盛記粉麵

营业中

休息中

諗住係附近翻工，自己又中意食車仔面就去食啦。都問左除左cash仲收Alipay ，咁就坐低食啦，去到買單啦，就同伙記講比Alipay 。佢哋個到就total三個伙記，一個應該係老闆娘，一個佢老公，咁仲有個應該係佢地個女？個女就過嚟用Alipay收錢啦，老闆娘同佢老公本身就已經嘈交仲要係我隔離。之後佢老公又話佢收錢，老闆娘就話佢唔識手機個啲嫁啦，之後無啦啦佢老公就超大聲係我隔離鬧「你咁x蠢，淨係識用手機，你以後唔好過嚟食啦！」呢句足足重複左5次，我一個女仔其實就好驚💩但又未比錢，仲坐係到等收錢，真心好無助又係咁比人指住鬧，真係食個飯都唔安樂😮‍💨

同事一行十幾人想去懲罰黃店，點知多人到入唔到去，行兩步就見到呢間牛腩，於是諗住是旦食1420去到，落單再等，竟然到1520都未嚟齊嘢食，速度真係慢咗少少...食物質素其實係中上嘅，叫咗個牛筋腩米，湯頭好甜又有香料味，牛都淋身嘅。似乎呢度都出名牛雜，不過今次無試過。有傳統支裝可樂、忌廉，都加返少少分。另外加餸有春卷、台灣腸之類，都算多元化。不過埋單計數唔平，成70蚊一個港式粉仲要唔算太飽，而且有同事碗粉有隻小烏蠅，要取消張單...個人感覺都合理嘅，始終街市檔，有少少昆蟲仔都難以避免...不過咁嘅價錢、咁嘅服務，下次都係...不了...

前兩日同同事去開觀塘做嘢，食晏時間諗住搵間餐廳坐低，點知度度都超多人。行到去街市發現呢間食店冇乜人，雖然驚有伏但都坐低咗。紫菜四寶米套餐($42)套餐有一碟油菜一支細汽水。四寶超多料，有兩粒牛丸，兩粒豬肉丸，兩粒魚蛋，兩粒魚角。上枱時見到碗嘢冇紫菜，但係有幾塊腐竹，仲以為廚房冇紫菜換咗腐竹畀我。但過咗十分鐘碗麵就嚟食曬嗰時，店員自動自覺補返碗紫菜畀我。雖然湯底偏鹹，但咁多料真係好滿足。雲吞麵($32)同事嘅雲吞面有五粒雲吞，上面有啲西洋菜。同事話粒雲吞同個湯底都偏鹹，但雲吞算多餡料，食得過。

一心諗住買碗車仔麵lunch食快靚正，行入去叫咗四餸，豬頸肉，豬皮，蘿蔔，魚皮餃，薯粉底，四餸一麵，天價$68蚊。。。。咁嘅環境收我$68蚊真係好貴囉，於是我無要轉身即走。。。。

再次到訪，發現價錢有所調整，嘩，平左嘅，不論面類，飯類，車仔面都平左10蚊有多，問問老闆，佢話因為做緊優惠推廣，不過無定日子幾時又回復返舊價，佢話原材料真係好貴, 到蝕入肉之時就係佢加返價之時，咁我都明嘅，要整到好食嘅牛腩牛什都真係要落好多野去炆先得，而家d物價又真係好難頂。好，心諗平左份量會唔會少左呢？！噢…碗面一放低，細細嘩左聲，份量都係同之前一樣，都係咁大碗，碗牛什面內有大量嘅時菜同好多舊肚，肺，長，面嘅份量就比其他面店大舊d，最重要，味道都係同之前一樣, 濃濃嘅柱侯味~食完碗面，加支細汽水，而家仲做埋餐，抵食左~雖然都比街外貴d，但一碗當人地兩三碗有多，所以都好滿足。

