真鮨 (已結業)

中午由於要到尖沙咀見客 ，老闆提早放人，午飯時間就在美麗華附近找點美味的慰勞自己，突然心血來潮想吃日本菜，最後就來 moshi moshi開餐。 天氣熱得要命，坐下後職員火速送上綠茶 ，感覺挺窩心，但是還是想喝點冰的，最後點了巨峰梳打，味道不錯，甜甜的，非常消暑。 細看餐牌發現自選壽司set非常抵食，而且還有78折優惠，免加一的話，計落相當化算。 我點了8款壽司，而跟餐附送麵豉湯、茶碗蒸及前菜。 個人認為這裏的麵豉湯非常好喝，味道有別於一般的麵豉湯，就是入口時帶了一份海鮮的鮮甜及魚香味。帶子裙邊調味剛好，麻香味濃，加上入口煙煙韌韌，口感十足。 而茶碗蒸口感嫩滑，味道挺鮮，而且帶有濃郁的蛋香。 而我自選的壽司包括: 三文魚腩、墨魚、帆立貝、吞拿魚、北寄貝、 甜蝦蟹膏軍艦、韓國海膽軍艦、 伊佐目，共8款。 當然，個人最愛就是海膽，韓國海膽的色調較平日吃到的偏橙，非常肥厚，，入口即溶，而且味道鮮甜柔滑，讚。 另一款要推介的是甜蝦蟹膏軍艦，甜蝦口感鮮嫩結實，配搭綿滑而豐美馥郁的蟹膏，兩種截然不同的口感交融，組合出豐富層次，絕對是極致的味覺享受。 北寄貝是原隻從中央切開，再包著壽司飯，口

門面不大但現代風格簡單精緻。店內面積不大，座位約三十多個。店舖主要以木板、雲石瓦、仿磚瓦作裝修，再以酒瓶、木牌、玻璃面繪畫作裝飾。六點初倘算人流不多，七點左右客人陸續入座，建議請提早預約或提早至七點前walk in。座位桌面闊落，桌面及椅子乾淨整潔，簡單利落。沖繩Orion hkd6x：麥香優雅，入口爽快清涼。味道清爽不乏啤酒的香醇，比普通啤酒少了那陣澀味，剩下清甜麥香。梅酒hkd5x：梅香飄過，入口輕盈清爽柔順。喝下梅酒順滑不刺喉，適合各種口味人士。時令刺身五點金目鯛三片：空運原條金目鯛厚切刺身，肉質細膩柔軟油脂適中，味道鮮甜，越咬越滲出魚油香北海道牡丹蝦：蝦肉晶瑩亮白帶鮮紅，肉質綿絮軟滑富膠質刺身整體厚切肉質新鮮富彈性，魚香鮮甜而不腥北海道長石生蠔hkd98/3pc每隻完整飽滿，色澤光潔，入口水潤嫩滑，味道清甜。佐料黑醋微酸，生蠔配搭合適，更開胃。馬刀貝壽司爽脆彈牙，味道較清淡，獨特海洋味道。松葉蟹腳壽司肉質嫩口，絲絲縷縷帶蟹香甜味。原隻蟶子皇壽司鬚位：肉質爽口脆嫩，入口鮮甜貝肉位：入口柔軟口感，香滑鮮甜，咬下富彈性三文魚籽壽司：外皮微脆，內里滿滿魚油，咬下魚香十足，化在嘴間順序右

