皓景

营业中

休息中

行到土瓜灣，本想去楚撚記食，去到見門口排晒人，就轉場是旦求其食啦，見呢間晧景都有幾枱客，一於試下啦😅我地18：30入去坐底好快落單，佢嘅上菜速度真係慢到呢😑 食完一碟再上一碟，間店已經唔係多客，都可以上菜上得咁慢😓 嘢食又唔見突別好食😓雞又無味又鞋，蒜蓉蒸蝦好食夠味可惜好多油😣

如果大家覺得貓砂食係好食既話，可以試下呢間野！！！呢間餐廳勁多嘢好早已經賣晒，嚟到嘅份量又少，閑閑哋$90一個餸，仲要包你食唔飽！強烈建議大家搵第二間餐廳食，唔好嘥時間！

今日去試試屋企附近呢間, 平時行過已經見到有好多煲選擇~椰子雞🐔雞煲，酸菜魚。。。等等☺️近期天氣凍, 食返呢D熱辣辣既真係好正!終於食到佢地個羊腩煲!$238 (包爐包生菜一碟)今次2個人食, 嗌左個(細)既 , 2個人食已經足夠,泥到之後可見賣相相當唔錯!❤️❤️❤️冬茹夠入味! 羊肉夠嫩夠淋! 個汁都甜甜地! 夠濃味! 用泥煮菜真係好正! 之後仲嗌左碟尖椒皮蛋! 誠意大足! 佢唔係單單只係尖椒碎! 直程係中間炒左D 尖椒比你被皮蛋包住! $68 抵食丫!!

12月16日，揾食肥華前上司夫婦做東，在此店請肥華及靚媽，食晚飯，而今餐，上司太太是衝着此店，招牌名物雞蛋焗魚腸及脆皮雞而來，可惜此店今餐個雞蛋焗魚腸，個味道及份量都大不如前，由前次獲肥華評為A+評分食品，變為今次衹能俾個C+評分佢。至於個脆皮雞則相當對辦，此味菜連同菠蘿咕嚕肉係今餐最好味嘅菜式，分别有A+及A級評分。而今餐其餘菜式，荳腐火腩大鱔煲，翡翠炒班球，霸皇雞，水準都強差人意，令肥華懷疑此店是否换咗大厨，以今餐水準評論此店，若行過路過，幫襯此店冇問題，但唔好衝着某個，招牌名物而來！肥華在此，多謝前上司夫婦呢餐，恭祝聖誕並賀新禧，晚宴🙏🙏🙏

之前同班friend試過，覺得幾好，今日嚟試吓上次食唔到嘅脆皮雞，結果今次都係食唔到，老闆推介我試吓佢哋嘅新出菜品，炆鵝，結果出乎意料地好食！下次帶埋屋企人！！！

10月31日，揾食肥華約咗靚媽及細仔仔，到此間口碑不俗嘅，街坊飯店形式小菜館食晚飯，今餐肥華目標首要，係試此店個雞蛋焗魚腸，所以呢餐，除咗此味小菜外，其他菜色，都係由靚媽及細仔仔發辦，首個上枱嘅，潮式豬肚湯，湯濃美味又夠熱，肥華就覺得相當好，但靚媽及細仔仔則，嫌此湯略咸，跟住出場嘅，翡翠炒班球，蜜糖黑椒薯仔牛柳， 椒鹽鮮魷拼九肚魚 尖椒伴皮蛋，都係Ok之作，都得到我哋三人好評，至於得肥華獨享嘅，此店名物之一，雞蛋焗魚腸更是出色，不負肥華厚望，加上此店小菜收費相宜，侍應員工招呼到位，隨時會成為肥華，另一個讌客地點👍👍👍👍

