研香

营业中

休息中

好耐都冇試過食完飯搵糖水食,今日去左厚福街宜間,本身入到黎我個目標係榴槤冰同開心果豆腐花，但sorry開心果豆腐花售罄，咁我地唯有叫其他囉.....榴槤冰 $58一入門口已經俾佢陣榴槤味吸引左，入到黎點有可能唔叫佢，佢有勁多果肉，唔怪得meun上面寫佢有4分1個榴槤啦芒果冰 $42相比下芒果冰比較遜色，佢陣芒果味有少少過甜，懷疑溝左糖水腰果露湯丸 $46宜到d中式糖水都好貼心，可以選擇半糖，又認真，唔好話點解冇走糖，完全走糖就唔好飲糖水啦，講返先，個腰果露真係好香，值得一試芝麻糊湯丸 $48芝麻糊我地都叫左半糖，宜到芝麻糊個陣炒芝麻味好強，好香下次我一定要試到開心果豆腐花

向厚福街嗰頭搵甜品，朋友話有間中式食冰嘅甜品店🤣 佢講到咁搞笑咪試下。 話說明明4人入座，店員唔知做咩俾咗張2人檯加一張櫈我地😂😂😂榴槤冰（$58)店門口已經聞到榴槤香，榴槤肉唔少味道都唔錯，d冰嘅味都好夠榴槤，大推🔥芒果冰 ($42)唔係新鮮嗰啲芒果，應該係雪藏/罐頭類，所以有陣假芒果汁味腰果露湯丸 ($46)叫咗少甜啱啱好，呢個杰度幾好，唔會太漏。芝麻糊湯丸 ($48)原本衝住個開心果豆腐花嚟，可惜賣哂，最後叫咗個芝麻糊湯丸，叫咗少甜但唔多夠味，味道普通同比較杰，個人覺得湯丸入面嘅黑芝麻餡好食過個芝麻糊😂

𝐎𝐧𝐥𝐢𝐧𝐞一𝐬𝐞𝐚𝐫𝐜𝐡就看到這家由網店起家的研香糖水舖，曾於疫情期間仍創下日賣𝟓𝟎𝟎碗的佳績～一於就試試這碗𝐩𝐢𝐬𝐭𝐚𝐜𝐡𝐢𝐨界的王者吧👑——— ✤ 開心果豆腐花｜$𝟒𝟖開心果糊質地綿密滑嫩，口感柔軟順滑。豆腐花的荳味與開心果的香濃果仁相融合，帶來獨特的均衡口感。店家不惜工本用上一般只用於西式甜品或意式雪糕中的西西里高級開心果，搭配研磨可可豆的專用機器處理，保持果仁的鮮明香氣與天然油脂😋✤ 龍眼冰｜$𝟒𝟗𝐌𝐞𝐧𝐮上寫了𝟏碗冰=𝟐𝟎粒龍眼的𝐬𝐥𝐨𝐠𝐚𝐧果真如此！味道甜蜜且芳香，冰沙部分通常以𝐬𝐦𝐨𝐨𝐭𝐡𝐢𝐞機製成，具有綿密而細膩的口感，瞬間在口中融化，帶來涼爽的感覺，同時與龍眼的果肉融合在一起，迅速消暑❣️

上個月同另外三個朋友去咗喺尖沙咀厚福街嘅研香糖水舖食糖水，我哋異口同聲都揀咗榴槤冰。😆‼️佢嘅榴槤冰真係好夠料！冰上面打入咗大量嘅榴槤肉，每一口都可以食到滿滿嘅榴槤，真係好香好甜！對我呢個超愛食榴槤嘅人黎講，真係大滿足！冰本身都好清涼，冰沙綿密有口感，同榴槤肉完美嘅結合，好好味！😋❤️

一心諗住一嘗招牌開心果豆腐花，可惜適逢紅日係傍晚時分已經賣哂😮‍💨唯有取其次啦 就算呢個時間去到，都有8成入坐率，店舖環境唔算大，QR code落單。$42 腰果豆腐花 半糖腰果糊質感幼滑，好smooth，濃濃稠的腰果糊配上偏稀的豆腐花，第一啖係有驚喜，有腰果味嘅，但聞就冇啦個人覺得半糖剛剛好，否則就太甜啦略嫌豆腐花有啲少，食到最後就咁食腰果糊會覺得膩，同埋失望的是，唔夠熱囉，雖然係夏天，但中式糖水就係要夠熱，熱上，食完會覺得暖入胃嘅感覺。

