相馬日式火鍋

营业中

休息中

今日想推介俾大家我哋一家人成日食嘅火鍋－相馬日式火鍋。我哋最鍾意就係佢哋新推出嘅任食大閘蟹海鮮火鍋放題。焦點梗係佢哋嘅大閘蟹，佢哋嘅大閘蟹肉質飽滿，味道鮮美爽甜，膏質香濃，完美噉呈現佢獨有嘅鮮味，每次食都覺得百食不厭。當然仲有其他好食嘅食材，例如豪華蒸海鮮，一次過俾你食到好多唔同款嘅蒸海鮮，每款都非常新鮮，冇腥味，食落去甜甜哋仲有回甘，非常回味。除咗海鮮之外，仲有日式串燒炸物。炸蝦多士、炸蟹子丸、炸牛丸，個個都香脆可口，外脆內軟，油而不膩。其他仲有美國牛板腱、美洲產優質豚肉、雞髀肉。美國牛板腱食落去非常Q彈，肉質鮮甜，香氣四溢，完全展現出美國牛肉嘅極致風味。美洲豚肉口感醇厚，肉質緊實，雞髀肉口感結實、肉質軟嫩多汁。仲有其他好多好食嘅火鍋配料，最緊要係呢啲火鍋配料可以無限任食！真係好抵食！

收工後同朋友嚟呢度聚會食海鮮放題，食物選擇多到應有盡有。海鮮，肉類，炸物，雞翼，每個都可以任拎任食，真係好抵食。大閘蟹嘅肉質特別嘅軟嫩，味道十分鮮甜，飽滿嘅蟹膏，香氣十足，口感亦十分滑順，食得好滿足。極上豪華蒸海鮮擁有好多種新鮮嘅蒸海鮮，每一啖都充滿咗新鮮嘅海水鹹味，完全冇腥味，仲帶 有回甘嘅味豪華惹味海鮮雞煲唔止可以食到新鮮嘅惹味海鮮，仲可以食到雞嘅鮮味，加上仲可以食到龍蝦仔，係一道鮮上加鮮嘅料理。除咗以上嗰啲海鮮料理，仲有好多款火鍋海鮮配料任我哋選擇，有貴妃蚌，青口，蟹棒，多到數唔完。每一款海鮮都肉質滑嫩且肥美，食咗會令人念念不忘。我最鍾意嘅係單骨雞翼，佢哋提供咗好多唔同款嘅單骨雞翼，有甜嘅，有鹹嘅，有辣嘅。食落去真 係好香脆可口，鮮嫩多汁，正~

唔耐之前，我同之前同校嘅姊妹們一齊出嚟聚會。大家嗰陣時都幾肚餓，就諗住搵個無限任食嘅餐館食晚餐。結果就嚟咗呢間店，佢哋有任食嘅海鮮火鍋。嗰陣時，我食到最想Highlight嘅係佢哋嘅大閘蟹！每隻都非常鮮甜，肉又多，好肥美，非常好食！我一個人就settle咗幾隻。佢哋嘅海鮮雞煲都唔錯。入面嘅雞肉都鮮嫩多汁，沾上煲入面嘅醬汁味道更上一層樓。蝦都好鮮甜，新鮮又彈牙。成煲嘅味道非常豐富。接住嚟佢哋嘅蒸海鮮，食材非常新鮮。入面有魚有蝦，仲有啲貝殼類嘅。都非常好食，我幾鍾意入面嘅扇貝，每隻都好大顆，食落去口感豐富。嗰陣時我哋叫咗火鍋海鮮，入面有鮑魚、日本帶子、廣島蠔、海蝦、扇貝。全部都係我鍾意嘅。每一個都好新鮮，處理得好乾淨。每樣都非常鮮甜，軟嫩，真係好食。最後就係日式嘅串燒牛肉、豚肉、燒蝦、燒金針菇肥牛卷。就係一堆好香嘅肉類！牛肉好軟嫩，有好豐富嘅口感，咬勁十足。豚肉都係好鮮嫩多汁，仲有彈牙嘅燒蝦同口感好正嘅組合—【燒金針菇肥牛卷】。我同姊妹們都食得好滿足，呢度嘅食物都非常好食！

