石牆道韓國餐廳

营业中

休息中

Upsell 勁趕客 明顯同快老闆娘見你唔食貴野就會差態度食到一半上單，不停吹趕的行為食物質素係好，但唔算便如果咁嘅服務態度，我唔會再光顧疫情前已經光顧，算熟客，而且都唔係叫得少。疫情前態度都好好，依家越嚟越嚴重。尖沙咀韓國餐廳，並非只有呢間。

上星期經朋友介紹有一家韓國餐廳老闆娘邀請試菜，所以我在Openrice search一下呢間餐廳，了解到歷史挺悠久，評語大多都唔錯，所以就接受了邀請地址位於尖沙咀柏麗大道旁，地舖所以相當方便，老闆娘先安排了一間包房俾我地，然後安排比較出名的菜式给我們俾俾意見醬油蟹size適中，肉多膏亦唔少，味道唔會太濃，加埋紫桑钣撈混一齊食，確實覺得味蕾好幸福梨絲拌鮮牛肉韓牛肉夠鲜，否則生食會好腥，配埋梨絲感覺特別清新，完全唔覺得係食生肉整體唔錯，算係傳統韓菜中質和量都有中上水平

一行六人去慶生，想落單禁極鐘都冇人黎招呼，起碼等左十五分鐘先有個白頭髮女士入黎，一入黎就hard sell貴既蟹油蟹同牛肉併盤。已經強調吾食都仲要問幾次。食飯途中又入黎鬧我哋下次咁少人吾可以坐房，但座位係佢哋安排，從來冇要求過坐房，仲要間房吾係咩卡位，只係普通木枱木凳。食到九點幾個白髮女士又入黎催叫我哋食快少少，吾好阻住收工，但嗰陣時已食曬啲野等緊人汁枱上生日蛋糕，最後問汁枱既職員先知道白髮女士就係老闆娘。成餐飯食到成肚氣，連蛋糕都拎走埋，廢事阻住佢收工，野食質素好普通，特別係泡菜餅，又咸又硬，埋單二千幾蚊，完全吾值得去食。老闆娘好自為之，你咁對客人仲會有下次咩？

三個人嚟食晚飯，本身要叫個二人餐再單點醬油蟹，鰻魚同埋牛肉，點知老闆娘話咁樣嗌會比較貴，提議轉一個四人餐再另加將油蟹。個結果就係三千幾食淨咗半台餸，好多肉要打包，否則非常浪費食物。而本來應該係$2000左右埋單就岩岩好份量俾三個人。然後個套餐裏面的五花腩唔知點解被upgrade咗，又加左$240。雖然老闆娘非常識得做生意，但係咁Aggressive嘅upsell會令人下次唔太想再嚟。老老實實味道一般而整體感官有少少負面。

今日諗住happy Friday, 難得幾位好朋友可以相聚，諗住搵一間可以慢慢食同開心傾計，我哋18:40入座，好快叫咗食物，極速上菜，侍應不停代燒，係食唔切，結果我哋叫佢唔好咁急，停咗唔夠5分鐘，老闆親自過嚟，又燒，仲格硬將燒好嘅食物放落我哋嘅碟，結果1小時全部食晒，仲催我哋埋單，如果我訂枱時，你有說明2小時內交枱，我無咁嬲，現在1小時清晒咁多食物，咁我使嘜嚟呢度，我不如去食2小時放題啦，真係極度不知所謂，食物再好，係要享受食物，唔係被迫倒落去，仲衰過食快餐，以後都唔會再去😡😡😡😡😡😡😡😡😡😡😡😡😡😡😡😡😡😡😡😡😡😡😡

第一次試過個醬油蟹 覺得幾好食 但當日店員安排好座位 因為其他客人既要求而要求我同朋友調位到燒肉區 有點令人費解不過我地都乖乖調位🤣第2次到訪 都係想食醬油蟹 今次出現同樣問題 坐定了在燒肉區 店員再次提出我地唔燒肉而需要調去另一邊再次令我費解 當我地乖乖配合既時候 個一邊原來無位 而又搬回原定位置 ⋯ ⋯ ⋯ ⋯ ⋯ 無語😓希望餐廳可以 諗定先安排座位俾客人第二次發生 相信都唔係巧合 🤣不過係香港食左咁多間醬蟹呢間的確係好食蟹膏係好橙望落好吸引而食落係鮮味不死鹹店員會幫手撈飯 擺落蟹蓋度好好食 都會再食既

朋友請我黎香港試菜食飯,帶路先知有呢間野好少行到美麗華再繼續行，原來就喺隔離餐廳，有兩層又有室內外裝修好傳統韓屋feel菜式都係傳統路線 店員都係韓國人,感覺好有風味醬油蟹($520/2) | Rating:7/10網上都好多係話佢嘅醬油蟹好食,今次親身黎試下,味道唔錯,幾鮮甜,唔會太鹹,膏仲好多南瓜炆牛肋骨($350)!Rating:8/10份量好多,南瓜火喉啱啱好,牛肋骨唔會韌,非常入味,值得介紹下,不過價錢略高少少,但都算物有所值

星期日有個試菜聚會，今次係試韓國菜，頭輪前菜十幾碟，有芽菜，泡菜，菠菜，薯仔，真係乜都有，味道唔錯燒肉有牛肋骨，好大一塊，佢地抽風系統唔錯，唔會食到一頭煙，另外，牛肋骨唔會有雪味，燒上黎好有牛味醬油蟹都好入味，膏多韓燒呢個豬皮必叫，好爽口，好有口感試菜感覺幾好，下次我自己都會再黎

