啊究竟係食熱嘢定凍嘢先至死死地氣pack繁忙時間我明嘅但係係咪真係買外賣就等於無限等？最弊唔係個嘢食未準備好只係啲姐唔肯幫你生返埋個嘢食蓋拎住個外賣明明係焗飯只係感覺到微溫難道買外賣係為咗返屋企叮翻熱佢？？？

明德商場規模較細，在僅有的空間下有一間平價茶餐廳：百分百，十分吸引。是次點叫了雞扒早餐配以流心蛋及腸仔，兩件額外蒜蓉的多士以及粟米提供，特別喜歡粟米蓉圓兜承載，避免粟米的水份與雞扒混合在一起，十分用心。而另配火腿通粉，令人提升飽腹感。服務態度上職員有禮，能迅速給予合適回應，唯獨是村內的食肆較少，假日人流較多需要等候入座，以及等候食物時間需時。如果趕時間就不太建議，因是次食物等了廿十分鐘才有，但縱觀而言味道👅好會有不少好分數。

今日嚟到呢間我成日過嚟搵食嘅餐廳，特別想同大家分享下我嘅心水之選！先嚟個叉燒包，真係有啲出乎我意料，叉燒嘅甜味同包嘅鬆軟度竟然咁match👌，每一啖都咬落去有啲回甘，話咁滋潤，唔使嚟我都知道廚師有幾下咖喱掂！再試吓我嗰碗經典牛肉粉絲，牛肉嘅嫩滑同粉絲嘅Q彈度真係正中紅心💯！湯頭甘香，飲落去有種溫暖貼心嘅感覺。不過得個雪糕仲想一提，佢哋嘅梳打冰真係解渴得嚟又特別，喺個梳打上邊撒咗少少嘅果粒，飲落去既清新又清甜，啲氣泡喺舌尖嗒嗒嗒，玩味十足！睇落平平無奇，但呢啲細節真係令人心情大好🌞，尤其係當你食嗰陣，能夠感受到店家用心嘅地方，實在係食客嘅一大福音。响呢度食早餐，開心又滿足，真係一個精彩嘅開始！

麻辣滑蛋牛肉饭刚好下附近上班，最近总是来百分百，已经连续吃了几天的滑蛋饭了虽然几次吃饭品质相对稳定，但是滑蛋如果每次都能保持滑溜溜的口感和状态就更好了辣酱盐度较高，有点喧宾夺主，如果能换一个麻辣酱会更好一些，不然突然吃到一口盐确实有点突兀

今日同朋友去將軍澳行街，想食平啲嘅時候就諗起呢間百份百餐廳😄於是就去咗食，叫左個叉燒蝦仁煎蛋飯。煎蛋都幾滑，唔會老晒，配搭埋叉燒同蝦仁唔會好dry👍🏻整體嚟講價錢親民，質素亦都唔差，平平哋食嘅話都幾推介👍🏻

大年初二同男友拜年前食個靚早🧨費事諗嘅情況下揀咗食百份百～我就懶健康咁叫咗無糖麥皮+蛋治;麥皮食落冇大家樂個啲咁滑，而且明顯見到有加蛋白，所以都比自己係屋企煮好食嘅～蛋治我就加咗$2烘底，個包出到黎都唔算好夠熱同脆，而個蛋都唔係個啲好濃奶味或者好重蛋味嘅滑蛋，但反而合我口味(本人鍾意食啲冇味野(˶‾᷄ ⁻̫ ‾᷅˵))餐飲就一定係跟百份百最好飲嘅熱奶茶，一如既往咁好飲又夠熱！100分ദ്ദി‪- ·̫ - ̳^‬成個餐total:$37 女仔黎講食得飽都算抵食而男朋友食咗個牛扒早晨全餐；有啲咩食就下面一眼見哂，比起其他餐廳感覺份量較少，塊牛扒更加係細過我隻手。雖然唔算韌，但就真係薄+細～好彩我分咗半嚿三文治比佢食，唔係隻肥豬點夠飽(´･_･`)依個餐要$42就真係貴貴地喇～～～總結黎講～大年初二有開門做生意都已經讚一讚，辛苦哂所有要返工嘅職員，而且職員都好有禮貌，效率都唔錯。簡簡單單食個早餐黎講，百份百比起某一啲(懶係野嘅)冰室，我本人覺得都算係咁*^o^*

