百份百餐廳 (水泉澳廣場)

营业中

休息中

上個月朝早去咗食 一入到去店員基本上都係求其俾位 入去坐低仲有上一手嗰啲碗碟紙巾之後嗌咗個窩夫炒蛋三文治等咗45 分鐘 朝早10點都未食得催咗店員三四次都冇用去到10點有嘢食嗰陣店員又好主動咁樣幫我哋收咗張單（qr code)埋單係自助買單但係店員又收咗張單 我知你唔夠人手 但係你都要俾我埋單走最後又等咗10分鐘先有店員得閒幫我哋人手埋單奉勸各位去到千祈唔好嗌三文治嗰啲最好係餐廳整定嗰啲嘢食eg米線牛扒魚柳如非必要都係唔好幫襯

服務員都是盲頭烏繩..騰騰雞雞. 星期日食早餐, 到了餐廳門口明明裡面大把空位…. 服務員係要客人先按飛等候......等亞等….一直都無人招呼入坐.忽然後面兩位亞哥直行直過…沒有按飛就自己坐低.服務員也沒有任何反應…..咁我當然唔再呆等….自己入去搵位.之後食完後諗住點個外賣俾屋企小朋友….但是餐廳的電腦點餐系統是不能在堂食位點外賣的. 只能夠叫服務員幫忙點外賣.OK…點完後又一直等…..等亞等…等了二十分鐘都沒有送來…... 再叫另一位服務員來問下份外賣怎麼樣…..回覆說之前並沒有收到外賣的order !! 真是氣死人.唉…呢間餐廳的服務百份百差!!…d 人都唔知係邊度來的…

呢間餐廳非常有問題，最好唔好嗌外賣⋯曾經試過星期日朝買早餐外賣等左成45分鐘，亦都試過平日晚預早左半小時前係OpenRice落單，但職員都係會忘記接單，最後去到舖頭職員先發覺，總共用咗接近一個鐘時間先拎到外賣。

呢間店有兩個分部（只食雞；食其他野），先講食雞果間，D雞難食到*，D雞係係冇味嘅！要落調味料先食得落；原本諗住第二分部會好D,結果希望越大失望越大，之前食過呢度嘅拉絲波蘿包，結果個包係冇拉絲嘅，而且入面嘅料幾乎就係水！而且得好少野可以選，特別係早餐，基本上冇嘢可以選；牛餐都差唔多咁，我叫左過咖喱飯，結果D咖喱辣到好似重慶麻辣咁，原本諗住過多一兩個月之後會好D，因為佢係新開嘅，但今日再去食，D野食都係難食到*，我叫左個星州炒米係冇一D辣味，根本唔係正常嘅星州炒米，而且味道超淡🤮，以後寧願去M記都唔會嚟呢間

之前只食過外賣焗飯味道都可以接受 ,  今天就試堂食……..首先環境格局都係令人覺得舒服 ,點了一個星級麵餐 $ 48 多士及炒滑蛋都唔錯…..麵夠爽,唔會淋入口剛剛好午餐 咖喱巨人雞$ 55咖喱巨人雞是港式咖喱 的份量一般…..飲品: 由是奶茶及咖啡是牛奶過多…..有點膩服務員, 服務帶位及上餐都唔錯….

燒雞係搵微波爐叮熱堂食你試過未？本來我唔知道，但攞左隻雞食左兩啖啲肉係凍㗎，皮就係熱嘅，肉就係凍嘅，跟住交返俾佢佢就放入微波爐叮，叮完成隻雞d肉係乾晒！另外食燒雞個個都係想食脆雞皮，佢就將醬汁林哂係隻雞度啲雞皮全部林晒，跟著去同個侍應講，佢淨係答你汁另上要加一蚊！火開始黎，跟住大家可以睇吓佢門口相！點睇都係一間餐廳黎，呢個仲好笑，右邊原來係食茶餐廳小菜，左邊就係我領野食燒雞既餐廳，但係都叫百分百！跟住我同另一個客都問可唔可以去右邊食小菜嗰度食雞？因為食燒雞嗰邊得幾張枱好逼夾，佢話唔得因為係兩間餐廳，個侍應仲話係一個集團兩間，喂你唔講真係睇唔出！呢啲咁既老細真係天才！

曾經幫襯過喱間百份百（差劣）嘅餐廳，飲品竟然冇菜蜜，冇華田🤭，另外啲侍應話下午茶係冇通粉，衹係早餐先有，吓，咁都得😬。隔離賣雞仲離譜，啲鷄烤到又燶，又乾，又硬。都唔知點食。算啦，唯有冇下次，祝大家好運！

首先，新店開張食物質素麻麻，由其是早餐，仲差過樓下餐室，性價比低，仲有員工服務質素欠佳，剛開張正常叫的飲品竟然可以話冇，早餐D野食又咸又難食，份量又少，是問剛開張食物又吾得，員工又吾得咁點再幫襯落去，差差差😤………………………………………………………………………………可能最後同太子一樣🤨