目利きの銀次 (已結業)

今日難得可以放假，同太太和女兒一齊出去食飯，成日經過這間好似幾高級日本餐廳，都未試過，今日就去試吓，冇訂枱，星期日嚟講都唔算full ，所以一入去就有位👍但係一入去，唔知道點解，明明眼見好多空枱，但係被安排一間好細好似員工休息室的房間😓其實感覺真係唔係太好，但係太太話算啦，可能出面D枱留咗booking 枱，okok ，咁樣算啦，坐低後，叫侍應準備小朋友餐具，但係D小朋友餐具真係嚇死人，好油好污糟😨，太太於是又話，算啦自己洗喇😅，唉…. 咁樣就order 食物Order咗，豚肉湯烏冬比女兒，太太order咗鰻魚飯，我order 咗刺生丼，加吞拿魚飯卷和明太子玉子一齊食，食物嚟到，心知出事😟，首先個烏冬賣相好唔掂，個湯完全係味精湯，鰻魚飯有骨，刺生飯唔新鮮，最勁係個吞拿魚飯卷，D飯散，夾唔起，要用匙食～勁，只係個玉子叫正常，也不太特別，最後用好高速度食完～走😢但係走時，見到出面D枱都係冇人座7:45入-8:30走都係冇人座，咁樣點解要安排去員工休息房食飯呢？最後出到門口，太太終於講句，點解這間餐廳開咗咁耐未執笠🤣🤣🤣總括來講食裝修原本係（但係安排咗去員工休息室食）所以冇裝修食質素，完全冇

二人餐 $698（另收加一）沖繩䐁肉沙律一般唔算突出 刺身盛合（7款14件）刺身大大舊，新鮮好味 半燒三文魚配酸汁 / 蟹肉煎番卷（2選1）三文魚外面燒得少少脆身，外脆內軟幾特別軟殼蟹天婦羅 / 吉列牛柳（2選1）軟殼蟹有2隻，份量同味道都十足 鹽燒鯖花魚 / 銀次豆腐鍋（2選1）鯖魚配上檸檬汁係永恆不變既定律，正常發揮 濃厚雞湯烏冬/ 蒲燒鰻魚石鍋飯（2選1）鰻魚略為有少少多骨，但味道唔錯雪糕兩客（綠茶、雲呢拿、柚子）/ 特色甜品兩客（2選1）柚子雪葩就咁聞落幾香，食落都係正常發揮 沖繩特飲兩杯梳打唔算太特別 整體不過不失，味道同份量都對得上個價錢，細食少少既朋友可以3個人黎食都得

年初一要走訪三個地方拜年，中間有時間食個開年飯，偶然地試了這間日式餐廳。裝潢充滿居酒屋味道，不過燈飾更加漂亮。我叫了刺身定食$138，芝麻醬沙律很新鮮有誠意，豆芽菜微辣很開胃，麵豉湯內有卷狀麵筋，增加咬口。刺身有吞拿魚蓉、赤身、大拖羅、油甘魚、三文魚和蝦。其中吞拿魚蓉最出色，加入芝麻和香蔥，適合送飯。大拖羅油脂分佈均勻，香味四溢。其他刺身就較為失色，尤其油甘魚感覺不太新鮮，食到雪藏味。但以呢個價錢黎講我覺得性價比算不錯。老公要了燒魚定食，好大塊魚！味道不錯但多骨，唔想挑骨的朋友就唔好叫了。隨午餐附送咖啡或茶，我們叫了凍檸檬茶走甜少冰，意外地真的獲得一杯沒有冰的檸檬茶！這裡想讚一下水吧，因為很多餐廳都不能選擇走冰。另外台面有麥茶可以自己添，唔怕口渴😂整體上性價比高，食物味道不錯，服務也很好。路經屯門的話可能會再來。

.屯門銀次😢沖繩豚肉烏冬 $82豚肉完全無味，要不斷加七味粉先有返啲味覺，個湯底還好，起碼有豬骨味…😢牛肉稻庭烏冬 $88個牛肉烏冬就更唔掂🫠個湯底唔好飲，成個烏冬都好淡…..*整體來講，店內嘅環境真係好靚，但係食物就有待改善，唔知食壽司會唔會好味啲呢，始終佢好似主打壽司，但烏冬就唔建議大家去試🫠五星⭐️為最高食物：⭐️抵食：⭐️環境：⭐️⭐️⭐️⭐️⭐️服務：⭐️⭐️⭐️#yummy_sumsin #日本餐廳 #烏冬

