百利冰室

营业中

休息中

最近我去咗百利冰室，呢間茶餐廳真係好有懷舊感，無論係裝潢定係菜單都好吸引🥰💫 💫蝦多士 $78 呢個蝦多士真係唔可以錯過！外脆內軟，蝦肉鮮嫩，配上香脆的多士，簡直係完美嘅組合😋 每一口都令人驚喜，蝦味濃郁，仲有少少香草味，食完仲想再來一份！而且搭配一杯凍奶茶，絕對係最佳選擇。 💫凍奶茶 $25 凍奶茶係香港人嘅最愛，呢杯奶茶真係好滑順🥛 加上冰塊後更加清涼，夏天飲正好！雖然有啲人話飲完會肚瀉，但我覺得只要唔飲得太多就冇問題啦🤣 甜度適中，非常解渴！ 🎵🎵🎵Indulge in the classic flavors of Hong Kong at 百利冰室, where the shrimp toast and iced milk tea create a delightful culinary experience. Perfect for a casual meal or a quick snack, this spot captures the essence of local dining culture.

住筲箕灣咁耐都未試過，成日見到排哂隊，因為西灣河同筲箕灣之間，今日同老公行過終於試左搬左黎3年今日終於試左，估唔到係真係食返細個既味道，老實價錢唔貴，我叫左特餐通粉係忌廉湯好好味，叫左凍啡味係唔係捷榮，真係自己沖，見到好多野都想試，不過唯一缺點係佢開6:30-17:30，同大家留意佢員收現金，常餐茶記飯餐我最後仲買左沙翁，見到d餐都有心整唔係hea,筲箕灣必推雖然見d人話員工冇禮貌個人認為幾好態度，姐姐仲同我地講笑

個阿姐係咁俾人插隊，你拎左飛仔等位係完全無用的，因為個阿姐鐘意俾邊個入就邊個入。一時又係下張係到你，一時就話叫你等陣，鋪頭出面條路又窄，根本等吾到。如果想俾錢攞氣受就慢慢等慢慢食。

不嬲都中意食百利粟米肉粒飯炒飯底(炒飯底加15)。今日同爸爸黎飯晏晝，佢食粟米牛肉粒炒飯白飯底，我食粟米肉粒飯炒飯底。我碟粟米肉粒飯炒飯底嚟到之後已經聞到燶味！炒飯仲有炒燶野既黑色一點點！叫侍應埋黎話要換，就話炒飯係咁嫁啦(炒飯有黑色一點點係正常？有燶味係正常？)。最後老闆娘黎將炒飯換左白飯仲話叫以後唔好叫炒飯底禾。經典黎啦— 埋單既時候老闆娘堅持炒飯底15要照收！話因為我分左一啖去我爸爸隻碟叫食左？話說佢換個白飯俾我既時候，我爸爸已經指住係佢碟個啖飯話「啦，我唔會食既放心」諗住大家君君真真。最唔君真係邊個就自己知囉。炒飯失手米炒過囉。唔洗咁趕客既。

六十幾蚊一個餐有湯有嘢飲仲要炒底焗豬扒飯. 好有誠意。 味道濃鬱。 過羅宋湯有好多料， 唔係淨係用番茄醬開。 好抵食呀！！奶茶又香又濃。 ,員工服務又好態度。 仲要好夠冷氣添

傳統港式冰室喺香港愈來愈少，依間係由我上一輩都有幫襯開到而家，餐廳嘅佈置同裝修都維持以前咁，不過錯嘅位置就較迫依間冰室懷舊之餘，食物品質都中上，而價錢仲好實惠雖然係舊式茶餐廳，但店員都好Nice又好客特餐-餐肉通粉+火腿奄列+餐包+熱茶走$39一食個通粉就好有驚喜，因為個湯底係用咗好濃厚嘅忌廉湯好夠味道同足料，而唔係唔好通嘅雞湯hea你，加埋啲湯又係通粉入邊，吸晒味，真係好有誠意嘅茶記通粉，餐肉仲係兩塊厚後煎香嘅餐肉火腿奄列煎得火候啱啱好，切落去仲有少少單流出嚟，加埋落餐包食就好滿足，不過略嫌油咗少少黎到茶記當然要叫杯茶走，叫咗少甜真係有少甜到，茶底夠晒香醇，加埋煉奶好香滑，飲落一啲都唔澀

在這間餐廳🍞☕️，點了一份傳統叉燒餐包和一杯熱奶茶。說實話，我很難找到一家還能做出傳統叉燒餐包的茶餐廳，所以這次真的讓我興奮不已！😍叉燒餐包是我小時候的最愛，對於香港人來說它是一種傳統早餐食品，味道非常獨特。這家茶餐廳的叉燒餐包很棒，餐包皮酥脆，內裡柔軟，而叉燒肉汁多汁鮮美，非常入味。搭配一杯香濃的熱奶茶，早上真的是一份完美的享受！😋這裡價格也非常合理，價效比高。總之，這是一家非常不錯的茶餐廳，喜歡舊時味道的話，可以來一試！👍

