真味源

营业中

休息中

街坊推薦這一間燉湯店，話真材實料。星期日晚上五點多去到，有幾台客人，並不多。主打燉湯，還有籠仔蒸飯。川芎白芷天麻燉魚頭湯 $62好足料，藥材味濃郁，感覺好補身。川貝海底椰燉鱷魚肉 $60最近喉嚨好乾，老闆娘特別推薦這個湯，雖然看上去好油，但係飲落去好清，味道唔錯，真係感覺冇味精。農家回鍋肉 $88 連埋菜飯，回鍋肉味道唔錯，菜炒很香，少少辣，很惹味。籠仔蒸金蒜開邊蝦飯 $58這個感覺好抵食，蝦的份量很多，金蒜蒸出來很香。有些食評話服務唔好，但今次見到老闆娘態度都很親切，而且越晚越多客人幫襯，看來的確係有些真材實料。

叫咗一個川芎白芷魚頭湯，同埋一個蒸魚頭雲客飯，燉湯好足料好好味，藥材味好夠，客飯味道都好好，不過係啲飯稍為硬咗少少，要改善吓另外見有人評論話服務態度唔好，但係我又見佢哋同個別客人都有講有笑，總體嚟講就係普通茶餐廳嘅服務，唔係特別好唔係特別差

同啲同事由佢開張開始食到而家，由好好服務態度，變到越黎越差。e.g. 員工斟咗水俾我地，但我地冇飲到，員工勁悔氣話： (但其實我地冇主動叫佢斟，當然，佢斟我地都 appreciate 嘅，咁都有得怪啲客？好野～)最離譜令到我地 Blacklist 佢嘅係今次，我地 12:24pm 落單，分別叫咗2個湯＋飯餐，2個麵餐，同事啲餐陸陸續續到。我叫咗個 "羊腩煲飯餐＋白汁豬肺湯" ，大約 12:43pm 倒黎到，到到 12:57pm，我地感覺到係咁俾人望住，啲員工亦係咁指住我地張枱，同出面排頭位個客講：，我地本身都冇為意，只係諗，駛唔駛係咁催呀～再望望隻錶，痴線，15mins 你催咩呀！？俾咩枱人呀大佬！啲湯又熱，個煲又熱，就算同事食麵餐，最多都係食咗25mins，食唔駛時間嘅咩！？倒落去o嫁！？我地冇理佢，如是者，我地勁俾排頭位客啤爆 (個客唔知我地幾點入黎，淨係知員工態度反映到係我地阻住晒，只會覺得我地食得慢瀨死唔肯走) ＋啲員工同老世都狂揚黎揚去 5、6 次＋係咁指住我地張枱狂 loop：你話我地食咗 45mins / 1個鐘 / 清晒枱都响度吹水唔走就話啫，明明我地食緊，你都催催催催

觀塘主打燉湯 嘅餐廳唔多， 見到呢間真味源，一於試試佢。餐廳 比較窄，但地方光猛乾淨整潔，坐低侍應俾咗杯麥茶，麥茶好香，幾好飲。川芎白芷天麻燉魚頭  $60川芎白芷天麻燉魚頭 湯，有助改善頭痛頭暈，袪頭風補血氣。飲得出湯冇味精，天麻味好重。 係媽媽以前煲嘅味道。淮山杞子圓肉燉日目魚$60燉湯一人份量原燉盅上，上菜時非常之熱，都要等咗一陣先至可以飲到落口，材料充足，眼見有淮山，杞子，圓肉，魚，入口清甜，冇味精，燉湯火候時間非常充足，日目魚入口即溶。土魷蓮藕肉餅飯 $46（籠仔蒸飯加配任何燉湯減$10)蒸飯熱辣辣蒸起，肉餅 夠大塊， 飯裏面伴住啲菜頭， 加上少少豉油同蒜蓉攪拌埋啲白飯，唔會太鹹味道啱啱好， 用荷葉蒸嘅飯都特別香。因為我有嗌咗一個燉湯，蒸飯平咗$10，所以$ 36有一個蒸飯，都幾抵食。

二位阿姐只願意專注落單，吩咐單身客人絕不能坐四人坐位！老闆娘只關注收銀事宜！阿姐落錯單竟然同客人講：張單擺咗枱面咁耐，你都睇唔到錯左呀？😵食一餐飯見阿姐落錯二，三張單！另外見有位女仕很禮貌地要求加茶，疑似老闆娘，總是無數次回應：「一陣先」，再問，阿姐就教訓客人話自己好忙架⋯⋯．．建議老闆阿姐可以考慮擺壺茶喺枱面客人自助，各自忙。如果入內只係低頭食嘢OK，不過如果同店員一有連繫就一肚氣😪值得讚的是食物質素不錯，希望店員服務態度可以改善一下！不然會嚴重拖垮整體進餐感覺，實在可惜！

