石籬粉仔

营业中

休息中

~~18座狗仔粉…18座哦~~因為歌詞去食狗仔粉，但就冇去到18座，而去了石籬粉仔。冇失望。石蘺4座比傳說中的18座出色。點了個招牌，因唔太食辣，辣菜浦只食了一羹，原味就添了五六羹。#南洋派對 #NYPD

不能說是難吃，但是真的不值得爬一條斜路或者山長水遠專門來吃，粉仔，銀針粉，和老鼠粉，其實根本就是同一種東西，獵奇愛好者如我，總是喜歡把它們都試個遍，結果總是希望越大，失望越大，一碗so called粉仔，細分才能分的出他和米粉的texture有什麼不同，和老鼠粉則更是像照鏡子一樣那麼眼熟，上面兩片豬油渣，一些比較濃稠的湯汁，that's it！實在沒什麼特別p.s.分大小碗是值得欣賞的，小碗22，大碗36（唔sure），一試無妨，無腦吹則大可不必。

讚1.粉仔滑身，木耳爽口，湯底相當足料，而且味精感無乜，椰汁都足料2.以賣小食既環境黎講，算好企理下彈1.粉仔唔知點解。個溫度係溫溫吞吞果籬，呢個就唔太喜歡；而且咁既地點同份量，呢碗嘢都幾貴

今日lunch 同同事試下公司附近Lee 間石蘺粉仔店.唸到粉仔即係刻唸起中學個陣食蛋旦腸粉碗仔翅嘅回憶。入到去店仔细細都幾乾淨舒服Lee到就顧名思意係食粉仔餐牌得二頁圖片又清淅可以好快就揀到食咩La.我叫左碗仔翅Ok的.正常味道.豆漿都ok .冇渣腸粉賣相一流醬料好夠但係唔夠滑魚旦有D魚腥味.但可以接受炸燒賣有D驚喜再黎個煎釀三寶我覺得炸豆腐最好食太多小食.三個人忍唔住叫到成枱野.Lunch咁樣食法都幾開心ar.真係好有回到中學嘅感覺食物質素尚算ok ar.環境又坐得舒服.簡單咁食過lunch都係唔錯嘅選擇.

🐟魚肉翅(細 $22)因為唔係粉仔愛好者，食過一次之後都係鍾意食魚肉翅多啲。枱面有菜脯可以任加，有辣有唔辣，佢嘅辣菜脯係非常之出色，辣度比一般嘅辣少少，如果鍾意亦都可以成樽買返去。🌶燒賣($12/8粒）可以揀蒸或者炸，佢嘅秘製辣油係靈魂所在，好香唔係一味死辣。🍆🫑煎釀三寶($12/5件)尖椒好食，但成日都好快賣晒，其他嘢正正常常冇乜特別。茄子好油，咬落去成pat油流出嚟。🥥鮮榨椰汁($12)好飲，有椰香又唔會太甜，但有時飲到底可能唔係隔得好乾淨會有啲渣。

石籬粉仔😋而家真係愈黎愈少地方有得食粉仔粉仔主要係用粘米粉整成湯底會加入了冬菇蝦米黎浸煮仲有最邪惡既豬油渣同惹味既辣菜脯🤤辣菜脯夠爽口 唔會得死辣食到菜脯既味道 辣辣地配落粉仔度食成件事真係昇華左 另外陳皮魚蛋都好好味 好香陳皮味而且食落夠彈牙!重點係香港愈黎愈少地方有狗仔粉食呢間大家真係值得支持下！環境雖然唔係好大 但坐得舒服 環境都乾淨雖然唔係住附近 但呢間小店值得特登搭車去試下價錢合理 食物質素又ok見到仲有魚肉翅同鮮榨椰汁下次都想再試下

