百味車仔麵 (已結業)

每逢星期四，也是超忙的。上完大早班，便匆匆趕去做運動，然後吃點東西，就馬不停蹄的趕去上課。所謂的這點東西，其實已包括了午餐和晚餐。因此，我通常都會在車站附近找一些飽肚又大份的東西。我對於車仔麵，有一種情意結。尤其在米線、薯粉當道的年代，車仔麵店買少見少。難得遇上了，自然而然的登門拜會。甫進店內，發現店舖非常闊落、裝修完善、光線充足，完全沒有一般車仔麵檔的地踎氣息。下午茶時段，小貓三數隻，職員和食客比例近乎一比一，大部分食客也可獨坐四人桌。桌面上備有菜單及筆，讓客人填寫。我點了三餸車仔麵（$28）和熱檸水（$5），整個下午茶盛惠33大洋。三餸車仔麵中，我點了豬軟骨、豬皮和蘿蔔，米粉底，配辣汁中辣。豬軟骨份量太少，只有兩小塊。味道是茄汁焗豆的茄汁味，非常怪異；加上口感偏硬，軟骨部分未有充分煮透，十分難吃。豬皮相較之下，顯得十分正常，但還是偏硬，未能完成地吸收湯汁。兼且，豬皮的豬毛頗多，即使炸開了，還是吃的出來。蘿蔔亦同樣面對煮得不夠的問題，加上蘿蔔本身質素欠佳，極為多渣，唯一可取的是份量夠多。湯底偏淡，辣汁只是帶有橙色油份的汁料。整碗麵來計，份量充足，但味道奇差，決不再吃。

食早餐唔知去邊好，周圍行下，發現到呢間幾平又食車仔麵既，咁啱我最近鍾意左食麵，所以就行左入黎！佢嘅選擇都好多，我自己填張紙👇🏻👇🏻👇🏻我叫左公仔麵，配沙嗲牛肉，煎蛋同腸仔，本身諗住叫河粉,但係因為叫既餸比較適合食公仔麵🤣🤣結果要左腩汁，同埋佢送野飲，加錢有凍飲！係超級奇怪的組合，因為沙嗲牛肉已經有汁，再配腩汁，唔知係咩味呢🤣🤣其實都唔算好貴，睇吓味道如何！黎到見到好大碗，用食拉麵既碗，份量正常！腸仔鹹咗小小，沙嗲牛肉味好重，同時食到腩汁味🤣杯嘢飲都正常！整體， $30早餐來講其實抵食👍🏻👍🏻

我份人好真，一定好讚有彈，呢間車仔麵我食過一次，其實覺得都唔錯，裝修又有心思，專誠去幫襯多一次，結果。。。。讚左佢先，啲菜圃唔係好辣，幾好味仲係任筆，呢個要讚既。兩碗野唔洗我講，自己睇，除左匙羹咖哩汁外，基本水一樣。油菜個腩汁蘇到想嘔重點講當日，我喺門口見到poster有個雜麵，我唔想諗，想問個姐姐點叫，佢好似聽唔明我講中文咁，我老婆最後問佢有無menu, 佢先行去攞，乜有menu唔係比客睇，成疊放喺度做咩？好，我算，麵到，每樣兩舊，仲要成班阿姐喺度打牙較，有人叫都聽唔到；突然，有一個開電視，J2台，剛好出現6六合彩攪珠結果，有個大叫，呀！都叫你跟我買4號啦！嗌亂叫大約10分鐘，有人熄返個電視。哦…原來個電視係比員工睇六合彩既。野食垃圾，服務奇差，臨走埋單個阿姐連多謝都無句，我講過我喺地下執到錢，我都唔會再幫襯，完。

因為有啲趕時間， 每次趕時間我都諗起食粉麵車仔麵係我經常食嘅，因為真係快靚正！呢間車仔麵轉左手之後第一次去，裝修同之前嘅鋪頭差唔多，我叫咗豬腸，蘿蔔同埋牛筋。一想到你個碗好大，可能因為碗大，落咗好多湯，搞到成碗野冇味，我最後要問佢攞咗碟牛腩汁豬腸都夠入味，蘿蔔都夠清甜不過牛筋腩就碎濕濕，冇乜趙口！雖然加咗腩汁但個湯都唔夠味，好在枱面有個辣菜脯搭返夠個味今次我飲凍奶茶，買單$52....不過旺角區租金貴，都同食物質素成正比！

提到香港特色食物，大家一定會諗起燒賣、魚蛋、雞蛋仔、叉燒包......，而作為正餐嘅代表，一定係車仔麵吧！今日經過太子見到尼間車仔麵店，大大間幾企理，裝修富有香港特色，就入去試試吧！坐位闊落，不會出現背對背情況，加上樓底高，有空間感，環境舒適，店內插畫亦很有特色有成48種餸10種麵選擇，梗有幾款啱食掛仲有碟頭飯同小食選擇，都幾多種類我叫左個三餸配米粉小辣加腩汁，咖哩魚蛋有香味但唔夠辣，豬腸洗得乾淨但一般入味，通菜分量亦算多，湯亦幾夠味，整體來說滿意吧！飲埋支低糖五花茶，滿足

我好喜歡食車仔麵，之前見門面咁誇張，都唔夠入去試，以為會好貴今日經家人介紹話ok,就去左試下，4人3個車仔麵，1個飯。大家都覺得味道ok,份量都可以，價錢亦唔算貴。特別一提，魷魚可以濃味啲，啲蘿蔔有絲，可以煮(林）啲，牛筋味都唔夠濃。環境較寬敞，比舊式個啲舒服好多。