淨係前菜已經好食到想refill refill refill 食到飽飽🤭酸酸辣辣真的很開胃🤤老闆娘陳太一開始已經幫我地準備好好多特色餐，我地嚟到再問我地有咩特別想食，想飲咩，真露啤酒米酒梅子茶隨便叫😚米酒好好飲啊😚諗住試少少，點知飲咗兩三個碗仔🫢我叫咗鰻魚！成條鰻魚新鮮上！老闆娘親自烤的鰻魚簡直是絕啦🤤鰻魚皮烤得焦脆金黃，陳太教我地用紫蘇包著鰻魚，配上特質醬汁，肉質鮮甜，好味到不得了啊啊啊！！！再嚟一口生菜包牛肉洋蔥、滿滿一大口塞進嘴巴、超級滿足啊啊啊🤤最得意係牛肉湯裡面原來加咗八爪魚🐙老闆娘剪開俾我地，又教我地要蘸一下wasabi豉油，味道簡直絕了😋連湯都好飲到大家搶住飲！食咗牛扒、豬扒、雞蛋羹、烤魷魚、蛋餅…老闆娘最後再整大大碟豬手俾我地，完全食唔落要打包拎走😆食完哩餐飽到三日都唔洗食飯啦🤭📍石牆道韓國餐廳尖沙咀金巴利道石牆道韓國餐廳

兩年前幫襯過印象難忘，上星期收到老闆邀請來试菜，试菜菜式有：天婦羅鲜人参/人參雞湯/醬油蟹/海鲜葱餅最有印象係天婦羅鲜人參，好脆但食落甘甘地，加少少蜜糖食，成件事非常融合.

最近工作比較忙， lunch都想食好少少啦，咁啱見到有人推介呢間韓國餐廳，所以就嚟食心心念念嘅醬油蟹啦～餐廳有午市套餐，百幾蚊左右午餐來講都算合理，前菜有成十款，都幾吸引。因為我同另一個朋友想食醬油蟹，無套餐，$520/兩隻就比較貴，性價比一般，蟹唔算好大隻，同埋只跟咗一碗紫菜飯感覺就比較小氣。職員會過嚟幫手伴醬油蟹飯，但係就用咗其中三件身去拌一碗飯，感覺分贓唔勻😅😅😅味道唔錯，唔會過鹹，但偏辣，同朋友食完後，同樣表示感覺個肚都仲有啲空虛🥺…食完飯之後會送一小杯甜米水，不過真係比較甜，我地都係飲左一啖。環境就係比較舊韓式嘅裝修，空間算幾大，有兩層，午市集中喺二樓。服務就一般般啦，店內人手足夠，但店員話幫會我地拌飯之後，唔知點解去咗做啲其他嘢？（執檯之類），我地就係度請其他店員幫忙？前後都呆等咗成十分鐘…其實俾客人自己拌都可以既，已經等到好肚餓🥲總括黎講，性價比一般，未必會再幫襯～🏠店名：石牆道韓國餐廳🚘地址：尖沙咀金巴利道27-33號永利大廈地下20及22號舖

應朋友邀约去試酱油蟹，我之前未食過所以十分期待呢間係一間韓國餐廳，古色古香，醬油蟹色彩好鮮艷，D膏橙红色確實好引人，食落好有質感，啖啖鲜甜味，原來生醃咁鮮甜，吸引

我一向好少去試食，因為怕忠言逆耳，今次是因為朋友嘅多番邀請，所以才應约今次試尖沙咀一間韓菜，装修古色古香，我地呢次試左佢地嘅醬油蟹同韓燒醬油蟹size夠大隻，用母蟹，去腥技巧唔錯，令每一隻都好鮮甜，無腥味燒肉份量都足，尤其係牛肋骨夠入味，牛味濃，醃得夠味，幾香口整體唔錯，分數有4星

本人同家人一齊食生日飯！但係這間店嘅白髪服務人員（係韓國人，似老闆）非常之趕客！一來我人數好多！唔比個大少少桌比我哋12人迫咗係個八人買桌！之後吹你點菜！食物唔見得好食！服務態度非常之惡劣！白髪人員一路吹你點咩菜！12人到咗一半都冇！叫你要點好菜，等下都唔得！擾人到死！又要自己燒！無服務！重要我哋本身單菜係落四隻醬油蟹！麻煩可以分開二次上菜，因為人未到齊！佢話可以！點知到埋單！分開收費！收貴左我哋！但是事前無講清楚！到最後理倫時佢先話你分開上要分開收費！感覺極之差！真係要分享比人知唔好去食！千萬唔好中蕉

我工作係專業試菜，不徧不倚，给餐廳提供中肯意見，提升餐廳嘅食品質素，今次到訪嘅係：石牆道韓國餐廳今次试左4道菜：韓式天婦羅鲜人参>好脆，甘甘地好有鲜人參味道，加埋蜜糖食可中和番，唔錯，但要趁熱食。燒五花腩＞好香，油脂分佈30／70，啱啱好蛋包蝦>蛋酱略嫌多，但蝦唔霉都ok抽風系統不俗，唔會食到成身煙味