神經餵飼 (已結業)

一直有收藏在自已清單之一的一間具有文清風格的特色小店 - 神經餵飼!!! 因為朋友住在附近, 所以有機會過來品嘗試試!!這次來到神經餵飼試這裡的午餐!! 個人認為性價比算高, 而且沒有限時什麼的, 可以舒舒服服地跟朋友聊天吃飯!朋友說這店不定期會有甜品, 但這次來沒遇到, 有點可惜!親子丼日式親子丼, 特別之處在於最上橙色的魚子, 味道有點咸但好好吃! 把魚子跟白飯拌在一起, 會更好吃!! 滑蛋應該是有調過味的, 那個醬汁很好吃, 雞肉算正常!塩味烤鯖魚定食烤鯖魚非常好吃!! 燒烤味好香, 像是用炭燒出來的味道! 店員很親切的, 還可以添飯!! 絕對值得一試!!

係呢頭返工成日經過見到呢間文清小店都好多人排隊，今日咁岩冇乜人，於是終於可以試一試。本身今日想叫杯咖啡，但係點知今日架飛機壞咗，所以冇咖啡飲，非常可惜。餐牌嘅每日午餐都幾吸引，今日有雞翼，牛油果包，同埋呢個我叫咗嘅薑汁豚肉飯。啲豬肉地juicy，唔會好老，加埋隻溫泉蛋撈埋一齊食好香濃，而且仲有啲洋蔥食落增添左啲口感。一開始有啲擔心會唔夠飽，點知原來個飯都幾大，女仔食嘅話食完一定超級飽。而且啲肉嘅份量都好多，呢個價錢包埋杯嘢飲其實都幾抵食。

呢間野我之前黎過的，小店人手少，果陣都等得耐，但野食高質既。呢排興起黃色經濟，有朋友話想試下，咁就事隔一年後再訪，結果排左30分鐘間餐廳係手寫menu黎日日唔同款，不過我地夜晚7點去到，好多都賣哂，非常好生意呢想食果個冇左，咁我就點左溫泉蛋泡菜豚肉丼，本身睇openrice食評既相，以為會好細碗，點知份量都夠食。（我仲諗定唔夠飽下一間食咩）黎個close up~溫泉蛋好流心，撈埋蛋汁送飯一流，主角泡菜豚肉配合得岩岩好，豚肉脂肪比例平均，個汁甜甜地，食咁多肉都唔會覺得肥膩，而泡菜就增加左酸辣味，同埋爽脆口感，飯應該係用珍珠米。野飲我就嗌左凍Latte，味道尚可，不過早知叫熱飲，咁就有靚靚拉花用黎打卡

神經餵飼環境好好, 周圍都係乾花佈置, 樓上既塌塌米座位都非常舒服店內食物選擇唔算多, 但食物都唔係簡單了事既飲品餐牌好精緻, 選擇比食物多: 咖啡, 奶, 冰沙, 梳打, 茶~ <百香果柚子香橙梳打>果香一百分, 呢杯飲品冇冰微冷~ 飲左一陣, 職員同我講佢地比錯左飲管我, 話用粗飲管飲到底既柚子會好飲啲, 不過我見要消耗枝膠飲管就拒絕左啦! (成餐飯都好好奇到底好飲啲會有幾好飲 好想知呀!)<接骨木青瓜檸檬梳打>呢杯真係出色組合好清新, 接骨木同檸檬酸酸地好好飲! 朋友話飲多兩啖有刷緊牙既錯覺但我依然覺得呢杯野好值得飲~<明太子拌雞肉親子丼>親子丼味道好豐富, 紫菜同明太子令呢碗飯有啲鹹香味, 蛋汁可以撈哂成碗飯雞肉口感冇咩特別正正常常啦~<溫泉蛋燒汁豚肉丼>至於豚肉丼既蛋汁雖然多啲,但因為飯量都多啲,所以唔係好夠撈飯. 燒汁主要係豚肉到, 所以單食飯係冇咩味既. 呢碗飯勝左好多豚肉, 塊塊肉都好大塊, 我地整到細細塊, 每啖飯都有一塊肉不是夢(因為真係勁多肉!) 好味好多!豚肉丼用雞公碗裝架~ 份量真係好大, 食到見

其中一間田中最愛既文青小店餐牌成日轉 但都係咁好味又健康-🍲明太子拌雞肉親子丼($88)內有明太子、滑雞、滑蛋、紫菜，撈埋好好味！1. 好多明太子！！鍾意明太子既話必食。2. 滑雞同滑蛋好滑好味，而且調味唔會好濃，無味精，取食材本身既味道，唔怕肥又唔怕唔健康！非常清新。3. 呢幾種材料撈埋真係好夾好好食呀！！！可惜份量唔係好夠，如果多啲就好，食多兩碗都仲得！！👍🏻9/10-其他丼飯都好吸引！不過價錢都唔平