今日星期日，因為周圍都排哂隊，見到呢間有位就企係門口望下有咩食，一個唔係係老闆？職員或經理既人，用慘tone 話岩岩裝修完，可以入黎支持下，包埋野飲，食物方面，148一個lunch set , 壽司加烏東，係menu 上係冇寫有咩壽司，黎到已覺中伏，用哂cheap食材….可能我cheap 148+10%，我會有啲要求…..杯野飲唔送好過送

店面超亮眼的日料店🍤巨型招牌 日文書法字 酒桶等元素都讓人有置身日本的錯覺天花上的巨型燈飾 高級迷人🌟進店後選擇了榻榻米座位來自沖繩的銀次 提供和食傳統與西日配搭菜式☀️軍艦拼盤 $168☀️吉列牛柳 $118☀️澳洲鹽燒和牛串 $78☀️豚軟骨蔥鹽汁燒 $58軍艦拼盤上菜後 表示海膽缺貨以其他材料頂上食物水平整體一般 份量偏少店內裝修營造到氣氛一流🎏有旅行的感覺食物上則中規中矩環境: 💗💗💗💗美味度:💗💗💗推薦度: 💗💗💗💗

最緊要係個仔食得開心佢話要去到銀次開飯喎冇問題呀你想食就行架啦我哋一定會繼續燒賣最好味嘅豆腐啦然之後叫咗個明太子嘅燒飯團我就叫咗嗰炙燒嘅壽司套餐佢杯茶都特別好飲㗎小朋友就梗係鍾意飲特飲㗎啦

帶個仔去食好嘢銀次呢間裝修真係好正可以坐喺原木筒入邊啦私隱度係好高唔好以為門面裝修好貴其實入邊嘅價錢相宜都係性價比好高坐嘅時候可以揀要除鞋坐上去嘅位置啦真係好似去咗日本食嘢咁今日就由個仔發板食啲咩和牛串燒，真係識食，貴但好味凍豆腐係必食前菜，超級開胃燒飯團，每次去都必食炸餃子🥟脆卜卜，入邊好Juice😋😋😋😋😋係我嘅心水飯堂之一一係唔食一係就成日嚟食食到侍應姐姐都認得我地同我個仔講你媽咪真係好好喎成日帶你過嚟食嘢😂😂😂😂😂知道搵食艱難呢但辛苦搵嚟自在食呀嘛食緊啲乜嘢啊？享受😎

刺身定食 ($138) 牛舌定食 ($78) - 呢間野裝修好靚❤️❤️❤️ 午市價錢黎講都比較貴😮‍💨 勝在食物質素都唔差 不過刺身方面賣相唔吸引 好似好少咁🤣 但係味道上都好食的👌🏽 牛舌口感都唔差 但係太重口味 調味有啲過重🤣 整體不過不失 行過都會覺得吸引嘅💯 - --－－－－－－－－－－－－Can Try Try～📍目利きの銀次 (屯門) 屯門屯門鄉事會路83號V City商場MTR層M-63店

本身生日飯見到隔離x壽司排晒長龍咁就諗住呀呢間餐廳望落好似己有氣氛咁就諗住試吓啦 叫咗佢嗰個厚雞湯拉麵 蟹肉蛋 黑松露元貝 仲有食到我成肚氣嘅超豪華卷咁由入座開始到落單職員都好有禮貌一開波就嚟咗厚雞湯拉麵 見到賣相已經不吸引 嗰隻雞脾啲肉勁老 真係完全係湯渣咁樣我同另一半都覺得嘩好伏咁其餘蟹肉蛋 黑松露元貝都唔錯嘅好啦最後上超豪華卷 因為我貪佢有海膽所以先叫佢 一上到枱見到吓點解冇海膽嘅？咁就即刻問職員啦佢就話係呀北海道嗰邊冇貨啊我哋控制唔到 乜落單嘅時候冇同你講咩 咁我咪話係我落單嗰陣時冇同我講喎 佢就話係呀咁都冇辦法啊因為嗰邊冇貨….咁我就同佢講我係想食海膽所以先叫呢個姐 落單嗰陣時又冇講 咁我換其他嘢得唔得 佢就話但係我哋放咗其他嘢頂替上去 嘩真係多謝你呀 海膽變飛魚子 跟住呢個時候後邊另一個同事聽到就上前 係咁講冇辦法啊冇貨啊 跟住就走咗去-_-嘩大佬你哋冇海膽又唔預先講落單嘅時候又唔出聲 仲好意思話搵咗其他嘢頂替上去 坦白講我真係睇唔出因為實在太嬲真係冇影相 最後好似唔情願之下先退返俾我哋-_-嬲到即刻買單去隔離鼎泰x再食過…..真係極度後悔

