盈記四季養生麵館

营业中

休息中

食襯米線唔係麻辣就係酸辣，食得多都刺激腸胃，食清湯又唔得滿足，係灣仔軒尼詩道呢間食養生湯麵就啱晒啦！好，坐低睇下有咩好食先。藥膳農場雞厚身花菇養生湯，黎到一定要試左個湯底先，湯好足料，有紅棗、杞子、木耳，湯飲落藥膳得黎帶清甜。雞件大件又嫩又滑嘟嘟，份量都唔少，連雞皮都感覺得到好補身。花菇超厚身，浸泡得好足，軟綿綿，好有菇味。熱柚子蜜，天氣開始涼，加埋呢個充滿維他命C既熱柚子蜜，甜甜蜜蜜仲有柚子皮可以咬下。

藥膳雞蟲草花湯米線 我問職員佢話裏面係有包含雞藥膳雞水餃湯米線 個職員同我講話裏面係冇雞！ 咁個意思即係藥膳雞蟲草花湯米線 裏面係咪應該剩係得蟲草花呢？ 講真你字眼寫藥膳雞水餃湯米線 ，真係唔會估到裏面係冇雞㗎囉！ 仲要收價錢60幾接近70蚊！打返去問過阿姐，個阿姐仲要同我講係咁㗎我唔覺得有問題喎！好嘢！如果而家都咁樣誤導顧客，其實真係唔會再有人幫襯！ 再加上叫熱檸蜜 ，永遠都係俾咗菜蜜。如果你係冇檸蜜咁不如你唔好寫出嚟啦。真係以後唔會再幫襯！

📍盈記四季養生麵館 (灣仔)📍灣仔軒尼詩道69號華美樓地舖🟡藥膳農場雞羊肚菌冬菇養生米線 $88🟡跟餐：熱柚子蜜每次經過晏晝同夜晚都好多人食，今次終於有機會試吓盈記。見到有新品推出，都係以健康為主打，叫左藥膳農場雞羊肚菌冬菇養生米線，湯頭好清甜，充滿中藥材和菌菇的香氣，湯底濃郁不過於油膩，吃起來非常舒服。雞肉鮮嫩多汁，搭配羊肚菌同超厚冬菇，$88係物超所值！冬菇見到相都知有幾厚，最緊要係咬落去嗰吓啲汁超鮮甜，真係勁好食！另外，羊肚菌富含蛋白質、膳食纖維和維生素D，有助提升免疫力和促進骨骼健康。同時又具抗氧化、抗炎的特性，能幫助減少體內炎症反應，對消化功能也有顯著益處，是非常適合注重養生的選擇！這碗米線不僅味道鮮，還有多重養生功效，特別適合關注健康的食客。跟餐附送的熱柚子蜜添！

今晚食健康啲.......就去咗食養生米線......交通非常方便.......好耐冇食啦!!藥膳農場醉雞養生湯米線恰到好處...這裡的藥膳雞湯採用了肥美三黃雞配以多藥材熬製4小時......又唔會太過濃烈...........幾鮮甜.....同雞一齊食味道好夾....配合米線清淡得來又唔會太寡...食完一碗剛剛好飽.....姐姐介紹手撕雞.....份量啱啱好........飲埋支烏龍茶順返條氣先.......整體都可以...下次試第二間

好中意食藥膳米線，呢間已經二訪了～呢面湯底甜甜的，淡淡藥材味，有點像媽媽煲的雞湯，令人非常回味。麻油雞米線香濃麻油味，十分暖胃，但略嫌麻油放得過多，太油膩，失去左清澈感，建議點其他配搭。花菇藥膳雞米線必點！花菇扒黎😍超大又厚肉，仲要吸滿哂甜甜的汁，滷得非常入味，係一啖一啖嘅滿足感🥰呢到啲雞都滑！

