百份百餐廳 (黃埔天地家居庭)

营业中

休息中

百分百下午茶佢個白汁芝士焗雞扒飯，真係好白汁，好芝士，好雞扒。下午茶時段有嘢飲都係38蚊， 係一個好有誠意嘅焗飯。 因為佢嘅芝士係可以撩起一絲絲咁樣嘅，而雞扒係有兩塊，個飯仲有啲醃料令到佢黃色同埋好似係炒飯底，好好食!另外我第二日又去食下午茶 ，佢有個墨西哥辣肉醬意粉。 係menu到佢有個推介嘅 公仔係側邊， 於是我就忍唔住要試下。就咁睇個名真係以為平平無奇，但係食落就知道係一個驚喜，都係有啲芝士同埋肉醬喺側邊，都幾多肉醬， 非常好味， 辣又唔係話好辣， 但係味道就好夾。依家喺黃埔嘅百分百新開咗冇幾耐，係我近期發現 一間非常有質素嘅餐廳，價錢實惠， 而且服務態度都非常好 ，侍應們係好有禮貌。 雖然我都知道 新開嘅舖頭開頭就好好，過咗幾年就另一個樣。但係能夠有幸嘗試到呢間餐廳， 我已經好開心。 因為係一間好有良心嘅食店，你唔覺得係幫緊人交租，亦都冇氣要你受嘅。

吾明有些大集團口號對自己出品俾滿分以什麼為基準，簡單如多士餐，收你24早歺多士咬下糸乾凍硬形容，麵包本身5得點焊都好難好食再加上廚房求其做俾你真系百份百5得，keep it fresh請首先從食材選擇好先講！

今日同屋企人一齊食個quick dinner 所以去食百分百。我哋叫咗一個二人餐 （$158）有霸王砂礓雞, 仲有蜜桃咕嚕肉，加兩宗燉湯。個湯係姬松茸蟲草花木瓜豬骨燉湯。🤩🤩唔係味精湯，好夠香茹同木瓜味👍🏻👍🏻值得一讚！個人餐就叫左牛肉炒通菜 （$66）好夠鑊氣，牛肉都好嫩！讚！👍🏻

早餐叫個麥皮方包煎蛋餐，居然無比個煎蛋方包，打去問仲話我做咩無check。午餐叫個海南雞飯，雞油飯變咖哩飯，打去問就話自己個海南雞飯係咖哩香茅雞油飯。千錯萬錯都唔係間舖嘅錯，呢d餐廳你食埋我個份

早上在黃埔找個地方吃早餐，除了太興之外，呢間係唔錯既選擇。早餐大大份，選擇又多。可惜，店長店員的服務真係差到極，由攞位開始已經有種，「求你俾個位我」的感覺。每樣食物或飲品放低時都頭拎開。逼完人搭枱，放低食物又唔講清楚誰的食物。「唔該！可以俾杯水我嗎？」問完完全無反應走開，完全唔知佢聽唔聽到，哦⋯⋯原來聽到，杯水嚟到「啪」一聲放低即走。坐在近門口的位置，短短半小時都激走幾枱客，勁！我已經唔算係繁忙時間嚟到⋯

👁‍🗨 野菌鮮奶滑炒蛋 輕量火腿絲濃湯通粉 蒜香牛油多士 💲36 (早餐之選)因為前排考試唔得閒周圍去，見屋企附近新開左間日日都幾爆滿下既連鎖茶餐廳，所以就決定去呢度試下佢個早餐🙃野菌鮮奶滑炒蛋，個蛋算係薄身，但係口感滑身，保留到有蛋漿，同埋都真係有頗多菇菌，幾有驚喜🍳蒜香牛油多士，食落帶有啖啖既蒜蓉味，如果多士再脆身一點會更好🥪輕量火腿絲濃湯通粉，份量就真係輕食啦，通粉有咬口唔會話煲到腍爛，湯底係忌廉味既湯，飲曬都無話好味精會口渴😂不過各分店質素有所唔同，希望呢間遲下都繼續保持到呢個水準🤔🔛 整體評分（7/10）

最佳紅磡開左一件百份百，記憶中係粉嶺食過一次，印象一般.之前阿媽去試過，極度推薦.今天lunch就去試下先.飯香而不油粒粒分明，雞肉入口即化.值得表揚，蘿蔔清甜無渣.三種醬料任君選擇.薑蓉居然沒有蔥簡直是我這種不吃蔥的人來說是福音呀. 60蚊一份還叫了一個牛腩米線 牛腩大約有7-8塊 湯底濃郁 米線好q彈呀總體都唔差 38蚊抵食..咖啡+9蚊不過對於服務安排就有d唔滿意，可能新店剛開，培訓唔夠系統化.我講左3次熱檸茶佢仲要再comfirm.

～～～～～～～～～～～～～～～～～～～～～～早上收工，去咗紅磡百份百餐廳，諗住食番個優質早餐先翻屋企瞓，叫咗個焗流心蛋及香煎雞扒即食麵（普通麵），一杯熱啡，加多一塊蒜香多士，共盛惠$38元。價錢都可以接受，對自己好啲嘛！～～～～～～～～～～～～～～～～～～～～～～點知食完就覺得入錯咗舖頭，想知點解，睇吓啲相片，就知一二！～～～～～～～～～～～～～～～～～～～～～～~~~~~~~~~~~~~~~~~~~~~~~~~~~~~~