目利きの銀次 (已結業)

呢間位於The One既日式餐廳，佢既室內裝修令我有一種身在日本既感覺。當日去到人流不多，見到有全單8折既優惠，就去試一試。可能因為係六點幾，餐廳裡面感覺幾寧靜，叫完野食都好快就到。我地有四個人去食，我今次叫左個築地魚生飯 exactly個名唔係好記得，魚生有甜蝦，帆立貝，三文魚，八爪魚，食落感覺都幾新鮮，好食呀，然後有好多飯，真係好多飯，好飽另外個餐仲有個細既冷麵，好好食wor。我個人覺得都幾滿意既，推薦大家來食哦。

同朋友喺TST The One食嘢，俾我哋搵到呢間沖繩feel嘅居酒屋，環境唔錯就入咗去！個餐牌上面都有幾多嘢食，有燒物，sushi, sashimi, 串燒，仲有大阪燒，日式炒飯等👍🏻本身諗住叫嘢食，但舉左好耐手，侍應都沒有show 我哋😥先叫咗一個燒番薯，熱辣辣配上牛油都幾好味再嚟多野菜炒豆腐，味道唔錯有木魚，芽菜，炒豚肉同豆腐再嚟多櫻花蝦雞肉炒飯，個飯都炒得好有鑊氣好易入口！最後又諗住叫個甜品，不過每次揮手侍應都見唔到我哋，即使喺佢面前揮手都見晤到😥😥😥我同朋友心諗日式餐廳應該講求服務質素，因為日本人都很注重禮貌的。。。而且等左15至20分鐘先上到甜品，心裏面覺得其實呢款甜品超易整😑😑叫咗呢一個焦糖多士配雜果雪糕，味道都幾ok, 個焦糖多士配雪糕都好味😛其實呢間餐廳整體食物都唔錯，不過侍應嘅服務態度真係需要大有改善💪🏻💪🏻

無法相信這是從日本開過來的餐廳，日本人對食物及服務上的執着和嚴謹態度都沒有傳授到這所餐廳，我晚上九點到達餐廳已經沒有服務生在接待處，雖然魚生師父站在距離餐廳門口不到一米的魚生counter內，可是對客人站在門口沒有服務生理會沒有任何反應，只有讓我們站着在門口，因沒有服務生我只好向那個沒有反應的師傅查詢營業時間，他回答了一句last order九點半，然後依然讓我們站在門外沒有找服務生過來給我們帶進餐廳內，既然餐廳last order係九點半難道我要在門外站到九點半。我老公在無可奈何的情況下只好自己走進餐廳內找服務生。好不容易終於找到了服務生但她的態度非常惡劣，她一臉不願的指示我們去其中一張枱然後就把整個茶壺及杯碟飛到枱上。我真係冇上過一間日本嘅連鎖店竟然提供如此的服務。茶餐廳嘅招呼俾佢還要好。服務如此惡劣，大家又估吓食物品質如何？牛肉不新鮮（請參考相片），串燒雞翼無放鹽，魚鮫太鹹。衛生又如何（請參考相片）！忙了說當時餐廳只剩一枱客。真的希望management team 可以正視一下問題。當然周圍都係餐廳我不應堅持去試。

有時真係唔知食咩好，好彩老婆間唔中都會出去同朋友試完間餐廳都會話我知果間好唔好食，好的都會特別再同我一齊去食。今次帶我來試就係D間目利きの銀次居酒屋，但我去到門口，我問老婆間舖頭會唔會好貴架??但去到又比我想像中唔算好貴，一些些都算平....但最重要好食。之後我地點左幾樣野食來試先...【明太子玉子燒】點了明太子玉子燒，比想像相當好食，因為蛋捲煎得嫩滑，明太子味道帶點鹹，再配上蛋捲上的蘿蔔泥，能夠減輕鹹鹹的感覺。【豚肉大阪燒】大阪燒外觀相當吸引，滿滿的醬汁和點綴的柴魚片。餡料方面則有些失望，豚肉比較少，只吃到全是椰菜【雞肉濃湯烏冬】極力推介!!見到個烏冬一鍋上，足夠兩個人食，但係大食既人就未必夠喇。這個湯真係配得上極濃雞湯，烏冬再沾上雞湯，真令一種滋味。雞肉是用原隻雞腿，肉質也比一般雞胸等更加嫩滑。這個令到我會再返來食個烏冬，超正。

去The One睇戲，時間都比較急，所以經過見唔多人就決定入去試下。呢間主打日式沖繩菜式，Menu款式有好多，最尾決定叫個２人餐唔洗諗😀。就算二人餐份量都好大。 胡麻沙律 ~ 有燒雞，水牛芝士洋蔥同好多好多菜。炸雞軟骨：剛炸好的雞軟骨基本上一定好食，但調味偏淡。蟹肉厚燒玉子，個玉子都算幾滑，蟹肉都好足料，面頭仲有埋蟹子，真心不錯店員話佢地出名係燒魚，所以叫左個試下，果然冇介紹錯壽司上嘅刺身雖然唔係厚切但都唔會好薄身，尚算新鮮甜品係自家製柚子雪葩pancake,，手打柚子雪葩好清新，另外同個焦糖都好好食

