百芳池上便當 (Mikiki)

营业中

休息中

放工食晚飯，簡簡單單滿足脾胃已經足夠。有時都會食下呢間百芳台式便當，因為好大份同抵食。 台灣牛肉麵嗰湯底同麵底比想像中出色，湯底味道算濃厚，帶點微辣，但飲落去好開胃，好想一啖接一啖咁飲嘅，麵底有點韌度，唔會太爛，幾爽口，而且真係好實在，令人好飽肚。牛肉帶點牛筋，而且煮得夠淋，份量都算多。 滷雞扒便當塊雞扒好大塊好厚，滷水汁好入味，成塊雞扒味道特濃。配菜還有半隻糖心蛋及粉絲，粉絲也有用醬汁煮過，甜甜的很開胃。 花枝丸酥脆外層灑上椒鹽，非常惹味可口。 芋頭豆乳小芋圓豐富的芋泥及Q彈的小芋圓，配上清甜的豆乳，簡直係绝佳的甜品，甜而不膩又解渴。

有日想食台灣野，係公司附近發現有間台灣餐廳，於是就買外賣返去同同事一齊食啦❤️哩間餐廳係新蒲崗Mikiki入面叫做「百芳池上便當」，主打台式料理同台式飲料，主食連飲品都幾抵食👍🏻 🍱 香酥豬扒肉燥乾拌麵豬扒好大塊，咬落口啲肉好嫩👍🏻 肉燥好香口，撈埋拌麵好好味🍱 台灣鹽酥雞便當好大份，除咗有飯仲有粉絲👍🏻 鹽酥雞好香口，份量都幾多👍🏻抵食🍱 奶酥多士咬落口奶酥味十足，幾正❤️🍱 芝士奶蓋焙茶鐵觀音芝士奶蓋微微咸香配濃濃嘅焙茶鐵觀音，口感好豐富🍱 珍珠奶茶珍珠Q彈，奶茶順滑👍🏻水準之作

最近因為疫情關係，比較少外出堂食了，但最近發掘到一間外賣都非常好味又性價比高嘅餐廳。這家「百芳池上便當」有很多分店，新蒲崗mikiki的分店最方便我，所以就去買了兩份午餐跟家人一起吃。跟餐有兩杯飲品，我就選擇了茉香綠茶和碳焙烏龍，味道偏甜，建議叫少甜😆百芳台灣牛肉麵非常足料，足足有六塊牛展和牛腩，肉質軟且肉味濃，除了牛肉外還有瓜菜，湯底濃郁，喝畢沒有令人口乾的味精感。好欣賞餐廳的分湯處理，麵條用紙盒精緻地分開放，令麵條沒有被泡軟，保持口感。香酥炸雞髀便當餐廳將炸雞脾分開裝，令雞髀保持酥脆，而且雞髀的肉汁豐富，大隻又好好味👍🏻另外便當非常豐富，有炒粉絲、時菜、粟米、菜脯和滷蛋。混入菜脯和粟米的白飯非常惹味。台灣古早味香腸油脂芳郁，帶點甜甜的味道，非常下飯！整體來說，性價比非常高，有質素而且份量足！

今日突然想食台灣嘢，就去咗屋企附近Mikiki買兩個台灣便當。🍖肉燥鹽酥雞乾拌麵，清清地嘅拌麵，加上豐富入味嘅滷肉，再配以香口酥脆嘅鹽酥雞，非常開胃。🍗香酥炸雞腿便當，大大隻雞腿非常吸引眼球，味道亦十分吸引。很喜歡便當加咗唔少嘅生菜，粟米，同埋我最喜愛嘅粉絲，非常豐富。🍢炸花枝丸，係台灣出名嘅小食，外賣嘅花枝丸亦都做出台灣嘅街頭風味。🧋如果晚餐唔想飲咖啡因，可以選擇黑糖珍珠仙草鮮奶同埋黑糖紅豆鮮奶。🥤黑糖珍珠仙草鮮奶，給每一口都有豐富嘅珍珠同啫喱，感覺就好似食甜品一樣滿足。

難得一次工作係附近，同事專登搵台灣野食，然後查到呢間, 食評有七十幾，叫左我哋幾個一齊試，我去到餐廳，叫左果滷水雞扒，啲雞扒勁鹹肉又硬，我同事叫左個炸雞髀便當，隻雞髀都勁鹹，飯又少，只係有粟米同少少碎粉絲，有飲品包，紅茶或綠茶 ，唔覺得值$64呢個價錢，唉，真係好失望，仲有兩個同事叫咗其他餐，一個麵餐，一個飯餐，連佢哋都話個面好少，塊豬扒好一般，嗰度係要喺門口嗌左個餐打俾馬，先將個餐送上枱，我每個同事都話不會再幫襯。

