祥仔 (K11購物藝術館)

营业中

休息中

經典重量級花生醬西多士：睇落就大大塊，係落左好多花生醬係入邊，但切開因為厚，入邊都炸得唔夠熱，入邊有d 位置花生醬都是硬硬地！脆炸雞髀，新鮮田園沙律：細細隻，應該煮熟左再番炸，皮是脆，但味唔夠，入邊又唔夠熱！最正常都是杯餐茶！奶茶可以！

黎到K11 Art Mall食下啲親民小小既餐廳😆祥仔根本就係貴價版既茶餐廳🤷🏻‍♀️我地叫左兩個餐,個餐跟埋一杯野飲同個湯,個湯係普通忌廉湯,有啲似金寶忌廉湯,呢個價錢大家都係唔好期望太多啦😂《真·星斑·鮮粟米汁 $148》呢碟將粟米斑塊變做星斑係真係好食好多既,魚肉彈牙,肉質較滑,不過粟米汁就同平時個啲冇分別啦,係舊魚唔同左姐😂魚肉嘅份量都算多,唔錯!《祥仔脆脆豬扒 $138》炸豬扒係厚切,都真係幾厚肉,份量一啲都唔少,炸得好脆,肉質肥瘦適中,都算彈牙唔鞋口,配左一碗蕃茄薯菜俾你點黎食,幾好食😋整體而言呢間就係貴價版茶餐廳,野食質素都算中上,唔差既🙈祥仔尖沙咀河內道18號K11購物藝術館B2樓B233A號舖[⭐️5分為滿分]味道⭐️⭐️⭐️環境⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️

食物味道: 湯及飯嘅味道做得10分有誠意，可惜湯及脆脆豬扒飯上枱唔夠熱，印象大打折扣，希望餐廳多加留意，不過侍應服務態度都好好，即刻幫我哋更換。祥仔嘅飯及意粉食材簡單，但睇得出煮功花咗一啲心思，味道做得唔錯。食物份量: 份量十足十，夠晒食啦價錢: 大眾化嘅價錢，喺尖沙咀K-11算抵食環境: 感覺寬敞，周圍都用上植物做裝飾，睇落十分舒服，增加食慾。服務: 服務員態度親切有禮，充滿笑容。回頭指數(10分滿分): 8分

見到係Ricky開都特登搵日出去尖沙咀試吓。話晒成日上電視嘅名廚。兩個人叫咗兩個午餐加錢飲咗兩日兩夜羅宋湯同埋各人一杯飲品。1. 飲品正正常常一般。奶茶飲得出佢個茶葉同茶餐廳有啲唔同嘅2. 兩日兩夜羅宋湯係濃味啲嘅不過唔見得好特別，同埋唔夠熱3. 焗豬扒飯個汁就幾好味。價錢比一般貴4. 朋友點過粟米汁星斑飯。好大期望㗎 ！嚟到佢有啲失望，一來星斑又唔算特別新鮮，粟米汁又變咗好似白汁咁佢最憎白汁。白飯就連炒底都冇又唔夠熱兩個人食咗差不多$400唔係咁抵下次諗諗

成日聽我朋友話祥仔有幾好味，好啦！經過K11見到，咪試吓囉。。。點知。。。見茄汁豬扒飯係推介，就試吓啦，加多杯凍奶茶同羅宋湯。羅宋湯係OK嘅👌跟著嚟個茄汁豬扒飯。。。我第一眼，以為三塊午餐肉，少如果好食，還可以，可惜係冇乜味嘅肉一塊。。。飯就真係好多，好在茄汁尚可，。。。$138。。。其實可以去大家樂叫兩個一哥焗豬扒飯😂跟著嗰杯凍奶茶，係更經典係一杯有少少奶茶味嘅水，相中呢杯，唔係未開始飲而係我飲凈嘅。呢度絕對冇下次

之前經過好多次，望落類似茶餐廳，但又系商場入面，所以從來都冇諗過要入去食🤣 有1日朋友話呢間d野幾有heart，就入去試試。祥仔小食拼盤又估唔到佢擺盤都幾有心思🤭 瑞士雞全翼x2, 蝦多士x2, 煙三文魚酥皮盒, 薯仔多沙律味道唔錯，但全部都2人份黎講，個酥皮盒得1個就唔知點分🤣祥仔脆脆豬扒飯，兩日兩夜羅宋湯豬扒有d位嫩有d位一般，唔系想像中咁好食。而個羅宋就就更加冇乜特別，講兩日兩夜就有d誇張😅以為會特別濃郁定點…酥皮海鮮濃湯呢個我最鐘意，酥皮厚薄剛剛好，浸到落湯唔會話太厚一pat野👍🏻