尋日下午有少少事情要係尖沙咀辦, 所以諗住一個人係附近揾間靜少少既餐廳坐一陣,食個Lunch避下雨先再出發~係美麗華附近行左一陣, 見到有間叫Moshi Moshi 地方唔錯, 而且雨天客人唔算好多,而且又剛剛過左廿點半, 坐得應該好舒服, 所以就入內尋食~ 因為一個人既闗係, 我點左荔枝紅茶、汁燒鰻魚飯(跟味憎湯)~ 好快地, 我既荔枝紅茶送上了,單看賣相已經拿滿分!! 味道方面, 佢有好香既荔枝味道, 茶味香濃, 甜甜地好好飲!而且除左顏色好靚之外,紅茶面仲有一顆又大又甜既荔枝用日本牙簽插住, 令到口感更加甜!充滿荔枝香味~ 汁燒鰻魚飯(跟味憎湯)~用上咖喱汁伴住. 底部係疍包飯, 上面則放左一件好大塊既鰻魚! 日式咖喱口感唔會辣, 反而有陣陣甜味, 而且非常惹味, 單用來伴飯都好好吃~另外疍包都好好食!! 疍整得好嫩滑幼細, 口感就似炒到好滑既滑疍一樣, 用匙羮細細力就穿破,入口充滿濃郁既疍香味, yum! 主角鰻魚都冇叫我失望, 用燒汁整條烤到好脆口, 魚肉一點腥味都冇, 口感結實唔散,亦非常有彈性, 整條搽上均勻既燒汁, 配合滑疍+咖喱實在好好食! 味憎湯同樣高質, 與坊間

今日同朋友黎尖沙咀行街買下野，行到肚餓見到依間門口裝修好可愛的日本餐廳，就同朋友決定試下。未到八點餐廳都已經坐满晒，建議早啲黎食呀，或者打電話訂位先。餐廳介紹我地叫咗一條好新鮮的原條 築地刺身魚，賣相已經相當吸引，美侖美奐。魚肉晶瑩剔透，呈淺粉紅色，肉質好新鮮，咬落口感好彈牙，有少少啫喱質感，魚香鮮甜。吞拿魚卷肉質嫩滑，咬落都好彈牙。壽司系列：築地空運鳥貝，師傅已經調過味，可以唔點䜴油就食，肉質爽脆而嫩滑，因為係貝殼類，帶有少少海水的鮮甜味，入口好清甜。築地鬚鯛魚，魚香重，有咬感，彈牙，肉質透明鮮滑。文甲壽司，即係墨魚，個紋切得好靚好整齊，肉質清爽，入口即溶，墨魚味好香濃。炙黑松露左口魚邊壽司，左口魚肉質好淋，入口即溶，炙過味道帶微香，加上黑松露的香濃味，味道好夾。松葉蟹肉沙律，好多蟹籽係面，下面的青瓜絲好清甜爽脆，份量多，蟹肉絲肉質鮮嫩，是清新之選。海老野菜天婦羅拼盤，炸粉好薄的，咬落好香脆，新鮮即制，味道香味四溢，特別是蝦肉新鮮彈牙，咬落啖啖肉汁。串燒拼盤，煙肉荔枝串燒，味道好特別，荔枝肉好清甜，燒豚肉，肉質煙韌入味，燒雞肉串，肉質嫩滑。荔枝梳打特飲同巨峰提子梳打，味道清甜，好香果

今日同朋友諗住上諾士佛台飲下野, 傾下計食個生日飯! 係金巴利道見到間日本餐廳好似好好味!就不如食完野先去飲野啦!我地2個女仔叫左好多野食呀!牛肉鍋、上級刺雜錦剌身拼盤、天婦羅拼盤、壽司...上級刺雜錦剌身拼盤真心材料好新鮮! 見到佢有個包住個青瓜既係魷魚! 非常爽口, 好味!其實魚生都好新鮮, 總共有6款!而壽司方面, 我地order鵝肝壽司、海胆壽司、甜蝦蟹膏軍艦同樣超新鮮既壽司呀! 由其個甜蝦蟹膏軍艦超好味呀!滿足!!!牛肉鍋都好味! 甜甜既湯, 配上蔬菜, 豆腐, 牛肉...美中不足既係佢煮左好耐都未滾..最後係天婦羅拼盤!脆脆的!  有蝦、軟殼蟹同埋蔬菜! 好味呀!哩餐生日飯好滿足呀! 但地方比較細! 最好就要book位呀! 