🦀大閘蟹又到咗食蟹嘅季節喇！呢度嘅大閘蟹全部洗刷得好乾淨，每一隻都好鮮活👍🏼蟹肉鮮甜可口，蟹膏軟綿，一入口就知非常新鮮！滿滿嘅蟹肉咬一啖，鮮美嘅湯汁就流入口中，鮮美嘅味道唔油唔膩，令人回味無窮啊😭🍲極上豪華蒸海鮮龍蝦仔、小鮑魚、各種貝類、大蝦全部喺呢個蒸鍋入面，望住就好有食慾！鮑魚厚肉彈牙，貴妃蚌輕輕一吸就食到蚌肉，其他嘅海鮮每一件肉質肥美新鮮～鮮甜嘅滋味令我哋欲罷不能🤩✔️海鮮無限暢享除咗主角大閘蟹，仲有各種新鮮海鮮任揀任攞～鮑魚、帶子、廣島蠔、海蝦、扇貝等等，松嫩飽滿嘅青口仲有肉質鮮嫩滑溜嘅帶子，配埋醬料簡直係人間美味！✔️美國牛板腱牛肉味非常醇厚，同時都好有咬口～碌幾下就可以開食，口感緊緻細膩，而且肉汁豐富🤩✔️單骨雞翼我哋仲攞咗雞翼試吓，都係滿好食嘅～面衣超級酥脆！仲有各種口味畀你揀，一啖一個鹹香，雞肉鮮嫩唔柴仲好入味🤤

前幾日同屋企人去咗【相馬日式火鍋】食晚餐，嗰晚食咗個抵食嘅套餐，乜嘢都有，好滿足。😋大閘蟹🦀：蟹膏唔算好多，但蟹肉好嫩滑，食到嘴邊都係滿滿嘅滿足感。極上豪華蒸海鮮🦐：有蝦、青口同扇貝，蒸得啱啱好，唔會太熟，仲保持住海鮮嘅鮮味。日式串燒炸物🍤：炸蝦多士同炸吉列蝦好脆，唔會太油膩。炸牛丸同炸春卷正常發揮，甜番薯仔有少少甜，好啱做小點心。美國牛板腱🥩：牛板腱好嫩，牛味濃郁，用嚟打邊爐食非常夾。美洲產優質豚肉🐷：豚肉油脂分佈均勻，煮出嚟好嫩又多汁，口感好唔錯。即炸乳鴿🕊：外皮脆脆地，內裡好嫩，完全唔乾，鴿肉嘅自然香氣非常出色。呢餐每一啖都好滿足，食到好飽，真係值回票價，絕對值得再去食！👍🏻👍🏻

今日食咗非常之出名，喺好多地區都有分店嘅龍蝦雞煲放題，價錢亦都唔算太貴，但係竟然食物質素有驚喜！今次嗌咗嘅係大閘蟹海鮮火鍋雞煲，唔算辣嘅，唔食得辣辣嘅朋友都可以嘗試一下，雞肉都算多，唔會太多骨非常容易食到！雞肉嘅肉質鬆軟多汁,能夠非常好地吸收到火鍋湯底嘅各種調味。再加上大閘蟹嘅鮮甜香氣增添咗另一層氣嘅美味,放題方面都非常多選擇!日式串燒炸物 - 每一樣炸物都炸得啱啱好，一點都不會油膩，同雞湯搭住食仲能夠非常好地吸收雞湯嘅味道😝極上豪華蒸海鮮 - 之後嘅第三步蒸鍋海鮮，海鮮都非常肉質鮮甜, 新鮮唔錯美國牛板腱 - 特別推介牛板腱，滑嫩鮮甜嘅牛肉,連埋湯汁一齊入口,口感絕頂雞腿肉 - 入口即溶,能夠中和雞湯湯底嘅胡椒風味!仲有其他任食任攞嘅豆腐、魚丸、同埋唔同嘅菜類等等!至於飲品方面，除咗有常見嘅可樂汽水之外，亦都有無糖茶飲，啱晒我呢啲唔飲甜嘢嘅人😘😘

