百利來美食

营业中

休息中

夜晚食完飯後想搵個地方坐低傾下計，又想食燒賣，所以入咗呢間小食店。舖頭座位唔多，大部分顧客(應該都係附近住嘅街坊)都係買外賣。但裝修頗有風味，食物照及牆畫都幾有藝術感。我哋坐低之後老闆娘好熱心介紹menu，我哋有叫炸燒賣同椒鹽雞肶菇，仲有老闆娘推薦嘅果汁。椒鹽雞肶菇十分惹味，即叫即炸，外面脆口得嚟裏面仍然保留到濕潤。燒賣就比較普通，雖然完全滿足到我嗰日突然想食燒賣嘅request，但都炸燒賣似乎都係無蒸燒賣咁好食尤其無咗豉油同辣椒油，所以可能其他signature小食會吸引啲。至於果汁有好多果肉，感受到係落咗好多鮮果鮮榨，無添加嘅果汁(老闆娘係咁介紹)，解渴一流

這一間小食店是一間好有心機嘅小食店，一定要試佢嘅碗仔翅，好多瘦肉絲好足料，好好味😋😋煎釀三寶好大嚿，一碟都有6至7嚿，每件都系好新鮮，新鮮炸的，非常脆的，經過元朗必定一試😋😋

百利來炸物店夜晚先營業，主打各類炸物，香口小食宵夜今晚就買外賣做宵夜🥢足料炸三寶$29兩件青椒、兩件矮瓜、兩件炸雲吞沾上麵包糠去炸，但炸得有D燶。🥢自家粉仔（細）$21粉仔夠足料有冬菇絲同蝦乾，湯底味道唔錯，可惜冇辣菜甫，只係加辣油增添香味，我個人覺得有菜甫係粉仔靈魂。店舖內有數張枱可以堂食，但都幾多人買外賣，店外劃紙仔，俾完錢就企門口等, 阿姐可能嫌我買得少，叫我加大份量，我話唔洗啦。咁少野都等左十分鐘。

喂！話你知，我今次去咗一間好正嘅食肆，食咗幾樣勁貨，唔好意思，咁抵食，實要同大家分享吓啫！首先講吓佢哋個蒜香炸豆腐，啖啖內裡嘅豆腐又滑又嫩，外層炸得香脆得嚟唔會過於油膩，香蒜味撲鼻而來，啖啖都夠晒味道，真係咬一啖流口水咁滋味啊😋！再嚟就係麻醬雞絲冷麵，講真嘅，份量真係唔細氣，雞絲嘅份量嚟得又足又厚道。勁啱嗜辣嘅我，清爽透麻，隔住都聞到啲麻醬香氣，麵條爽滑，雞絲夾埋啲涼拌麵一齊食，啱曬夏天！我仲有食過椒鹽四季豆，口感嘅爽脆，同椒鹽嘅惹味做到咁樣匹配，幾能叫人一枝筷唔停嘅，蒜味撲鼻，諗起都令人心癢癢㗎！當日行過，隔離就聞到隻甜甜嘅香氣，仲以為附近開咗間甜品店！原來係呢間食肆啊，呢度真係食客以賀年糖選擇不少，而且係自家製嘅，我已經mark咗，返屋企過年一定要嚟掃貨。轉頭再嚟，一定要試埋其他嘅美食，希望下次同朋友一齊嚟，可以食多幾樣！食物咁好味，店內環境都好寫意攞仔，我就喜歡這種隨意嘅地方。下次你哋過嚟元朗，記得嚟試吓呢度啲嘢食，真係正到彈起！👌🥢🎉

入到元朗想食啲特別啲嘅嘢見到呢間店有晒相又好有心機佈置同介紹就試吓啦有好多幾特別嘅小食連炸丸都好多唔同選擇又係啲心機嘢叫咗個招牌必食嘅翅真係好足料得好好食另外又叫咗炸牛丸同炸燒賣燒賣係比較出色外脆內軟三絲冷麵啲絲好多 麻醬好正好濃魚肉釀鮮菇個菇同魚肉都係厚嘅同juicy嘅個面啲麵包糠我哋都麻麻地麵包糠不過都ok可接受最後老闆娘推薦我哋飲個芒果百香果汁好香好濃郁 唔係好鍾意飲甜嘢嘅都接受到呢間可以再encore試埋其他嘢

