百年路 (已結業)

我本來好怕食肉骨茶，因為果陣藥材味太濃，但係百年路嘅就唔會，有肉香，藥材味唔會蓋過肉味，非常恰到好處。杯奶茶滑到不得了，每次食完都會買幾包返屋企比屋企人食，煲個飯攪掂仲有個通菜好香，羅漢果茶又唔會太甜或甘苦味

我經某間外賣送遞,食到呢間啲肉骨茶嘅材料非常足料與價錢合理，食到兩三粒冬菇好難得，平時食開得一粒冬菇另外蔥油豬扒飯連蛋都好食，不過蛋再流心d更正下次會再叫，不過外賣再多選擇簡就更加好啦,支持

今日小弟放 lunch，翻食第二次百年路，諗住試下其他食物，再下次應該試埋個肉骨茶。差唔多12:30去到，已經有好多人等位，不過我經常都係一個人，所以唔洗等，直接坐吧檯。PS : 店內座位唔多，所以最好預早少少去🙂食物（食過）：星加坡叻沙 - 本身唔辣，耶香味為主 （可加Sambal Sauce，更好味）- 湯味夠濃，唔覺得有味精- 蝦夠爽囗- 豆卜吸哂個叻沙湯底，好入味- 足料（雞肉，芽菜，豆卜，蛋，魚片，兩種麵，蝦）瑪沙蔓牛肋條配薄餅及飯- 牛肋條個 Sauce超入味，撈飯一流- 肉質易入囗，唔黏牙- 薄餅酥脆，本身個餅味已經好好食，加埋個辣 Sauce，真係不得了拉茶- 味道特別 （可以一試）總結 ：抵食又好味既東南亞菜，食 lunch 一定飽，推介糧尾人士去食 優點：- 平價 （50蚊有得食）- 店員服務態度非常好 （好 nice 好親切）- 食物份量足夠 （性價比高）- 食物味道良好 （夠東南亞風味）- 上菜速度快- 環境舒適缺點：- 店內裝橫較普通（唔夠東南亞風味）

今曰同朋友經過官塘，有d肚餓，咁啱有人派傳單，見係d星馬菜，都幾吸引而且價錢都吾貴就上樓試下，同朋友各點左香葉肉碎飯及肉骨茶，我食肉碎飯，得喎，味道好正，d肉碎好有層次，撈飯食一流，朋友食個肉骨茶都話好有驚喜，估唔到樓上鋪都有咁既質數，飲品都好有特色亅推介青吉酸梅水及班蘭葉拉茶，賣單每人都係五十幾蚊，認真抵食，經過開既朋友不仿試下，支持小店。另外見隔離枱話個蝦湯麪好濃好好味，下次再試。

又係觀塘放lunch系列，眾所周知觀塘食其實好貴下，又發掘到間$50食到而且唔差仲要係黃店嘅餐廳！🔸老街肉骨茶配油條及飯 $50終於嗌中咗！招牌肉骨茶！湯底有藥材味得黎都幾易入口，唔係極搶喉嘅苦澀味，齋飲啖湯都好溫和。配料有熬到入晒味嘅排骨，肉質唔係柴皮，煲到腍晒～仲有非常索汁嘅冬菇、金菇、豆卜同油炸鬼💛撈飯一流，食到扒晒碗飯。。。🔹百年路蝦湯麵 $50同事話蝦麵都好食，好多粒蝦，仲有雞絲通菜同大量炸蒜，勁香～～百年路觀塘成業街19-21號成業工業大廈1樓106室

今日中午經過觀塘，所以就陪朋友食lunch。因為係lunch hour，所以一帶都好多上班一族。於是我地就揀左一間係工廠大廈1樓既餐廳叫Up Town。哩間餐廳主要就賣新加坡同東南亞既美食，例如好多人都會叫既肉骨茶。我同朋友就叫左一個星加坡叻沙同一個咖哩雞飯。兩個都非常好食，叻沙既湯底好濃，好重椰子味而又唔辣。叻沙入面有米粉同油麵，食落有兩種口感。入面既材料都好豐富，有手撕雞，兩隻鮮蝦，雞蛋同幾舊豆卜。至於咖哩飯就有小小辣，入面既雞都幾大舊，唔滑，但係一d都唔難咬，仲好入味，應該煮咖哩前有焗一焗d雞。飲品都幾有特色。係中午一個不錯既飯堂！支持黃店！

觀塘特色就係工廠大廈入面既餐廳，乜野國家風味都有，係啲工業大廈既名比較難認。今日遲左放lunch，好彩一條友食唔難搵位，又想食喇沙湯粉，所以上左黎百年路，之前食過都幾好味，而且大廈又易搵。呢度個喇沙係米粉加油麵，鍾意佢個湯底濃香，飲左幾啖湯都唔覺口渴，應該無乜放味精。餸有雞蛋，魚片，豆卜，蝦，少少雞肉 (好似係)。食食吓老闆問食唔食得辣，話有個特式醬比我試下，配喇沙好味，我試左，少少辣咁，係惹味左既，如果重口味既人應該鍾意。