店名以車仔麵命名，點餐當然離不開車仔麵。下午茶時段＄２８三餸不連飲品，算便宜吧。店家頗細心，安排了一只小碗放骨頭，抵讚。食物方面，我選了至愛的紅薯粉，配上豬手、牛筋及蘿白，再來過腩汁底。食物很快來到，先來一口熱湯。。。油很多，味道是以味精作主而非牛骨，麻麻地～紅薯粉是滑身的，沒有煮過淋。豬手炆得不夠時間，軟骨地方仍是硬硬的～牛筋夠淋，ＯＫ～蘿白很甜，不錯。整體來說係不過不失，不用排隊才進來一試。整條街食肆林立，要站穩一席位看來還要多下一點心機。

經過旺角，諗住搵間餐廳求求其其快快脆食個午餐，入左呢間車仔面。餐廳嘅牆畫係帶有啲懷舊香港嘅畫風。有一邊牆寫住12大推介。呢間車仔面普遍嚟講都唔算平，叫個3餸面就已經42蚊了。餸菜同面底選擇都算幾多。老公叫左豬大腸，牛腩，蟹籽丸配油面加腩汁。豬大腸好多肥膏，咬落口一口油膩感覺; 牛腩冇嘜味，而且又鞋口; 蟹籽丸自然係唔會有咩特別。我叫左豬軟骨，海鮮卷配薯粉加腩汁。 豬軟骨亦都係比較多肥膏；可能海鮮卷炸過關係，整到成碗湯都好多油。我地2個明明加腩汁，湯望落仲係好淺色，食落去好淡口，冇咩味。

從來沒寫過食評，但真的太忿怒，不寫不可。食過幾次，覺得一般啦，尋晚再食，卻發生了令人失望的事情。我叫左個三餸車仔麵，要中辣。等左2個字，碗麵送上。呢間店既沙嗲醬係放係個湯匙到，等客人自己撈落個湯到的。我將d醬撈散左係個湯到，發現裏面有隻大蚊，咁我即刻叫個侍應換左佢。跟住，不消30秒，碗麵再送上(我心諗咁快?)，個侍應同我講已經換左啦。我望下碗野，d沙嗲醬係撈散左係d湯到(同我叫佢攞走果碗，已經撈云左既麵一樣)我望下隔離枱，新鮮送上的車仔麵，果堆沙嗲醬都係係個湯匙到俾個客自己撈落湯到的。我有合理的推斷，間野根本無換過一碗新既麵俾我，如果有，一碗新整的麵應該係將沙嗲醬放係湯匙到的，相信間野只係求其整走左隻蚊就原碗麵俾返我。我覺得失望，這裏是香港，作為客人的我，感覺受騙。我食左2啖，無食啦，有d反胃，埋單走左。埋單果陣我同個收銀員投訴，我懷疑佢地間店無換到碗麵，個收銀員竟然向我提議我應該order另一款式的車仔麵，例如將麵改米粉，那就能確保㕑房一定會整一碗新的麵俾我。我永不會再光顧這店。

在沒有太多客情况下入座，店員只顧閒聊，不大願意招呼。因忘了帶紙巾又見鄰枱都有紙巾盒供應，便要求也要一盒，誰料她眼尾一望便粗聲喝道「自己攞！」我頓時有貼錢買難受感覺。雖然食物ok,但這次是我人生中第一次在openrice的劣評

正如標題所講一樣,upgrade咗一般傳統車仔面嘅格調。雖然舖頭門面裝傷企理光猛,乾淨整齊。但係食物價錢偏貴又唔及傳統嘅風味,整體比較偏淡。餸菜份量少另外加錢飲品,熱鴛鴦麻麻地廁所非常惡劣

依家既食車仔麵舖又點會得車仔麵，不過食飯就未必個個飽，不過新年期間，間間都加服務費，閒閒地都加十幾蚊一個餐，呢間加5蚊一個餐就唔埋入左先算。不過估唔到汁燒雞扒同焗豬既味道都可以。

平日晚上放工一個人，想輕食，以便早點回家休息。來到平日回家也會路經的始創中心，發現對面街有檔車仔麵，突然想起兒時最愛的車仔麵，好像食自助餐般，選取自己喜愛的食物，並全放進自己的碟中，有一份滿足感。這裡的裝潢設計有特式，掛上舊香港的照片，十大名物的橫額，給你有六七十年代舊香港的氣息。雖然裝修好，但食物始終是一間食店最重要的元素，就來說說看。今次只是簡單地叫了牛筋韮菜餃響玲米線，說真，沒什麼好說，沒有任何驚喜，韮菜餃是合格的，但牛筋有毛，不夠清潔，米線不彈牙，煮太夠？四十幾一碗麵，感覺不值。只來了一次，相信各有改善空間。期望下一次有更好的經驗。

放工黎到太子 諗住是但搵間野食就算心諗 車仔麵實冇死 應該唔會難食得去邊見呢間個樣咁靚就入左去叫左個豬手 蠔油冬菇 豬軟骨 烏冬 清湯底再加7蚊熱華田好快就上枱個碗係好大 但d份量真係勁少得半個烏冬 2舊豬軟骨加2舊豬手同2粒冬菇個湯㡳👎🏻👎🏻勁咸勁重味精 好難食烏冬 還可以冇過淋蠔油冬菇👎🏻👎🏻蠔油同冬菇d味係分開 蠔油還蠔油 冬菇還冬菇 好唔掂豬軟骨👎🏻👎🏻勁咸好重味精豬手👎🏻👎🏻少少肉都冇 又係重味精華田 正常味$49食呢餐 一d都唔抵一定冇下次

貢丸有霉味未煮熟， 墨丸硬，湯底冇味， 粗麵硬， 極度難食。 兩個人食90蚊， 不如你畀返錢我， 我畀番碗麵你， 車仔麵屋企自己都煮到， 真心唔明點解可以整到咁差。 唔會再去第二次。完。