石屋咖啡冰室

营业中

休息中

幾乎每星期日午餐都會去石屋，唔難搵位，地方寬敞，適合帶埋小朋友黎，小朋友鍾意周圍走走跳跳，平時多數坐戶外位。食物唔錯，價錢合理。附近廁所都乾淨企理，有得幫BB換片。今日陽光普照，天氣酷熱，店員主動走黎建議我地由室外搬去室內，又開後門方便BB車出入，抵讚！

偶然間，我發現了一間相當有特色的食店，假日我同老公決定去嘗試新野。這家店位於樂富與九龍城之間，對於我地黎講，交通相當方便。食店分為室內和室外區域，依家既天氣好岩坐室外丫，唔熱而且冬天又岩岩過去，坐outdoor 係非常理想！ 我們點左2個主菜2杯飲品：熱榛子朱咖啡 - 拉花拉得幾靚，味道亦係好飲。Egg Benedict - 味道非常好。牛油果合桃雞肉意粉 - 味道好而且份量十足。凍榛子朱古力 - 只有細杯及大杯可選，我要左大杯……真係好好飲丫。室外環境自己在收銀點餐比錢，之後有職員送餐吃飽後，我在室內參觀，因為樓上有一個小型展館，展出了六七十年代的家居用品，等大家見識及懷舊一下。

1. 攪笑，會送餐但又要自己去拎餐具。2. 一人食唔適合，點餐*一定要*落枱號，之後仲唔可以轉，為keep住張枱又要放低個袋，你行開行埋要去拎餐具，私人物品有損失貴客自理。3. 戶外地方，有雀有落葉，但上菜唔會有碟罩，同樣⋯行開行埋有啲咩落咗你碟⋯^_^4. 飲品（只係order熱紅茶）冇剔後上，但食物食到差唔多完要提先上到。5. 以為人手緊張所以乜服務都冇，事實係成班圍埋吹水。6. 環境原本ok, 但又係一個懶字，周圍都係落葉冇人掃，嘥哂。

室內室外都有座位 而且位置非常之寬敞 👍🏻拉住BB車 或者有小朋友要跑來跑去 都唔使怕啊～環境舒適之餘 食物嘅味道都好好 份量都好大 物有所值！最值得一提嘅係牛油果合桃雞肉意粉 🍝呢個配搭雖然好少見 但係一啲都唔伏 🥑🌰🐔Creamy牛油果 配上脆卜卜嘅合桃 加上嫩滑嘅雞肉真係令人食完之後回味無窮 🤤Egg Benedict 都非常之優秀 🍳水波蛋煮得好就基本啦～ 重點係佢三文魚嘅份量一啲都唔寒酸！令到每一啖嘅口感都非常之豐富 又非常之飽肚 🙂‍↕️飲品方便 桃茶 同埋 薄荷朱古力 都正正常常嘅 👌🏻但係真係唔係太建議大家試柚子梳打咖啡 🍹成件事根本係夾唔到 味道複雜得嚟又唔好味 👎🏻類似係有汽嘅藥水⋯⋯（？ 🤢🤮不過除咗呢杯嘢飲之外 其餘嘅嘢都真係好好嘅 💕所以大家想放鬆吓嘅話 就過嚟試吓啦❣️

All Day Breakfast色彩繽紛，碟上有兩顆煎蛋，蛋黃啱啱好還是有流心，香腸和煙肉嘅搭配最完美，可惜香腸皮嘅衣，比較難咬，完全無辦法食晒一整條。而煙肉味道唔夠香,同煎得唔夠脆邊。新鮮牛油果切片配埋煙熏三文魚清新又豐富嘅口感，新鮮生菜和小番茄不僅增添了色彩，還有清脆嘅口感，令整體味道更加均衡。最後，牛角酥食落唔夠熱唔夠層次，完全無酥脆嘅口感，依間餐廳試一次就夠，以及服務唔夠親切，第一次去店內用餐，點知先選擇餐枱，然後收銀下單付款，店員應主動協助第一次到店客人

