盛八日式燒肉放題店 (已結業)

放工出尖沙咀盛八會合朋友食燒肉放題, 期間多謝Anna的禮物, 我們點了鹿兒島和牛(肉味較濃比較瘦),澳洲黑毛和牛(肥肉比較多, 有油花), 香草牛油燒大磨菇(好香牛油味, 磨菇好味!), 岩鹽青檸雞腿肉(雞腿好鮮嫩, 海鹽味香、青檸清新), 蜆(好新鮮和鮮甜), 芝士櫻花黑豚肉卷(好濃香芝士味, 煎時要好快「起」, 否則好快穠「黏底」, 無法吃出真正的味道)、自家制海鮮煎餅(煎餅好脆好香)、日式吉列蝦(蝦炸得乾身香脆, 好夠味)、特色野菜沙律(野菜沙律配胡麻醬好開胃, 唯獨車厘茄比較酸) 和黑松露青森蘋果沙律(黑松露好香, 青森蘋果清新!), Fruit Party,Acid Apple,Monhachi Icde Tea, 可樂, 橙汁, 蘋果汁, 盛八奇冰豆腐雪糕,今餐放題食物好豐富, 坐得舒適, 美味日本燒肉放題!

參加團購訂左宵夜時段9:30,但在門口等到9:45先可以入坐，原本好開心可以大擦一餐，一坐低立即order , 點知第一碟肉居然喺10:25 先來，d牛肉多筋到咬唔到，仲要被告知10:45 last order,仲要職員態度超冇禮貌，好似唔憂做咁，俾錢仲要受氣，一定冇下次，仲要"忠告"所有親朋好友小心考慮是否幫襯，以免中招。

一行五人買左團購黎食宵夜放題，準時九點半先開始入人，啲人迫晒喺𨋢口，好迫。入到去即刻點野食，店員收ORDER紙時開埋爐，話開定個爐。點知等等等，等左二十分鐘啲野先開始黎，但未黎飲品，三催四催下半個鐘先黎飲品，已經好口渴。五個人只得一個爐，所以一定唔夠時間燒，唯有主要點一片片既牛，貪佢易熟，其他豬、雞都只係點左少少，一人輕嘗一兩舊。五個人叫係叫左下面咁少肉，但都燒唔晒，個爐仔太細，大家食得又急又少。食物質素非常非常高。同以前單點時既質素一樣，件數亦好足，唔會話你點某個量，就俾唔夠數。牛胸腹、大磨菇、活蛤都係必食項目。牛胸腹—香濃牛味牛油味，好出色。大磨菇—好香菇味，配上特色醬，一絕。活蛤—又白又大又滑又鮮甜，仲好新鮮，每隻都開口。仲有鴨胸 -- 同行有位嘴刁男士盛讚係地上最強鴨胸，味道的確係幾特別，只係第二次來的時候較咸。每人有一碟澳洲和牛。梗係好正好好味。每加$50可以UPGRADE一碟做。真係冇得彈，入口即溶。前排食只需要加$30，其實要加錢食唔緊要，但而家個質素比以前加$30個質素差好遠。只要對比下前幾篇食評既日本和牛，一睇啲紋理你就知。最後食埋雪糕，準時走人。今餐實在太回味、太超

I myself is a carnivore who eat lots of meat.My friend and I go to a Japanese restaurant in Tsim Sha Tsui where offer Japanese style BBQ buffet.You can eat and drink all you want within 2 hours unlimitedly with a very affortable price.From Monday to Thursday,17:30-21:30, HKD$268.Friday,Saturday,Sunday and public holiday,17:30-21:30,HKD$298.Monday to Sunday,21:30-00:30,you only need to pay HKD$228.(*last order in 23:30)(+10%service charge)Each person will offer a Australian wagyu beef steak or yo

又捱了一个星期。係時候獎勵下自己 於是去左老尖盛八 去相:個人感覺較喜歡澳洲和牛 鹿兒島相對肥d 但都香既燒蜆encore左几轉 堅係肥大其他任食質素都ok好食 又有至爱既豆腐雪糕