24/10/2024 星期四、我致電相馬火鍋-西環分店，查詢星期五 25/10 夜晚火鍋放題價錢，職員話：食大閘蟹+火鍋放題$330，已計加一服務費，限時兩小時，我訂咗大閘蟹+火煱放題x 4 位，但到結帳，😱單竟顯示埋單總數$2298， 佢收咗$528 / 位x 4 ，再加一，我即刻話番俾佢知，打嚟book 枱嘅時候，佢我講 係$330/ 位，佢搵咗佢另外一個職員過嚟，展示一張 過膠價錢牌，佢話冇可能，唔食大閘蟹，放題都唔只 $330，佢質疑我係咪打錯電話， 試問我打錯電話點會book到位，個職員話 ：”$330都唔合理啦”😡😡 只係揸住張價錢show 俾我地睇正價價錢, 我有要求佢查番邊個職員工聽我訂枱個電話，佢話查唔到，佢都冇嘗試去了解就話查唔到，分明就係包庇自己同事，佢話佢係經理，佢再講$330都唔合理啦，（我get到佢意思話呀，冇可能330食到大閘蟹火鍋放題，我地為有都要照埋單啦，今次我當做買咗個教訓, 下次喱D要睇咗單先好開始食, 離開時我目測大部份食客都唔係香港人，因為香港人唔會食咁貴，質素咁差嘅火鍋放題，除非真係好好好好食，講完 ～食評：大閘蟹好細隻，好少好少蟹膏，然後一

前幾日同姐妹去咗西環嘅相馬日式火鍋，聽講呢度嘅火鍋好有特色，啱晒打邊爐之餘，仲有多款海鮮可以揀。我哋到埗嗰陣環境都幾好，唔算太嘈，坐得好舒服，適合一班朋友慢慢食慢慢傾。大閘蟹係當晚嘅主角，蟹肉細緻，蟹膏夠晒豐富，每啖都帶住啲鮮甜味，同湯底好夾。極上豪華蒸海鮮有齊帶子、螺肉、鮮蝦等等，蒸完之後啲海鮮保持住原汁原味，唔會太搶味，特別係帶子啲口感好爽，食落去有啲彈牙，鲜味十足。至於豪華惹味海鮮雞煲，湯底真係濃郁到不得了，雞肉煮到好嫩，配搭啲海鮮之後，味道更加豐富食到尾都覺得好暖胃，唔會有膩嘅感覺。當然，成餐仲有幾款日式串燒炸物，例如炸蝦多士、炸吉列蝦同炸米網蝦春卷，雖然唔係主打，但作為小食幾唔錯，炸得香脆，咬落去外脆內軟。最後不得不提嘅係美洲產優質豚肉，肉質細嫩，用火鍋湯底煮完後，肉香完全釋放出嚟🤤總體嚟講，呢間餐廳嘅火鍋配料選擇多，食材新鮮，啱晒一大班姐妹嚟食！呢餐我哋食得好開心，感覺唔單止係食物好食，氣氛亦都好，絕對會再回頭！

朋友返香港嘅第一件事，當然係要嚟打邊爐。今次就轉下新花樣唔食普通放題邊爐，而係轉嚟試吓雞煲。餐廳嘅位置好容易搵，而且環境闊落，座位亦都係私隱度比較高嘅卡位，港式設計元素，本土味濃因為朋友好想食海鮮，所以就叫咗大閘蟹海鮮火鍋放題，有大閘蟹和龍蝦。雞件嘅份量好多，食落去都好滑，鑊氣十足。雞煲食得差唔多嘅話就可以加胡椒雞湯，變成邊爐。邊爐嘅食材好多元化，除咗有常見嘅肥牛，豬肉片之外，更加係有單骨雞翼同各種小食可以選擇，我就最欣賞佢哋嘅係大閘蟹，爆膏而且大大隻，encore😋除咗雞煲同火鍋之外，仲有海鮮蒸鍋，以呢個價錢嘅雞煲放題嚟講都幾抵食服務質素嚟講都算唔錯，上菜速度都幾快，落完order之後冇幾耐就可以上到，亦都有Staff喺附近觀察客人需唔需要幫手收碟

