盛八日式火鍋放題店 (已結業)

(1) it takes ages for them to bring you beef and shrimp. They showed less patience on you if you order the second, the third...obviously they want to waste you 1.5 hours; (2) the quality of the beef we paid for was not the same! The first order was good beef of high quality but later ones were really not worth the price; (3) if you order more, several staffs will group together to discuss you and stare at you. (4) When we try to finish all food to enjoy the so called "discount for finishing all

It took a million years for them to bring you the beef as if the beef were their baby. They gathered and stared at you to put pressure on you so that u would not order anymore. The most outrageous thing was that after u finished your trash food, they used chopsticks to turn the leftovers and said “u did not finish that mushroom, eat it”. It is the single most disgusting dining experience I have ever had in twenty-five years.

晚上九點半夜食時間，心思思去吃火鍋。來到盛八不用排隊已經可以入座。 之後等了一會上鍋， 牛肉質素很好 ，刺生好味新鮮。但是服務人員人手太少 ，加單也沒有人理。我只好出去收銀機旁找人幫忙。飲品雪櫃又是清空，難怪全場得兩張table 有客人。我見員工忙著收拾殘局，未能及時照顧客人需要。我只好告訴自己，算了 無下次。我之前一向是盛八火鍋的忠實粉絲，不明不白為什麼發生這種事。問了服務人員，之前好服務人員已經全部辭職，難怪生意冷清啊。希望你們有改善，生意興隆。幫助。

5人行盛八75品燒肉放題，每人$298 +$1服務費 總共$1639。上網見盛八好似唔錯，於是決定一家5口去試一試水溫，即日訂左星期五7:30時段。打電話訂位既時候心諗點解接聽電話果一位既態度可以咁差......仲話只收現金，咁算啦，我地都係為左食好野，好食就得啦。當晚7:10分早到左，人未算多，即時就入座計時，成個氣氛好怪，包括服務員既語氣同埋店內既燈光昏暗，我已經feel到伏味，坐低之後服務員完全沒行過埋黎，算啦唔浪費時間我同啲屋企人就開始叫野啦，最奇怪既係當時完全沒人問過我地係食75品/90品，當我地親身行出去交完第一張張點餐紙之後就再行出去問，沒錯係行出去，因為啲人根本唔係係我地既視線範圍，咁既氣氛真係搞到大家好唔舒服。問既時候佢竟然係答''咁你地係選邊個''，好似錯既係我地，然後送第一輪野食黎既時候就話我地張紙寫既有d係90品先可以叫....其實如果我地如果沒問又真係唔小心叫到90品既野食，咁結果咪要硬食個貴價錢.....話哂比300舊水竟然點解會係咁既待遇，咁既質素真心仲差過漢陽苑。至於食物（75品），海鮮種類少得可憐，叫極都係蛤同魷魚鬚，d恰又燒十年都未開，霸哂個爐既位，

唔想講太多，之前見到咁多好評我就唸住同我男朋友去試下...點知去到果度咩都唔齊全，唔明點解鴛鴦火鍋有一邊係唔滾㗎。叫左好多次服務員果黎整，佢都淨係碰兩碰，完全冇效率...跟住囉甜品嘅時候，按下雪糕機，點知噗d水出黎...唔明點解用唔到冇人發現？依家擺左好耐...跟住，食佢嘅芝士蛋糕，其實原來雪藏左好耐！食落去好硬！簡直垃圾！以後唔會再黎呢間...d刺身唔新鮮...大家千祈唔好幫襯！我食完之後立即肚痛

$198一位  晚上19:00入座  ， 90分鐘時間   很趕。加了$18  要兩隻味湯底。上煲時，  湯底的味很淡，湯水又不夠多  只得半鍋，  要求加湯，  職員說要加$30，不付錢就只可加水。   湯都冇味  仲要再加水，唔會再食呢間。仲有15分鐘夠鐘。職員立即出單，要求付款。但桌上寫住食曬d食物可有95折。  我當時仲有小小豬肉未食完。職員要求我5分鐘內食完才有優惠。如我照他要求   我會浪費了10分鐘時間  不能食其他食物  才有95折 😡。