兩小時放縱，岩晒食肉獸每位包一碟既澳州黑毛牛和牛，另外比30 蚊有日本受賞鹿兒島和牛。睇相都見到脂肪好靚，食落好溶化。但相比下澳洲和牛重牛肉味d.叫左魚沙律，配上沙律汁酸酸地好開胃。牛肉各款都好食，無失望。豬肉就只食左豚拖羅，好淋好肥美。雞軟骨腸好有口感，牛脷好薄唔會靭。甜品叫左豆腐雪糕，呢款有糖漿，但整體唔會太甜。

是日星期六，小女子又做乖乖女帶兩老出街吔飯～我訂左3位5:30pm , $298/位，食2個鐘燒肉放題～ 盛八d 牛肉靚一早出晒名，而佢又有其他白肉類、海鮮、蔬菜、頭盤同雪糕，岩晒我鍾意食肉既爸爸，同唔食紅肉既媽媽～ 。第一次食5:30pm晚飯，但原來感覺幾好，唔使同人迫~ 尖沙咀店既環境幾寬敞，有間獨立房，有bar枱（枱上有燒烤爐的！真係一個人食燒肉都唔怕！），而我地坐既係4位座，隔離無枱，感覺幾私人自在～。呢度既放題係寫紙落order的～而選擇都係貴精不貴多～可以任叫無酒精飲品，而每樣食物以件數落order，我覺得呢個做法好好～火係用炭燒，正！。每位包一碟既「澳州黑毛牛和牛」，另外+$30 可叫 「日本受賞鹿兒島和牛」～ 兩碟牛都好好味，脂肪紋好靚～入口即溶，醬汁都唔使點，原汁原味味道最好！ 「日本受賞鹿兒島和牛」味道較淡，而「澳州黑毛牛和牛」既牛味較出～ 。先點頭盤：點左沙律同冷豆腐～沙律正經，蔬菜新鮮爽口既。冷豆腐好香滑，豆味濃，點上胡麻醬一流～「蟹籽龍蝦沙律豆腐」我encore左3次～。肉類有包括各式牛胸腹、牛肋骨、一口牛、牛舌、黑豚肉、豚拖羅、雞肉、鴨胸。盛八既牛肉任何部位

第一次食盛八係響好幾年前深圳食，之後已經係一試難忘，日後都特登去深圳食幾次。到香港開店的時候都有試過下，但一碟一碟咁叫，此終都係無咁過癮，今日見有放題當然唔可以放過，就黎試試佢。日本受賞鹿兒島和牛 - 真係唔駛講咁多，自己睇張相，大家都明晒啦，真係靚到呢！入口即溶，香味濃郁。澳洲黑毛和牛 - 依個明顯就雪花雲石紋無咁多，食落確係比剛才的略為遜色，牛肉味反而多返少少，但依然好好食。燒汁牛肋肉、燒汁牛胸腹、鹽燒牛舌、芝士櫻花黑豚肉卷、岩鹽青檸雞腿肉。其中比軙欣賞都係牛肋肉，有少少咬口較重牛肉味，小弟比較喜歡。而青檸雞都唔錯，有 Flesh 的既感覺。和風蕃茄沙律、蟹籽冷豆腐、青瓜條香蒜酒煮蜆 - 新鮮青甜

雖然食放題好邊便咩都有，不過就係咩都有先唔知揀咩黎食！所以我揀咗幾樣我認為一定要試嘅食物同大家分享必食items: 所有牛嘅items(我推薦燒汁）、豬拖羅、蜆湯、大啡菇、南瓜另外，每位已包澳洲黑毛和牛一碟，加$30可升級鹿兒島和牛👍🏻👍🏻👍🏻澳洲黑毛和牛牛味會較重，入口都好滑好軟身如果鍾意再嫩口嘅朋友建議大家加30蚊食鹿兒島和牛，因為平時一碟都二百幾，牛味無澳洲咁重，不過油脂分布令到牛更軟更滑，好甘香好好味👍🏻👍🏻👍🏻另外餐廳做緊大優惠，呢個優惠劵其實好抵，如果會有一大班朋友一齊食，真係可以考慮👍🏻

