相馬烏冬食堂

营业中

休息中

環境，食物，衛生，服務，以呢個價錢同位置全部好唔得，一入去有怪味。裝修，枱櫈，餐具，放飲品雪糕既雪櫃好殘舊，又污糟。放出來既食物好求其，打邊爐應有既工具也沒有提供。職員一開始沒有介紹放題流程，人手好不足，大閘蟹也麻麻地，一定冇下次。

本身好期待去食因為上年有食開一坐低即刻落咗四隻點知嚟到啲大閘蟹係勁細隻都唔緊要我諗住因為係放題嘅關係食多幾隻都可以但係點知一嚟到見到縮晒水仲要係唔新鮮開頭嗰一輪有一隻有啲怪怪地，咁我冇為意點知下一輪一開勁臭同個職員講隻蟹有臭味佢就係咁收咗佢之後乜嘢都冇講冇話過再幫我補返，等咗陣先發現佢冇幫我再落單要我自己做落單😡😡😡🤬其他嘢食更加唔使講海鮮大多數都係雪味為主最好笑嘅就係早至少45分鐘截單大多每輪要等三個字，有時仲要係要吹單冇下次！！！

荔枝角呢間環境差，樓底矮令到濃味不散，地滑很危險，無咩裝修，以為其他好就可以，可惜第一雞煲不太好吃，任食都無再叫，其他火鍋的牛也不太好，火鍋食物選擇不多，少得可憐，飲品更不多，炸物或雞翼也不好，說雞翼有7款，但蜜糖同牛油一樣味道只加上蜜糖上去就當兩款，整體比post出來相差太遠

大閘蟹有10隻是臭，入面全是黑色，丸和蝦都有很多是壞，不新鮮，叫接待員，她的回覆是：「我蒸過幾隻比你，但食唔曬要罰錢。」我立即生氣地說：「你不是來向我們講唔好意思嗎？反而同我們講要罰錢?」總之：態度差，食物質素差

近期食午餐，好鍾意約埋幾個同事嚟呢間相馬食火鍋，又可以自己選擇鍾意嘅配菜，配菜選擇亦算多款式，一人一鍋又衛生。雞肉鮮嫩，好食。相對豚肉就一般，中價嘅牛肉就會靚少少，味道都唔錯，值得一試。

放工後約了朋友睇戲10點場，有時食完飯仲要搵地方磨時間食糖水好麻煩。我們想搵個地方慢慢食傾下計，唔駛再搵地方攝時間。朋友介紹食呢間相馬，第一次食時唔多人，今次第二次食人很多。二百幾蚊位放題，牛肉，豬肉，雞肉，海鮮，炸物，蔬菜，甜品，飲品都是任點的，而且是一人一煱式，食到好鬼飽呀！7點食到9點半先行去睇戲岩岩好。

結婚週年，攞一日假陪老婆，諗住食好D，上網楝咗呢間，喺openrice Book咗晏晝12點，諗住同老婆撐枱脚，我已經係遲15分鐘到，點知罔佢仲未開舖，依家都未入得

今日兩大三小去食晚餐,食物ok的,飲品,雪糕,食物種類都夠既,服務都唔錯,會主動加水同收捨。只可惜一張bb餐椅都冇,小朋友成日想落地,有些混亂,匆忙食完就帶bb走了。。