如果夜晚飽又唔知食咩，百利來係最佳嘅選擇。佢做得最出色嘅嘢就係炸嘢。野食方面，我食過煎釀三寶，都唔錯的，佢嘅炸魚滑餃子🥟個皮係非常鬆脆，個皮好薄。茄子同青椒都好食。另外，又食過蟹肉薯餅，比較唔似薯餅，係應該話完全食唔到有薯仔，争啲啦。（薯餅熱愛者不建議考慮🤓）仲有，花膠碗仔翅一般啦，我覺得d花膠比較似魚肚，我唔肯定。以e個價錢來講，材料都叫做豐富㗎啦。配料有魚肚（花膠？），粉絲，雞絲，仲有冬菇。幾廿蚊，可以接受架啦。炸四季豆都算係必食，如果無蔬菜不歡的人。四季豆配合華鹽同埋蒜蓉嘅味道，都幾特別。平時喺街比較少食到。但最鍾意食嘅都係炸魷魚🦑，香脆好味😋都suggest 大家必食，用來送酒唔錯👌

📍 📍 百利來美食 (元朗)元朗鳳攸南街3號好順景大廈地下44號舖百利來係一間食炸物既小食店，最岩宵夜同口痕既時候食，係平民價既小店。店舖位置不大，得4張枱左右 👉 蒜香炸豆腐💰22😋😋😋😋/5外脆內軟的炸豆腐，豆腐好嫩滑，好香豆味，咬開豆腐都有汁岀來，豆腐索曬啲蒜汁，惹味😋😋👉 麻醬雞絲冷麵 💰28😋😋😋😋/5個份量都幾澎湃，有大量既雞絲同麵，仲有青瓜絲真係會減低麻醬嘅heavy感覺，正👉椒鹽四季豆💰22😋😋😋.5/5椒鹽味十足，面頭有大量嘅蒜頭，好惹味！回頭:maybe，元朗太多平民好嘢食，有排試!!!😆😆😆#kermit食在元朗

第一次用ubereat叫餐，等左兩粒鐘都話準備中，又唔敢叫第二間餐廳，全晚餓住等，仲以為係ubereat問題。今日再叫第二次 ，等左一粒鐘無故取消左訂單。今次打去餐廳問 ，打第一次接通無人聽 ，之後打幾次係cut線，明顯有心唔聽。隔左陣再打去，終於有人肯聽，話今日無開鋪 。無開鋪好心唔好接ubereat訂單，又要俾人落單 ，落完又取消，無歉意仲要話唔緊要呀取消左訂單會退款架 。痴線！完全浪費時間仲要聯絡ubereat搞退款自己跟進！嗌咁耐ubereat其他餐廳都唔會咁不負責任，呢間野真係極品，永久blacklist！

其實啲間鋪係我每次收工都會經過嘅鋪頭，每次行過都一定聞到好香嘅炸物味，真係好誘人😫好遠都聞到邪惡嘅味道，所以當收工特別肚餓時候都會頂吾順，隻腳都會跟住行入去，所以有機會入嚟元朗或者住附近嘅朋友仔一定要試下，啲間真係做宵夜無得輸👀而且佢雖然好細間，但牆上貼滿食物嘅相片，枱都係比較型格款，所以睇得出老闆對鋪頭嘅用心嫁❤️-🧏🏻‍♀️溫馨提示：因為鋪頭都比較細，所以有機會要排隊，希望大家比少少耐性，支持一下小本生意-▪️足料花膠雞湯翅 $27▪️ 好運炸雲吞 $22▪️ 蒜茸檸汁煙鴨胸 $25▪️越南粉絲皮春卷 $25▪️ 醉雞卷 ▪️奇異果汁 $20▪️蘆薈荔枝汁 $18-#足料花膠雞湯翅啲個係招牌菜，基本上個個嚟到都會叫，份量都一啲都吾慳料嫁，每一淡你都會食到裡面嘅料，而且裡面加左日本麻油/浙醋/泰國胡椒粉，你吾中意嘅都可以預先剔除先，不過溝埋嚟食先係最標準嘅味嫁嘛😂如果想食返原汁原味就建議全部落少量就夠啦#好運炸雲吞佢嘅雲吞做法係薄身做法，側邊都係炸脆皮，雖然睇落去好似好少料禁，但佢裡面嘅豬肉好彈牙，亦都有陣陣嘅蔥味，而且無成口油嘅感覺。另外我最欣賞嘅就係佢地自家制泰汁，少少酸辣，食落去好開胃，個泰汁吾

