影片
电话号码
24771886
附加资料
17:30截單
营业时间
今日营业
06:00 - 18:00
星期一至日
06:00 - 18:00
以上资料只供参考，请与餐厅确认详情
招牌菜
今日想食個飽早餐，所以黎左皇都，d阿姐服務態度好好，會同d客人講笑。我叫左個沙爹牛肉米線、火腿奄列、熱奶茶。始終都係覺得茶餐廳的奶茶比快餐店好飲好多。牛肉都幾多，味道亦不錯！會多些光顧！
继续阅读
5年前嚟過，記得還是正正常常一間茶餐廳。估唔到.....羅宋湯：室溫，無法入口椒鹽豬扒飯：食咗幾十年...活到老學到老。紙皮盤厚嘅下價豬扒。以神奇嘅方法煮到好似化石，冇味冇道。椒鹽？熱檸茶夠熱有茶香，檸檬份量足夠⋯⋯我就係俾杯茶吸引住，俾多次機會佢，叫多碟乾炒牛河試一下⋯⋯點知，出事啦。成碌粉未分開，牛肉乾硬，河粉唔夠身。都夠熱，但見到都唔開胃。$91 換來一小時前所未有嘅經驗，係值得嘅。我下次應該係5年之後先會再挑戰自己嘅味蕾
继续阅读
今晚走左去洪水橋搵食，一入洪水橋當然去皇都啦！我好記得細細個佢已經有係到，到現在都屹立不倒，一定👍🏻！我入到去都已經坐無虛席，要等位呀！但都等啦都入到黎點都等下。大約等左半個鐘左右就有位，一入到去就二話不說就叫德國原隻鹹豬手，美式什扒餐（鐵板上），先黎餐湯有白有紅兩款，我地選左紅湯，好湯好多料，再黎過蒜蓉包普普通通，我唔明點解都用排包🤔，豬手黎啦！超大隻，睇👀都開心😋，隻豬手外脆內軟，好食，不過太大隻食唔哂，美式什扒不過不失，一樣超多超大份，男士食一定足夠！最後黎多杯甜品🍮雪糕🍦，我以食唔落了，超滿足！
继续阅读
假日訓到黃朝白晏，起床第一件事就係搵野食。係洪水橋兜左一陣，見到皇都既環境似乎唔錯，所以就入幾試下。叫左個午餐，咸蛋蒸肉餅飯，$47。上菜速度：夠晒快，5分鐘就黎左味道：肉餅好大塊，又juicy服務：阿姐手腳快
继续阅读
今日爸爸發辦帶左我地黎洪水橋嘆返個扒餐，當然啦皇都唔係扒房，係西式茶餐廳所以我都冇對個扒有太大期望戶外位置係幾舒服既，不過夏天就可能熱啲，加上會有蚊遠望餐廳其實都幾靚，燈泡仔就彷如繁星一排有一啲企牌比食客睇定食咩，都幾貼心因為我地早早就已經打算係點扒餐，扒餐係連餐湯、蒜蓉包、熱飲比較特別係佢比其他茶記扒餐多左個甜品，所以呢個定價可以接受先黎餐湯紅白兩款，小妹我記簡左白湯忌廉蔬菜湯，入面仲有一啲火腿帶子煙肉西冷餐 $106 ★★★坦白講份量係重點有兩粒帶子都叫合格，雖然個人口味認為配煙肉有啲奇怪，但扒餐有帶子都算幾特別，牛味就真係冇咩，但口感都夠淋香所以牛魔王今次就唔岩你地啦但茶記有呢種質數份量算係咁西冷牛扒餐 $100 ★★★如上，忘記提返大家佢原先係只配薯菜，即四分一個大薯仔左右要加飯或意粉記要再加$6，不過佢已經好大塊，自問小妹一家四口唔大食，四個人只係叫左三個餐就ok火焰牛柳餐 $106 ★★★★相對地呢一份牛柳牛味就濃啲，比較香肉質都夠淋係唔錯既，但想知點樣得到火焰牛柳呢個名，冇火焰既蒜蓉包就都係普通野不過侍應太忙，起初漏左比我地，後來我地都用食到7788再問一問佢就比返我地，但因為已經差不多飽飽，只為滿足我媽想食蒜蓉包既慾望就叫佢比兩份我地就夠因為佢仲有甜品架！是日甜品就係士多啤梨雪糕同啫喱兩款任選其實食甜品真係開心啲架
继续阅读