約咗好姊妹聚會，想搵個可以坐outdoor、唔限時、有靚位影相打卡同埋有all day breakfast食嘅地方🤭 搵吓搵吓就見到呢間滿足晒我咁多要求嘅石屋 cafe😍我去嗰日係星期日下晝3點零，outdoor地方好熱鬧，有小朋友嬉戲，又有好多人都帶埋狗仔，outdoor位置大約等咗10分鐘就有位，位置背對石屋，影相可以有石屋做背景👏🏻石屋全日早餐⭐️⭐️⭐️⭐️份量好夠，價錢好合理👍🏻 如有牛油果可以俾多啲就更加好，所以我額外加多咗半個牛油果😁 炒蛋同我想像中有啲出入，我以為會係炒滑蛋，不過而家個炒蛋都唔錯～ 煙火腿三文魚班尼迪蛋 ⭐️⭐️⭐️⭐️我覺得幾好喎！老實講你唔可以同酒店嘅Benedict egg相比，但呢個價錢我覺得已經好好！簡簡單單，配埋個沙律，好滿足！蒜香菠菜蘑菇意粉 ⭐️⭐️⭐️⭐️呢個食素食之選🥦 意粉份量好大，唔係好多醬嗰啲，所以食落好健康！調味唔錯，亦有好多菠菜，下次再嚟我都會叫返碟～ 整體嚟講，石屋cafe好值我得去呀！對面就有個屋苑停車場可以停車，我去嗰日天氣好好，感覺好chill 😌

So Surprise😋😋😋最初睇OpenRice嘅相，覺得一般，點知去到勁有驚喜，叫咗個意粉又叫咗個沙律，同兩杯嘢飲。個沙律份量好多，感覺好新鮮。個意粉唔記得影相，但味道幾特別，忌廉同意粉嘅配合剛剛好，仲有啲牛油果配合，正呀。杯抹茶牛奶，好濃嘅綠茶味，拉花亦都好出色。我諗我會再幫襯多幾次，因為仲未試佢嘅hero，all day breakfast仲有佢嘅窩夫同甜品。開心😊我同朋友都覺得好滿足。

香港鮮有嘅環境優美又舒適嘅餐廳 每當進入秋冬季就會想起在這裏用餐 石屋家園是社企餐廳, 優質服務在這裏用餐感覺放鬆、舒適、溫暖 食物水準好 室內外環境各有優點 - 室內懷舊舒適, 室外空曠, 園林環境, 更有小帳篷座位提供密封私人空間

今時今日能夠喺市區中搵到一間室外cafe的確唔係一件容易嘅事，再加上石屋係三級歷史建築改建而成，既可以醫肚，又可以上下歷史課，環境超舒服，設有室內及露天雅座，亦都係pet friendly餐廳，所以決定帶埋貓主子一齊chill下放下電，菜式多元化，最後叫咗杯靚啡嘆下，咖啡唔酸非常好飲，我住喺九龍城都會多啲再嚟石屋chill下，洗滌一下心靈，充充電，絕對會介紹朋友再嚟食嘢打下卡，保證唔會失望，值得一試呀

#石屋家園 以社會企業的方式運作，當中的 #石屋咖啡冰室 ，到訪市民可安坐其間，享用本餐廳出品的濃郁咖啡及經典懷舊餐點，置身歷史場境用餐，別有風味。-🍝肉醬意粉 意粉有D乾 不是太建議去試🍹荔枝梳打 只系普普通通沒有特別-【溫馨提示】·可以穿得復古一點.餐廳5點就會last order 不要太晏去.餐廳外面慨石牆都可以影相-【前往方法】#樂富地鐵站]樂B 出口, Lok Fu Station Exit B巴士：1, 10, 11D, 11K, 75X, 7B, 85, 85A, 85B, 113,891小巴：13, 39M, 66S-【營業時間】禮拜二至日 8:00 – 18:00 (逢週一休息)-導賞團時間週二至週六 - 10:30 及 14:30周日 - 14:30費用全免, 請先預約, 每團最多25人-【Location】石屋咖啡冰室 @stonehousescafe九龍城聯合道133號石屋家園-想知更多香港影相好去處，可以追蹤我的社交媒體網站🥰-有什麼想知道可以在下面留言，我會盡力回覆你。喜歡就按個心心，不想錯過香港影相打卡好去處就關注我啦😍#香港探店