係FB見到有人介紹這間粉麵店, 中午時候忍不住都走來試下.牛什飯要賣$58包埋一碗紫菜湯同埋牛什底部都有蘿白同少許菜份量對於我來講其實都足夠有餘味道我覺得真係唔錯, 個腩汁濃郁蘿白甜無渣, 最喜歡D牛肚夠淋身又入味,講真這裡環境麻麻係熟食中心又無冷氣, 但一碗牛什飯都要收$58真係幾貴, 味道係唔錯不過未值到需要回來再試.地址:觀塘駿業街熟食市場地下3號

最近想食雲吞麵之類，但商貿區又唔見有咩麵檔。最多只係茶記。所以突登上嚟搵。點知就見哩間。有五個得一個。諗住 ok，點知。。。。。早知睇清楚留言先去。我成六年無寫食評，點知因為哩間，都要再寫。希望大家諗清楚先抉擇。入正題，去到熟食中心，搵咗一陣先見到間麵檔。問有無雲吞，姐姐好快就話有，仲問係唔係要，要就即刻煮。順手問有無冷氣(附近幾間都有冷氣開放)，但麵檔姐姐話無，見有風扇，都 OK 啦。都未坐低，姐姐又再問係唔係要雲吞麵，我望咗幅牆上嘅菜單都唔見有價錢。諗住熟食中心唔會太誇張，兼且附近食肆都只係廿幾三十。所以好快咁就話要牛什雲吞河。坐低後諗住驚碗麵唔飽，所以去同姐姐講，問有無加底，姐姐話有，加十蚊。心諗加底都十蚊？！所以就問碗麵幾錢，姐姐指吓檔口個牌，話雙拼$58，加底就$68。我當堂打個突。但既然已叫，無計。不過阿姐見我話貴，就話會加少少河粉俾我。所以值得一讚！返到位先見，原來個細餐牌係有價錢的。所以無得怪人！終於碗麵到啦。見大大碗，料都足。心諗 ok 啦。如果好食都唔叫貴。點知食第一口，我已經問同事佢嗰碗係唔係甜㗎，因我都係第一次食甜嘅牛什。講真，啲牛肚真係好入味，索哂啲汁，越食越

今日中午好大雨呀！不過對於我地依d office 工, 一定要出走食lunch抖抖氣^^返工前已諗定今日食牛腩河, 盛記牛腩真係好好味, 雖然價錢真係幾拿利, 但返工咁辛苦都係為左食好野姐。坐低無耐一大碗牛腩湯河便來到面前。牛腩望上去已經十分吸引，不是只有腩肉，而是帶點脂肪那種，仲要有好多好多舊。依度嘅牛腩的瘦肉和油脂比例平均，吃起來夠稔但不肥膩，有油香甘腴的感覺，水準極高！河粉吸了濃湯的精髓，滑溜可口，大滿足, 老闆又濶卓, 算啦！貴就貴食啦！因為食左真係唔口乾, 湯底濃牛骨味, 飲得出煲左好多個鐘, 誠意之作!睇到下面個2個食評, 本人猜想生意難做, 競爭環境惡劣, 唯有希望老闆看到我依篇食評後可感到欣慰, 努力繼續經營下去!!!

此文章如未能刊登，實在愧對所有係觀塘覓食之人垃圾食物垃圾服務！最近去觀塘返工，由於人生路不熟，梗係盡量試下不同食肆。今日一班同事一齊去駿業熟食市場，試下搵好野食，點知一入就入左地獄！一係門口，就俾盛記粉麵個女人（姑且稱佢為「老闆娘」，反正佢都擺款擺到成個老闆娘咁）半邀請半攔截咁阻住我地去路，不過唔試下點知邊檔係垃圾呢～於是我地都坐低，一坐低就......嘩~原來而家觀塘熟食檔食野咁貴ka，咁點解佢隔離個檔33蚊一碟炒粉麵ge？由於價錢實在差天共地，我地差d想起身走人，仲有「老闆娘」係我地考慮ge １分鐘內問左起碼10次我地食咩，問到我地有人發惡佢先收聲，最後由於我地比較多女仔，除左有幾個獨自食粉麵外，其他人就叫左幾個牛腩飯share算，「老闆娘」塊面呢，即刻黑個墨斗呀！唔止呢～另一檯有人一坐低「老闆娘」就遞左杯水俾佢，但我地落單後問佢拎杯水，佢話無lo~到d食物嚟到，真係呢～我終於明白咩叫做天外有天，人外有人，一山還有一山低啦～我一食粉麵就只叫牛腩，所以對牛腩牛筋都有d心得。牛腩唔一定夠香，但要爽口；牛筋唔一定滑，但一定有牛味。盛記粉麵d牛腩就完全係另一回事，要幾韌就有幾韌，要幾無味就