中伏嘅皇牌開心果豆腐花 見到幾特別裝修環境都唔錯，上網睇都見好多好評同埋好多人等位，都諗住試吓 點知原來得個樣😑😑一坐低落單，唔使5分鐘就有得食諗住食完飯靜靜地可以傾吓偈，點知嘈到聽吾到對方講野嚟到嘅時候都聞到好香開心果味成碗都係開心果溶 食左幾啖就冇晒d豆腐花都成$46一碗 比較貴同想像中嘅一碗豆腐花有啲出入入面得碎豆腐 食咗都冇5分鐘就走人唔會再去嘅一間舖頭唔明點解會咁多好評？不過可能其他好食？聞到榴槤都好香嘅

星期五六日經常大排長龍，平日晚上好啲。上次去嘅時候開心果豆腐花售罄。今次再戰，但味道未如期望。招牌開心果豆腐花 $48開心果味算濃，口感幾滑。落單時可以揀半甜或正常，預設建議半甜，所以揀左半甜。睇其他食評見到開心果同果仁會有少少酸味，但每一啖嘅after taste係酸，同預期中嘅糖水好唔同，可能正常甜度會好啲？另外，開心果露同豆腐花唔係太夾。薑汁湯圓 $26有5粒，正常質素，薑汁味好重。其他糖水都可以湯圓。

在尖沙咀吃晚飯後，和朋友還想坐下一起聊天，經過厚福街，見到這間糖水店有很多人等位，於是我倆也取票等位，大概等了15分鐘就到我們了。我們每人叫一份，大家都要吃熱的（養生）。我選了招牌開心果豆腐花，朋友選擇了芝麻糊豆花。招牌開心果豆腐花 開心果味道很香濃，質感幼滑，還吃到微微的顆粒，應是自家磨製，用心製作。豆腐花豆味香濃，口感滑溜。加上微甜的甜度，可以讓食客感受到開心果及豆腐花的原味道，更體現用料講究。芝麻糊豆腐花朋友對於豆腐花的意見和我一樣，而芝麻糊她說香濃美味，等位也值得一吃。用餐時間限時45分鐘，時間有點倉促，若果時間長一點就可慢慢享受味道。

曾經開到成行成市嘅港式糖水舖，執吓一間執吓又一間，而家價錢合理又用料靚嘅糖水買少見少。 研香係著名扒房 Top Blade 嘅副線，疫情期間跨界開始做網上團購，去年喺尖沙咀厚福街開設實體店，設計好似一間 Cafe 咁坐得舒服。店內主打傳統糖水，選用進口果仁利用精磨機自家慢磨，一般係用嚟研磨可可豆，聽聞每次要用接近八個鐘先達至理想嘅細膩度，花費大量時間成本心機，呢份堅持可以話係不惜工本。為咗令味道更濃郁，小店非常揼本，招牌嘅限定開心果露 ($48) 以來自意大利西西里嘅開心果磨製而成，每日只做到兩輪賣晒就無得食啦！堅果嘅天然油脂同香氣特別濃郁，味道香醇餘韻悠長，比平時食到嘅開心果 Gelato 濃郁幾倍！質感極致幼滑，細味會感受到少許顆粒感，甜度好輕微食落健康啲，配埋滑溜豆腐花，嗜甜嘅朋友可能會覺得有啲淡，但對我嚟講啱啱好。本人係杏仁茶愛好者，好多人唔鍾意嗰隻獨特嘅味道，可能係俾茶記杏霜嚇親，但好嘅杏仁茶應該有種清香。研香嘅杏仁茶濃稠度剛好，加埋大大粒麻茸湯圓 ($43)，食落似手工搓咁煙韌軟糯，喜歡 🤍間間糖水舖都有嘅楊枝甘露 ($46)，可以睇到係勁足料啖啖芒果肉，又唔會有啲奇奇怪怪

食完飯之後如果想食甜品會推介呢間甜品專門店🤩 佢最出名嘅就係佢嘅開心果露豆腐花，從來都未試過食開心果味嘅甜品，但係可惜今次嚟到發現原來已經賣晒啦🥲 下次希望可以食到啦！雖然食唔到開心果露豆腐花，不過都唔緊要，因為佢其他啲甜品都一樣咁吸引😋 試咗佢嘅「杏仁茶」同埋「芝麻合桃」👍 杏仁茶好香口，杏仁磨得好幼滑，一定要試👏 而佢嘅雙拼芝麻合桃都一樣咁好食，佢係用咗日本頂級金芝麻，用咗八小時研磨，非常之香滑🙌

突然之間心血來潮好想好想食中式糖水，想在佐敦附近買碗外賣回家嘆，人越急就越難在附近找到心水，於是搵到「硏香」其實早前已經bookmark , 但實在少到尖沙咀，於是的起心肝，由佐敦行過去尖沙咀厚福街，日行10000當運動，對我黎講冇難度，出身汗又可以食多啲。下午4:00 「硏香」人客坐得滿滿，原來除咗cafe , 不少人也喜歡中午食糖水，我還以為好似我這類老派才會做。合桃糊 $36 （已預設）推薦半甜紙袋十分精美，硬淨；個碗用紙造、完全無漏，用料扎實，但搵極都冇匙羹，雖然我吾介意，但也應該先問客人需要與否。打開蓋已聞到合桃糊香氣四溢，褐色的糊狀合桃糊仍存有溫度，入口香滑，果仁的香味堅濃，感覺好實在，冇加入太多粉，甜度不高反而更突出果仁香氣，絕對真材實料，暫時系我食過最高質的合桃糊。