話說在灣仔工作，差唔多好多餐廳都有食過，有時候出街食都味精多，呢間麫館比較養生，藥膳湯底主要係用左藥材熬四個鐘，所以冇味精又健康🥰藥膳農湯雞花膠米線$88：先飲第一啖，唔會太重藥材味，都有唔少材料在湯裏面，有去核紅棗，杞子，桂圓，木耳……大大件花膠，滋潤又養顏，雞肉一啲都唔鞋，仲有埋雞髀位😍可以揀紅薯粉，但係我都係鍾情於米線多啲，食落去比較彈牙，而且份量都好大碗藥膳農湯雞胡椒豬肚米線$78：胡椒豬肚呢個配搭不錯，起碼都有五，六塊，食落去都幾爽口，無腥味。啲胡椒混入湯裏面，少少辣幾暖胃。跟兩杯熱飲，可以選擇奶茶，咖啡，仲有柚子蜜…下午茶時段唔算太多人，環境幾舒服同闊落，牆上有少少樽放咗紅棗，桂圓.. 樽的擺設幾靚

今日去咗銅鑼灣行街，有啲想食米線，但又唔想食譚仔，行下行下就行到落灣仔，見到有養生米線就入去試吓。見佢裝修普通，所以都冇乜期望，諗住唔好太難食就OK。叫咗個藥膳農場雞蟲草花養生湯，一上枱就聞到好濃嘅藥膳湯底，飲落好正，終於唔係之前喺其他餐廳飲嘅淡茂茂湯底，飲得出藥膳嘅味道。雞件望落去好似好乾，但食落唔會好嚡，但亦唔係好滑。整體嚟講湯底係超正，但雞就不過不失，下次嚟嘅，就可能唔好嗌雞要嗌其他嘢試吓。

今晚同屋企人想食健康啲，就去咗食養生米線🤗 盈記四季養生麵館以健康養生為宗旨，主打藥膳雞湯🐓，漢方養生材料豐富，講究營養同時又滿足每個人的味蕾🥳⋄⋄====—====—====—====—✦ 藥膳農場雞竹笙銀耳養生湯米線 ✦ $68🍲 藥膳湯底以紅棗﹑杞子﹑圓肉﹑當歸為主材料，每一啖都有濃厚藥材味 🫒，仲有竹笙﹑銀耳﹑農場雞等豐富食材😋⋄✦ 麻辣手撕雞 ✦ $68🐓 鮮嫩農場雞撕成一絲絲，配上麻辣醬汁🌶️，好開胃，非常適合作為前菜🤤⋄✦ 藥膳上湯水餃 (5隻) ✦ $36🥟 藥膳湯浸住白菜豬肉餃，充滿養生氣息，非常健康😚====—====—====—====—⋄📌店名：盈記四季養生麵館📍地址：灣仔軒尼詩道69號華美樓地舖

人人講養生，其實真正養生梗係要由飲食開始。盈記四季養生館是一間良心麵舘，以藥膳入饡鷄肉也是農場雞，質素保持良好，所以由開業初期我已經幫襯至今。藥膳水餃養生湯第一次食，上海式厚皮水餃，豬肉餡，扎實的口感，我自己都幾鍾意；配米線，份量挺大。藥膳花枝丸養生湯花枝丸大大粒，彈牙爽口；配米粉。兩碗麵食也是養生湯底以藥膳熬製，但冇藥材嘅強烈味道，甜味來自紅棗杞子，所以麵可以食唔晒湯一定要飲晒。古法炆蘿蔔和時菜同樣以藥膳湯浸著蘿蔔切得大大件，忍唔住一口咬下去，爆哂汁，超清甜而且完全冇渣，我一口氣食咗4 件，真係食蘿蔔都飽。

今日係灣仔自修室溫完書，好想食碗藥膳湯米線，即刻去盈記睇睇🥹好耐冇食啦！！🛎 $64 藥膳農場雞+麻油養生湯米線麻油味好重！😍但又唔會蓋過藥膳味，試一啖湯底甘甜可口🤤雞肉份量多，而且肉質好滑，唔會鞋👍🏻🛎 $68 鮮茄日本花菇蘿蔔湯米線花菇超大隻，直情大過我拳頭😳好有水份，超彈牙爽口蘿蔔有3大件，完全冇渣🙏🏻好甜！！！吸曬鮮茄湯既味道，令成碗米線更上一層樓👍🏻🛎 跟餐 $18 益力多爆爆珠跟餐係半價～超多爆爆珠🤪同益力多味好夾！