突然好想係燒肉，之前睇FB見有人話尖咀盛八係燒肉放題……我呢啲食肉獸一定唔可以放過~其實離地鐵站一啲都唔遠，不過……如果識行捷徑嘅人，我絕對建議你尖沙咀A出口出，美珍香隔離牛雜麵嗰度轉入去行，一出……就係亞士厘道，千祈唔好P出口出，因為……會兜左個圈先去到，我真係豬咗我地今次叫咗一個澳洲黑毛和牛餐，另外再加錢食鹿兒島和牛日本受賞鹿兒島和牛 - 呢個和牛油脂好豐富，一入口好淋，滿口油香澳洲黑毛和牛 - 其實食咗呢個先，不過油香比鹿先島爭少少，但係都好香好味燒汁牛肋肉、燒汁牛胸腹、鹽燒牛舌、芝士櫻花黑豚肉卷、岩鹽青檸雞腿肉韓式手造餃子- 我太鍾意呢個餃子，超好味，雖然唔係有辣味，但係手造餃子餡係比較平均，味道亦啱啱好雙色蟹籽龍蝦沙律冷豆腐 - 用和風芝麻醬再加雙色蟹籽配冷豆腐，味道好夠和風蕃茄沙律香蒜酒煮蜆燒翠肉瓜、南瓜

之前放Easter假期時, 拎多左中間4日自製一個比較長的假期. 大部份時間都係同孖寶一齊玩, 四圍去. 之後再同大家分享我地去左邊度玩!今次呢, 我真心想介紹下我地勁刷的一餐, 就係盛八的放題啦~其實之前係深圳試過, 都係盛八放題, 深圳的種類多好多, 有刺身又有壽司, 好多熱野, 可以話係應有盡有呀~真係好正!而今次食香港尖沙咀的盛八呢每位$228再加10%, 我地就另外每人加HK$30 upgrade左去食日本和牛. 一人限一碟, 咁當然係好好味啦~不過我家先生話太薄,好難煎呀!其他的食物都好新鮮, 其中自己好like佢地本身已經係熟的豆腐同埋豆腐ice-cream呀! 超正, 好滑同好香豆味呀!飲品可以無限re-fill, 但如果要轉酒類飲品就要加HK$50, 個point係成枱的人都要一齊加$50來轉. 好似我地旁邊個枱, 4個成人, 6個小朋友. 你叫人地點成枱轉呢, 真係好似好唔抵咁!我叫左好多round都係栗米呀, 翠玉瓜同mushroom, 因為比較喜歡食蔬菜類的野, 去食放題食呢d野係唔係好唔抵呢……..家人朋友都成日話我係妹仔肚!Overall其他肉類都可以, 都

個多月前起團購買左兩張coupon可以放題任食盛八燒肉，一向同老公都喜歡呢到呢食物，所以買左試下。。。一個月內要使用，結果book枱時因為太full所以要到5月先可以食一黎到都幾full，但又唔係全場爆滿咁嘅店員就向我地講解點樣點菜同點飲品其實都係同食普通放題一樣用order紙寫 點1️⃣2️⃣3️⃣4️⃣1️⃣就係兩件 2️⃣就係四件 如此類推而飲品就係佢地即沖嘅 可能佢地怕叫左又飲唔哂啦 店員話飲完一杯先可以再order每次都會收番隻杯😂一開始叫左杯有d橙味嘅梳打，味道唔錯架😬不過食放題飲太多有汽飲品就實在太年輕喇，所以之後嘅兩杯我都點左蘋果汁橙汁呀無咁快食唔落丫ma😜好快！頭盤就到喇！呢個海鮮大拼盤無得再order 所以質素係全餐最好👍🏻👍🏻👍🏻有大大粒扇貝啦蠔啦大蝦啦長腳蟹啦當中我的最愛就係扇貝😋😋😋好大粒呀！又加左d香草同牛油，好香☺️一次過放哂落去😬😬😬🤘🏻肉類都好快就到了😘😘😘主要以牛肉為主啦，燒汁牛肋骨肉係我倆最喜愛之一，牛胸腹都好好味👍🏻不過平時點開嘅香草雞就好失望🙁無香草味又無雞味，仲要有d蘇味(以前好好多，成塊雞都係香草)牛舌都係我地常點之一，試左一口牛舌同薄切薄切好味d👍🏻👍🏻👍🏻有兩種