入元朗要食盡好西最愛去百利來食宵夜佢真係有種魔力令人念念不忘炸物、炸丸已經食過無數次都唔會厭每次無論堂食 定外賣 都會order到放題咁今次同朋友兩個人就叫咗5樣嘢-麻醬雞絲冷麵 $28大量青瓜絲真係會減低麻醬嘅heavy感好正 過癮蒜蓉雞翼 $23惹味之選椒鹽四季豆 $22超好食以前仲試過無哂四季豆老闆special 以秋葵代替又係超級正越南粉絲皮春卷 $25朋友嘅至愛啤酒薯條 $25無得輸 必點百利來自家果汁都一樣係又平又正㗎！

每次行經元朗， 我都會心思思想去百利來坐低食下野， 呢間小店主打果汁同小食， 紅火龍果汁溝菠蘿是我的至愛， 真係好好飲， 百飲不厭；小食種類繁多， 我每次對住張點餐紙都有選擇困難， 因為好多款都想食， 但又無咁大胃口， 唯有次次叫不同的試下。 適逢今晚經過附近， 索性喺度解決今晚的晚餐， 叫左麻辣雞絲冷麵， 麻辣雞中翼， 同埋新出品連點餐紙上都未有的(炸唔知乜乜腸<== 我唔記得左佢既名堂), 全部即叫即整， 好好味，老闊娘又nice; 吃飽飽再隊埋支火龍果菠蘿， 今晚dinner真係大滿足☺

突然掛住百利來既啤酒薯條特登走出去買盒薯條拎走食😂食過咁多間小食店百利來既薯條真係無敵仲要黎咁多次次次既水準都keep到薯條凍左都係脆加埋個醬直頭一流👍🏻$25一盒咁多條都算抵喇掛

宵夜之選真係非百利來莫屬，呢到主要賣炸既小食，不過佢個翅都係皇牌，如果遲少少去都未必有得食。以下係我既心水小食：雞肉翅炸龍蝦丸炸雞軟骨魚肉釀冬菇炸單骨雞翼佢既炸野真係非常之脆，不過食完就會好熱氣，可以買佢地自製既果汁解一解，個人推介蘋果桃。

已經係呢到係熟客一星期會幫襯至少一次可以話係全香港最有質素既小食店，好食到會擔心佢捱唔過租金而執果種必試：碗仔翅 超足料雞湯好甜好正best 碗仔翅in hk啤酒薯條 炸得岩岩好個粉又開得靚 重點係個醬會用舊洋蔥包住 好detail 成個味炸雲吞 層皮夠曬薄脆 個餡係陵魚肉四季豆 又係好好食加埋s 蒜蓉一流已經食太多次冇相 必試啦總之順帶一提 佢d 飲品都好高質佢個生薑檸檬非常出色18 蚊枝完全係飲得出係好多新鮮薑汁整一定要試

今晚去朋友屋企打麻雀，成9點先到，我話不如買d 野食邊食邊打，爭取時間，朋友即推介百利來，估唔到有咁多款式小食!花膠雞湯翅，雖然份量不算大，相當足料，雞湯香濃，加少許醋及胡椒粉，一流！可惜花膠不多越式粉絲春卷，新鮮即炸，雖然是小店，但都跟街鋪的越南店水準差不多，脆口鬆化，再配合酸甜醬，令人回味!三絲冷麵，麻醬味道不錯，麵質彈牙爽口，青瓜青甜！蒜香炸豆腐 - 可能外賣焗淋左，但豆腐好嫩滑，好香黃豆味除了這幾款，仲叫了椒鹽牛丸同蟹子丸，兩款都好味，但大家急住食，忘了影相!! 聽聞黃金炸燒賣&麻辣雞翼都不錯，下次入元朗打牌再要一試!!