琴日同屋企人去食，事於屋企人到左先，我就後到。一入到去餐牌未睇夠3秒已經吹我快啲落單，叫佢落住兩樣野先，個啊姐就話「快啲一次過落啦，轉頭唔得閒落單架啦，你諗好就話我知。」真心搞笑喎🤷🏽‍♀️。我哋埋頭苦幹食緊其他餸是，個蒸飯到左而另外個姐姐就大大聲講：「拎住啦。」其實枱位置已經細，加上已經同左其他人撘枱，所以係冇乜位置可以放。我哋一家人叫左黃鱔蒸飯、咕嚕肉、菜同埋花膠螺頭老雞湯。食物上完全冇問題，價錢方面都可以接受到，但服務態度真係唔得了，入去食飯好似一定要受氣甘。

20230914 晚餐 $422。份量細。追求性價比者自行判斷。味道一般。美食有要求者自行判斷。冷氣微弱近無。怕熱者自行判斷。座位擠迫。身型壯建者自行判斷。用膳後需最快離座交枱。想傾談數分鐘者自行判斷。68/ K2 5件回鍋肉飯 👌78/ 1件花膠雞煲+飯 👌46/ 土魷蒸肉餅籠仔蒸飯👌68/ 花膠螺頭燉雞湯👌68/ 杏汁2件豬肺湯 👌68/ 蟲草3粒小海參排骨湯無乜味38/ 涼拌三鮮👌 木耳偏硬

觀塘做完嘢，本來坐紅Van返荃灣先食晚飯，經過門口見到餐牌，主打燉湯，依排有兩聲咳，又想飲返碗湯，一於試試佢。餐廳唔算太大，大約有七張四人枱，地方光猛乾淨整潔，坐低侍應俾咗杯麥茶，麥茶好香，幾好飲。川貝海底椰燉鱷魚肉 $60燉湯一人份量原燉盅上，上菜時非常之熱，都要等咗一陣先至可以飲到落口，材料充足，眼見有川貝、鱷魚肉、沙參、海底椰、排骨，入口清甜，冇味精，燉湯火候時間非常充足，排骨入口即溶。豉蒜白鱔蒸飯 $58 （籠仔蒸飯加配任何燉湯減$10)蒸飯熱辣辣蒸起，白鱔都有6至7件，當然唔會太厚切啦，因為價錢問題，蒜蓉蒸白鱔味道好夾，少少豉油加蒜蓉攪拌埋啲白飯，唔會太鹹味道啱啱好。因為我有嗌咗一個燉湯，蒸飯平咗$10，所以$ 48有一個蒸白鱔飯，都幾抵食。

新開張，地方清潔企理，食物選擇多，又好多種燉湯，真材實料，又有各種前菜，小炒，湯飯等等…差唔多收工先去，職員接受電話落定單..叫左燉鱷魚肉湯，龍躉湯飯，荷葉蒸鱔飯，菠蘿咕嚕肉，再追加拍黃瓜…燉鱷魚肉湯有好大塊鱷魚肉，好多火腿片，海底椰….龍躉湯飯個湯底飲得出係用鮮魚去煲，龍躉肉新鮮彈牙又大塊…荷葉蒸鱔飯d鱔片份量足又新鮮彈牙好味…菠蘿咕嚕肉用新鮮肉柳條，彈牙得黎又有肉味…全部真材實料，冇添加，份量合適，味道又好..下次再去

見到今天新開張,見到有致愛的養生燉湯, 即刻心心眼去試試。今次點咗兩個蒸飯,一個係白鱔,一個係開邊蝦, 居然平到只係每款$58,出面白鱔都要$9X, 白鱔新鮮好美,飯是用珍珠米真材實料。 另外,點咗兩個燉湯,一個係川芎白芷天麻魚頭湯同淮山杞子圓肉燉日月魚,兩款都好滋味養顏。最後點了兩個小菜一個咕嚕肉同滑蛋蝦仁。 咕嚕肉又多肉又夠酸亦夠脆 燉湯就真係好味,特別係川芎白芷魚頭湯就堅好味同有益! 老婆大人話最緊要係食完唔會口渴!!