百利火鍋海鮮酒家 (已搬遷) 新店位置

今晚朋友帶左我地去一間較懷舊嘅店飯店門口細細的 有兩層 地下比較少人點知一上樓上 勁多人火鍋中 感覺上大家都係老街坊 店員好有禮貌的叫左最基本嘅火鍋底 蕃茄薯仔湯佢啲火鍋料其實好抵食 $28/$38我地叫左安格斯肥牛 厚切 勁有牛味好耐無食過魚咀 估唔到$38新鮮夾乾淨西洋菜又係乾淨大碟 起碼多出面三倍最尾推介 一定食佢嘅蝦丸 比例1:9成隻蝦係蝦丸 真係超誇張 勁好食！

因為要過海番工,識多左九龍呢邊既餐廳,聽同事講太子呢間火鍋店好店加上近排天氣凍啦,最好就係打邊爐,放工之後約左幾個朋友去食一見到佢地啲湯底就覺得好特別,例如有醉雞,水魚,豬肚,牛腩湯底等等我地叫左個碎雞湯底將啲雞放落鍋度,啲花雕同藥材味出哂黎,超級香啲雞亦都吸哂湯底既花雕味,又滑又入味,好正!打邊爐點少得肥牛呢度啲肥牛超大盤,而且肥瘦均勻,有少少厚度,食落牛味濃郁有咬口蝦丸呢度既蝦丸絕對係誠意之作,一黎到見到蝦全部都係蝦!粒粒都係大大隻蝦整成,食落爽口,又啖啖蝦肉,新鮮呀!不過講到最正既一定係小菜!!呢度啲椒鹽類食物真心冇得輸,皮炸得脆,炸得金黃色又夠薄,更重要係完全唔油,食落好香口呢個椒鹽豆腐超出色,外脆內軟,豆腐超滑,椒鹽部分唔乾身唔會油,但好脆另外椒鹽魚都係一樣咁出色連骨既部分都係炸得好脆,唔會驚哽到骨,因為骨都係脆身,可以食到既同樣係一啲都唔油,炸完個魚味仲係度!

覓食之旅就走左黎算係舊城區----太子站，平時好日都唔黎，黎到先發現呢度既食肆真係到處都有!!起門口偷望入去，人流都不少......吸引左我入坑了老品牌，見到的都是老客戶！由於歷史有咁上下，所以預左會污染一點！舊式既火鍋店，感覺好似入左去七八十年代的老香港....點左個是日最後一鍋的特製牛腩鍋！聽到好多顧客一聽到售罄就覺得可惜！原來佢地黎就係為左牛腩鍋既......錯有錯著，牛腩鍋係無敵重量級，裡面有牛筋、牛腩、牛肚等......腍到超淋，入口咬兩口又爽又彃 .....尤其牛筋，骨膠原十足，又不佔胃，所以吃了不少!蘿蔔亦都腍淋，索曬入味，非常可口。食魚嘴，緊係食魚腦中的啫喱狀，補充身體的膠質，非常滋補!!但當然係要老一輩才懂的美食!手打魚滑！雖然樣貌不太討好，但是佢的彈口度比起其他餐廳的更爽滑！價錢又不貴，手打自家製的還是有保證......刮出黎會覺得好實，但煮後出奇地彈口!蝦無雪藏味，仲要有隻未死，郁下郁下既!!相對地，亦較肥同長啲.....半斤都幾多下!!魚片.....食佢魚既鮮味成餐飯埋單就每人345