好耐冇打邊爐, 又約左朋友黎呢間餐廳!店內採用輕奢簡約風，比人感覺乾淨舒服。海鮮 真心足料，帶子肉嫩，蝦肉鮮甜味美，好多蝦，蟹，鮑魚等等，配合醬料味道鹹香，風 味獨特。羊腩煲❀，食落仲有好重羊肉味。非常獨特，肉質彈牙，香口，惹味!食完人都精神曬。超級多特色小食，蘿蔔，冬菇，玉米，脆肉瓜，鳳梨!玉米的黃色以及脆肉瓜的綠色相互映襯，讓 整個菜品看起來非常誘人。炸物都系新鮮炸出來，好脆口。另外，我地呢個暖羊羊海鮮火鍋放題，飲完胡椒花膠湯仲可以食 埋羊腩煲同埋海鮮，全部野同個湯底都非常夾!

相馬日式火鍋海鮮火鍋放題，呢度嘅套餐性價比幾高，對比其他嘅火鍋店，暫時認為呢間算數一數二。店舖嘅環境好闊落，員工都會好有禮貌，用餐體驗感覺唔錯。///任食惹味羊腩煲男朋友超級鍾意食呢到嘅羊腩煲，羊腩好入味好軟嫩，料好足，連我都食到停唔到口。///蒸海鮮兩個人一致都認為呢到嘅海鮮好正，我最鍾意食嘅扇貝大大隻，鮑魚都好肥美！仲有鮮蝦嗰啲都好彈牙！仲有沙白、魚、貴妃蚌，yummy yummy！///任食肉類海鮮火鍋咁多款肉類嘅話豚肉口感就最鬆軟，牛肩胛好香牛味又嫩滑，進口牛肉又另一種口感，一次品嚐晒唔同嘅肉類！大滿足！

我有個朋友住喺西環，成日都同我叫去揾佢，今日放工之後就同男朋友一齊去揾佢，順便一齊食晚餐。佢屋企附近有間叫做「相馬日式火鍋」嘅店鋪，網路上見佢啲火鍋勁出名，就決定一齊佢試吓😋。-首先要講佢嘅「芝士龍蝦湯茶碗蒸」🍲，芝士同龍蝦嘅組合實在係撚好食，一試就爱上，味道好香cheese，滑滑咁，好味👍。-再嚟就係「任食惹味龍蝦雞煲」🍲，一口食落去，滿嘴都係龍蝦嘅鮮味，雞肉好有咬勁，真係好鮮甜！🤤 -女人！一定要試吓佢嘅「滋補花膠雞湯」🍲，超好濃好滑，飲完之後成個人都變靚咗，精神曬！鐘意食海鮮嘅唔可以错過佢嘅「極尚龍蝦蒸海鮮」，呢個簡直係海鮮大滿席，食完超滿足😊！-接住就黎佢嘅「優質豚肉」🍖同「優質雞腿肉」🍗，味道都絕對一流，超級推薦👍！食肉之後，又要食番啲海鮮，所以試咗下佢嘅「廣島蠔」🦪、「海蝦」🦐、「水魷」🦑，食落都覺得好新鮮好彈牙，超好食㗎！-最後仲要提提你，如果下次有機會去西環，一定要試下「相馬日式火鍋」，呢度所有嘢都係最好嘅！料理好，服務好，而且價錢又合理，真正係CP值超高。

