百份百餐廳 (嘉福商場)

营业中

休息中

在家福商場很受歡迎的百份百餐廳，午市全場滿座，還好，可以拼桌，立刻就可以點餐。點了女士最愛的魚肉春捲招牌四寶麻辣湯米線$57，配料竟然有爽口酸辣菜脯，口感脆卜卜、鹹鹹酸酸的，又有辣味，超開胃！如果可以加多啲份量就好。米線軟硬度適中，不會太大份量，女士胃口不大正合適。牛丸、頁丸、魚片頭魚、肉春卷，全部都爽口，又能吸收湯味，還有豆卜浸在湯裡，真是吃湯粉麵最佳拍檔。加小食五香脆雞翼三隻$18，炸過的雞皮脆脆的，有五香味道，鹹味適中，肉汁多，好滑，好味啊！飲品選了咖啡紅豆冰加$12，有咖啡用作午後提神，喜歡糖浸紅豆份量多，香甜又夠粉，越吃越爽！這裏的職員服務不錯，已經有一段時間沒來，埋單時副部長仍然記得我，對客人很親切呢！

放假最喜歡約朋友吃悠閒下午茶，去街坊喜歡的百份百，就不怕選擇困難。乾炒豬扒即食麵$43，是這裏下午茶的推介食物。醬油味道鹹香，炒得乾身，麵條煙韌有口感。豬扒切條，爽口有彈性，很新鮮。有雜菜野菌一起炒，又可平衡一下濃味，很好吃呢！茶餐飲品可以優惠價$9配經典完美紅豆冰，紅豆份量很多，香滑奶味配紅豆香甜，慢慢享受，好治癒啊！惠顧茶餐可以優惠價$12加迷你碗仔翅，港式經典必定要試。用料的確充足，濃稠的湯底配滑滑蛋花、爽口木耳和肉碎，口感層次豐富。拌勻醋和麻油，微鹹中帶酸香，真的好開胃！朋友點的五香雞翼3隻配金條西多士$38，雞翼皮炸得很香脆，雞肉嫩滑，的確很香口。西多士是半份，下午茶份量很適中，中間夾著花生醬是精髓，多士炸得香口，拌糖漿香甜，絕對是港產美食。加$6配輕量雪菜肉絲米線，小小一碗，幾口便吃完，夠輕量，又能過過口癮。而且湯底夠濃，雪菜肉絲爽口新鮮，好味啊！下午茶送熱飲，熱咖啡少奶。朋友喜歡可以自選調配份量，咖啡濃一點，少奶，都能做到。其實街坊餐廳也坐得很舒適，我們邊吃邊談天已過了兩小時，這樣輕輕鬆鬆的在茶餐廳過一個下午，也是生活中的小確幸。百份百 @ 屯門大興街1號大興商場地下64

自從發現了百份百的午餐，款式多，價錢實惠，現在常常去光顧。脆炸魷魚炒麵$66，上桌賣相漂亮，有超多炸蒜蓉，好香！魷魚炸過就像香口小菜一樣惹味，炒完仍吃到外脆內滑的口感，魷魚煙韌有嚼勁，炒麵夠乾身，咸度得宜，還有芽菜、蘿蔔絲、蔥絲、蛋碎、洋蔥炒香，好爽口。午餐吃香口食物很醒神啊！可以優惠價$18加配魚肉春捲三條，咬下魚肉條彈牙，像吃炸魚蛋，混和了蔥粒蘿蔔粒，外面腐皮炸得香脆，味道香甜，有三條可與同事開心分享，吃得滿足！餐飲加$9選了香滑奶蓋茶少冰。但少冰還是覺得多冰啊！要給餐廳提提意見。奶蓋滑溜帶芝士香，濃稠的奶蓋拌勻後令奶茶很有質感，也不會太甜，非常好味。

又是OT的日子，很想吃個小菜暖胃，要趕快找餐廳晚飯。先致電附近的百分百餐廳，查詢截單時間，肯定能趕得及才過去。來到餐廳門口，職員已經向我會心微笑，請我坐下點菜，覺得超暖心的，特別在加班餓肚子的時候，得到真誠招待！沙爹金菇粉絲肥牛煲$79，喜歡它用熱鍋上桌，保持溫度，夾起就聞到沙嗲散發濃濃的香氣，立刻胃口大開。除了份量充足的肥牛、金菇、粉絲配料，還有紅椒粒、蜜桃粒等揮發香甜味道，不會死鹹，連醬汁拌飯，吃得很香！餐飲選了紫薯牛奶加$9，是期間限定特飲，這個價錢超值！喝一口，紫薯香甜味道散發在口腔，不會太甜，每口奶都是滑滑的充滿香味，把這杯特飲當甜品了。因為接近打烊，職員要收拾店舖了，埋單時還請我慢走，非常親切友善，有家庭的感覺，很喜歡這家餐廳呢！