今天行經金巴利道，試下這家曰式餐廳。週末只有散點，星期一至五則有午餐供應。午餐有烏冬、定食、壽司和丼飯$68-$168。芥膽三盛丼$108本來一心到這兒食海膽，點知今天無海膽只有用三文魚子代替。這三盛丼有八爪魚、三文魚子同吞拿魚腩蓉。三文魚子色澤亮麗，很新鮮；八爪魚是經醃制過的，味道鮮美，有咬感，仲有少少微辣，味道唔錯。吞拿魚腩蓉十分香滑，有魚味，拌以芥末豉油同壽司飯食，幾好味噃！月見和風牛丼$88這和風牛丼份量適中，飯面舖滿了半熟牛肉。牛肉肉質軟稔，肉味十足，加上曰式燒汁同流心旦，味道十分豐富，以$88有這樣質量的牛肉，真是物有所值。整體食物水準中上，價格合理，可以一訪。

話說果日晏就去完街見到間野上樓梯，門面都唔錯。不過唔細心留意都未必知道有間食日本野既餐廳係到。但入到去環境都唔錯，可能接近下午茶時間，唔算好多人，環境迫小小。我和友人各自叫了定食，雖然都係普通果啲刺身海膽，但個人覺得真係好好食。環境嚟講，乾淨，迫小小。食物好吃，款式不算多，但有些定食有不同配搭，好夾。其實以呢個質素呢個價錢又未至於好貴，但對我貧窮人仕嚟講，間中食下都ok。聽說都會不定時轉下menu

打算今晚係moshi moshi食飯...係食飯之前約3個鐘打左去book 枱。侍應confirm左無問題有位。點知係預訂時間約半小時前miss左一個電話，無理到。去到同我地講因為無聽嗰電話，話因為要re-confirm所以要重新等位。但完全無聽過佢會同我地re-confirm，亦都唔明3個鐘前嘅booking點嘅要re-confirm,可能佢地有好多客人都放飛機，所以好緊張。最後我地book左枱但無得食...

今日冬至，同粒豬一早同屋企人提早左食飯。唸住今日去慶祝聖誕節。正日唔洗迫！叫粒豬揀間餐廳同我過聖誕。行到門口見到2000 二位 加一。節儉既我，即刻拒絕，話是但一餐都可以。行行下見到Moshi moshi ,就入左去。入面一個人都無，仲唸緊會唔會中伏！完全無睇過有咩好推介。但因為小妹中意食蟹膏，就叫左個蟹霸丼。加個牛肉紙窩，加角螺壽司，劍魚腩壽司，海膽壽司每樣兩件。見到都心心眼。軟殼蟹即炸！蟹膏鮮味！可以比多兩塊紫菜比我包飯食就正！壽司🍣 粒豬覺得海膽唔新鮮。我覺得不過不失。反而劍魚腩比我相象中淡味。另外紙窩牛肉 無影相。係店員推介既，不過我有啲失望。得幾塊牛肉，加一大堆雜菜。同我未食完，佢就熄左我個火！不過可以再試

empty but incredibly slow service. my main arrived, i finished and my gf's still never arrived. used to be good last yearmenu is has "sold out" stickers for half the menuhot staters even came out cold

餐廳坐位唔算多，但感覺乾淨舒服。服務員有禮貌。蟹膏蟹肉甲羅燒👇🏼 加埋蟹籽 口感好好，一啲都唔腥，好味😋看，蟹糕 滿滿的 👇🏼軟殼蟹卷👇🏼 賣相醜醜的，但味道中規中矩。牛舌串燒，正！唔乾唔硬，厚厚的好有囗感，喜歡！生赤貝，好新鮮，海水味濃郁，加點鮮檸檬汁，好fresh！第一來，感覺很好，會再來！