下班即興約了朋友一聚，順道吃好西，可以叉叉電！朋友提議這間環境舒適的日本餐廳，正好！我也想吃日式料理。選擇太多，不想用腦，就選了二人餐，應有盡有，很適合樣樣也想淺嚐的我們。前菜是指定沙律，其餘也是二/三選一，分別選了明太子蛋捲、壽司拼盤、海膽蠔、海鮮炒麵。甜品是柚子pancake配雪葩。蛋捲的蛋很滑，明太子與蛋的比例剛剛好👍🏻 壽司也頗新鮮，飯黏不易散。蠔的口感鬆軟，墊底的菜吸收了蠔和海膽的鮮味，也很正！海鮮炒麵很豐富，海鮮種類也很多（雖然是急凍的），料也很足。pancake皮的厚度剛好，雪葩不膩又清甜，很fresh！下次要再試試其他！

得知午餐有買三送－優惠，所以約埋同事共四人－齊試新野。因為送的午餐是以最低價錢計，所以我地全部叫同一價錢套餐，感覺會抵食點最尾我地叫了特選刺身定食＄108，定食包胡麻沙律（尚算新鮮）， 漬物海草（難食）， 麵豉湯（不會得個咸字，易入口），白飯（份量少了點，可惜不是日本米，無飯香略嫌硬了點），主角五點刺身（認識的有帶子，甜蝦，三文魚，同2款白魚，刺身新鮮，最正係厚切，食落啖啖肉），最後有杯餐茶。埋單後，送的那個午餐不收加一服務費，只收三個午餐價錢及加一，四個人食覺得抵左

今日約咗個舊朋友聚一聚，選擇咗好耐冇嚟過嘅日本餐廳食個晏。午市套餐選擇多咗好多有12款咁多，搞到我又選擇困難証我今日食刺身定食，朋友食壽司配烏冬定食套餐包括沙律，前菜，麵頭湯都屬於一般啦。刺身不錯，三文魚、甜蝦和油甘魚係我至愛，新鮮肥美，同我一樣壽司每一件都唔同款，睇得出師傅有用心去做最後有包埋餐飲雖然係普通嘢，但係一百蚊鬆D又沙律又湯又餐飲，真係好抵囉最後整個打咭位先，門口兩邊嘅卡位真係好沖縄呀

好友們攜幼出席gathering ，舒適的用餐環境是非常重要，這兒是不錯的選擇。至於食物方面，魚生尚算新鮮，所以壽司和沙律的味道都不錯。(相機先吃？帶子壽司除外😂)最驚喜的是櫻花蝦炒飯和串燒拼盤，兩者都非常香口。炒飯的其他配料不多，但櫻花蝦數量十足，顆顆米都充滿蝦味。至於其他食物，味道亦尚可，只是略嫌份量較少：大阪燒粉漿較多，但醬汁美味。煎餃沒試，但友人並無好or 劣評，相信味道普通。燒豬頸肉配沙律醬味道不錯，但欠驚喜。

今天試下這間位於the one的居酒屋。這餐廳都坐得幾舒服，滿有氣氛。午餐由$60到$180。包括沙律、前菜、面鼓湯及餐飲等。沙律同前菜：都ok的，沙律幾新鮮。鐵板三文魚定食$88嘩！這三文魚大大件，加上金黃色的脆魚皮，十分吸引！三文魚燒得表皮微焦脆卜卜，真的皮脆肉嫩，魚脂甘香，完全沒有半點腥，十分香口好味！加上配菜沙律十分清新，配上這魚脂豐沃的三文魚，是唔錯的配搭，平衡了油膩的感覺。和風煮黑豚軟骨定食$68這黑豚軟骨份量十足，有四大件！黑豚軟骨煮得十分入味，是唔錯的醬油味道，而肉質亦十分軟稔，完全嫩口，連軟骨也不用費勁咀嚼，唔錯！咖啡：就比較一般，普通而己。在尖沙咀要找不用過百、有份量而味道唔錯的曰式午餐不易找，相信我一定會encore一下.,推介鐵板三文魚！

一行5人在佳節前夕, 想夜晚8時半在尖沙咀食餐日本野打左6通電話, 一是滿座, 二是排隊等50張枱😒...終於找到了一間話即時有位；入座時已差不多9點, 仍有7成幾滿；我地叫左8樣野食都係7百幾, 兩位壯男+一位中女+兩位姨姨都食得飽飽, 份量性價比算高；最有🤩既係蟹肉厚燒玉子, 蟹肉份量適中, 蛋夠滑之餘亦有蛋香, 它是全枱最快清曬既；另外黑豚關西燒餅伴炒麵, 麵身夠爽, 醬汁配得味道剛剛好沒有太甜, 加埋日式醬汁既麵都無炒埋一pat 👌🏻 ; 其他野食就贏在份量😅