最近「小偏」哈哈！ 同2位朋友仔小聚，一心打算book 盛八燒肉！ 點知7咗book咗呢間！ 但係又點估到美味情緣係咁樣開始......🙊大家一行入去， 我2個膠友已經唔理我🏃🏻‍♀️🏃🏻🏃🏻‍♀️🏃🏻衝咗去部夾龍蝦機係咁玩， 的確！ 部機都係有誠意之作，成功失敗點都好， 開心一輪又何妨！講返食物方面，佢真係幾多款色， 有唔同湯底，味道夠又足料！ 我地今次叫咗個白菌黑松露湯底黑松露控必試！ 真心！由於個期大家都窮...叫咗最cheap 美國肥牛價！雖則話最cheap ! 但水準已有超然地位， 心服嘴服了！加想又有大量甜品/飲品無限量提供呢（特別介紹有韓國飲品-忌廉溝奶奶等提供）真係食到先生都唔知貴姓！健康的女生！小店有多種菜類提供，生菜是小偏推介！壓軸登場呢間野我最滿意係有新鮮刺身供應：有四款三文魚八爪魚吞拿魚XXX(唔記得咗），都唔緊要啦，絕對係有級數的刺身！ 只能說 生意真係難做 大家真係要捧下場！最後比個貼士大家：-呢間野幾隱蔽，一啲路痴嘅朋友，建議約去 銀城外面等，事關間野喺後面巷！-食嘢真係唔好講嘢因為時光飛逝 只因你有90分鐘食！ 完！～～～～～

日本極上和牛A姐：識咗你咁耐，你都無送過花、公仔畀我！M佬：你仲十八廿二咩？你呢個年紀應該係收鑽石、豪宅2喇！A姐：咁你有無送過吖？M佬：我都係同你夾公仔算喇！A姐：夾公仔點解會嚟到旺角盛八日式火鍋放題店？M佬：夾隻Hello Kitty畀你，你唔覺得肉酸，我都覺得醜啦！不如，同你夾啲得意嘢啦！一入門口已經見到兩部夾公仔機，等我行埋啲睇吓有幾得意先！嘩！嘩！嘩！一部係夾龍蝦！一部係夾鮑魚㗎！但M佬佢真係好令人失望，佢咩都夾唔到囉！姊妹們，下次你地記住同個「夾公仔」高手嚟呀！雖然無鮑魚無龍蝦，但M佬今日好豪，佢叫咗日本和牛海鮮放題，呢度嘅和牛原來係嚟自高山市嘅牧場，空運直送到港嘅飛驒牛！呢度有8款湯底，但食日式火鍋，我哋通常都會叫壽喜燒湯底，因為壽喜燒湯底真係同和牛最match！日本極上和牛啲牛係勁新鮮！入口即溶、肉質鮮嫩、油脂分佈均勻！真係一分錢一分貨㗎！嚴選豚肉豬肉好薄，肉味香濃！美國雞肉雞肉滑溜又無雪味！特選海鮮海鮮種類唔少，除咗有蝦、帶子、魷魚、青口、蜆、墨魚滑同魚滑！我哋就最鍾意墨魚滑，好彈牙呀！新鮮蔬菜有金菇就滿足嘅M佬！最驚喜係啲生菜好新鮮，好爽口呀！魚生刺身至於魚生選擇都

估唔到第一次寫食評就要寫負評，不過嚴格嚟講唔算係食評，因為行入門口就已經飽左😄事緣係咁的，今晚8點半左右諗住喺旺角搵間野打邊爐，行行下見到呢間餐廳既廣告寫住火鍋放題$178一位，見價錢平平地咪諗住上去搏下有無位。上到去，見外面完全無人等位，咪直接入去攞位囉～入到去就見到2個喺度篤電話既員工背脊，我地2個人企左喺門口都無意識理我地，咁我地咪下意識講聲'唔該，請問2位而家有無位呀？' 然後，終於換到一個鄙視既眼神 + 一個不屑既口吻，配上一個墨汁黑面，同我地講'呢度揀個餐啦'，之後就光速擰返轉繼續篤電話。見到咁，我心諗'唔通呢間鋪租約期滿？定係我唔應該喺佢既營業時間入去食野呀？'不過，其實食完個黑面，我都飽左啦~唔駛坐低食就飽晒，多謝餐廳老闆🖒

