百份百餐廳 (ac5)

营业中

休息中

事發2024年8月20日 10:03am 百分百茶餐廳，係我經常去嘅飯堂/經常趕時間去買早餐的方便地點。今日趕時間，諗住快靚正去買個麵包+支裝咖啡。之前有個麵包加飲品的餐牌擺在收銀處，方便客人選餐，今日去到沒有。我好聲好氣問 麵包部收銀員，收銀員對我講嘢態度好差，好似我得罪咗佢咁樣。佢唔明白我講乜嘢，我重複咗三次佢先至明，而且對我態度很差。 即刻冇心情消費走了。我懷疑啲嬸嬸，受咗上一個客嘅脾氣，發洩在下一個客人身上，無辜嘅我一大早就受人脾氣。 唔想做就唔好返工啦⋯⋯返嚟趕客咩？我一段時間都唔會再來呢度消費。

百分百餐廳（香港仔中心）今晚路過香港仔中心，見到百分百💯個餐牌幾吸引🤩，就入咗去食個晚！🥢🥢🍴🍴70085星級麵餐→沙嗲牛肉即食麵🍜配：牛乳炒滑蛋and蒜香牛油🧈多士牛肉味濃鬆化好食😋，沙嗲唔係太辣。滑蛋乳香味十分吸引，多士熱辣辣軟熟香蒜撲鼻。😋😋奶茶有質感，唔加糖都好好飲！👍👍👍🍴🍴49270野菌鹹魚雞粒炒飯碟飯份量十足，鹹香開胃又宜人，不過火力再猛少少炒飯會更有鑊氣！😊埋單找數都係百零蚊，經濟抵食，街坊大眾值得去幫襯吓！🥢🥢#百分百餐廳#香港仔美食#香港仔吃貨

就簡單添一杯水也不會幫你添。只一人又拿著東西叫添杯水。就只說。係個度添。如果走得開也不會叫人幫添的。問題是只一人。走開了財物不見了或吃的被誤以為離開了收走了。。她負責嗎？。還要用很沒禮貌的語氣說係個到咋喎。阿X..這是什麼服務態度？服務態度差。

爸爸、媽媽和我三人到位於香港仔百分百享用晚餐。我們點了姜葱鸡咧、五色素菜和牛仔骨。姜葱鸡，爸爸說鸡好韧，我也相同感覺。五色素菜色彩繽紛，賣相不錯，但分量就似乎少咗啲。牛仔骨算不错。餸包埋汤，不要汤可轉饮品，例如饮柠水，饭亦都包的。冇加一，香港價錢算合理，但服務員態度就不敢恭維了。

今天晚上，爸爸，媽媽和我三人到位於香港仔百分百餐厅吃晚餐。我們點了煎黄花鱼，味道似咸鲜鱼，即是用盐腌的鱼，不是用新鲜去煎，感覺不夠水準，這是180元二人兩餸套餐其中一道菜。

間中都有嚟衣間餐廳，水準都唔會話大上大落，見餐牌雪菜肉絲炆米係推介之一👍，咁就試吓佢個雪菜肉絲炆米，嚟到時賣相覺得同出面茶記有點唔同，可能落左老抽所以米粉啲顏色深色好多，比我感覺似炒米多個炆米😅。食落米粉帶點煙靭，都有口感，味道鹹鹹地，有少少甜甜地，同幾香麻油味，同埋炒得夠乾身，唔會油淋淋，整體嚟講都ok嘅。

今日同同事一齊去咗百分百食lunch,好耐無去，我都鐘意食抄飯，有鑊氣，係屋企好難做到，所以嚟親都食炒飯，整體餐廳都係舒服嘅，普普通通食個lunch ,傾下計就好滿足啦

Lunch Time時間有限，諗住去呢啲茶記快食個Lunch啦，叫左碗魚片頭米線，諗住呢啲快出同埋唔會點難食，點知都係伏！首先落單，等左15分鐘都未出到碗米線俾我🙄催左次單，姐姐啲態度唔多好：整梗啦！起碼等左20分鐘先有得食⋯仲有咁大間野係冇冷氣的未食前覺得有啲熱食梗果時就不得了，係咁流汗😑地下又污糟，有水積、牙簽、食物殘渣⋯果架放用過既碗碟車又周圍推係你隔離身後推後推去至於碗米線，唔好食的！湯底極淡，要加胡椒粉吊味總言言之，冇下次🙄