幫襯左呢間小店已經有一段時間，今次寫食評裏便嘅嘢食可能而家已經轉左但係我都想喺度支持下呢一間餐廳☺️今日約咗中學同學食飯，因為佢住喺旺角太子呢一邊，所以就嚟咗神經餵飼呢一間餐廳。呢間餐廳有兩層，地面就係坐嘅枱櫈，2樓就係好友文清feel嘅環境係坐地下嘅，我哋就選擇咗坐2樓因為感覺自由同埋光猛啲舒服啲，如果着裙嘅女仔就唔好揀坐2樓啦🙈我哋諗左好耐，因為每樣嘢食都好吸引，最後揀咗呢三款嘢食。😝第一樣係-煙三文魚蘋果熱情果沙律，依一個沙律材料配搭幾好，有酸酸甜甜嘅青蘋果同埋熱情果，當佢係頭盤咁食好開胃，三文魚嘅份量亦都啱啱好，唔太多，唔會太少，唔會太滯。🤗之後嘅係黑松露野菌菇菇飯，呢個飯材料都幾充足有好多唔同嘅菇，啱晒我呢啲最鍾意食新鮮菇菌類嘅人，佢係好似燴飯樣嘅煮法，飯嘅軟硬度啱啱好，唔會太硬亦都唔會太淋，忌廉嘅份量亦都恰到好處。😋唯一唔好嘅係賣相有少少凌亂。🙈最後嗰樣唔記得左叫咩名，有燒鯖魚同埋吞拿魚魚腩蓉配飯、仲有舊豆腐添。呢一樣唔算突出，個人認為配搭唔係好好，似幾樣唔啦間嘅嘢擺埋一齊。不過味道係唔錯嘅🤣。總括嚟講，呢間小店嘅食物價錢同埋質素都係唔錯嘅，所以我間中喺呢頭嘅話都會過嚟幫襯😜

朋友推薦說這間餐廳的環境非常不錯👍🏻最近午市時段終於和朋友來這裏試一下😋來的時候也幾乎滿座 我們被安排坐了2樓的位置 2樓需要先除鞋 環境非常悠閒_這裏每天的餐單也不同🧡視乎食材供應我們就叫了一個日式豚肉定食 $75這個非常有驚喜，定食包括有麻醬沙律，燒汁豚肉飯 擺盤非常清新🙏🏻食落去亦都不錯套餐是包了一杯黑咖啡或凍檸茶 _這裏的店員服務非常好👍🏻還有這裏沒有限時大家吃完可以和朋友在這裏慢慢聊天😋下次會和其他朋友再來

朋友介紹來這間餐廳，看到門面好吸引，全店工作的都是年輕人，感覺到好有heart。室內的佈置也很有心思，讃。朋友同我講 lunch time一定要早去，好快滿座。果然，我哋去到已經剩返一張檯。食物種類不多，而員工也同我地講明製作需時，要耐心等候。佢哋堅持即叫即做，當然，番檯的數目自然比較少，但這就是堅持。點餐是自助形式，所以午餐同價。我點了泡菜滑蛋雞肉飯，凍檸茶。朋友叫了薯仔豚肉和咖啡。的確係要等較長的時間才送餐，但明白的，因為都是新鮮製作。食物水準不算是超班，但令人很滿足。泡菜和其他食物的味道配合得很好，不會太搶，很可口。整碗吃完，滿足！看到店外的人龍，我哋都不敢坐太耐。下次再試甜品。加油！

間嘢個名夠特別聽一次就記得，店外仲要大大隻寫住關心香港嘅口號，印象咁深刻真係要大大力懲罰佢！本人喜愛明太子所以試咗是日餐牌上嘅明太子拌雞肉親子丼，個樣好得，而且明太子份量剛剛好足夠令成碗飯都充滿明太子嘅咸辣味，雞肉就不過不失。而少飲五青汁嘅我就膽粗粗挑戰神經五青，嘩真係好青好清新充滿大自然嘅味道總括嚟講神經餵飼係一間環境舒適，非常適合同朋友吹水同hea成個下晝嘅好地方。

呢到餐牌經常轉 每次黎都有驚喜😗黑洞今次被安排上二樓呢層要除鞋同用坐地下⚠️四邊有乾花束同手作仔買 成間手作店咁😆-🔹蜜蜂芥末煙三文魚芝士三文治（$70）目測麵包size吾自好大👀估吾到食晒都幾飽🤭內饀夠足料 有煙三文魚 芝士 生菜 洋蔥醬汁吾太多 食落比較清新😬-🔹熱抹茶鮮奶（+$20）面頭有靚靚拉花😍甜度剛好 抹茶味濃而不澀飲到底茶味更出🙃-餐廳門口仲將五大訴求寫晒出黎🤩牆身poster全部有意思黑洞推介大家大大力懲罰佢‼️

💛明太子拌雞肉親子丼🍚🥘大大碗不在話下 仲要滑蛋好似氾濫咁雞肉鮮嫩 玉子香滑..💛神經三青(牛油果🥑青瓜🥒青蘋果🍏smoothies）入邊有好多脆脆 其實係果仁Texture又滑又濃厚 好飽肚主軸其實係牛油果本人不用怕青瓜草青味 只佔很少不過對作為牛油果控的我黎講 牛油果可以再多啲 哈哈餐廳有兩層兩層都超文青 每次黎都沾不少偽文青氣息☕️上層仲係要除鞋入座 和風味十足就讓我們暫時忘卻煩憂給餵飼一下🌾