有冇人同我一樣，特別鐘意食辣嫁!如果你都係成日會係粉嶺出現又鐘意食辣就岩啦, 百分百既下午茶，同埋午餐係你既好選擇!麻辣魚片頭湯米線，真係超正，配埋一杯凍檸茶就真係正到不得了!

Hello 大家好👋🏻！今日我嚟到位於粉嶺嘉福商場嘅「百份百餐廳」。 做完一日嘢身心疲倦😞，諗住是是旦旦求求其其食啲嘢返屋企。 入到呢間百份百餐廳，睇到餐牌竟然有喜出望外嘅感覺😃⋯⋯美食攻略：一人份量「酸菜魚晚餐+燉湯」，可能係我孤陋寡聞😅，係我嘅認知當中食酸菜魚一定係大大碟，要一班人食嘅菜式。 呢個一人份量真係最啱我呢啲又鍾意酸菜魚又成日一枝公嘅人。 講返個餸味道配搭得好好，唔會太酸或太辣，魚肉嫩滑，酸菜爽口，加上我係湯控，配埋呢個燉湯簡直令滿足感升華。美食指數：5🌝最高味道：🌝🌝🌝🌝🌚環境：🌝🌝🌝🌚🌚服務：🌝🌝🌝🌝🌚賣相：🌝🌝🌝🌚🌚

剛剛係戶外工作到膊頭，腰同腳想斷時，求其走左入嘉福商場的百分百餐廳，一間聲稱走百分百港式食物路線的食店。我叫左個茶餐，雪菜肉絲炆米$40，凍檸茶+$3。結果碟粉係輕盈 size，預左，而且我唔太餓，可接受，但.....雪菜肉絲炆米，見唔到雪菜，肉絲得幾條，d米粉個樣似炒麵，味道都似豉油皇炒麵。凍檸茶，無檸檬，而係紅茶加檸檬汁，但味道可以。店內的靚姐們服務態度有禮貌，有效率。結論：食物味道是意料之外，但絕無驚喜。心裡只是不斷問，究竟我心目中既港式係咪係另一個平行時空？🙄🙄🙄註：打呢篇評論時剛見到一隻小小強係地面走過。

之前已經食過好多次，這間店的兩款飯，覺得水準都保持到，所以想和大家分享下👇🏽滋味焗鮮茄豬扒飯$52即叫即焗，所以需時，有好多豬扒，有少少厚度，肉質唔錯有咬口，蕃茄芝士濃烈，個飯是用蛋炒過先焗，所以好香蛋味😋😋至尊海南雞飯$61這個海南雞的重點是無骨的，好啱小朋友食，大人都食得好開心，雞算滑，香茅雞油飯夠香，跟的雞汁白蘿蔔湯，都幾好飲，不是普通例湯味。😋😋個人覺得佢的焗飯做得幾出色，不是求奇把所有材料放埋一齊焗就算，焗之前做足每個步驟，焗的時間亦剛好👍🏻👍🏻👍🏻

癲架!!我早兩日去咗百份百食Lunch, 叫咗個雪菜肉絲炒米，佢同我炒足半個鐘，真係想餓死人咁款。。。。。。中途我已經催過好多次，但啲侍應完全唔理，淨係hea我話嚟緊，真係好差囉。。。。。。

呢間開係屋邨嘅餐廳，價錢嚟講都算幾高，早餐閒閒地都30幾40蚊。今朝就嗌咗個魚柳餐，盛惠40蚊。嚟到塊魚柳真係幾大塊，但食落炸炒幾厚之餘唔點醬真係冇味可言，炒蛋同多士好食係好食，但真係落咗好多牛油，耐唔中食一次好啦～

講起連鎖快餐店， 除咗兩大大家樂大快活， 翠華 ，太興，還有百份百。同事有選擇困難症，於是提議百分百。黎到餐廳，無唸過要排隊點左銀芽肉絲擰籌。約三分鐘，就取得座位。點左銀芽肉絲炒脆面。肉絲銀芽和脆面分開上。起筷🔸️芽肉絲炒脆面$49包熱飲份量夠面脆銀芽肉絲味道可以