百份百餐廳 (天平商場)

营业中

休息中

鐵板牛排其實味道唔錯，不過接近80蚊嘅價錢，塊排嘅size略為細左DD，有個張紙為住個鐵板黎倒汁，其實都幾貼心，因為彈出黎嘅汁真係少好多。因為都係趕時間先去食快餐，以快餐黎講，都係首選啦

今日在上水工作，完成後都六點幾，又眼瞓又累，便去附近的茶餐廳吃個簡單的晚餐，來到天平邨，見到有一間百分百餐廳，連所店夠隱陣，想也不想便入去點了一個紅燒枝竹豆腐魚柳煲，它的份量大，豆腐和魚柳超多，配碗大大的飯，餓到頂點的我三兩下功夫便KO了，大感滿足。

晚餐時間唔想煮飯，就落左樓下間百份百食～唔駛點等就有得入座點左個嫩雞煨米線，雖然賣相一般，但食落都好ok健康人生就點健康既雜菜煲，份量都幾多架隨餐仲有個真係幾香軟既米飯（上面一粒粒既好像係藜麥）晚餐呢個價錢黎講算不過不失啦～

工作中早餐，去呢間連鎖餐廳，唔使等位，但要分枱坐，裝修型格，乾淨企理！落單食物好快到！擺盤企理！野菌鮮奶炒滑蛋（$31）賣相不錯，野菌炒蛋望落以為好老，食落中央夠滑，雜菌彈牙，味道略淡，加少少鹽剛好輕量火腿絲通粉：雞湯底，坑通粉較厚身，少少彈牙，火腿正常蒜香牛油多士：烘得金黃，蒜茸香味吸引，外脆內軟，好味熱即磨咖啡：咖啡加了奶幾滑，但味較澀，一般同事食：吉列魚柳·炒蛋（$37）配腸仔煎蛋茄汁焗豆：蒜香牛油多士：香煎雞扒餐（$35）配腸仔煎蛋茄汁焗豆：蒜香牛油多士：香煎牛扒餐（$37）配腸仔煎蛋茄汁焗豆：蒜香牛油多士：凍檸茶（$3）凍利賓納（$3）早餐不錯，店員有禮斯文有笑容！

以後唔會再黎 餐廳質素：8點都未夠，Order咩菜都話賣晒 做生意做到咁 完全接受唔到員工質素：參差 成個場咁大 冇注意周圍客人 等左5分鐘都未搵到人幫手點單食物份量： 完全唔得 70蚊一個菜 份量少到放假諗住食得開心d 點知 唉

朝早有師父黎整窗，所以只能託屋企人求其買外賣在屋企食早餐，無得落樓事後睇番先知應該有餐肉，但我好似唔多覺有喎😂香煎豬扒份量多，足料，米線OK，食完覺得飽，味道同普通茶記差不多，優勝之處係雖然分開湯同料係唔環保，但係的確係好食啲

一坐低已經發覺要不停趕污蠅，好啦落完單等左10分鐘都仲唔俾單我，我問返個姐仔，佢話無入機又搵唔返張單，對唔住都無聲！如果唔係附近我搵唔到茶記又肚餓，我會即走！算啦！落返個餐快快食完走人囉，又多污蠅。點知黎到個肉醬一來少二來唔新鮮到我食出小臭味！好啦！咁咪食少D囉！食埋兩條腸同個意粉算啦！點知！有條腸完全係凍既，一陣味！想點呀！真無吹九丈！咁既服務、咁既食物質素，我應該點做？係咪可以向食環投訴？佢地當無事發生，一見我就食完即刻搶住黎收。

偷得浮生半日的lunch, 本來想食下午茶, 但因為時間未到, 所以轉食lunch。肉絲炒麵已經太耐未食過, 通常都係酒樓先會見到, 所以一見到時很快就被吸引了, 結果亦令我食得大滿足, 炒麵很乾身, 肉絲用料夠, 汁亦夠味, 結果一人就完整食了一大碟 

因為近住屋企，平時都會成日落去食午餐。初初開張都唔錯，但愈黎愈差。海南雞飯既雞永遠都係凍冰冰，而且好肥。唯一可讚係間中會去骨，係間中。店員經常落錯單，所以自己一定要check 清楚！