位於筲箕灣嘅百利冰室 係五十年老字號電視📺 飲食媒體都有訪問過佢地所以都算比較出名 有fans嘅冰室長期都要排係門口出面等幾張檯 冰室最紅最多人叫係沙翁 依家好少地方食到🤧其他實野食都係中規中矩 杯奶茶飲親都會肚屙🥴🥴不過佢地嘢食個味 真係舊式茶記嘅味 紅汁白汁常餐湯底都係舊時嘅

今日 平日 大概一點半去到諗住冇沙翁 點知都有咁就試一個 咬落去好濕 個面冇乜砂糖可能擺得耐所以唔好食 上次去大澳食嗰個反而好食啲 事實上佢真係冇以前幾十年前酒樓整多啲咁好食 佢唔夠鬆軟砂糖亦都唔夠 佢唔係炸到金黃色系偏啡 跟住叫咗個常餐 餐肉通粉 其實係冇任何特色真係普通茶記嗰隻 牛油多士同火腿奄列 都係正常茶餐廳水準冇特別話好味 反而凍檸茶個茶底 ok唔會淡茂茂 呢個算唔錯. 所以唔會特登下次再嚟食 因為整體都係普通茶餐廳 嘅味道 正正常常

難得極早出門來到西灣河，當然要享用一下早餐吧！百利冰室是屹立超過半世紀的傳統港式冰室，早上9點的時間來到已經有不少人在等位。裝修很懷舊，但環境頗明亮，還有不少卡座。這裡的特餐不是沙嗲牛肉麵，所以爭扎了一輪才決定選哪個，因為點湯麵餐的話就沒有了奄列多士 😭 不過兩個餐都是全日供應，或者下次再來可以再試別的。🥣特餐 ($38) - 一上桌就在想我的餐肉通粉的餐肉去哪了？原來是掩沒在通粉之中，餐肉是有煎過的喔！面且通粉的湯底應該是忌廉湯來，入口很順滑，每粒通粉也掛了湯，吃落很彈牙。火腿奄列的蛋都幾香滑，火腿都有不少。跟餐的牛油餐包轉了做多士 (+$1) 很香脆，牛油塗得不會很敷衍。不轉多士的餐包看起來亦不錯，另外通粉都可以加錢 ($5) 轉成出前一丁麵。這裡的奶茶入口順滑，茶底很濃又不會澀。不過原來這裡的沙翁很出名，有點後悔沒買到呢

🇭🇰百利冰室·前排見到呢間嘅沙翁好似好紅咁 所以就專登搵咗個禮拜六日過嚟食😎不過我嚟到先發現呢間原來我細個已經食過 佢係好傳統個啲冰室黎既 超懷念😍😍·常餐$38 l 葡汁豬扒意粉$45 l 沙翁$10佢呢度啲嘢食都幾抵 佢個火腿通粉既雞湯底完全就係細個嗰個味道 火腿份量都好多 而且好難得地佢個通粉完全唔會過淋 仲係有口感嘅🤤🤤之後個葡汁豬扒意粉都唔錯嘅 不過我自己就略嫌佢呢個嘅葡汁有少少唔夠 但係佢個豬扒份量真係超多 而且都唔會太乾🐷反而佢過沙翁我有少少失望 佢食落係凍咗嘅🫢而且佢係偏實個種黎既 我自己鍾意大澳嗰間多啲🙊🤣🤣·#rbyeat#rby港式#rby西灣河·📍西灣河筲箕灣道216號地下

又有一個閨蜜生日啦，所以就梗係要食餐好嘅，順便可以俾我哋聚下舊❤️所以就搵咗呢間銅鑼灣嘅餐廳食飯，喺OpenRice度見到成間餐廳嘅感覺都好啱feel，非常之舒適可以俾我哋放鬆吓都幾好！😋乾炒牛河我很喜歡這個，肉質保持軟腍，好juicy，非常惹味，滋味十足❤️

有個好姊妹有咗BB，於是就帶佢食一餐好食嘅，咁就比大家靜靜地傾吓計😙搵咗呢一間餐廳食野，一入到去成間餐廳嘅佈置好正，好舒服可以享受下真係幾好😋我自己好鍾意食咖喱牛腩飯我很喜歡這個，口感好好，肉方面好juicy，入味好香，非常討喜❤️

又有一個好同事要移民啦，所以帶佢去食番一餐豐富嘅，順便可以大家談心❤️所以就專誠搵咗呢間餐廳食飯，就咁望落去呢度嘅環境氣氛都好正，非常之舒適可以享受下真係幾好！我今次就試吓呢一個鐵板肉眼扒意外地有啲驚喜，口感好好，好juicy，十分惹味，性價比都幾高😍

返學嗰陣姊妹推介就去咗呢一間餐廳食嘢😊睇到OpenRiced人話呢一度好食，所以一於要去放鬆下！大推！至於呢一個豬扒飯上枱香噴噴， 一點也不靭，香嫩多汁，十分惹味，真係好正😋