深邃靜謐的夜，太子基隆街孤寂冷清，街道恬靜，發出絲絲黃光的百利火鍋大招牌點亮暗暗的街道。百利的外表就是舊舊的，店外放著多箱生猛河鮮海產，地面濕漉漉，就如街市般。看到如此的外觀，不少人會覺得是市井之地，所吃的定必是下價貨。不過我與朋友都是不拘小節的女生，只要好吃的，環境差一點也不是大問題。一入百利就被店員叔叔豪邁熱情地問我們多少人吃火鍋，想坐那裡就坐那裡，我喜歡這裡無拘無束，沒有階級，可以隨心所欲。這裡湯底花多繚亂，不知如何挑選，老闆娘亦作多款推介，每款都各有特色。朋友看見餐牌有海底狗肉鍋，她被嚇倒，說這裡怎可以賣狗肉鍋~ 不過原來是她誤會了~ 她問老闆甚麼是海底狗肉鍋，老闆說海底狗肉鍋其實是沙皮魚與海螺煲成的，朋友虛驚一場。最後選了這款粟米鮮茄花蟹鍋，花蟹肉質飽滿，精華都濃縮於湯底中。粟米鮮甜，蕃茄香味不斷撲鼻而來，令我們食慾大開。厲害的是這個湯在我們吃完整個火鍋沒甚麼油脂在湯上，這是我第一次吃火鍋看見的奇景。在吃火鍋期間，我與朋友跟老闆暢談三個半小時，閒聊中學到不少食物知識，我這個吃貨實在獲益良多。關於火鍋湯底與選擇火鍋配料，也是一種學問，原來用螺肉及另一款材料煲成的湯不應該點魚作為

兩小時內結賬，每人一支免費啤酒，好識做生意，吾係限時，想有著數就食完就走，想吹水耐啲又得，吾會趕你走，彈性好多啤酒夠凍打邊爐一定吾少得嘅手切肥牛，未食。。。睇到都滿足肥瘦相間，形成雪花般淥一淥肥的部份好像跟瘦的溶為一體，入口鬆軟，牛香慢慢沁入口中牛爽，牛脷也，但我從未見過這麼嫩的牛脷過一過水就食得，牛味比牛肉遜色聖子皇超大，肉厚，新鮮好長。。。淥完都有縮水，一啖食吾晒，爽口鮮甜，吾醮醬料，才吃到原汁原味桶蠔，隻隻Size 平均，大家吾使爭熟左都大過隻湯匙，脹卜卜，入口鮮甜吾腥咬一口，細細品嘗，蠔味十足，好滿足呢三五知己，一齊食緊要食好啲啦料靚，招呼好，價錢合理，不一定要去大酒樓大集團嘅！我覺得今晚真的很滿意，很滿足

上星期天氣轉涼，嗱嗱聲約班Friends去打邊爐，點知又熱返!不過大家都異口同聲話冇所謂，因為百利送人頭啤酒，又吾知優惠做到幾時，緊係食左先啦淨係啤酒都慳返百幾蚊鍋底都幾特別，不過侍應推介左個石斑鍋俾我地，見佢十分熱情，就聽佢啦魚同鍋分開上，吾會要一次過食左魚先，慢慢淥啲魚好新鮮，肉實爽口，鮮甜吾腥，份量都不少，多過酒樓大斑兩味聖子好大隻，好新鮮，淥完都冇縮水，爽口嫩滑，鮮甜無比手切牛肉是這裡的招牌菜，差不多每檯都有叫，賣相相當吸引，雪花到呢。。。自己買都未必㨂到拖一拖水即食，肉質嫩滑，入口軟綿綿，牛味香濃，火鍋店好少食到，食完再encore,我們一共食了三碟打完邊爐飲啖湯，又有魚的甜味，又有牛肉味，再加上湯裡的蘿蔔。。。尤其是啲蘿蔔，索晒啲精華，我地一件都掃清這裡裝潢普通，但材料新鮮，侍應招呼又好，時不時又加水，又問客人夠吾夠食，跟客人好熟絡，好有親切感

已經開始涼涼地，就有想打邊爐嘅意欲，收工成日行過尼條街，都有好多嘢食，我同朋友就簡左尼間試下，我哋揀咗鮮茄粟米花蟹鍋個鍋好足料，啲食材都好新鮮，食之前飲咗啖湯好鮮甜，我哋仲叫咗蝦丸，墨魚丸，牛肉，魚雲，魚滑不得不讚個牛肉好好食，牛肉食落去好軟滑唔會鞋十十推介個蝦丸同墨魚丸都用料十足，食落去都爽口彈牙推介其他食物都唔係好貴，值得一試，餐廳地方都坐得舒服，下次可以再約朋友來呢間十下十下