出街食飯食得多都想食得健康啲，灣仔呢一間米線店主打養生藥膳雞米線，啱晒想養生食得健康嘅人。藥膳農場雞蟲草花養湯米線 $65呢度嘅藥膳湯藥材味恰到好處，有少少又唔會太過濃烈，飲得到有啲紅棗杞子嘅香味幾鮮甜，同雞一齊食味道好夾。雞嘅部份又分得幾勻循，有一件雞髀位置、一件雞翼位置、同埋有啲胸肉，肉質OK唔會乾鞋。米線煮得幾軟滑，配埋蟲草花爽爽滑滑一齊食幾順口。藥膳農場雞厚花菇養生湯米線 $68其實呢個湯底同蟲草花嗰個湯底大同小異，只不過呢個配料轉左有大花菇，冬菇肉口，爽滑菇味濃郁，口感幾好。雞肉都係一樣有齊幾個部位，唔同嘅人口味都照顧到。紅油抄手 $36餃子正常味道，配埋個紅油汁，一啲醋嘅香味同辣味加埋幾開胃又幾惹味。

米線真系架吾中又要食，過吓口癮😆藥膳湯米線近年頗受歡迎，藥膳雞湯採用肥美三黃雞，配以多種藥材，熬製四小時，補氣益血、健脾益肺。✿ 藥膳農場雞桃膠養生湯米線 $64藥膳湯味濃，完全有養生效果🤭雖然藥膳湯味濃亦不至於苦澀，估吾到湯品系幾甜，農場雞肉尚算嫩滑🐔添加桃膠，可以抗皺去斑，達至美容功效。✿ 藥膳農場雞麻油養生湯米線 $64藥膳麻油湯比上一款湯底味道重好多，諗起出前x丁麻油味🤣重口味人士應該會中意。加入山藥、竹笙等多種營養良材，潤腸養腸。✿ 奶茶紅豆冰 $12原價$28，跟餐價$12就可享用奶茶紅豆冰🧡❤️奶茶同紅豆冰本身系兩樣野，又幾夾，奶茶牛奶味香醇🥛同紅豆混合甜味🫘✿ 益力多爆爆珠 $18原價$36，跟餐價$18就可享用益力多爆爆珠，益力多真系童年回憶😂爆爆珠配港式甜品同飲品都好夾💛

灣仔嘅店舖眾多，但係又養生又好味嘅就要數盈記。我食既係藥膳鮮走地雞山藥米粉，餐牌餐牌上有好幾種湯底，然後搭唔同嘅材料，我叫咗佢推介藥膳湯底配山藥。湯底清甜，帶點藥材味，配合米線清淡得來又唔會太寡。食完一碗剛剛好飽，係唔錯嘅午餐選擇。有少少美中不足嘅係地方比較狹窄。

朋友去完旅行回來，匆忙中來個短暫相聚。平日中午人山人海，夜晚反而有位簡單養生就會諗到盈記，今晚就來聚一聚環境簡單，餐牌簡單易明，價錢親民。 睇下有咩食先藥膳農場雞厚身花菇養生湯雞肉厚身， 肉質嫩滑，湯底濃郁。藥膳雞湯當歸味較重，飲完身體暖暖的。 聽到姐姐話 藥材煲了四個鐘，所以 藥材味道好出，湯底鮮甜。紅油抄手 雲吞皮薄餡多，外形飽滿。配上秘製醬汁同埋辣油，好開胃。貢丸喇沙湯沙爹味濃郁，豆卜完全吸收了湯汁，仲有一隻鮮雞蛋。 貢丸新鮮，咬落去肉汁噴出來

之前食過一間超好味既藥膳雞但自從佢執左笠之後，就再搵唔反個味道早排行過灣仔，原來有間飬生麵館日日見佢都排長龍，又有我至愛既藥膳湯當然就要去食下，睇下搵唔搵得反個感覺😆🔆藥膳農場雞蟲草花養生湯有驚喜，個藥膳湯底好好味，清甜得來紅棗味濃，再有小小藥材味，真係好好飲，配蟲草花同米線一流，雞肉都好嫩滑！🔆肥牛叻沙嗲肥牛多，沙嗲味好濃郁，豆卜吸曬啲湯汁，好好味，配米粉都係不錯既選擇！🔆藥膳浸雞腳雞腳炆煮到好淋好入味，一食入口，骨肉分離，好味！好味！🔆涼拌手撕雞青瓜絲、木耳絲加埋雞絲配上特別既調味料，食起上黎清新可口，雞肉仲好有雞味！