大概我地都要有份學會承擔嘅心，願意為社會為年青人著想，未來嘅路肯定唔容易行。係太子呢個地區，呢間店好快就會滿座。香港人真係好犀利，可以好快就谷爆一間餐廳，本來諗住早到都有一個半個位，都真係無。門面非常簡單，掛上一塊布，字裡行間寫出不少人嘅心聲。好簡單嘅設計，收銀開放廚房都集中係呢度。得番樓上他他米地區，唔想除鞋，唯有叫外賣。飲品算多選擇，但我獨愛咖啡，真係戒唔到。紙袋帶住食物走，蜜糖芥末煙三文魚芝士三文治，70元，另加我最愛嘅肥威，36元，外賣盒加2元。專登影個三文治嘅側面俾大家睇，好豐富嘅口感，層次分明，煙三文魚好夠，咬落去好多味，亦有其他配料，食到好飽。肥威都不錯，真係要趁熱快飲，凍左真係淨啲。（係我等緊三文治，店員拎杯咖啡出黎俾我，配上親切嘅笑容，杯咖啡更暖）加油，香港人！做自己，神經一點又如何！

雜亂既砵蘭街，寧寧舍舍開左一間治癒小店。依間野走日式家庭食堂風格，用餐環境如同店名一樣咁「神經餵飼」，成個感覺係令人好放鬆🙈💛🍛明太子拌雞肉親子丼 $88餐牌上有４個丼飯，每個都幾吸引。糾結緊嗌邊個既時候睇到依個有「明太子」，即刻比佢吸引左。親子汁份量多，雞蛋食落滑嫩濕潤，雞肉份量都唔少，撈飯一流！加埋明太子同紫菜，味道就更濃味同帶少少辣味😍原來明太子同親子丼都咁夾🍱貓毛定食 $160（鹽味烤鯖魚、秋葵沙葛沙律、醬煮薯仔）成件事好煮家feel，好似有日本人妻煮野比自己食咁❤️佢唔係驚豔既美味，但依種平凡就令你好有返到屋企既感覺。而佢平庸得黎，各方面都又真係烹調得到位。尤其個魚煎得幾好，乾爽唔油，但本身魚油香又好豐腴🐟雖然係貴左少少😂🍵抹茶鮮奶 跟餐+$20雖然茶味明顯，但抹茶味有啲微妙，唔係好識形容……神經三青 $58牛油果、青瓜、堅果等等blend成既smoothie，質地杰身，勁清新好總體黎講，食物質素唔錯，定價有少少高。服務方面采取自助形式，但店員態度都幾好。見佢啲甜品都幾精緻，可惜當日咁啱無提供甜品😭不過依間絕對有下次，想再去被治癮一下

依間餐廳有兩層地下個層係全部坐櫈上面個層就類似榻榻米咁坐地下但係上面個層就只得3-4張枱而環境上無論燈光、擺設都令人覺得好舒服所以好岩三五知己傾下計我地都傾左成3個鐘先走而且仲有人會拎埋電腦係到做下野上面個層仲要有野賣下不過老闆都好信任客人因為上面個層無員工所以如果有興趣買嘅話只要拎去樓下俾錢就可以餐單方面選擇唔多我地個日食午餐只有4個選擇對我依d有選擇困難嘅人黎講就唔洗心大心細不過依到係要去櫃台叫野食然後俾埋錢我叫左鯖魚定食份量上對女仔黎講叫做岩岩好但男仔可能唔夠飽都唔定個定食除左基本嘅飯同鯖魚之外仲有沙律配芝麻醬而佢個飯上面有d配料雖然食唔出係咩但係可以令個飯無咁dry另一個朋友叫左三文治無咩特別不過上餐時間會有d耐第一個餐上完之後都等左一段時間先上埋其他餐我個朋友都差唔多食完佢個餐😂😂不過人地餐牌上面都寫明製作需時而且休閑嘅餐廳休閑嘅環境都要配合埋休閑嘅心態所以唔好餓住個肚黎食野野飲方面，百利甜酒溝朱古力真係好夾，好飲👍🏻而且杯出面仲整左一層朱古力，好有心思而熱朱古力都要額外加$20好彩佢有送埋個拉花好靚❤️抵返晒～

貓毛定食🍱＋雜莓蜜桃梳打🍹以文青風格為主調的小店，整間餐廳氣氛優閒寧靜，適合朋友聚餐。在樓下點餐後可上一樓安座，等待店員送餐。貓毛定食🍱• 定食包括：麥粒味噌香蔥貓飯、塩味烤鯖魚、秋葵豆腐芝麻醬沙律、牛蒡。• 沙律菜新鮮爽脆、豆腐滑溜，但份量略少；牛蒡清脆帶點藥材味。• 鯖魚肉質緊緻、魚皮香脆，帶點醬油香味。• 白飯上面覆蓋著一些木魚碎和味噌，為單調的白飯增加了口感。雜莓蜜桃梳打🍹• 梳打清新、雜莓份量豐富，可以一邊飲一邊吃到雜莓。