百份百餐廳 (大窩口商場)

营业中

休息中

餐廳優先準備現場及電話訂單，透過APP點的即使APP顯示可供取餐，亦需要等候，訊息不實。另外是次外賣要求蔥油另上，外賣打包的職員未有檢查清楚，以為廚房未上，我再呆等10分鐘。後來，職員再檢查（打開所有外賣盒）時發現問題，默默打包，因為我全程在旁觀望，所以我確定是否有蔥油時，職員推卸責任並發脾氣指廚房要準備。但我見到根本沒有人遞上蔥油。回家後打開外賣，蔥油已經被廚房淋上飯，另額外有一碗蔥油。職員檢查時明顯發現有問題，但卻不通知！有欺騙之嫌！如大家在這餐廳買外賣，最好自行檢查清楚。服務質素真係好差。

簡單講一下：落單等九世都冇人嚟，趕時間就死啦員工見到你舉手好似見唔到咁，嚟到態度又差又大聲呼喝，做咩吖，唔想做吖食具又污糟，十把有八把都有污漬，唔夠水洗咩我諗啲街坊都係就腳先嚟，冇咩事唔好過嚟食呢間咁嘅野。

見星期日冇咩好食，諗住叫外賣用得apps叫外賣就梗係予好曬時間去攞咖啦個apps顯示已接單，到可取餐，去到攞餐話未有，ok等多5分鐘～再問有冇得攞點知先話冇俾到單廚房🤬🤬🤬個個都你推我推邊個接單🤬冇俾單頭先又唔講，仲要客等！講到好似我錯咁張單退錢好正常，唔係仲咁傻再等半個鐘啊？

百分百餐廳有許多分店，早中晚甚至下午茶都有許多料理可以選擇，都是套餐模式，價格實惠，份量又多很適合上班或是學生的飽肚首選。1. 薑蔥霸王雞薑蔥很多味道也很足但最重要雞肉太柴了，希望下次可以改進。 2. 蜜糖咕嚕肉咕嚕肉幾乎都去骨，每一塊大小適中，可以優雅入口，肉炸得剛好令到肉汁還很足，男女老少都愛的一道菜。3. 蒜子火腩鯇魚煲主菜的魚塊大又多，香氣十足，腩肉只有兩三塊屬於配菜，喜歡吃鯇魚的朋友不要錯過。4. 漁香肉碎茄子煲之前試過味道過鹹，這次又再嚐試，鹹味剛剛好，肉碎也給很多很適合配飯。

住起呢頭附近, 仲要住上村, 餐廳係冇, 更加冇選擇, 所以屋邨嘅快餐店最緊要係方便就腳, 食物質素麻麻地你都會去食 呢間餐廳都開咗算耐, 集團式經營! 早餐款式都算多樣化, 價錢適中, 比起大家樂,大快活,美心叫份量多了呢個一個雞扒腸仔米線, 雞扒係主, 可配腸仔,餐肉,蛋或者火腿, 亦都可以揀通粉,麵, 米粉或者米線, 出前一丁另外加錢另外叫咗一碗沙爹牛肉煎蛋米線,其實佢嘅沙爹牛肉幾好味!自己叫咗個奶醬多士, 加錢要咗個細通粉, 細通粉嘅份量都唔少 所有套餐都可以加錢配通粉或者配麥皮呀! 另外一提, 佢嘅檸檬茶係用檸檬汁加落去, 冇新鮮檸檬的, 味道一樣

第一次試手機落單就出事，11：09已經系手機落左單，手機顯示11：39分有得拎，我諗住可能有得早拎，11：20已經落左去等，真系等到人都炆，過左11：39分手機都顯示有得拎都未有得拎，仲有幾個人系度等緊拎外賣早餐，仲要早餐都未出哂，佢地出午餐俾d堂食既，緊住有人催佢地，佢地先幫我地追，原來手機落單個d佢地未理過，真系燥底，我差唔多12點先有得拎，下次吾會再用手機落單，好差！！！！

今天有事途經大窩口， 又到了午飯的時間，見到百分百餐廳，於是入去試吓，這間面積都算一般不大不小， 見到多是街坊在光顧， 點了個餐廳的招牌菜，犀飛利七彩牛柳絲脆麵。麵到上枱了，高高的聳起似小山丘的外型，並跟上一大碟滿滿的醬汁，內裏載滿了牛肉絲，甜菜絲、椒絲、銀芽，論賣相真的相當誘人。 先放一小撮麵入口中試一吓，果然真如外觀的爽脆，非常有咬口感， 再將醬汁淋在麵上一起吃， 醬汁甜甜酸酸，的確容易引起人的食慾， 配角的甜菜絲、椒絲、銀芽都相當脆口，再咬一口作為主角的牛肉 ，可惜牛肉就有點老而且有筋連著， 影響了整碟麵的分數，而醬汁的味道個人覺得有點偏甜，未必人人可以接受;但整個餐以價錢來說，又十分抵食，加回分數，待下次再來試其他的菜式。