石蘺粉仔唔係住附近 返工返學經過 都未必會好似我咁黎到試到佢地既粉仔呢間石蘺粉仔係唔多近車站 又起上左斜既位置 我就係起下面行上黎食 真係唔簡單有同學仔住附近 話食過呢度既粉仔好正 亦睇過有報導介紹過呢度係日日新鮮製造 仲係用日本麵粉人手做 所以我就黎試試佢望落粉仔係扁長方形 一條條 咬落去質感就似厚身啲上海麵 但非常之滑 而且好吸湯汁 粉上面見到其他材料好似冬菇同蝦米咁 同粉仔好配合 曬上蔥花 雖然只係幾十蚊既小吃 但好味 食得開心魚蛋係陳皮魚蛋 佢既咖喱汁係用小辣椒自家製 辣係香辣個種 口感唔錯另外店員推薦佢地既鮮榨椰汁 我放棄左平時鐘意係咁叫既豆漿 試下呢杯椰汁 飲落幾特別 有椰子香味之餘出奇地滑 原來係加左花奶 所以有咁既效果 好飲 又可以解返佢頭先秘製魚蛋既辣 唔錯

來到哩頭...見到此舖外觀吸引了我...睇下係食咩...粉仔？無食過狗仔粉無得比較...但此店粉仔好特別...好似分左段既烏冬😂😂粉仔淋身...個人好鍾意哩個口感..湯唔係一般味精湯...食到係用心制作..有蝦米冬菇...其他食評話菜圃係靈魂..我試左落辣同唔辣菜圃....但個人覺得唔使落菜圃個湯已經好夠味...唔落係最好食...由於鍾意食魚肉...所以便叫了魚肉粉仔...可惜魚肉唔好食...所以下次都係食淨粉仔....唔知係咪今日第一個客人...姐姐們都覺得我平日差不多中午十二點到好似好早咁......當送上我碗魚肉粉仔上枱後...姐姐們都好似開餐一樣...一人一碗淨粉仔😂😂

石籬粉仔呢個名已經傳入我耳仔好耐，但因為平日返工多數帶飯少出街食既，所以拖到今時今日先黎試佢。位於石籬第二商場斜對面，位置唔算難搵。格離都有間係食粉仔既，但係想試左石籬粉仔先。大碗係湯碗，小碗係飯碗，但基於陣間想飲珍奶，所以我叫左小碗既招牌粉仔，同事話呢度既豬油喳好出色，佢直頭另外畀錢買左包黎食呢度有辣菜甫同埋原味菜甫，我兩樣都加左 d 黎食，辣味食到我好 high 好爽脆呀粉仔口感軟熟好易咬，但係我個人偏愛煙韌度高少少既，初初我以為口感係類似牛肉麵既口感，粉仔就無乜趙頭的，因為我第一次食粉仔，所以唔知淋淋地係咪正宗既口感不過感覺都唔差，味道都 okay 的，而且價錢又唔貴。碗仔翅味道都唔錯，腸粉都好滑好好食。下次有機會再黎食！

以前從來唔會買粉仔，皆因食過一次，雖然味道還可以，但粉仔好「霉」，口感極差，冇下次。直到石籬粉仔開張，身邊好多朋友食完都讚口不絕，趁墟試過一次之後，就成為我經常食嘅宵夜😛外賣袋設計感幾強，好有自家特色👍🏻招牌粉仔29蚊，外賣加一蚊，附送兩包特制菜脯，一包辣一包唔辣，另外有罐裝菜脯賣，三十蚊一罐。其實落一包就好夠味，我每次都只落辣嗰包，所以雪櫃堆積咗幾包原味菜脯，留返撈飯都唔錯😉到底係啲咩令我對粉仔改觀呢？首先佢嘅湯底好有誠意，加入冬茹片、蝦米仔同極邪惡嘅豬油渣，令到湯底又鮮又香，湯底有少少稠度，能夠均勻咁樣掛喺粉仔上面👍🏻最最最重要係佢嘅粉仔腍軟入味得嚟又唔會煮到發哂或者溶哂，同其他地方食嘅真係差好遠♥️

星期六下晝就去試下好出名既石籬粉仔，黎到梗係要叫最出名既食物，2個人Order左2碗大既粉仔、2碟腸粉及2杯椰汁。狗仔粉配上既冬菇蝦米蔥花同最正既豬油渣，簡直係絕配!! 豬油渣好香口，湯身好重蝦米味。老公仲落左好多辣菜脯，仲話食狗仔粉唔落辣菜脯係唔得，哈哈! 至於腸粉好香豬油味，口感好滑! 加埋杯自家製既椰汁，呢個下午茶真係好正!