今晚朋友同我預祝生日，揀嚟位於旺角嘅「盛八日式火鍋」。入座前，喺門口侍應已問定我哋要邊款放題同湯底。美國特選牛肩放題 $198/位湯底揀咗麥茶壽喜燒 ( 即甜豉油) 用餐時間90分鐘揀好湯底後，侍應按人頭俾咗三個膠幣我哋，話出嚟換番硬幣 (唔明點解唔直接俾硬幣?)，可以喺海鮮機到夾海鮮。入座後，侍應會送上豚肉、雞肉、牛肉 (無限追加)。食材新鮮，雞肉算滑，牛肉薄薄地好快熟，有牛味有口感 。 最值讚係追加左幾次牛肉都好快送到，無拖單同漏單。 而其他火鍋配料就自己出去 Bar 枱攞。呢個湯底好特別，未食過，係朋友揀嘅。甜豉油湯底甜甜地，幾得意。出面 Bar 枱，基本嘅款式都有: 菜類、丸類、麵類。冷盤區熱盤區，不過得兩款：鹽燒三文魚骨、炸薯角仲有自助軟雪糕同甜品。自助飲品區食到咁上下，出去夾下海鮮，睇下有無運氣有餸加先～一邊龍蝦仔，一邊鮑魚。好可惜好難夾，無餸加。

盛八燒肉就食得多，盛八火鍋今次第一次試，朋友生日原本plan好左去另一間慶祝嘅，可惜最後太多人食唔成，星期五旺角度度都咁多人，咁啱行到盛八火鍋見冇乜人等位就決定食呢間啦！一入門口見到部夾海鮮機，之前睇電視介紹過，冇諗過呢度有，一人有一個代幣，夾到就有龍蝦或鮑魚加餸喇，可惜個夾壞嘅，打唔開，好難夾架，玩過就算了！食物方面都係同一般任食日式火鍋一樣啦，出面有自助bar，有火鍋配料菇類、菜、丸、麵，亦有少量熟食，有甜品及自助軟雪糕機等等，飲品有盒裝道地、啤酒等任飲任食。主菜方面今次選了$198一位嘅餐，屬中下價位，值得讚嘅係上菜速度快，好多餐廳都會特登上得好慢等你唔會食咁多，同埋再Refill嘅牛碟碟質量都係一樣，牛肉好薄切，滾耐左都唔會老！我地選了日式甜豉油湯底すき焼き，係我最喜歡嘅湯底，因為咁先似食日式火鍋，甜道剛好不會太淡式太濃！

食物唔錯，環境和整潔唔錯，坐位就好擠迫，本人要求4人枱4張，但店員安排不到，令本人和朋友坐得很不舒適，而且女服務員態度不禮貌，訂位後無通知餐牌改咗時間，時間縮短價錢無變，超級不抵食，令本人和朋友吃得不開心和盡興，希望有待改善，服務就真係好差好差好差好差好差好差好差好差好差好差好差好差好差好差………………差到想寫負評………………客人還要比店員罵，下次落order要講埋，但落order已經講咗，店員還要罵客人，好似來貴店吃晚飯還要受氣，貴店嘢食唔錯又点，服務態度已經令人反感，希望下次再來改善吓

今天2017 6月8號揀了這間九點半放題中伏了，食物選擇小，味道又一般的一般，如果$158這個價錢我在旺角區還有很多選擇，真是很後悔浪費我的Quota，不會再有下次🙈

呢間放題其實已經好似我飯堂咁~因為佢憑消費單一個月內再幫襯會有85折~抵~而且佢地基本上任何時間去都唔駛等位...正!價錢方面當然有好多唔好選擇喇~我自己就多數都係揀最平個隻，但見其他客都會揀貴小小的肉~當日揀左壽喜燒湯底。一坐底侍應會每一款肉都俾一碟你...真心推介食雞肉..因為呢間放題的雞肉真係好食...好滑..點煮都唔會好老...而家做緊海鮮...所以一黎都會俾一盤海鮮你..而所有海鮮都可以再REFILL的~除左要煮的海鮮..仲有幾款魚生可以揀...魚生不過不失...叫多小小野揀咁喇..自助料都算多~而且有幾款丸仲好特別....明太子丸...龍蝦沙律丸...都值得食..飲品就有罐裝亦有氣水機..但氣水機就有幾種果汁可以俾你溝下溝下..都幾好飲~最後甜品佢都算多野揀..因為有雪糕有蛋糕同一堆啫喱...總括來講真係值得推介..特別平時搵唔到位個陣..真係好多時會救你一命...

因為睇到Facebook 廣告， 突登約個fd 去試下入到去時， 員工指我同朋友要坐 對牆位，好似面壁思過咁囉～再講下野食， 其實都ok 既， 唔會好似垃圾咁再講下部海鮮機， 唔係一定夾到、我同朋友每人都可夾一次， 只有一次順利總括 食物ok, 但員工態度認真麻麻， 沒有提示仲有幾耐夠鐘， 一夠鐘即時大聲叫你走， 個場明明冇人， 我同朋友只係諗住食埋放係枱既甜品， 所以唔會再去