終於又捱過一周，就同三五知己獎勵下自己，去餐靚靚和牛睇中依間野係佢可以有高質和牛食，而之後又有放題，唔洗驚食唔飽。起爐後，炭火紅旺，有明火的熱氣逼出，令人更加肚餓。首先食既係每位包一碟既澳州黑毛牛和牛，粉紅的色澤格外誘人，切得很薄，炭火的炙烤下很快轉色，挾起點上醬汁入口，牛味很濃，雖未到入口即溶，但都好味。放題方面，我地點左香草牛油燒大磨菇，五色胡椒一口牛舌等等。我自己最鍾意食蘑菇，剛燒好的大蘑菇內含飽滿鮮美的汁液，一咬下去嫩彈無比，還有好香既牛油香，食落啖啖菇肉，令人好滿足。一口牛舌表面塗滿胡椒粉，有很香的胡椒味，入口爽韌有嚼勁，飽含肉汁，微辣惹味，可以一試。手羽先，即係雞翼，已切成單骨，容易進食。 燒完非常之滑嫩冒熱氣。芝士櫻花黑豚肉卷，切得薄薄的豚肉卷上撒上一層芝士粉，燒完除左豬肉本身既香味外，有淡淡既芝士香。我地都喊左個韓式手造餃子，有點過油，但外皮焦脆，ok la。最後既甜品係盛八淇冰(即係雪糕)。 雲呢嗱底，上有焦糖醬，略甜。總結黎講, 我地最鍾意食既係和牛同大蘑菇

盛八的燒肉放題$298 (星期一至四是$268), 對於食肉獸來說真是誘不可擋! 難怪星期五晚上亞士厘道分店也全院滿座! 幸好是早食鳥和訂了檯, 否則七點過後便與肉無緣了!食燒肉最高興是可以一餐內吃到豬, 牛, 雞的不同部位, 不同口感。盛八更設有升級享受更美味的澳洲和日本和牛, 只需多加 $30, 來兩碟和牛已值回票價, 何樂而不為呢!澳洲黑毛和牛 - 鮮嫩紅潤, 雪花分佈均勻漂亮, 牛味雖不致非常強烈, 燒過後肉質軟滑又多汁, 不怎加上調味已很好味!日本鹿兒島和牛 - 不愧為日本和牛, 雖然級數未算好高, 牛肉味仍然濃郁, 充滿肉汁, 肉質好滑溜, 入口近乎溶化, 好好食! 比澳洲和牛更好食, 加$30真是抵到爛!放題選擇多, 有前菜, 炸物, 沙律和豆腐, 當然少不了肉類, 更有海鮮供應。牛也有不同部位: 牛五花, 牛胸腹, 牛肋骨肉, 牛舌等。食燒肉當然首選先吃 - 牛!牛五花 - 分別有燒汁和鹽燒味。薄薄的一片, 牛味不錯, 燒熟後更有嚼勁, 以燒汁的味道最好! 牛胸腹 - 同樣有燒汁和鹽燒味。牛味比牛五花略遜, 而脂肪比牛五花相對亦少點, 肉質算是彈牙不錯。牛肋骨肉 - 分

先2個月同朋友去左盛八,原來依家盛八變左放題,唔怪得多人咁多咁我同朋友就好唔客氣叫左好多肉啦最中香草豚肉同和牛係最好食和牛燒起黎D紋好清食落好薄,入口即溶,味道唔錯香草豚肉好夠味,舊肉會厚D,有口感好多不過可能因為轉左做放題,D侍應好無禮貌,餐廳純粹食物取勝