粉仔，就咁聽以為係米粉薯粉個d但原來係另一回事食落好特別，都唔係好識形容佢比米線粗，有d煙靭，有少少似湯圓皮個種質感，又有少少似刀削麵，真係第一次食，形容唔到🙈只可以講，係粗條既粉團😂不過，特別得黎係好食既個湯好黏稠，似碗仔翅咁所以每條粉仔都掛到好多汁個湯有明顯既用左冬菇🍄，蝦米🦐，葱粒，同其他其他味道好豐富多層次，係濃郁既味叫左一碗細，份量都唔少加多個小食就岩岩好我就揀左腸粉，腸粉唔係太夠熱暖暖地，夏天食就都ok既，不過熱d感覺應該再好味d腸粉配混醬，正😋

🤫地區平價地道小食系列🍽🤤▫️餐廳：石籬粉仔▫️地點：葵涌大隴街129-151號葵都大廈（石籬商場行3分鐘）▫️營業時間⏰：Mon-Sun 11:00 am - 00:00 (星期二休息）▫️價錢：～$20+—美味：🍲🍲🍲🍲環境：🍲🍲🍲🍲價錢：💰💰（好平，平日持學生證每款食物平$2）—鐘意食粉仔同地區小食既你要去試吓🤭先講價錢，大小招牌粉仔都係$20幾蚊💕有學生證仲平$2🤤其他小食（好似燒賣、魚蛋、煎釀三寶、炸雞🍗）都係平均$10幾蚊🤤佢地既粉仔真係好地道，唔太咸，仲有配粉仔一流既豬油渣同菜脯🤭🤤佢地既碗仔翅同生菜魚肉湯都好出名🥰再講個椰汁🥥，真係好新鮮，有椰肉同椰粒，跟餐都只係$4🤤$30幾蚊食到飽仲有小食同飲品，真係值得食🤤最後，講吓個環境，佢哋既設計係幾復古，而且環境乾淨舒服，係老街坊回味既地方—

今次想不到食什麼晚餐的時候，就想到打開OpenRice app看看附近有沒有好餐廳好介紹，就尋找到呢間食粉仔既餐廳。而我未聽過和咪食過粉仔，見幾得意就去試試看⋯味道不錯。冬菇加腐皮香味幾好口感不錯！再加上辣菜圃味道令人胃口大開；還有腸粉都不過不失，口感幾順滑！而環境都帶點懷舊風情，氣氛很好！價錢經濟，適合附近學生/附近屋邨朋友/公公婆婆去試一試。估不到屋邨附近都有這些平民美食！值得介紹朋友去試試看～

之前有叫外賣食過呢間小店，一直好想帶男朋友去實店食，因為有佢係到可以試多d野。難得佢唔使ot就帶佢黎食好西唔辣、辣既菜埔粒粉仔翅，碗野既湯底味道好濃厚上湯味，唔會係味精水咁。有好多雞絲、粉絲、花菇、蝦仁等等既料係入面，個湯底係靈魂。粉仔好諗身，索到個湯汁會飽滿咁，如果鍾情於有咬口既粉仔呢間可能未必岩。煎釀五寶(茄子、紅腸、甜椒、2件豆腐)豆腐依舊外脆內軟，紅腸正常味，甜椒魚漿部分少，茄子炸得唔夠諗身。其實唔係好想叫，但男友堅持想試就捨命陪佢食...炸燒賣，呢個幾特別出面炸得偏乾身，內面會硬身唔夠軟，過過口癮試下就好腸粉:粉仔之外最出色既估唔到係呢到既腸粉，應該係荃灣最好食既腸粉，個腸粉層皮拉得有彈性又薄，唔會糊口，食落卷既質感會係到，係新鮮先做到咁既效果。上面淋上重手既麻醬，個麻醬芝麻味好香濃，同甜醬一齊將腸粉帶到最高層次。下次黎會再叫。腸粉同粉仔值得再encore,下次想試埋個魚蛋。另外值得一讚店員好有禮貌。