盧明記

营业中

休息中

超難食, 又多油, 又咸, 個舖頭成日只係, 特別d炒野, 油浸河粉... 而且咪係一般茶餐廳野, 又係俾人講到天下有地下無, 太普通了! 職員只會同廢老發定位, 果個係公眾地方, 但佢地劃埋個地方做自己地頭. 職員態度差, 當自己地頭, 對其他人呼喝! 

煎蛋火腿芝士豬仔包是我每次來到必點的項目，食材簡單，但味道不平凡。麵包烘至外脆內軟，火腿稍微煎香，再用食材的熱力熔化芝士。將每款材料發揮至自身的極致。雞扒椰菜炒烏冬，足料而且有鑊氣~ 醬油炒烏冬是我由細到大都愛吃的~奶醬多用去邊厚麵包是不錯，可惜花生醬太少，塗得薄至不見蹤影~

朋友介紹，就是這間，盧明記，也是在置富南區廣場，美食廣，越南手作旁邊。一間普通的港式茶餐廳。最想品嚐的，當然是它的西多士及豬扒包，但不太合適當午餐，最後選了當日的午餐，洋蔥义燒煎蛋飯，連凍飲41元，價錢相宜。大約等十分鐘，便可以食。只要看其形，望其香，便知到味道不差，一大片洋蔥义燒煎蛋，舖在飯上，散發出誘人的蛋香。入口，外香內嫩，配上炒得剛好的洋蔥，及半肥瘦义燒，味道不錯，下飯更美妙。41元的味道及份量，以今天的消費指數，性價比不低。盧明記 抵玩指數（2/3，义燒雖半肥瘦，但味道上仍略為遜色，奶茶亦有待改善。）地址：薄扶林置富南區廣場2樓美食嘉年華8號舖緣份天成，初心為本。喜歡用文字分享我的味覺之旅，有興趣請follow我～緣食魔宮。抵玩指數最高為三星，所有不用自掏錢包或劣評者， 將不給予抵玩指數。

芝士煎蛋豬&芝士腿蛋豬 各$15茶餐廳最厲害既就係將簡單食材做出最窩心既味道。食既係地道港式風味。盧明記既豬仔包我每次黎都會食，麵包烘到熱辣辣，餡料可隨喜好配搭，芝士係必然正選！再配煎蛋同火腿，作為早餐或下午茶都好正

兒甥A&B激讚的《盧明記》，我們這一家今日就專程揸車入薄扶林試下啦牛肉炒烏冬~~~牛肉好味，炒得好有鑊氣，重點係夠味得來一點都唔油GOOD牛肉炒米粉~~~牛肉份量一D都唔少，米粉炒得好乾身NICE豬扒包~~~包的質感夠好，豬扒有豬味，又夠"林"，好味！蘿蔔牛腩飯~~~牛腩炆得好"林"又好入味，蘿蔔好甜！正！過多一陣想再叫都售罄了大家都食到好飽了，太滿足了

瑟縮商場food court的一角，論eye catching 及位置理應被鄰鋪比下去。但有麝自然香，她依然客似雲來。街坊熟客佔大多數，遊客罕至，難得地少了一分俗氣，卻添上幾道人情。推介：1. 腿蛋多：煎香的火腿和蛋，烘得恰好的麵包。一定要即吃，不建議外賣。2. 牛肉炒茄汁通心粉：用鮮牛肉配合茄汁炒香通心粉。以大眾化、簡單的材料，做到美味才是高手。有時候超旺市，牛肉會沽清。但不建議改牛為雞或其他，因茄汁跟牛肉最配襯。埋單：$43

盧明記之前在薄扶林村，位址隱閉，現時遷往南區美食廣場，地方企理了，客人也多了很多。招牌豬扒包，豬扒切得薄薄，肉質鬆軟，油份沾上暖暖的豬仔包上，加上包中的洋葱，都算香口美味。更出色的是蛋牛治，炒蛋香，鮮牛嫩，good！凍奶茶茶底不俗，奶香平衡，OK。

奶茶，公仔面，三文治都ok. 味道適中，不太淡也不太salty. 有時真係要等耐D, 但不要用快歺的心態，他們的食品是即叫即煮的。推介奶茶，鮮牛蛋治，各式炒公仔面，米粉，十分乾身，不會成口都係油。

呢間淨係做朝早同晏晝生意, 夜市收工唔係好明lunch點解會咁多人食可能因為置富呢個商場太失敗, 冇野好食D學生哥被迫要黎呢度填飽個肚anyways, 呢度呢, 係冇乜野食既十隻手指差唔多數得晒，而且永遠日日都係果D野,食咩呢咁? 一律都係頹飯系列姐係好似大學食堂果D最經濟, 而通常係最難食既果種飯雞脾(?)飯呀, 豬扒飯呀,雞扒飯呀呢三種, 日日如是 配豉油汁或者另一種汁, 盛惠30大元 (姐係貴大學果D一倍左右, 不過都差唔多算係市價啦吓...喺而家呢個地產商橫行既香港)oh, 要有野飲濕吓個口? 加多$2 sorry唔食頹飯有炒烏冬呀, 豬扒烏冬呀, 豬扒飽呀果四五樣野, 極少選擇...呢個就係佢地既business model黎黎去去都係果D野, 廚房應該好易搞, 好快出到order啦?錯!lunch繁忙時段出野龜速咁慢試過叫一個湯豬扒烏冬足足等左廿幾分鐘!!!諗返起都火滾味道方面更加係講多無謂, 擺到明就係一間頹飯專門店烏冬, 冇味湯, 鹽水黎, 冇味豬扒, 冇味, 上面講果三個套餐飯, 費事講大家心照不過咁, 做人唔好咁harsh, 所以個豬扒飽我比個合格佢最後要感嘆既係.

見開左成個月,今日終於有機會試下我同友人2個人, 我叫左豬扒公仔面, 佢叫左個雞脾飯先講豬扒公仔面個豬扒比想像中好食!本來諗住穩穩陣陣叫個豬扒公仔面估唔到幾好味!唔識形容, 試下就知至於友人既雞脾飯佢話隻雞脾炸得好香, 好味!!只係鼓油甜左少少不過overall真係幾唔錯!食完唔夠喉, 見西多士張相幾令, 一於叫左個試下size就細左d, 不過味道幾好wow有d外脆內軟既感覺$12都算抵食!至於飲品, 我地都叫左凍奶茶太淡!!唔知友人果杯係咪都係咁樣!!可能太多冰啦, 不過都可以接受既可惜我係奶茶精..哈哈總括而言, 值得推薦!