路過這百分百分店，就在店外的派籌機取籌，派籌機顯示派到A2籌，我取得A3籌。當時店內已有很多客人在進食。我等待時，掃了安心出行。等待了一會，看見不少人沒有取籌，只掃了安心出行後便進入店舖。我向店員查詢是否需取籌排隊，店員即時收走我的籌，便以眼神指示我入內。我明白前線店員忙碌，無閒理會派籌機，讓客人自行掃安心出行、針卡後，便可自行入內，自己揀位座。那麼就不要開派籌機便好了，那麼就不會有人取籌號後呆等...... 🤨我向侍應點了餐，要魚香肉碎茄子飯和台茶鮮草冰（少冰），同時，我請侍應給我一杯水，侍應很快給我一杯水👍🏽 仙草冰很快送來，但應該無幫我少冰。我把水渴完後，差不多把杯裝滿。仙草冰味道ok👌🏾，有半杯仙草😋。魚香肉碎茄子飯好味，份量足👍🏽👍🏽之後，我再問侍應取一杯熱水沖藥，她很快便給了我，還提醒我小心水熱。另外，我坐在類似收銀機/ 入餐機旁邊，估計侍應本來想把垃圾紙球掉入盒仔內，垃圾紙球卻跌進我的枱上。幸好已吃完飯，而垃圾紙球沒有掟中我的飲品、藥杯中😅😅。我告訴侍應這件事，她能禮貌地講聲「唔好意思」。整體來說，除了排隊進入餐廳較為混亂😑、凍飲少冰😕，卻仍有很多冰，以及掉垃圾紙球時有些

家住將軍就係將軍人，食嚟食去， 都係嗰幾間， 近排就好少入嚟呢間 ，一於走入嚟望一望，叫咗兩個餐，三個人都食唔曬 ，夠唔夠你哋自己睇啦， 一個豬扒牛扒餐，一個魚柳牛扒餐， 竟然三個人都捧住個肚，入得嚟飽住出去， 我地三個都嗌住飽到唔喐得，咁濟，我哋真係細食呀!仲有杯紅豆冰 ，真係食呢個餐，整個紅豆冰，真係very good冇得彈呀!

從未食過咁難食嘅牛柳絲脆麵！真係食到七彩咁嘅反應，百份百比我嘅感覺，不嬲都幾好，無諗過會有咁難食嘅情況，超級失望！不過好彩有個姐姐好好，佢幫取消咗個麵，寫個另外一個飯，不過個飯都係麻麻地，可能已經比之前個麵影響咗食慾。

最近經常出入醫院 因為醫院係無飯堂 所以唯有去這條村解決 相信因為這個原因 這條村都應該多生客 其實之前經常都會嚟這條村解決早餐 但都係光顧瑞士咖啡室 但最近這間茶記都結了唯有試吓其他食店解決早餐問題 唔係因為這個機會 我又真係唔會試到這個早餐這個蕃茄肉碎湯通粉很好味😋佢哋應該用咗大量茄膏 雖然這樣應該唔太健康 但真係令這個湯通好鮮 其實佢哋可以轉唔同麵款 但我都係覺得通粉最夾 份量都算大份 早餐就一定夠 如果唔夠都可以加錢叫多塊多士 不過我就唔太建議 價錢：$30 包一杯熱飲 奶茶 我覺得出品正常千萬不要點好立克 我試過唔知咩原因攪唔勻的唔知係啲粉放太久 還是水唔夠熱 好唔討好職員姐姐都算有禮 雖然做事唔算快手 但都會禮貌地叫你等等 慢慢地拎你想要嘅嘢和出餐 老實講我只會點這個餐 因為我發覺其他餐其實都好普通 但價錢比一般茶記都高

今日行完山，到咗lunch時間，便入咗一間茶記食午餐。環境整潔，燈光唔係太光又唔係太暗。menu有好多款式，我們便柯打咗一個豆腐火腩飯及咖哩坑腩飯。豆腐火腩飯，醬汁比較鹹，豆腐同火腩比差唔多喇。味道就鹹啲，豆腐和火腩味道都ok。咖哩坑腩飯，有啲失望，食到辣味蓋過咖哩味，咖哩味唔夠香濃。 坑腩有啲臨、有啲唔臨。奇怪連一件牛筋都冇。薯仔大大件都炆得臨。另外餐飲咖啡和熱檸水，咖啡都可以嘅，檸水OK。總結：味道冇特別，一般茶記嘅水準。

位於明德商場，屬於舊式商場，位於商場入口位置，所以長時間早餐、午餐、下午茶都好多人排隊，可能價錢比較相宜，同埋選擇都多！呢間餐廳如果唔使排隊，係自己入去搵位坐，會有人同你搭枱。服務我覺得OK，因為會自動波俾杯水你，落單快，上菜快，值得一讚👍🏻早餐供應到11:30am，所以亦可以當食個early lunch，咁就更抵，而且個早餐都大份，絕對夠飽，所以好多人都咁做！但係因為人流太多，又要搭枱，所以感覺唔夠乾淨，純粹個人感覺而已！