石磨坊 (已結業)

芋泥刨冰- not my favourite, maybe it is too icy la..haha..but the portion is really big, sure goodenough for two girls!! 芋泥is very soft and sweet is just right, if you like 芋泥, then it maybe a good choice.also tried black sesame sweetsoup. i think 北角旺記is even better in terms of the smell and taste---more sesame!! the smile face is for other 糊la.

紅豆泥/ 苧泥反而比生果的更好味...刨冰份量足夠2個人...忘記了24還是26蚊價錢...價錢中上....但刨冷甜品現在很難找全部分店都係面積細細食完逼你走....(見你食完立即收拾~怎可以坐久一點='=).....店裡又沒太多人....

好耐好耐都冇去過了~~今次幫襯完~~以後都不用再去~~撇開東溝西溝變化多多的款式,要見真章,其實是最原始最簡單最基本的糖水.叫了淨杏仁糊.夠熱,但太稠,像漿糊.入口,味道太淡,幾乎想開聲請侍應給我一些沙糖...吃了幾口,忽然...一條黑漆漆的粗長頭髮在碗內自底浮起...!!救命~~~我望著那女侍應,她亦呆了一呆,替我換了另一碗.還敢吃?雖然眼不見為乾淨,但見到了啊.....

佢間舖收2點am我一早知，我同我女朋友1:30am去到，一入去個waitress 就話收2點，我地話ok就坐低啦，坐低之後又再講！！可惡！！我地話"知架喇！" 之後就order芋泥刨冰，佢話無刨冰，但係我地一入間舖頭既時候就見到出食物既位置有個芒果刨冰！！佢擺明係唔想我地食刨冰！！因為食一個刨冰會食好耐。所以迫於無奈要叫第2D，order左個"甜甜倆心姿"，d西米好淋到唔知食緊乜(成Pat野，難溶溶)！仲有舊唔知係龍眼定荔枝既者喱。超難食！就咁買包椰果食仲好食過佢！不知所謂！盛惠28大元！

事緣我同朋友慶祝生日，正當間間cafe都要收切餅費的時候，石磨坊不但只唔收，仲提供碟+刀+食具+紙巾俾我地，一d都唔覺我地煩(其實我地只係但求有地方食餅+唔收費，也不敢奢望會提供食具)。d店員好nice,即使我地坐好耐都唔會黑面。最後即使我地個個都好飽，還是不好意思白坐，每人order了一客甜品。除左d人服務好，d甜品仲好特別。值得一試！！！好祈望佢地會有新甜品上市呀~你有好的服務態度，人地一定鍾意幫襯的！！！

好耐之前食過佢\d野都幾好架!!!個人同豬小姐*行完街就外賣左熱既芝麻糊番去食!!見佢\咁\"傑\" 都以為佢\好食啦!!!!點知食落5夠濃又5夠甜disappointed 哂!!!!

終於食到喇, 朝早去估唔到未開門..激死.>.<夜晚唔奮氣再去過, 終於比我試到腰果糊同杏仁糊..waitress都好細心話比我知係熱既, 雖然尋日真係好熱, 但我真係好想試, 所以咩熱咩流汗都拋諸腦後啦...個糊好傑,傑到你食食下, 個面係好似有層"衣"咁好犀利..不過兩溝好就好在一次過食到兩樣野,但係就分薄哂囉, 食到少少腰味,杏仁又唔突出,我諗下次都係分開食會原汁原味d...都係唔可以咁貪心...但係整體都係一碗正糊...不過正舖都幾難搵, 附近好多整車行,真係估佢唔到...

腰果糊真正好正... 一定要食但香芒黑糯米芝麻卷好唔好味

跟太太食完飯，口淡淡又想食甜嘢。响旺角，好食嘅choices已經好有限。諗來諗去都係得呢度...久未幫襯。一坐低就只淨係識叫奶黄蛋白燉鮮奶...哈哈，點知俾太座截咗糊添轉而叫腰果糊la..好杰、好香、好重"nut"味，好"糊"...甜度又剛好...燉鮮奶水準依舊，奶味夠、滑，加埋一小嚿奶黄，相得益彰...only choice，冇得傾...

這家是原店，所以，要試的，就走遠一點來這家吧。ｍｅｉ～＊也是寧可多走點路，經過一家分店，也不願進去。如果你沒有先做資料調查，不知這裡的招牌菜，也不要緊，因為在門口、牆上貼滿了報章雜誌的報導。看看就清楚自己要點甚麼了~~~==========================================>> ｐｉｃ<<(後)椰香芋泥撈$24 - 天呀! 從沒吃過這樣的芋泥! 一放進口會黏著口腔，而非帶點芋頭粉粉的感覺! 真的黏得誇張。口感好玩，但芋香缺奉。還是臺灣的芋泥好吃。除了刨冰、果汁、新鮮水果、花奶和椰汁，往底下看看，竟還有涼粉~!建議: 因為芋泥實在太黏口，建議先把冰銼碎成小塊，再跟芋泥一起放進口吃，平衡一下，不然很快會「滯」。(前)椰香西瓜撈$20 - 清涼的甜品~兩樣都好大碗!! 網上說現在的縮小了，我以前沒吃過，所以給不了意見，但份量算是令人驚喜和滿足! 根本吃不完呀，還要這麼多幹嘛呢？這樣就已很好了~==========================================香芒黑糯米芝麻卷$20 - 千萬別以為這是冷的甜品，它