今日自己一個去high tea，去左百份百食下午茶餐，我order左個鮮茄焗豬扒飯同一杯熱奶茶。豬扒都幾大塊，上面有舖滿芝士及鮮茄但豬扒唔夠入味，而焗飯既飯質比較硬。熱奶茶夠滑，茶味香濃

獨獨晚餐都要食得好，更加要食得好！飲碗例湯先，飲完都估唔到是什麼，味道唔錯既，中湯配西扒，哈哈。美國殼飼牛扒 5 成熟配黑椒汁跟意粉薯菜，滾熱辣上枱，淋上黑椒汁吱吱聲出晒煙好鬼 high！切舊牛扒試試，一切爆汁！勁 juicy 仲剛好 5 成熟、扒爐嬸嬸手藝唔錯，good！牛扒港式略醃，保持牛味，鬆得輕輕不過份，味道好，軟棉口感好正！沾大量黑椒汁細嚐，微辣帶辛帶點香甜黑椒味，厚薄適中調得好。意粉滑而有彈性，不粉不腍，高質無比，溫度剛剛燙咀非常好食！今餐滿分，無得彈呢！清得乾乾淨淨汁都無滴，百份百美味、百分百感動！我以後點算好呀？

今日特派去上水坪輋做野，中午食晏其實都無乜地方可以去，次次食親都係係逸峯廣場架喇。平時時間比較足，同行人員比較多，所以來親都係去飲茶。今日由於時間緊迫，所以決定來間茶餐廳食個快飯。一行入來，佢個感覺係好乾淨，似係新裝修既，但個style 係想扮七八十年代既舊香港咁即。有啲似香港飯堂個隻。坐低睇左睇menu，想揀呢間餐廳主打既咖哩雞既，但由於呢排我岩去完個旅行肥左幾磅，就廢事再食啲咁高卡既野啦。所比最後都係戰勝左心魔，嗌左木耳蒸雞（雖然都多油，但心理上好啲）木耳蒸雞個飯係有黑色一點點，個啲唔係芝麻，係藜麥，好似真係好健康咁。咁份量方面呢，我個飯食剩一半。都算飽肚。仲送左杯熱飲。味道方面，佢係算清淡，無出面個啲咁重好味，不過油都係偏多既，無計。

今日收完工決定食個大早餐先訓, 係呢間茶餐廳叫百份百早餐有兩塊漢堡扒, 炒蛋, 火腿, 茄汁焗, 同一塊蒜香牛油多士加一杯熱飲，30蚊的早餐係呢個時勢係咁上下，炒蛋味道唔錯, 有少少蛋汁, 夾埋多士係好香, 但D漢堡扒好油, 仲要加埋汁, 有味既食物加左醬汁就畫蛇添足; 茄汁焗份量好少, 又要放埋係漢堡扒旁邊唔另上, 同D油打成一遍….

今個下午又係度諗緊食咩 咦！！見到呢間百份百好似唔錯喎 就試下啦今次叫左個海南雞飯 嘩$48蚊咋喎 點解咁多野既 雞油飯 海南雞 清煮蘿蔔 中湯 好 逐樣講下先xd先講個雞油飯 賣相都幾好 飯身金黃色 好圓潤 食落去雞油味就有d少 唔夠香油少 可能係想行健康路線啦再講碟雞 睇落顏色好光鮮 雞肉食落去好嫩口 一d都唔老 加埋後面三種醬汁／配料 一共四種食法 正啊雞肉已經拆哂骨食既時候唔洗吐骨 好方便 更適合叫比小朋友／老人家食呢個清煮蘿蔔出乎我意料 用湯煮出黎的蘿蔔 d 湯汁滲哂入蘿蔔入邊 清清地幾好食味精湯 中規中矩啦呢度環境四四正正 座位都幾舒服

went here for a gathering on Sunday, seldom been here.. since still have few hours until dinner, we went here for a tea and order their signature tea dish show on the front door, the stir-fried noodles in Shanghai style was good, the noodles was thinner than usual but not very oily and salty cost ,$36 the portion of the dish was enough for tea set and we ordered another toast with soft and warm peanut butter filling,$19 the drinks come with the lemon tea and water was good and the service was qu