Book mark 左啲間野好耐一直好想試可以話係有幾期待就有幾失望忍唔住要上黎寫翻個負評我地叫左個腰果併芝麻同招牌開心果露豆腐花雖然食到出果仁香同滑但係兩碗野每一啖都係酸開心果露同豆腐花又唔夾 @@本身以為係啲糖水酸啦因為啲間野有得揀甜度但係埋單同店員講碗糖水係酸既店員解釋話係正常果仁既after taste 係酸既開心果露會再酸啲 唔會一入口就酸但係我食到既係兩碗野都好酸 一入口就碌啲豆腐花又酸食過咁多果仁既副製品都未試過係酸既可能係我唔識野啦但係酸既糖水真係無下次(given that 宜家食完未翻到屋企已經有啲肚痛）未試過食到啲咁難食既野世界咁大有咁多好野食 真係可以唔洗試

星期一晚同朋友食完生日飯之後，諗住嘆個甜品先返屋企。10:47pm叫了兩碗芒果冰, 同朋友吹咗一陣水，仲未食完甜品嘅時候，忽然俾個夥計大聲喝我哋‘我哋收工啦’。我望住佢一陣好驚訝有夥計咁冇禮貌，佢以為我聽唔明廣東話再用國語同我講一次。我同佢講我知道啦，佢先停止呼喝我哋。當時仲有其他客人，我們並不是最後一台客。我之後問返收銀佢哋幾點收，佢先同我講話原來11點收工。我望返個鐘，當時大約11:19。其實我都係坐咗半個鐘，32分鐘食個冰凍甜品都唔係好過分啫～我有幾個建議：1. 首先如果好緊張要11點收工，應該10:30之後唔好比客人入座。2. 夥計態度要好一點，不要忽然間呼喝客人離開，首先要通知客人5-10分鐘之後要關門，第二次通知才請客人離開。

#20230817 💛📍 研香 @grindie.hk 尖沙咀厚福街7號地舖➖➖➖➖➖➖➖➖➖➖➖➖➖➖➖➖➖➖#招牌開心果豆腐花 $48 🫧 #半甜 💭 無論食中式定西式既糖水，🐷都係第一次可以甜度，感覺好似買珍奶咁🧋官方推薦半甜，可以食到原味道無比糖份蓋過👅底個豆腐花上枱時係超熱♨️好適合冬天食，個開心果糊磨到好幼滑，偶爾食到少少酸味應該係來自開心果出面層衣，整體都係好香開心果味，但就係個味太出搞到食唔到豆腐花既豆香，無左加埋一齊既意義😥.#榴槤冰 $58#榴槤球 +$22💭 聲稱有1/4個榴槤係入面，加埋榴槤球成$80，貴唔貴就真係見仁見智喇🤑食得出佢地啲榴槤唔係平野，個冰都比較特別，唔係出面落左奶果啲綿綿冰，而係碎冰質感🍧配埋爽口既水晶珠，一啖食落去係三個唔同口感，🐷食食下發現啲冰溶溶地仲好食，真係似榴槤雪糕咁既口感🍦值得一試！.#尖沙咀美食 #尖沙咀黃店 #🐷在尖沙咀 #🐷_食

我今次去既呢間糖水舖超多人，如果想食要預d時間排隊，不過我可以講你知一定值得排，同埋通常好食先要排架ma😉 佢雖然有一本本既餐牌，但係佢會比個QR code你自己落單，好唔好就自己定奪🤣我地叫左一碗龍眼冰（$49），佢既冰係龍眼既甜味，配住d椰果又有番d口感，而一粒粒既係脆既珍珠黎，雖然個樣有d似西米露既西米，呢個鐘意食較甜既就岩食啦😛另一碗我地叫左榴槤冰（$58），呢個就真係榴槤控必食，冰既頂有舊榴槤球之餘 ，d冰都有好香榴槤味，再加埋d珍珠既口感，非常出色😍最後就試佢寫住限量既芝麻糊湯圓（$48），唔好睇佢好似普普通通咁，佢係整得好好食，個芝麻糊好滑，而且加埋粒湯圓滿滿芝麻糊味，真係掂👍🏻呢間糖水舖真係值得等下，尤其鐘意食榴槤既朋友更加要為左佢個榴槤冰而黎✌🏻