搬到觀塘幾個月,似乎未見過粉麵店,好不用易才找到駿業街熟食中心有間粉麵店,就行入去試試,一個中年婦人正在掃地,或許是老板娘,她不停向我説牛腩好,牛腩正!一看餐牌,牛腩/牛什麵$42,心想池記才$55碗細蓉,這裏大排檔要$42碗,難到真的好東西,就点 了一碗牛什河,當碗麵送過黎後,我心想,甚麽東西!一碗深黑的牛什麵,表面有好多芹菜同芫茜但似乎放了很久因好多已爛了!一夾入去,只見牛肺/牛腸/牛膀但冇乜牛肚,而且是碎碎的,不是即切的!碗麺冇乜湯,只有黑色的汁!似撈麵多的,食第一件牛肺,嘩!咁甜嘅!再食件牛腸,非常乾身,可能放了很久,再捞捞,原来有好多西洋菜係底,不過都係碎碎的頭頭尾尾,可能老板将菜葉用黎煲湯,冇用的比客食!食了冇一半就非常口喝!一口汽飲咗之大可樂,之後冇再食,我從未寫過食評,這是第一次!因食物質素確實太差!我看過有4個食評,說他冇味精,家庭式制作,老板可能在家煮過飯就自己開店!牛什不是用卥水汁,我認為只用咗大量柱候醬/老抽/味精同糖!我深信美女㕑房煮得好過佢!小心!

張相係食食下先拍。 Lunch time -40$一碗好好食， 湯濃， 無味精，食完不口乾。 但有小小咸☺️ 面同肉都好多，老闆仲私人醒左幾舊牛根， 好林好入味，好香。 係附近返工路過既朋友值得一試！ 不過就無冷氣

中午路過，見到依間熟食檔外寫著冷氣開放，路邊熱到死，就抱著一試無防可以涼下冷氣的心態去食，入到去冷氣真夠涼快，跟住又一位白髮看似老闆的男人馬上招呼我，態度好好，佢介紹我可試食牛腩米或生面，加配一支大可樂，佢話好正，係人間美味..好！就信佢一次！可樂真係凍到可以打一個大噎，牛腩米接著送到，我不禁暗裡嘩了一聲，點解可以甘多舊牛腩，牛腩係半肥瘦，入口非常軟綿，真不明點可以煮到甘入味，十個讚！再呷一啖湯，飲得出不含味精，味道清甜。期後發現依間熟食檔原來係家庭式經營，因為我見到有2個女樓面叫個白髮男人做爸爸，而個女就食緊佢爸爸整比佢既面，接著我就問老闆，佢話唔會落味精同化學野，因為佢地一家人每日都係食自己既野，同埋話人地客人都有屋企人，唔可以煮到d野食令人地身體唔舒服，如果唔係就對唔住人地。現今社會很少可以食到家庭式既野了...當滿街都係味精譚仔米線，你黎過依間野食後，就不會想再去個間食完？ 口味精既米線了，要好好珍惜。

最近聽到同事介紹話依間牛腩好好味..所以今日特登去試下,,食完真係驚為天人..d 牛腩真係入哂味..又淋..份量又足..d 份量真係多到你食唔哂..d 湯好濃.好清..食完無口乾..真係一分錢一貨的。依間暫時係觀塘黎講最好味的我認為。問左老闆..佢話下午12:00open,, 4 :30 就closed..要食就要早d 去喇..

哈…近黎轉新工到KWUN TONG!第一次黎依檔…$25 牛腩米 勁大碗!! 哈)SOR..掛住食..冇影相。真係唔錯架!!比起花園仔個D..真係好味喇!! \雖然貴5蚊!! 但真係超抵食!!行多2步都抵!!仲有雲吞都好好味架!!!