食得多台式火鍋都會想食翻日式火鍋口，所以我今次介紹嘅係”相馬”牛放題＋海鮮放題💠先飲胡椒花膠湯💠呢個湯真係超級超級推薦!！因為真係超好食同超抵食！冬天食真係啱曬，啲雞湯好濃夠曬暖胃，而且入面超足料，有好多花膠，而且啲雞都好滑唔會韌，食完覺得皮膚都滑左😂💠任食惹味羊腩煲💠羊腩不腥不膻啖啖肉，軟爛入味，連羊皮羊脂一齊入口都唔會有肥膩感，配菜有枝竹，馬蹄，竹筍，冬菇，吸收了醬汁精華，同樣香濃入味😍💠蒸海鮮💠蒸海鮮有扇貝/沙白/蝦/鮑魚/魚/貴妃蚌，扇貝好鮮味，鮑魚蒸得剛剛好，有鮑魚味，其他海鮮都蒸得啱啱好，好鮮味😎💠牛肩胛💠結合日本和牛的油香與美國頂級黑安格斯黑牛的口感，油脂比例平均，入口肉味濃厚，柔嫩多汁😍💠進口牛肉💠油花較少，肉質鮮嫩爽滑，不會過膩🥰💠串燒💠全部都係即叫即燒，上枱既時候熱辣辣好香😋💠炸物💠都非常唔錯，全部都炸得啱啱好！脆卜卜！好食👍🏽💠單骨雞翼💠好嫩滑，得一條骨，食落好方便😆

近排一直想食火鍋，但同時又好貪心嘅想要舒服嘅環境，唔想食完就成身味，諗住一個人食好dry，我就約咗朋友一齊嚟到呢間西環嘅火鍋店。喺呢度可以一邊食一邊吹水，都幾relax下。其中食咗進口牛肉，牛肉嘅牛肉味好濃郁，油花比較少，肉同脂肪平衡，厚度都唔會好厚，啱啱好，所以唔會好難咬。同埋呢度嘅雞腿肉，腿部肌肉嘅質地好嫩，好多汁，同事帶有肌肉嘅甜味，唔會有腥味。佢哋嘅豚肉唔會好肥，所以食到唔會好油，吸收咗湯汁，食入口真係好Juicy。牛肩胛睇住都覺得好新鮮，食入口嘅口感好柔軟，肉質好豐滿，牛肉味好香，好食！ 呢度嘅海鮮都好多選擇，我最鍾意嘅青口好鮮甜，唔會食到好似粉粉咁咁唔新鮮，處理到好乾淨。帶子嘅口感好Q彈，食入口好甜，係新鮮海鮮嘅味道。仲有其他嘅配菜，例如甜甜嘅玉米，同埋質地好清脆嘅脆肉瓜，酸酸甜甜嘅鳳梨，仲有我鍾意嘅西蘭花。最後唔得唔提嘅招牌羊腩煲。羊腩肉質好鮮嫩多汁，有肥嘅有瘦嘅，裡邊仲有腐竹啊等等，落足料，份量十足，又好食！真係好低！佢哋嘅地方都好便利嘅，就係地鐵站出口附近，推薦大家嚟試呢間。

呢晚去咗西環嘅相馬日式火鍋撐枱腳，洗喺西環地區打邊爐嚟講呢一間好抵食！今次我吔就揀咗呢一個暖羊羊海鮮火鍋放題，有湯飲又有邊爐打仲有羊腩煲食！《羊腩煲》呢到嘅羊腩煲係任食嘅，每一件羊腩都好腍又超入味，口感一流～《蒸海鮮》海鮮新鮮嘅話真係唔需要太多調味都好好食，就咁蒸海鮮更加食到海鮮嘅鮮味！最鍾意食佢哋嘅扇貝蝦同埋鮑魚！任食肉類海鮮火鍋料打邊爐嘅肉類選擇都幾多，無論係牛定係雞定豬都有提供，本身好少食牛，所以主要食佢哋嘅豚肉同雞腿肉，兩款都係咁好食。蔬菜我就最鍾意蘿蔔，煮到夠淋又入味。牛丸都好彈牙多汁。炸物呢到嘅炸物都好出色，全部都非常香口，熱辣辣啱啱炸好，無論係炸春卷、炸午餐肉、炸天婦羅都係我嘅最愛！