皇后餃子

营业中

休息中

叫咗XO醬蘿蔔糕外賣，返到屋企見到仲黑過非洲黑人，又鹹又乾又硬，冇下次！還記得之前很多人幫襯，早餐時間點都要排隊，而家得我一個都應該諗吓點解會冇客，我唔知係個別事件定係水準已經下降？

白菜煎餃🥟今次外賣平台 有自取折扣，八隻煎餃先係$27.6 ，真係好抵。餃子煎得好香脆，入面有好豐富嘅餡，菜肉比例啱啱好，而且食完八隻之後已經夠晒飽。😗

雖然呢一間喺專買餃子食但是我覺得小食係更加好食😍椒鹽燒賣同埋蘿蔔糕係我經常會叫嘅小食之一🥹椒鹽燒賣係即叫即炸所以每次都係熱辣辣嘅😉另外，蘿蔔糕係多數係好想食嘅時候先會叫，唔係特別好食只不過係可以過吓口痕🤪

平時想快快手食個外賣，都會去T Town街市，勝在夠快又方便！ 今日就叫左個胡麻雞絲撈，雖然份量唔算大盒，但係幾好味！簡簡單單又一餐！個樣係咪好吸引呢😗 如果用foodpanda 自取有時仲有折，$33連埋平台費😛都okay la 。下次試埋餃子先得！

頌富街市有好多檔小食，早上未有咁多店舖開門，見到呢間有好多食物選擇，望左一陣發現有我鍾意食既蘿蔔糕，就買來試下😊XO醬蘿蔔糕 $25蘿蔔糕好大舊，煎到黃金色，食落辣辣地咸咸地，XO醬味唔夠香，口感唔算太鬆散/太實，食到有少量蘿蔔絲同臘腸粒，粉漿比例佔多，味道口感中規中矩。職員服務態度唔錯，雖然一邊包餃子又要收錢、整食物好忙，但見到客人都會主動問想食乜，同埋有耐性介紹食物，購買過程舒適，感到被重視😊

頌富街市一直有條美食街無論早午晚餐、下午茶定宵夜都好適合😋😋胡麻雞絲撈麵 $34我覺得呢個撈麵真係好岩深夜放毒🤭🤭唔好睇佢個樣得麵、雞絲、青瓜絲&胡麻醬 好似好簡單個樣唔夠色彩繽紛 有時候內涵比色相更加重要‼️對於我地呢班消費者黎講勝在味道😎😎佢落得好多醬所有麵都掛到醬仲有剩邪惡得黎好滿足😋🥰大家都可以試試如果路過附近又霖唔到食咩就選呢個 起碼足料抵食 價錢都算合宜 唔會過分高價 可以符合大眾接受價格

每次放工時間同埋宵夜時段都排長龍嘅皇后餃子！但係餃子並唔係最多人買～反而個個都拎住兜炸燒賣同大魚蛋😆#椒鹽炸燒賣 $10/6粒炸燒賣咁多人食係有原因架！新鮮出爐嘅炸燒賣熱辣辣，好香椒鹽味，外層食落脆卜卜，但又唔會炸到好乾！#麻辣雞絲撈麵 $32撈麵鋪滿好多雞絲，青瓜絲同埋鋪頭自家製嘅麻辣菜脯，雞絲食落都幾滑，撈埋底底啲麻辣汁真係好惹味！

今日用 online dining platform 叫咗8件湯餃、4件炸餃、3粒大魚蛋加風味雞中翼台式麵。點知來到其他食物正常，只有風味台式雞中翼麵有問題：得雞中翼個麵無出到俾我我想打返去天水圍分店同店員反映問題，點不知竟然係沒有該店的聯絡方法，只好係呢度反映問題。麻煩該店出菜前請再覆一下有無錯漏！！！

今日收工特登去新開T Market試下聽朋友講開左好多檔野食岩晒我呢d收工夜既夜鬼醫肚行到入去見到呢間野好多人排隊就唸住試一試，點知一個字伏不過收銀哥哥幾有禮貌會同客人講煎餃即煎要等耐d我叫左個炒米同芝士粟米煎餃唔好睇個炒米無咩色，其實距有超超少量芽菜同兩三條韭菜，其實距超級夠味，直頭鹹到呀媽都唔認得，逼我食左一啖就要即棄，講真唔會有下次，唔值20蚊呢個芝士粟米餃就好一般，勉強都可以醫肚，15蚊4隻價錢算係咁上下真係唔應該見到人多就去試，真係要停一停，唸一唸...今次當買個教訓，呢間野如非必要我都唔會再食**以上純粹個人經驗**