自從土瓜灣有地鐵站後，開咗有好多唔同食店，尤其係北帝街，今晚同朋友就去咗皓景閣食飯，餐廳裝修簡潔，主打廣東菜。古法砵仔焗魚腸，魚腸表面焗至呈金黃色,油條外脆內軟. 魚腸幼身有口感，夾埋雞蛋食，入口不油膩,亦不有會苦澀,在上面灑一點胡椒粉更能增加風味。豉椒炒鵝腸，上枱香噴噴，炒得都夠鑊氣，豉汁調得夠味，鵝腸非常有咬口。金銀蛋浸時蔬，時蔬用咗白菜仔，加埋皮蛋鹹蛋味道鹹香滿溢。飯後有綠豆沙送。糖水不會太甜。

唔知點做生意，餐廳電話長期唔通。可能唔想做生意。分別唔同時間、唔同日子都打過，都係唔通，唔知咩原因。隔離街楚X記咁多人幫襯都有人聽電話。你地個餐牌再影靚啲都沒用，電話打唔通，點幫襯？

朋友仔好鍾意食小菜，見呢間舖頭係平日梨講都算幾多人，餐牌有好多唔同嘅套餐配搭，價錢都好平民化，所以就揀咗佢試一試。金銀蛋浸時蔬呢個小菜一直都係我嘅蔬菜首選，今日時蔬係小白菜，配上金銀蛋去煮，清清地又唔油，而且又有小小湯飲下😍金黃色嘅炸蒜非常好食皓景話梅骨店員推介，見佢嘅名似係招牌菜，而朋友又好鍾意食肉，所以叫咗個，佢真係外脆內軟，而且酸甜酸甜咁非常開胃，配飯一流。干鍋肥腸鑊氣之選，有少少辣味，配上洋蔥，青椒同埋辣椒爆炒而成，肥腸應該有經過處理，入邊嘅肥膏唔算好多，感覺上冇咁邪惡。總括嚟講都覺得幾抵食，味道都中上，下次會返嚟再食，再試吓其他嘢😃

今日去咗土瓜灣依間餐廳食飯，真係食到好滿足呀！佢哋嘅椒鹽一字骨 ($88) 好好味，啲骨頭好容易啃，肉質又好嫩滑，而且椒鹽味道剛剛好，唔會太鹹或者太淡。我仲特別鍾意佢哋嘅芥末牛柳粒 ($96)，牛肉好嫩好滑，仲有啲三色椒喺隔離同埋洋蔥，再配搭埋芥末一齊食，都幾有驚喜仲有一個不得不說嘅係佢海鮮翠塘豆腐 ($88)。啲豆腐嫩滑，配埋啲新鮮嘅海鮮，真係好好味！佢哋嘅翠塘醬汁夠香夠味，令味道更加豐富，真係好正呀！ 呢間餐廳嘅食物質素高，價錢又平易近人，同朋友食飯嘅話，不妨可以試吓呢一間。

#風味鑊氣小炒喺土瓜灣做完跑腿 勁攰超頹😵‍💫 同事提議食鑊氣小炒 補充元氣-🥘家鄉小炒王 $108以為同事有心水推介 點知佢話「是但」 巧無奈😅 叫小炒王最穩陣 樣樣有啲 小銀魚同蝦乾最好食 鹹鮮惹味-🥚大蜆蒸水蛋 $118老闆推薦呢個清鮮啲嘅食法 果然好介紹 蜆肉唔用鼓椒炒改為用蛋蒸 顯得蜆肉更鮮甜 蒸水蛋滑嘟嘟 撈飯🍚一流-🧆咕嚕肉碟咕嚕肉湧出一陣濃烈嘅酸味 本來擔心會太酸 夾起一嚿 原來有拔絲效果😙 有肉鮮少少肥又可以哽骨 味道唔錯-🐂美極生炒牛肉飯 $78碎鮮牛好多 用美極鼓油做醃料 牛肉柔軟鮮味 飯粒乾身飽滿 受熱均勻-📍皓景 Sunflower 土瓜灣北帝街22號地下