上次試完啦啦粉，今次試肉骨茶我對星馬菜真係無乜抵抗力下次要試喇沙同事訂左位，去到未full。但一點開始就keep住返枱喇！飲品加6蚊，都係啲馬拉特色飲品。個肉骨茶以你所見，有豆卜，冬菇，金菇，生菜，同4-5嚿肉骨。我鍾意佢真係骨，有軟骨同排骨，唔係淨係得嚿肉，而且唔肥唔嚡個湯係藥材湯，見到有杞子同其他藥材碎。唔會太重藥材味，幾清個飯我撈四五更湯，好快就食曬。油炸鬼唔脆，不過都有好過無。跟住KO曬啲湯，飽飽大家都來支持下啲小店啦。。。

前一日來呢座大廈食船麵。走的時候，趁住等lift的時後，就四圍睇睇。見到呢間野有人等位喎，𥄫下個menu，東南亞野吸引第二日就來試新野喇。喇沙同肉骨茶都係我平時的喜愛不過今次見到啦啦粉，唔知咩來，又從來都無聽過，就梗係要試新野啦琴日仲專登上網搵下啦啦粉其實係咩來上枱個樣同網上睇到的唔一樣，呢個清淡版。個汁好清，似用椰青水才煮，有香茅同大蒜，好甜，飲曬。隔離嗰碗淨米都有啲味𠺢。我其實唔知佢地係應該捞埋食定點，不過我就分開食下次要來試肉骨茶同喇沙丫

本身我都係係觀塘返工，今日星期六同男朋友都特登出嚟觀塘就係為咗食呢間平時離我公司好遠但又不斷有人介紹嘅百年路😂😂佢個肉骨茶同埋喇沙真係好好食！我哋仲叫咗冬瓜茶同埋奶茶，其實本身我哋係叫兩杯冬瓜茶，上左之後先想轉，老闆娘都照轉比我地，仲話本身多咗嗰杯留返比自己飲😂😂其實我真係好唔好意思㗎，我話都係唔使轉啦但老闆娘都堅持轉俾我哋，所以我哋第一次黎可以飲到兩種唔同嘅飲品真係好多謝你哋呀。老闆仲推薦我哋食佢哋嗰隻辣醬，同埋喇沙一齊食真係好正。依間一定會再嚟一次！ 好推介喇沙同埋奶茶！必試，下次黎想食埋個豬扒飯！

尼間又平又好食又多，食到好飽。個人最鍾意喇沙，個湯底好香好好飲，同埋佢有兩種麵，幾得意。最重要係冇味精，食完飲埋湯都唔會成日覺得好口乾。啲店員好nice，態度好親切。同埋佢有好特別嘅飲品，例如青拮酸梅水， 羅漢果茶等等，而且個斑蘭葉拉茶特別好飲，一定要試。

係觀塘返工就知道真係好多野食可以選擇，總有一樣岩你！😬我地已經提早左去到，點知都係勁多人，我地等左至少15分鐘先入到座。😱－瑪沙曼牛肋條配薄餅及飯真係好少可又有薄餅又有飯，唔洗驚唔飽。瑪沙曼牛肋條，藍妹其實唔太知瑪沙曼係咩黎，不過藍妹覺得好似印度咖哩。🤔佢個薄餅少少脆，亦做到鬆化既口感，正！😍牛肋條好好食，煮得好林，而且個汁好入味好濃郁。食得辣既會覺得好好味。😜個牛用黎夾薄餅食真係一流，如果可以多啲汁就好。😖－50蚊食到個有水準既lunch，真係好好！雖然真係好多好多人，如果想食，記住早啲黎等位。😂

不顯眼和突出的餐廳，馬拉餐廳，心諗會係伏，奈何午餐時間出面餐廳沒有位，唯有一試，決定果腹完閃人，同事和我叫了肉骨茶和肉碎飯，喔，意想唔到有驚喜，我相信下次會試吓其他菜式肉骨茶好食；肉香滑，湯濃肉碎飯；少鹹少辣，送飯一流味道似馬拉味

一次無意發現這小店(其實都不算小), 試個吉隆坡啦啦粉, D蜆都幾大隻, 今日試之前店員推介的肉骨茶. 唔算等好耐, 5分鐘到就有了. 個肉骨茶係幾得bor, 平時出面食果d個湯得個濃字, 少少肉碎紅棗咁撈埋比你就算. 但今日呢碗幾條骨係裡面, D肉唔un又唔易碎開, 好好味, 食落應該係新鮮既豬肉. 仲有幾個半粒既冬菇, 同豆腐卜, 好足料, 個湯底係易飲到可以成碗飲晒, 好香, 好飲! 個飯都好好食, 加埋杯熱奶茶, 每件事都好有心機, 好有heart. 咁先$52, 性價比超高, 值得長期捧場!

之前聽同事講呢間餐廳好好味，今日同幾個朋友嚟試吓，叫咗肉骨茶、星加坡喇沙、朱扒蛋飯，肉骨茶望落去好清以為好淡，但食落又好好味，啲豬骨好入味又夠淋而且份量都唔少，咁嘅價錢食到咁高質素嘅肉骨茶👍🏻，星加坡喇沙湯底好濃郁，好味到連湯都飲晒，雖然豬扒蛋飯係一般菜式，但呢度嘅豬扒飯食落又另一番風味，可能因為佢嘅飯好香好軟熟，將啲葱油醬淋上半熟蛋撈勻再加埋香口嘅豬扒，重有佢地啲員工好Nice好有禮貌，會再來