於12月31號晚上惠顧該餐廳， 一落單唔夠三分鐘～嘢都未食即刻叫我埋單～ 佢話你阻住我收工～係就快啲態度惡劣～ 又喺餐廳廳面大大聲同廚房職員講， 畫面嗰個客唔肯埋單， 嗰度好似我冇錢 食飯， 又發晦氣喺收銀大大聲講我幫你買咗單， 員工態度咁樣不如唔好做呢行啦， 咁趕收工就唔好喺度做做兼職！ 餐廳寫到明係九點收工， 八點17分已經話要收工即刻埋單， 8點15分落單8點17分即刻叫人埋單， 話我好多嘢做好多條數要計計唔曬要即刻埋唔係阻住佢收工～ 咁唔想做不如唔好做呢行啦！

食物質素唔好講喇、每個人口味都唔同、食得飽就ok。但服務質素應該係數一數二咁差、我舉手叫嘢食，個職員見到又扮睇唔到、ok…我忍、叫個普通扒餐等咗我接近半個鐘先嚟我都再忍、埋單找錢又要罰企等人嚟收錢、找錢仲要就咁將d錢劈喺枱面度、我永遠唔會再幫襯。

平時叫外賣已好慢，已經早半個鐘打電話落去叫外賣早餐，點知去到攞嘅時候話漏單🙄🙄已經唔係啲咩繁忙時間仲瀨我係咪打錯電話🤬🤬我就當場打電話俾你睇下我係咪打錯電話店員一個推一個，左推又推邊個接電話其實樓面得嗰3個人🤧

這店在大窩口村商場內，由大窩口港鐵站行去這店，要成15分鐘，但中午時段人流都唔多因天氣熱，食泡飯會易入口，所以叫咗個潮式蠔仔肉碎野菌泡飯，個飯嚟到，個湯似魚湯白色，裹面有幾粒蠔仔，雲耳，同一啲野菌，但入口，味精好重，飲幾杯水都仲好口乾，潮州泡飯，都係去返潮州打冷店食好啲

小菜套餐配有營藜麥飯，碗飯送到上枱，真係笑咗成晚，咁到做得出，佩服！你畀返會普通白飯我好過，係要整色整水，兼冇誠意，送四個字「不知所謂」！百分百出品百分百好笑！

香港にはいろいろフランチャイズのカフェが点在しているが、その多くは、価格が高くて不味いのが定番であるが、このロケーションのこのカフェは別物である。全てのメニューがそうであるとは言い切れないが、安くて美味しくて健康的で満足のゆくメニューが多く存在している。この様なカフェは香港では非常に珍しい。価格が高くて美味しい店を探すのも容易ではないが、価格が安くて美味しくて健康的なメニューもあるカフェを探すのは至難の技である。その中で、このカフェは、所在地が非常に変わった場所にある。恐らく日本人がこのカフェに足を踏み入れるという事は一般的には考えられない。丘の上に香港政府によって建設された公共団地の中に建設されたカフェとなっており、車かミニバスで坂を登って初めて到着できる場所であるからだ。同系列の他の店舗と同一メニューでありながら価格も若干安かったりする。香港の不動産賃貸料金の月平均が10Kを超える中、香港の地元の低所得者層が申請すれば入居できる公共団地では月平均2Kとなっており、給料が月平均10Kであっても共働であれば、生活が可能な由縁である。すなわち、低所得者層が居住する地域には街市と呼ばれる市

經過大窩口道見到有間百份百餐廳，以前係長沙灣食過都覺得OK，就入左去。打開餐牌，原來好多套餐都改左同加價。叫左碗黃金魚片頭湯米線，吾包飲品都要$34蚊，於是以半價要埋杯奶茶！整體來講，食物質素吾錯，如果$34蚊全包就very good 啦！米線彈牙，湯底够濃！奶茶同樣香滑。魚片頭炸到金黃色

今天去了百份百食 lunch, order 了黃金魚片頭麻酸辣湯米線, 其實我平時都好少食麻辣米線, 就係驚太辣, 自己頂唔順, 今日膽粗粗想試下。落咗單大約 10 分鐘就有得食, 都算快。個職員ㄧ擺低碗米線, 已經聞到好濃烈嘅麻辣味, 心知不妙, 再加上 d 顏色, 就知ㄧ定好辣, 硬住頭皮去食, ㄧ啖, 兩啖, 三啖, 第四啖已經忍唔住, 我捧住碗米線離開座位, 想搵下有無 d 裝食物屑嘅車仔, 等我可以倒走 d 湯底, 個職員見狀就幫我倒, 仲問我使唔使加返 d 清湯, 你話我係味瘀爆呢。