百匯小品

营业中

休息中

今日去買午餐外賣，買左大約10籠點心，執錯兼比少左足足有3籠。阿姐仲要唔係跟號碼順序去執，遲幾十個號碼既買兩三籠點心都可以拎走晒先毫無秩序，以後一定唔會再來光顧！

今日與媽媽在粉嶺閒逛後肚餓了，見到呢間酒樓未試過一於試吓先柴魚排骨粥 鹹香的排骨，軟綿綿的粥，不錯的粥品 好開胃炸両腸粉 好耐冇喺酒樓見到 識落炸兩脆卜卜米漿都軟滑煙韌 最正嘅係佢有蔥花同蝦米潮州粉果 熱辣辣大大個 都好足料 記得問店員攞辣油同吃 蝦滑蒸魚肚 蝦滑爽滑 不過食落好似冇乜味但係魚肚就吸晒啲味 甘香鹹鮮食完炸両腸粉唔夠喉，再叫多一碟叉燒腸粉腸粉依然保持軟滑煙韌帶米香 叉燒甜蜜肉不會乾柴 加埋芫荽，腸粉豉油同吃 當然都要睇吓同咩人食，倍感滋味❤️

因為住喺附近酒樓嘅選擇亦都唔多今日7:00已經去咗飲茶朝早飲茶係特別平嘅好多點心都有優惠同埋冇人排隊 今日三個人食叫咗四碟嘢食都已經好飽❤️❤️❤️叫咗碟藥膳鳳爪 鳳爪排骨飯 家鄉炒米粉時菜鯪魚球✌🏻✌🏻藥膳鳳爪個湯好濃味 如果鍾意個湯底可以飲埋都幾補身嘅😂😂鳳爪排骨飯個份量唔算太多 其實都幾好嘅唔係咁多人識嘅話每人一兩啖都OK家鄉炒米粉 我覺得啲米粉太碎 啲配菜亦都唔多時菜鯪魚球就冇特價嘅 都要20幾蚊呢個就唔抵食啦總括嚟講係普通酒樓嘅質素不過近近地又想飲茶嘅 就可以試吓✌🏻✌🏻

住係附近咁多年都未嚟過呢間酒樓食野，前排經過見有煲仔飯+點心晚肆套餐，今晚終於嚟試下叫咗個鳳爪排骨煲+燒賣+牛肉+菜苗餃，食前無咩期望，估唔到點心幾好味，燒賣爽口；菜苗餃餃皮唔算好厚，可接受；牛肉多芫茜，對我嚟講~正；而個飯OK，普普通通，唔係食落好突出好好食果D，但唔差。食完仲送埋蕃薯雪耳糖水，個糖水雖然係送，但煲得唔hea，夠薑味，好味。整體好食，價錢合理，$98加一 + 茶位每位$7 = $118，同平時茶記食兩個小炒價錢相約，會再嚟食

屋企附近新開左間茶餐廳style嘅飲茶地方 今次嚟試一試佢 有時路過見到都多人排隊 可能附近得一間酒樓 所以呢度新野多人食 望下佢價錢都唔算貴嘅 當然選擇亦都唔太大 不過有齊經典款嘅點心 佢燒賣蝦餃仲可以2粒咁叫 啱哂2人飲茶 不過蝦餃皮一上枱都已經開左口 包唔實 叉燒腸個皮有d厚 料好少 呢舊沙律盞個樣幾得意 入面有舊蝦肉仲有叫左個牛肉球同碗粥 真係超飽 加埋都係$140 每人 $70 都算ok la 不過環境就真係好嘈 佢d staff執碗好大力 ping ping pang pang聲 無咩期待無咩失望嘅一餐飲茶

疫情中好多食肆冇唔開門﹐街坊寧願係格離買點心返屋企食。今日見店內唔多人所以入去坐低叫咗6樣點心。食完5樣仲有一樣未到﹐以為漏單﹐叫侍應阿姐print張單睇下。check到有落單﹐順便叫阿姐幫手跟下﹐個阿姐答我一陣有﹐之後又一路執枱路同其他茶客講私人野。見個阿姐好似忙到連廚房都唔得閒入﹐咪叫另一個推點心出嚟既阿姐跟﹐佢又係答一陣有﹐佢入完廚房出嚟都係冇。等咗一陣決定唔要﹐去同收銀呀姐講有一樣點心冇到(收銀呀姐冇著制服﹐又會幫手執枱﹐個款似係老闆親信。)收銀呀姐叫咗我第一次叫佢跟個侍應去睇下有冇﹐我話唔洗睇﹐我依家埋單走﹐唔知係咪你收銀呀姐面前,佢好緊張咁話幫我睇下﹐會打包啲點心俾我﹐我話唔要啦。收銀呀姐話唔收我錢。個侍應呀姐好緊張咁係收銀姐一路計數一路懶好心"教"我應該一早同佢講趕住走佢一定即刻拎俾我。雖知道屋邨酒樓仲要呢個價錢唔可以要求咁多,希望方圓十里既食肆快啲開返。