唔知2022年會唔會有機會飛呢🧳🫠宜家唯有喺身邊搵住啲旅行嘅味道先啦🥹🥹dpz第一次去台灣係中學畢業嘅時候🙈當時搭台灣高鐵最期待就係食便當🍱明明食咗午餐都要買個台鐵便當試吓🤣今次同大家介紹嘅係好多分店嘅百芳池上便當🥢原來佢哋係嚟自台灣嘅花東縱谷🌾睇完人哋嘅旅行照之後好想去一趟呢個綠油油嘅地方🌿百芳豬扒便當 $61手掌咁大塊嘅豬扒唔會煮到過乾🐖咬落冧身帶咸香🐽切件上好方便食👍🏻豬扒下係滿滿嘅配菜🤩有半隻滷水蛋🥚大白菜🥬粟米肉碎🌽粉絲同埋辣菜脯🌶dpz覺得咁多配菜已經夠送一個飯🍚😂而且全部配菜都各有特色🤩好好味😋芋頭豆乳 +$22甜甜嘅豆乳富豆香🥛芋泥香滑帶微微嘅顆粒感🤤大過手掌嘅便當dpz分咗兩餐食🤭依餐澱粉質combo cp值好高😂希望可以快啲去台灣食到真正嘅鐵路便當啦✨

今日經過mikiki發現有間台式便當餐廳雖然鋪頭冇乜人🤣但好耐冇食台灣嘢就諗住試下伏唔伏鋪頭裝修都乾淨其利嘅我同男朋友叫咗個焢肉飯同小食拼盤share比完錢唔夠2分鐘個飯就上咗 超快焢肉不過不失 煮得夠入味個人認為配菜嘅粟米同粉絲好食過肉扣分係啲珍珠米煮得太林🥲 如果個飯硬返少少會更好小食拼盤都不過不失有鹽酥雞 花枝丸 同台灣香腸調味有加梅粉 食落冇咁油膩花枝丸都夠彈牙！👍🏻舖頭仲有好多台式嘢飲跟餐可以減8蚊未到好抵但都ok～

今次同大家分享嘅唔係餐廳嘅食品，係佢嘅飲品，甚至乎可以話係甜品。由於好想食芋圓，喺新蒲崗搵嚟搵去都搵唔到，跟住經過佢門口見到有芋圓嘅飲品，咁就膽粗粗叫一杯嚟飲啦，叫咗杯迷你芋圓奶，返到屋企慢慢嘆，佢冇人好煙靭，甜度又啱啱好，因為本身唔鍾意飲太甜嘅嘢我問可唔可以走甜，佢話可以，咁因為芋圓我都知道係甜㗎喇，咁最後呢杯飲品就啱啱好，可以俾我只下咳，咁製作呢杯飲品都咁有誠意，下一次試埋佢啲嘢食先。🎉🎉🎉😍😍😍

走進這間餐廳的第一印象是潔白，白色為主的裝潢，明亮的燈光，感覺很乾淨衞生，舒適自在。 這裡是先點餐，然後由店員送上食物，整個過程都很迅速，大約十分鐘左右就可以開餐啦。 便當是這間餐廳的一大特色，所以毫不猶疑就選擇了一份便當。 這間餐廳供應的別外兩樣主食都是地道的台灣美食，紅燒牛肉湯麵和肉燥乾伴麵。兩樣都吸引，今次就先試紅燒湯麵。這餐廳亦有各款台式小食和台式飲品。   百芳滷雞扒便當 - 滷汁夠香，雞扒夠入味，可以再嫩滑一點就更好。一口爽脆的甜辣菜脯，再一口多汁的粉絲，口感豐富。 台灣古早味香腸 - 外皮烤得夠香脆 碳焙烏龍 - 大大杯的香濃烏龍 紅燒湯麵拼酥炸豬扒 - 湯汁香濃而微辣，麵條軟硬適中，豬扒香味十足，酥炸後，肉質依然軟嫩。 苿香奶綠 - 茶奶比例平均，飲到奶香之餘還有陣陣的苿莉花香。

已經喺百芳買咗好多次野飲，成日飲開奶綠，平靚正，openrice落單仲可以用cash dollars十幾蚊就飲到雖然唔知道佢係用奶精定鮮奶，但飲到好鮮奶味，同綠茶味混合，50/50，係真好平均，飲到綠茶味同奶味，好甘鮮味道，最重要係超級大杯，十幾蚊係巨大杯，依家就算去mainland都未必飲到呢個價錢呢個質素，我指奶綠（其他試過例如蜂蜜奶茶覺得一般般，正常味道咁+黑糖珍珠鮮奶，都係OK唔錯），但最抵都係奶綠，所以係極力推薦環境簡約風，夠光服務正常睇落去都幾衛生，廚房唔知道，無入過去，睇唔到當乾淨