星期六，約太太午餐，選了屯門V-City的銀壽司，到達時只見招牌寫着"利目xx銀次"! 以為找錯地方，好彩太太就坐在最近門口的卡位上，否則要call佢確認先可以搵到! 坐落卡位寬敞舒適，食物選擇亦多元化!我們選了豬軟骨石鍋飯，海鮮沙律和酥炸 魷魚鬚! 上菜也算快捷! 石鍋飯熱辣辣，味道很好，還有兩邊流心蛋，海鮮沙律有對蝦，三文魚和帶子，都好鮮味，沙律菜都新鮮，酥炸魷魚鬚，就比較乾咗一啲，但食落都好味! 還有基本的綠茶助餐，整體中上，值得再嚟食! 雖然係星期六，我們坐了差不多一小時，都無趕客情況，比個讚! 服務態度友善，地方清潔! 只係招牌的名字和銀壽司唔同，有啲怪怪地!

📍屯門站D出口行幾分鐘就到，交通方便環境好靚，樓底好高好多吊燈，d位好似酒桶咁😂好闊落聽講仲有vip tatami房，不過今次派唔到店員好熱情，會介紹今日返左d咩魚👀同埋可以整成咩菜式～因為唔係太餓，冇試到佢個二人餐，改左單點～🔸牛肉石鍋飯 $88好夠熱，牛肉份量都夠，但汁食到尾略嫌唔係好夠不過食到有dd 飯焦好好味😋🔹刺身 $158刺身種類都有5-6款最驚喜係甜蝦真係好鮮甜😂😂如果下次再餓d想試下二人餐，多d野食😋

路經此地，想歎日本野，見此店充滿日本風，便入去回憶日本的感覺。地點：位於VCity ，地點方便⭐⭐⭐價錢： 略貴⭐環境：枱與枱保持距離，坐得舒服，有空間感⭐⭐⭐👍食物：中規中鉅⭐⭐三文魚刺身🐟：一客4件，質素一般，沒有驚喜希臘沙律：蔬菜🥬🥗新鮮，配上蕃茄仔，菲達芝士🧀芝士味淡香，唔會咸膩👍👍三文魚拼盤壽司：五件，有五種口味，有火炙、配三文子、配海膽……五款都質素一般，沒有驚喜豆腐炒雜菜🥬🥬：一般燒🍠🍠蕃薯、燒蕃茄煙肉：合格，不會燒得過焦，蕃薯香甜涷野梅梳打：$38杯，外貌和味道普通由於亞妹對部分海鮮有敏感，唔可以叫2人餐，要散叫，所以今次價錢比較高。總括而言，食品一般，坐位環境舒服，2人餐性價比👍💥 較高。

今晚想食日本野，黎到呢間食dinner, 見到佢地既二人套餐，就揀左了，因為好多野食，又有想食既刺身，又有牛肉壽喜燒。最後係二人餐入面揀左雜錦沙律牛肉壽喜燒刺身燒鯖魚石鍋牛肉飯雪糕揀左 柚子雪葩 同綠茶雪糕野飲就揀左 蘋果汁同荔枝梳打沙律好足料，仲有配埋牛油果，好健康牛肉壽喜燒，d 牛好有牛味，好滑好好味，刺身都係好好味😍😍好新鮮燒鯖魚，我比較少係外面食，怕太多骨。但今次呢個唔太多骨，好滑又無咩腥味。牛肉鍋飯，有配左泡菜，但我覺得味道一般。綠茶雪糕同柚子雪葩都好味 飲埋杯野飲，食到飽晒。呢個餐加埋一，6百幾，都唔太貴。好掛住去日本食日本野，依家都未有得飛，唯有繼續香港食住先。🤣🤣#food #foodie #美食林 #駐站作家 #為食鬼 #foodblogger #foodshare #yummy #kkcmlife #我好掛住#foodie#香港好去處#夏日搵食推介#炎夏好去處

性價比低。飯份量小。壽喜燒湯底怪味，牛無味。牛舌部位差，咬唔斷。貴，又唔好食。不能怪無人排隊。$78沙律比最cheap嘅iceberg。鋪內氣氛微妙，食客唔知係咪覺得唔好食所以無興致吹水，無人講嘢。成間鋪都聽到經理把聲。奇異果梳打好伏。