適逢國際狗狗日，拖隻狗狗去睇下文化古蹟，而且仲有美食，靚景chill一chill🐶🍳珍寶全日早餐 （$128）超豐盛既all day，有煎蛋，雞肉腸，煙肉，牛角包，煙三文魚，牛油果，焗豆，窩夫，大啡菇，沙律等等，有幾款仲要打孖黎，食完可以全日唔洗食野，岩大胃王挑戰一下。🍝辣蒜香菠菜蘑菇意粉 （$68）好惹味，賣相雖然一般，但味道超乎你想像，可以一野清碟。🦴寵物餐盒 （$40）有埋適合狗仔食既午餐，好細心既餐廳，有雞蛋同白雞胸肉，狗狗食得好開心。🥤大橙汁 （跟餐加$10）正常，酸酸甜甜，消暑。🍹凍蜜桃紅茶 （跟餐加$18）都幾重桃味，不錯。個人感覺評分：食物味道 - 食物賣相 - 餐廳環境 - 店員服務 - 性價比 - 絕對值得回頭，餐廳職員都好禮貌，全部都係愛狗之人！P.S: 埋單仲有現金卷送，可以即用黎買多杯野飲帶住走。

位於樂富，九龍城之間既石屋家園，環境寧靜清幽舒服，餐廳出面有一大片空地好多綠色植物🌱🪴😍 餐廳一半做cafe, 可以選擇室內或室外用餐，另一半做博物館，充滿歷史味道，食完野，可以睇下歷史😁餐廳食物味道比較普通，志在放空一下，chill 下！不過當日餐廳冷氣應該有問題，所以好熱🥵，建議冬天去坐室外就正啦！❇️煙火腿三文魚班尼迪蛋❇️抹茶鮮奶（拉花貓貓樣，好有心思💕）❇️蒜香菠菜磨菇意粉❇️榛子朱古力

#搞串個pantry文青cafe大家就去得多🤓，今次就去到一間位於#九龍城 嘅一間#cafe ☕️。呢間cafe未必有好靚✨嘅裝修，但佢位處嘅建築物同埋佢嘅營運都好有意義💕！！Cafe本身嘅建築物原為十九世紀末🕰️嘅何家園石屋🛖，宜家已經被列為三級歷史建築🤩！！Cafe旁邊仲有個少少嘅歷史館📚，介紹整個區域嘅發展。而呢間Cafe亦同時係一間社企，幫啲青少年👦🏻🧒🏻就業！今次我哋就嗌咗🔴煙三文魚班尼迪蛋($75)、🔵手撕豬肉漢堡配薯條($78)、🟢柚子脆脆雞($15)、🟡蘋果金寶配雪糕($52)。煙三文魚班尼迪蛋🌟🌟🌟🌟望落就無其他cafe整得咁靚咁挺身，但見到好多料，有四片煙三文魚🔥，仲有沙津🥗。一切落去，水波蛋🍳中間嘅蛋黃即刻流出嚟，非常吸引！！一啖入面，有muffin、蛋漿、煙三文魚、荷蘭醬，一次食到唔同嘅口感、味道😋。略嫌muffin太軟，同埋荷蘭醬個味道太淡。手撕豬肉漢堡配薯條🌟🌟🌟個漢堡包裡面有已經調味嘅手撕豬肉🐷，當中仲有洋蔥🧅，而包嘅兩面都「查」咗醬。一食落口，首先feel到好濃嘅孜然味🤩，之後就有少少辣🌶️嘅感覺。手撕豬肉嘅肉質偏乾，會有少少似肉鬆。另外，包算厚，但係餡就得手

石屋家園班尼迪蛋早餐，逢星期二到星期日，由餐廳開門開始至上午十一時都有供應，餐廳星期一休息。呢個餐可以配煙肉或煙三文魚及英式鬆餅，奉送標準餐茶。另外兩款招牌—石屋全日早餐同珍寶全日早餐，都好受歡迎。見嚟呢度嘅多數係三五知己或者小家庭，喺室內搜集到隔離枱討論緊最新嘅話題情報，如果坐戶外睇天氣應該幾舒服。家園位於宋王臺、樂富地鐵站中間，建於1940年代侯王廟新村，三級歷史建築「何家園」石屋，曾經係移民聚居嘅寮屋區，經過活化歷史建築計劃，改名「石屋家園」，係5棟相連的中式石屋，復修成為展覽室、導賞中心及社企方式運作嘅懷舊冰室，獅子山下精神嘅印證。石屋家園班尼迪蛋早餐配煙三文魚及英式鬆餅餐牌環境

鬧市中綠州露天和室內兼備的餐廳，以為週末會爆滿，二人都能被安排四人舒適雅座，特色懷舊建築內都坐得舒適！服務態度勝過⭐⭐⭐⭐⭐酒店。咖啡都有不同Size選擇，食物質素有水準，又從不被催促離場交枱，與其說社企的用心經營，不如感謝經營者的每一位提供一個好地，讓都市人有個十分化算的相聚好地方。