今晚約咗朋友去土瓜灣食飯🍚，見到呢間中菜館有好多款式小菜🥘🫖，就入去試一先😘☘️招牌西蘭花蜜椒牛柳粒🐂牛柳粒超入味😘加埋西蘭🥦花蜜椒一起炒，味道超香口，值得一讚👍🏻☘️麻辣肉燥山水豆腐🥢麻辣肉燥少少辣🥵山水豆腐蒸得嫩滑適中啱啱好，加埋白飯一齊食，夠晒開胃😋☘️梅菜扣肉煲🥘見到隔籬枱梅菜扣肉，怕肥又想食，一上枱正😜，肥瘦適中，加上梅菜，送飯一流🥰☘️豉油王炒麵🍜豉油王炒麵，加麻辣肉燥一齊食正，芽菜同麵炒得夠爽口💋好食：❤️❤️❤️❤️🖤抵食 ： ❤️❤️❤️❤️🖤📍 皓景 (土瓜灣)土瓜灣北帝街22號地舖

轉角位置看到有一間中式小菜餐廳，看了看餐牌有不少傳統口味的小菜，晚飯時間剛好到，可以入內嚐嚐呢～餐廳用上木糸桌椅，雀鳥吊燈令人感覺温馨，入座後，職員先送上水仙茶，配小菜吃可以解油膩感。職員很友善，主動拿椅子給我們放手袋，我們坐在窗邊位，一邊吃一邊看著街道上，感覺也很寫意。這裏免茶芥和加一，有糖水送贈，價錢比酒樓優惠一點，想吃小菜時也是個不錯的選擇啊！♡家鄉梅菜扣肉$88 例邪惡的傳統小菜梅菜扣肉，層層分明的肉和脂肪，配飯吃一流啊！♡芥末牛柳粒$96 🥢必點🥢有青椒、紅椒、洋蔥，芥末味醬汁很夠，每件牛柳粒和配菜都沾上芥末味醬汁，牛柳粒肉質軟腍入味，醬汁很好下飯呢！♡十里蒜香一字骨$98 🥢必點🥢蒜香味調味剛好，不會有過於味精的感覺，炸得香脆，肉質軟腍，味道香口惹味。♡菌皇濃湯浸時蔬$78菌皇濃湯浸着蔬菜菌類，鮮甜入味。♡美極生炒牛肉飯$78雞蛋、香蔥加些菜和牛肉粒炒成，炒得乾身，飯粒粒粒分明。🥣誠意的還有糖水送贈，當日的糖水是綠豆沙，甜甜的，味道不錯，如果稠一點會更好呢～✖️餐廳全日不設加一服務費、免茶芥

土瓜灣一帶平時多野食到花多眼亂,今晚突然間想食下中菜小炒,見到呢間門口都有好多唔同既特色小菜,一於試下佢先環境都舒適乾淨一坐底 職員已經放左碗例湯俾我地飲完冇口乾口渴,有住家湯feelMenu種類同組合都好多但因為我地今日得2個人,所以就只叫咗三碟小菜食京都肉排 用煲仔上既小菜 一上枱咋咋聲,feel到好有鑊氣啲肉排煮到好淋,肥瘦適中加上酸酸甜甜嘅汁,送飯一流回鍋肉加左少少麻辣醬去炒, 味道同平時出面食既唔一樣,最正係個腩肉同菜都索哂D味而且食落亦冇好油膩黃金海中蝦 蝦球好彈牙,而且個炸粉亦做得好薄,食落冇成口粉而且個黃金比例做得好好,每一隻都包到鹹蛋黃,但又唔會太咸

朋友帶我黎呢間新開既小菜館,呢度有好款小菜選擇,我地叫左小菜套餐,可以響餐入面選擇幾款食物我地叫左一碟咕嚕蝦球,蝦球肉質彈牙幾特別,而且味道甜甜酸酸咁,D蝦仲幾大隻下,蝦屎都挑走埋,另外,我地叫左一碟豉椒蒸鱔魚,用豉汁蒸可以食到魚肉既鮮甜,鱔魚都蒸到入晒味咁,有好香既豉汁味,同埋叫左半隻沙薑雞,雞肉都幾多,半隻都好多肉同好大隻,加埋沙薑既味都唔錯,我地仲叫左一杯紅豆冰,紅豆冰大大杯紅豆好粉,味道岩岩好。