其實差唔多一個月食几次嘅百份百，通常我會叫酸辡豬扒米缐，佢嘅水準係一時時，第一次食覺得好好味，而家係好似睇廚師心情咁，今日就幾好味，豬扒都好淋好香，個湯底都好夠味，叫左個熱咖啡，普通冇乜特別

我都已經有一年冇嚟食，食物水平ok! 地方唔算大，不過好唔明啲員工係點運作，無論你揮手或大聲啲叫唔該都係冇人理你😂，我再主動啲行過去叫野，佢應完你（行行企企）唔係過嚟幫你？係大叫5號枱寫野（d部門分到梗細嘅咩）費事太長篇，抹枱唔講。同上面描述嘅一樣，重複多一次先有人落單！！🤵員工 😃我🤵叫咩呀😅乾炒（🤵 up Number啦）😅（心諗我係到做咩？費事比人加料）😅唔好意思係xxxxxx號🤵（好唔耐煩趕住走梗）到上咗杯凍檸茶，我見冇檸檬就問佢呢杯咩嚟？佢好晦氣答凍檸茶囉依家係梗架😡我都明白自己不在5星級酒店，我要求好基本！其實只是想有基本叫餐同執枱。最後間野係冇冷氣架！怕熱嘅唔使嚟🫠永不幫襯

👉第一次堂食百份百的下午茶餐，原來餐廳都大，頗多座位的‼👇
.
📌雪菜肉絲炆米 $43 ～ 炆🉐️幾乾身，亦好足料，米粉比一般的煙韌，好味道。。🥳

📌星洲炒貴刁 $45 ～ 一般下午茶份量，但配料豐富，大隻蝦仁，火腿、洋蔥🧅、芽菜⋯少少辣，唔錯。。🤩
.
📌原隻炸雞髀配脆炸薯條 $38 ～ 大小適中，雞髀肉厚，原隻脆皮，切開熱煙飄出，內裏肉汁豐富。。。粗薯條脆口🈶️質感，點上茄汁超美味。

📌凍檸茶 ～ 最差就係呢杯所謂《凍檸茶》嘅物體，入面唔知係啲咩冲劑，味道古怪，連幾片檸檬🍋都限，真係錯晒❌❌❌❌

📌凍飲+$3

天氣係熱，但入面冇冷氣嘅感覺。好後悔冇即刻走。佩服再去嘅客。一路食一路抹汗。紙巾都冇張。d收碗車會係你旁邊行，到有d欠缺衞生。雞翼血淋淋。其他野正正常常。我諗唔到下次嘅機會

身為退休人士，當然要精打細算支出！利用下午茶當晚餐可以節省不少金錢。所以在五時便入座香港仔區的百份百餐廳，因為下午茶到六時便取消。叫了一碟炒貴刁和熱奶茶，只需四十五。上枱時覺得賣相麻麻，黃薑粉唔多夠，幸好河粉炒得夠鑊氣，配料豐富，有三隻大蝦肉丶火腿丶叉燒、蛋絲和韭菜，還加了很多肥嘟嘟又爽脆的芽菜，再添加些少星洲棘味，配合得不錯！最緊要食完之後，碟上並無發現油漬，難得！香港仔這間分店的環境就麻麻了，不是好乾淨，冷氣亦唔夠凍。

今朝早來到香港仔中心百分百餐廳嘆個早餐 ～因為我有優惠時段～所以我揀咗份優惠早餐, 雪菜米+ 炒蛋及蒜蓉厚多士 + 一杯餐飲都只係35蚊! 餐廳內環境寬敞坐得舒適, 侍應有禮貌！ 嘆完個早餐出嚟～ 門口原來有賣它們出爐的麵包丶蛋撻等多種選擇！ 特別一讚係蒜蓉厚多士～ 新鮮出爐焗到黃金顏色超級好味

已經不是第一次光顧平日下午lunch 時段，一次比一次差， 服務員沒有禮貌，落order 與 帶位兩位都很差。 大大聲呼喝客人坐下，落order 又是大大聲回答。超冇禮貌，望快些結業。在香港仔區內最差。