石磨坊 (已結業)

話說石磨坊基本上係我來旺角必吃的店, 今次亦不例外, 不過癟冇點我平時食開的糊類...點左個奶皇燉奶唔...燉奶基本上係ok, 但唔燧好夠熱..."pat"奶皇勁難食....唔係奶皇味, 又唔知係咩味.....成舊冇食到!食左朋友的芝麻湯丸...我估係交貨來的...唔好食...唉...點解大部分甜品鋪的湯丸都係交貨架, 有冇人可以話我知邊度仲有自家制湯丸食?

3人10點幾來這裡宵夜ORDER了4樣東東:1. 紅豆泥刨冰- 成日覺得d冰好污糟...2. 西瓜西米露- 別人說ok3. 雜果涼粉冰- 好大份4. 雪白xx筒- 幾得意冬天冷氣都勁凍擺明趕人走咁既價錢食d完全唔值錢既野唔抵

喺旺角食完飯就去左黑布街石磨坊食甜品,香芒糯米芝麻卷,一咬落去有一種完全意想不到嘅感覺,因為竟然係熱嘅,不過都幾好味架!好滑嘅外皮,裡面仲有d鮮芒果同黑糯米,不過建議之前果餐唔好食咁飽!

上個月11月我入去食過一次點解.....好簡單!!那日我人去食芒果刨冰由於佢係加椰汁但我又唔食椰汁,咁所以我問佢跟花奶上得唔得當時佢話ok..點解比我食的時候佢比勁小花奶我,小到都成個果刨都完全1D水份都冇好似石頭咁....跟住我好有禮貌咁問佢比D花奶我點知佢話,小姐啊!如果你再要花奶你就要加錢了老實講刨冰真係一D汁都沒有嗎??我都食過幾多甜品啊,好似佢咁賣刨冰真係第一次見好唔好食都唔講啦!要花奶要比錢老實講真係唔得!

上星期和他來了這兒吃糖水，雪梨唔知乜...還好吧..普通

石磨坊係我同朋友的最愛，甜品是不錯的，而且服務也可以，是難得在旺角坐坐的地方。與朋友再去，想order一些未試過的，但沒有，因為石磨坊真係好耐冇出新甜品了，招牌款式已試勻了，來來去去都係那些，牆上的雜誌訪問都已經係幾年前了，而且佢真係冇松記咁多款，而且比松記貴。平日甚少出街食野，難得出來真係好想試新野~看過他們弄了一些甜品卡通公仔，碟上也印了公仔，係幾可愛，不過這些類似的公仔成街都係，對於食客的我來說都係想食新野多些，如果再係而家咁，下次找另一間試新野好了。

我是去元朗的新舖，　在千色廣場後面，星期日的下午都好多人，可能是新開啦．叫了芝麻杏仁糊＄１４，仍然好香好滑，同旺角店的水準差不多，不過女侍應就不夠熟手，要重覆講幾次才落到單，後面的那位亦一樣，所以真係要train下啦．

試過朱古力燉鮮奶~似Milo味道！普通咗！D朱古力好cheap!又試過芒果黑糯米芝麻卷，但係芒果太酸，用熱芒果D酸味配黑糯米芝麻卷的道唔夾！

小肥大師v.s. Bon Bon （即是一對白痴戀人）奶黃蛋白燉鮮奶－即是燉奶燉奶上面有少少奶皇，Bon Bon 不停說甜不停咁食，小肥大師與奶皇有緣無份，但燉奶夠熱夠奶，簡簡單單已經是幸福的味道～雪白甜如筒－即是椰味麵粉包紅豆容鎮店之寶弟弟，Good ！　原本以為會很甜，可能外層麵粉無拖拍沒有甜味，加起內層紅豆容剛剛好，紅豆有紅豆味，亦有少少椰香！p.s. 因為鎮店大家姐「芒果黑糯米芝麻卷」次次都不夠凍，落單前要問清楚老闆娘它坐夠冷板未。石磨坊（總店比較乾淨）

次次黎旺角食飯之後都一定會黎石磨坊, 因為呢度有我最鐘意的杏仁糊, 而且比其他地方好食食杏仁糊之餘都有食栗子糊同腰果糊, 栗子糊好淡口, 我覺得麻麻地, 反而腰果糊真係好香!朋友食芝麻糊, 我覺得ok啦...唔食糊的朋友點了一個燉雪梨, 佢話好好食喎總之, 一定會再黎啦

飯後甜品,又來到這裡.不想食糊,點了芒果黑糯米芝麻卷.大大的三條,相當抵食,黑糯米又飽肚,要朋友幫忙消化一條.芝麻卷淋了一點不夠煙韌,而芒果味道又淡如水,不過整體還可以接受,芒果,黑糯米和芝麻卷的口感和味道相當匹配

二人行order左:椰香芋泥刨冰食唔出要芋頭既味道而且無椰香, 只有少少甜味黑燸米芒果芝麻卷唔建議試芒果酸. 無芝麻味皮一吉散晒只係d紫米有少少甜味恕我真係唔識欣賞食左兩口刨冰..好淡見隔離台要花奶咁我地當然都要啦嗯花奶加分大致上就變左係花奶刨冰之後隔離台姐姐問我地個刨冰好唔好食我: 食唔出係芋頭姐姐: 我E個有少少紅豆味, 但口感好怪 我黎其實都係為左個朱古力燉奶下次真係試下D糊

同男朋友行完旺角食埋飯之後行左陣,打算食甜品..見到石磨坊甘多人排又走去排下..服務還可以(得3個樓面)..我地一人叫左1個刨冰類食,食到低先見到有涼粉..啞左!!點解會有架..落單個個姐姐又唔講既?我系唔喜歡食涼粉的人..搞到食左一伴我就無食..唉。同埋D糖水又太甜..大致都OK既。^^

很久沒來此吃甜品,甫進即點了芒果黑糯米卷、桂花糕等,這些都是以前吃過,覺得好吃的甜品,但味道淡了很多。應該不是我的味覺失誤,因為腸胃不好,我已有年幾吃著清淡的食物,但也覺得甜品很淡,芒果肉好酸。

原來有咁多分店, 我都唔知自己去左邊間.我嗌左碗鮮百合栗子糊, 貪佢唔係到到有得食, 朋友先試我一啖, 佢話好似溶左的栗子蛋糕.真係好香栗子味, 只不過同平時食的栗子口感唔同, 百合就食唔出喇, 甜度ok. 16蚊一碗都合理另外叫了一碟黑燸米芒果芝麻卷, 甜得滯, 而且黑燸米偏熱, 搞到d芒果怪左, 同埋芒果太少喇. 芝麻卷亦都唔香芝麻味, 淨係好甜, 依個麻麻地.笑臉for栗子糊only成間鋪得兩個樓面, 好忙. 因為久唔久就有一大堆人響門口叫外賣, 又要寫單送糖水埋單, 做唔切