今日約好同同事一齊出去買lunch食，佢地之前已經食過一次，今次拉我去話介紹好野俾我食睇menu我都覺得幾滿意，每款便當都有配三款配菜（我數到四款）同滷水蛋，仲有三款茶可以揀，有時飲得多凍檸茶都想試下fancy野 依家仲有得加點肉燥青菜，健康冇難度成個便當無論係包裝定係餐具都好別緻等我講下有邊四款配菜啦有粟米、入味又軟腍嘅菜、粉絲、同埋極加分嘅菜脯，一個便當有多層次味道同口感，好正 滷雞扒好大件，唔會死鹹，都算入味。炭焙烏龍茶夠香又大杯，食完成個餐真係覺得好幸福 同事真係冇介紹錯～

今日，我們到Mikiki的百芳池上便當吃午餐，有很多不同套餐供我們選擇。我們要自己出去選餐及購買，看了一會，覺得款式多，款款都吸引，最後我們终於選了C3及便當1號套餐。C3有滷雞翼肉燥乾拌麵和凍茉香綠茶，雞翼入味，肉燥好味，乾拌麵也不錯。便當1號套餐是百芳豬扒便當，加12元可以換珍珠奶茶，相當美味，加上凍珍珠奶茶，暑氣盡消，把我們的熱氣清除，十分舒服。我們在慢慢吃，服務員在我們吃完後便來清潔收拾，十分有禮貌，感覺甚佳，我們下次會再來。

mikiki地下有個台灣野食lunch 行過去講真呢2年去未去到台灣要搵d野緬懷下個味道食個lunch ,都$70起但係杯野係好飲飲過珍珠奶茶奶多分量大每次食完呢間都好滿足今次加錢特登入芝士奶蓋紅莓果茶味道一般完全係滿足我個芝士欲朋友試芋圓奶茶佢話不錯

放工約友人吃飯，大家都想行一田，所以去了Mikiki找吃的。Mikiki最低層有很多吃的，我們行了一圈對這間百芳池上便當很有興趣，便決定試試看。我們共點了兩個套餐加一個小食，餐飲可加錢升級其他台灣飲品。肉燥鹽酥雞乾拌麵套餐配黑糖布丁鮮奶乾拌麵乾濕適中，不會太乾也不會太濕，鹵肉醬料味道也很好，很有肉汁，鹽酥雞也非常香口，雞肉鮮嫩多汁雞味濃郁，有台灣的風味，很掛念台灣美食，這絕對可以望梅止渴。飲品黑糖布丁鮮奶黑糖掛杯，打卡一流，飲下去鮮奶味濃，沒有落其他糖，甜味都來自黑糖，加上每吸一口都伴隨啖啖布丁，十分美味。香酥雞翼便當配芝士奶蓋玫瑰鐵觀音這便當很多配料，粟米肉粒，粉絲，菜莆，滷水蛋，大白菜，主菜當然有雞翼，一看十分豐富，絕不馬虎，雞翼外脆內軟，加上大量配料送飯，很快便被我們兩個吃光光，回味無窮。飲品芝士奶蓋玫瑰鐵觀音，最期待就是這個，果然沒有失望，芝士味濃，咸味適宜，鐵觀音茶味濃，配上芝士奶蓋，味道一絕。皮蛋豆腐豆腐味香濃，很有豆香，雖然是台灣美食，但這豆腐很有日本豆腐的質素，皮蛋也是流心蛋黃，天氣熱，吃這冷盤很開胃。十分滿意的一餐👍🏻填飽肚子便可以瘋狂購物。

一田大減價，一年一度嘅盛事我梗係要去湊熱鬧啦！好鍾意去 Mikiki 的一田超級市場，因為買完戰利品轉過彎就可以去食台式便當。慢滷豬手便當 $62🍱購物戰鬥完之後勁肚餓，需要澱粉質充飢，加上想吸收下骨膠原，就食咗個慢煮滷水豬手，肉質鮮嫩多汁，肥瘦均勻，滷水汁味道濃郁。白飯粒粒飽滿，而且仲有每日精選配菜三款，有我最喜歡的辣辣菜莆。滷水蛋半隻鹹香味俱全，食過返尋味。紅燒牛丸牛筋麵 $59紅燒湯麵系列又係一定要試嘅，如果食得辣仲可以轉麻辣湯底添。湯底清甜，牛丸粒粒好似乒乓波咁大，彈牙多汁，牛味濃郁。牛筋炆得軟淋入味，台灣麵掛汁好，吸收晒湯精華。台灣夜市香腸 $22淨係睇個名已經令我掛念台灣師大夜市，台灣夜市香腸皮脆肉鬆，肥瘦均勻，好味到飛起。芝士奶蓋玫瑰鐵觀音 跟餐仲可以upgrade特色台茶，芝士奶蓋不能錯過, 玫瑰清香，鐵觀音 好味。芝士奶蓋紅莓果茶我忍唔住加了芋圓，Q彈粉嫩，紅莓果茶帶果香，酸酸甜甜好開胃。