見仲未補習, 又係旺角行到興興地, 就黎到旺角出名既"石磨坊". 石磨坊係旺角一共有三間分店, 去左最多好評既黑布街石磨坊.叫左個"椰汁芋泥刨冰"(7) 座冰山有成4寸高. 份量充足, 我估計如果要不停咁食哂成碗刨冰, 都須要20-25分鐘. 更何況要"不停咁食"係好高難度的. 所以奉勸各位要兩個人食最好, 如果唔係都幾濟下. 芋泥都幾好味, 不過刨冰就ok硬.總結, 如果可以將刨冰劃分為大細份量會好好多. 希望貴公司可以考慮一下.

呢間係第一間店，食咗都有幾年。當年佢未有分店嗰陣，真係週時夜晚擺枱擺到週圍都係，仲要幾十人等位等外賣，情況同松記差唔多。樓上啲人一路都有投訴，我仲見過貼大字報出嚟話再嘈親就掟嘢落嚟。後來後舖開多個位，有啲詭異咁。再過咗一排就先後開多兩間，而家都好少再幫襯呢間。嚟呢度食，當然係食個刨冰。咁多隻味都食過晒，都係雜果或芒果最好食，栗子略嫌「漏」咗少少。不過佢哋入啲生果唔算靚，導致食物質素唔穩定。啲糊唔算特別好食，同大良八記差唔多。不過講真我又覺得好難會有特別好食嘅糊，特別難食嘅我就食過好多…仲有自己都幾鍾意食個奶皇蛋白燉奶。前排行過見少咗好多爛仔。以前好多賣老翻嘅細路走鬼嗰陣避入嚟，唔叫嘢食剩係食煙講嘢大大聲好多懶音，而家都冇晒咯。下次再行過入去食返個冰for old time's sake先。

見門口貼滿雜誌採訪便跟友人入內環境唔算好乾淨而且黑沉沉唔太吸引叫左一個奶皇燉奶同芒果撈奶皇燉奶幾可愛味道唔錯芒果撈睇落好似好吸引但食落就知咩事冷氣開到鬼死咁大吹到人頭都痛個冰食到一半就食唔落"orz所以唔係熱到三十幾度大家都唔好去挑戰芒果撈

週三旺角之夜，還是以甜品作結。　是晚蠻想吃糊的，石磨坊是不二之選，而今次光顧的是黑布街總店，因為偏才第二次來。　眾多糊中，我最後選中粟子糊($15)，龍則一眼看中奶皇燉奶($15)。我打算加$5要湯丸，貪心龍又想要，索性俾多$12，要多一碗薑汁芝麻湯丸。　粟子糊很快的上。我都是第一次食，第一口感覺有點怪，因吃不慣當中微微的酸味；不過再吃多兩啖，酸味化成甘香，龍都讚不錯。而且石磨坊的糊煲得太細太滑了，以往食豉油街分店已覺得妙不可言，總店水準更加令人讚嘆!如此水準，真不明白為什麼會有那麼多人彈?　龍的奶皇燉奶也很好吃。上檯飽飽滿滿的樣子已惹人好感，吃下去更是滑不溜口!燉奶上加上奶皇，要說奶皇在細滑的燉奶襯托之下顯得鞋，不過它令整份甜品增加了甜度及特色，都不錯。　最後到薑汁芝麻湯丸時已經很飽，不過仍吃得出湯丸有韌性，不是煲定軟稔稔的貨色，收貨!　總覺得，新式甜品層出不窮，真正見證水準的往往是這些普通糖水。而石磨坊的出品，是無可置疑的有水準!是晚三款甜品埋單才$42，比前一晚發記的$72只有更好味、更滿足。一定繼續支持!

其實一直都試下呢間...同呀媽出旺角買鞋,順便黎試試...睇睇價錢,雖冇發記咁貴,但都係唔平...猶疑之下,呀媽叫紅豆沙,自己見到牆上雜誌介紹的香芒黑糯米芝麻卷賣相幾靚,就叫左個試試...香芒黑糯米芝麻卷係熱食的,自己開頭以為係凍食的...芝麻卷灑上芝麻,食落卻一點芝麻香也沒有,而且有過甜跡象...黑糯米多過芒果,黑糯米同樣過甜,缺乏黑糯米的香味,而芒果卻係酸的...整體上嚴重過甜,甜到溜,甜過食麥芽糖...淨係得個甜字,食左一件已經好辛苦,因為唔想浪費,唯有死頂食埋第二件...至於紅豆沙,呀媽話只係一般貨色,同酒樓果d差唔多...可能自己叫錯野,搞到今次要開齋嚴重劣評其食味,異口同聲話好難食...冇下次了...以後寧願比多d錢去發記食好過...