依間日式餐廳我係由沖繩傳過嚟嘅，但其實冇咩沖繩嘅特產食物，當係普通日式餐廳食就可以啦，不得不提嘅係佢質素都唔錯由於中午黎開the one，又諗住試佢出名既雞腿濃湯烏冬鍋，所以就係度食lunch 啦由於個雞腿濃湯烏冬鍋只能夠單點，所以我哋只叫咗一個lunch set，個雞腿烏冬就分開叫。跟餐餸嘅前菜沙律同埋漬物，正常貨式黎lunch set 我地揀左鰻魚飯，快鰻魚都幾大塊架，都稱得上係多汁肥美嘅，但可惜嘅係塊鰻魚雖然大塊，但啲飯更多，所以我都食淨左少少飯。最後壓軸出場嘅當然係依個雞腿濃湯烏冬鍋啦佢用個gas爐黎煲熱，一滾就食得隻雞腿十分大隻，而且肉質嫩滑，只要用筷子輕輕夾就可以夾開啲肉而個湯雞味濃郁，配埋口感不錯嘅烏冬一齊，食，係好好味雖然餐廳準備咗海鹽用黎點雞食，但其實都唔需要了，因為本身已經味道濃郁又好食

要說九龍區有什麼日本餐廳適合casual吃飯，環境又不錯的，目利きの銀次或許是個不錯的選擇。除了價錢合理，食物也還可以的。其次便是位置方便，就在尖沙咀的the one裡面。鰻魚芝士卷鰻魚芝士卷內卷有青瓜、忌廉芝士及鰻魚，內容物味道可以，以青瓜的清爽平衡另外兩種稍為膩口的材料，外表的芝麻則沒什麼味道，蛋黃醬亦不太突出。可其高度有點太厚，女仕要一口吃下也有難度，整體來說一般。櫻花蝦雞肉炒飯飯粒方面炒得分明，達到日本炒飯的標準。配料的雞肉不太實在，櫻花蝦則幫了一把，脆脆的口感和蝦乾的味道為炒飯添了些層次。喜之次一夜乾所謂「一夜乾」，是日本料理魚鮮的一種方法。先把魚材內臟去淨，再把整尾魚放在鹽水內浸泡，然後風乾一夜，魚肉便會變得紮實咸鮮，是居酒屋的常見下酒菜。通常作一夜乾的魚材都不太大條，否則難以入味。是夜的烤喜之次，魚肉有點韌性，咸味則不甚突出，有點失望。想起往年在北海道的一夜乾，鮮美咸香，十分滋味，在香港也難覓得。炭火串燒拼盤要下酒必然少不了串燒，點了拼盤一起分享。六款燒物包括：煙肉車厘茄串、鹽燒雞翼串、鹽燒雞肉串、鵪鶉蛋串、免治雞肉串及燒雞軟骨串。各款串燒雖燒得較乾身，但調味方面處理不錯

在the one 看完電影，要找地方吃午飯，於是到了這家在戲院樓下的日本居酒屋。這裡的午餐價格相宜，幾十元已能吃到一個包括前菜，味噌湯及飲品的定食。我點了苦瓜炒蛋定食，再加這裡頗出名的明太子蛋捲和海膽汁燒蠔。苦瓜產自沖繩，味甘不苦，配上雞蛋和豆腐，相當下飯，海膽汁燒蠔其實應是炸蠔，四隻蠔放在鐵板上，再淋上鮮味的海膽汁，侍應送上來時滋滋作響，而明太子蛋捲相當好吃，因為蛋捲煎得嫩滑，明太子味道鹹鮮，再加上蛋捲上的蘿蔔泥，能夠減輕油膩感。結賬時不過二百元，以這頓飯的份量和質素而言，算是不俗了！

又到開心的星期五晚上～今晚相約了朋友去The One 睇蠔蜘蛛俠，睇之前要醫醫肚打算近戲院，揀左係The One 食呢間日本野想食好耐，今晚見冇人排隊，就入去食啦店內坐滿人，只安排到面壁位☺️🙈見佢既2人餐好多野食，d 野又想試，就決定叫啦一開始係沙律，佢個沙律汁係胡麻醬，有沙律菜外，仲有豬肉碎，呢個配搭又不錯～跟住我揀左海膽汁煎蠔蠔肉肥美！ 但個汁就麻麻，得個咸字另外可以揀明太子玉子燒 / 蟹膏蟹肉玉子燒我揀左後者，因為平時少見呢款味道好好食！旦好滑，中間蟹膏撈蟹肉好香，讚👍🏻主角黎啦～～～海膽、帶子、三文魚子丼D 材料好新鮮😋尤其d 海膽，奶油香味😍以為d 送已經黎齊？ 錯了...仲有即炒大阪炒麵見住廚師係我面前既鐵板炒架！鑊氣十足 但實在好飽，所以淺嘗後要打包🙈🙈最後係甜品，揀左呢款又係好飽肚的🙈🙈整體來說.....呢間餐廳d野都好食 （當然一分錢 一分貨啦）同埋附近都冇人叫2人餐，可能知份量多，會食唔晒~