好耐無寫食評，不過尋日同朋友去過Moshi Moshi 之後就好想寫嚟推薦各方好友因為真係有一個愉快嘅用餐體驗餐牌上好多選擇，而價錢唔貴，屬於中價，但質素又出奇地好當我地有選擇困難症時，店員友善又有耐性為我哋介紹，更加拎咗少少北海道海膽比我哋試真係好新鮮好味不過可惜只可叫一板（不可點北海道海膽壽司），我地怕食唔晒，結果都叫返韓國海膽壽司。不過呢度有浜燒，今日有長腳蟹、蟹蓋、蚌、聖子，賣相好好店員貼心比我哋影相之後就拎走幫我哋燒，傳嚟陣陣香味完成後逐款上枱，色香味俱全，蟹蓋啲羔同蟹子撈埋，又香又juicy，蚌同聖子都又爽口又新鮮，一啲沙都無，長腳蟹稍稍失色，啲肉太痴殼，不過都好香然後就到刺身，我地叫咗一個細嘅，另外店員推介秋刀魚成條，加起嚟好豐富哦！未食已經覺得好開心，刺身新鮮，賣相又靚又精緻店員更溫馨提示最後先食秋刀魚較好，因較濃味秋刀魚全條蟹羔壽司好滑好香，配青瓜片好清新，三文魚腩又肥美又新鮮韓國海膽雖然無北海道嘅好食，但都收貨，好新鮮而大愛嘅赤蝦，大大隻，啖啖肉，有咬口又新鮮熱食方面有明太子玉子燒、牛舌串、辣豚肉串，都唔錯架！不過個燒雞泡魚乾就乾得滯、硬得滯，比較差啦！但overa

今晚3姊妹行街，行過路過就入左去有小複式家的感覺，里面是小店形式，面積大概只能容納20人，各種食物完全跟我在大阪吃的沒兩樣，價錢也比較大眾化，我地點左好多好多野，有我非常喜歡的甲羅燒，非常creamy同濃濃蟹味，配蟹腳，帶子，象拔蚌，明太子玉子燒，魚子蟹柳三文魚丼飯，加拿大海膽，牡丹蝦，厚切燒牛舌，左口魚壽司，清酒，白桃梳打，埋單1126，覺得咁既質素真心抵，推介，地點在nordsford附近的地舖，好易找到，如果情侶去應該會食得好滿足的！

價錢比一般日本食肆高，但物有所值！刺身質高及新鮮，菜式選擇多！店舖裝修不錯，尤其大門燈。店員態度好，美中不足座位比較窄。點了三文魚腩刺身，可惜售罄，唯轉了三文魚刺身。其他點了牛肉荀串，赤貝刺身，牡丹蝦刺身及海膽三文魚籽丼。想點池魚刺身，不過沒優惠所以無點。會再光顧及嘗試其他菜式！希望不要焗限個半小時用餐時間。埋單八百幾，有啲肉痛，但肉鮮質高。服務好，但希望店員唔好推銷咁多。因為座位唔多，要先訂位。

一早就要出尖沙咀工作，辛辛苦苦，一到午飯時間當然要慰勞下自己先啦可能一早就黎到，仲未有人客，但係環境舒適，光絲柔和，座位尚算寛敞仲有幾盞波波形既吊燈別樹一格午餐選擇都幾多，有成16款之多即刻有選擇困難症，因為個個都想試最後揀左個是日推介，唔洗諗唔洗掙扎橙紅色既外表，散發出少少既泡菜香味，拌上多款魚生粒，仲有青瓜粒增加爽脆既口感食落帶有微辣，刺激食慾但唔會蓋過魚生粒既鮮甜味仲有個蛋黃可以拌勻，令成個飯添上一種黏滑既質感原來呢到夜晚仲會有現時流行既浜燒仲有各式各樣新鮮即日既推介，下次可以同女友夜晚黎食過