一碟手切牛肉180元由於大部分是我食覺得很抵吃百利火鍋今晚每人頭送一支青島啤座上客很多雖然已8点半要一個薑汁魚頭雲鍋底98元大,料豐魚頭極肥美肉厚望之生慾吃之後快之慾望浸8分鐘熟真正鮮製虾拼墨魚丸單叫墨魚丸要78火鍋老店的菜總是新鮮脆爽我們在街市買入是兩回事我的方榮記肥黃牛片真的本人可以清盤友人覺得虾很新鮮墨魚丸結實甜香火鍋廣東式，最緊要用料新鮮明碼實價還要送酒水很粗獷熱鬧食慾高漲一餐每人約200塊不貴因為女友說比起杜如風我們簡直cheap友價

食物：手切牛肉都係最正，魚腐放湯索曬d精華無得頂，蝦丸足料，聖子夠鮮甜，撈魚皮都好味，其他就普通環境： 近地鐵站好方便，行出彌敦道都好近衛生：幾十年舊鋪當然有歲月痕跡，當自己去左大排檔，地方污糟d但食物搭夠總結：不定期會黎食，一分錢一分貨

好耐無見既朋友約出黎見下面吹下水 打風過後難得又有開門 其實好多時都會食呢間 覺得d野都新鮮 同有d小菜也必食 蝴蝶牛腩窩 有蕃茄 蘿蔔 芹菜 當然最喜愛嘅蝴蝶腩啦！手切牛 中 肥瘦適中 牛味濃 自家整嘅魚腐 好好味 QQ有咬口 每人送一支 Asahi添 缽酒生蠔 必叫 明明無脆漿但都整到脆邊兼內有蠔香老闆推介蒸淹仔蟹 細細仔 但多糕肉甜既還有椒鹽魚托 熱辣辣又野味 魚托d肉仲特別滑添

位於太子的百利火鍋海鮮酒家至今開業已有一段時間，現在還有優惠😌凡恵顧即送人頭計啤酒各一支真的很吸引😎蘿蔔牛腩鍋 - 材料豐富牛腩份量十足而且十分爽口不會太腍澳門豬骨鍋 - 十分多豬骨，湯底有豬味小小膠囗手切肥牛 - 非常嫩滑厚度適中，油脂分佈剛好不會太肥其它火鍋配料卻比較一般，毫不特出而且價錢略有點偏貴

一條小小象拔蚌收640，最唔抵叫咗一碟中牛肉，一d 雪花都無仲要收280，又貴又唔靚，其他食物普普通通，但環境污糟又嘈雜，d 單亂哂籠，埋單一話check單老闆娘即時黑口黑面。

上個星期同班麻甩佬吃飯，佢話想吃火鍋（大熱天時先黎吃火鍋．．．． ，諗起都覺得好熱），不過有人生日，冇辦法啦，唯有去啦．．．見到百利個setting，好麻甩下，心知不妙．．．點知，雖然坐得唔係好舒服，d服務又冇乜，但係d野又真係幾新鮮同好味魚有魚味呢碟牛肉真係不得了，好有牛味，入口既溶．．所以話人唔可以貌相，鋪頭都一樣！

奄仔蟹 一隻有膏一隻就差少少，錄完之後都好鮮甜 蟹打邊爐都係第一次試 都算唔錯 椒鹽鮑魚不過不失，但如果係新鮮鮑魚就好似哂左啲，都可以醉雞鍋普普通通，冇乜特別手打丸吾算出色，不過係抵食一碟有成10隻餃，鲮魚滑又夠大份，牛肉食左兩碟 牛肉咪吾夠，但好彩林身吾韌

朋友推介下第一次黎到百利打邊爐, 淹仔蟹通常都係鹽焗或清蒸, 用黎打邊爐都係第一次, 味道出奇地鮮甜, 蟹膏飽滿, 完全唔怕鮮味漏係鍋內, 花竹蝦兩食, 蝦頭豉油王, 肉身生食, 口感見仁見智, 不喜歡生吃可以烚熟食有另一番滋味, 其餘推介有手切牛。