星期日晚同老婆去食飯，見到呢間舖頭唔使排隊就入去食啦！環境非常寬躺，坐得好舒服湯係幾好飲，有驚喜到我嘅！嗌咗個招牌炸豬扒飯，超級大舊，厚肉切開都見到啲肥豬肉嘅分布，我覺得幾好！男人就應該要食炸豬扒飯😆老婆就嗌咗呢個帶子西班牙飯佢話超好食，佢話啲帶子好新鮮而且上面有芝士脆片，係有心機嘅餸菜！呢個瑞士雞翼果然係招牌嘢，佢有少少麻香，識落真係有驚喜！都唔錯👍🏻👍🏻👍🏻👍🏻👍🏻👍🏻

喺電視睇Ricky煮嘢食就睇得多，佢開餐廳呢啲gimmick嘢都要試試嘅好怕喺街食魚，因為多數都係 la 過，有啲化學感又軟腍腍，完全唔係食緊魚咁既然祥仔話係真星斑，就信佢真係平時喺屋企食嘅魚咁嘩！個炸豬扒！外脆內嫩！係酥脆戈隻脆！仲有肉汁！好驚嘆！個長通粉正路，反而spotlight落咗喺片好脆嘅芝士度，好芝味超濃味！冇特別講個羅宋湯係因為真係冇乜特別，係多料嘅，不過兩日兩夜泥講呢，我就唔曉啦祥仔真。星斑。鮮粟米汁 $148祥仔脆脆豬扒 $138經典芝士煙肉長通粉。温泉蛋 $128+$3 升級至兩日兩夜羅宋湯📍尖沙咀

本去K11另一餐廳食，去度沒有開店。朋友便選這店說之前電視節目祥哥(講完先知乜水廚師)，可惜他節目不吸引我連食物也不吸引我，本心試試4星價格1星食品質素，服務1星已比多了，首先拿飛位置和服務員距離遠不是在服務員前面，服務員用鬼食泥聲音叫你佢隔離拿飛自己用手機影低用來等位，幾個號也等了10分鐘，跟著帶位只叫跟著嚟🙄跟咩呢？坐下沒有水，兩個人只有一個餐牌，看到價錢本念算叫lunch，點一個鰻魚飯+白汁海鮮意粉+雞翼， 另跟餐湯不到五分鐘快速上鰻魚飯，份量少飯少鰻魚三小件飯是乾爭爭，我們要求更換，不出幾分鐘又上一個(估計已經整定)，不好食乾哽鰻魚飯。餐湯酸...衰過開罐頭煮再來白汁海鮮意粉衰過大X樂，看到那些海鮮白汁粟米衰過自己整，飯和意粉差到一個點，打算等雞翼點知等好耐，等到我們取消， 千祈唔好因為呢啲咁嘅名氣去試食，咁就會中伏😩火到嚟不要吹噓有多好食

【祥仔】星期日夜晚出尖沙咀食飯，係唔知食咩嘅情況下，就隨便入咗一間唔使排隊嘅餐廳😂環境寬敞，衛生唔錯。🌟帶子椰菜花Risotto $148坦白講係有驚喜，帶子好入味同埋新鮮，Risotto上有啲芝士脆片，好夾成個飯，唔會太滯，可Encore🌟招牌脆脆豬扒飯 $138賣相有驚喜，食落冇乜驚喜😂豬扒真心厚切，質素都唔差，個飯同個汁感覺Hea左少少。老公表示ok嘅，不過我呢啲女人未必岩口味姐😂🌟瑞士雞翼2隻 +$28 跟餐食落口原來唔係淨係瑞士汁，佢用咗啲麻去煮，所以係有麻味，無辣。食落去幾有層次，值得一試！個人建議佢應該要係餐牌寫明佢有麻味，如果唔係家長點左比小朋友，可能未必啱食。🌟粟米忌廉湯足料，好飲，唔想打咁大篇字，反正你哋都唔想睇咁多字😂同埋反正都係跟餐送，又唔洗額外點，自己到時試啦！記得上OpenRice買Coupon食，平咗個加一！

由電視上再由浸大canteen做到甚具名氣嘅大廚Ricky，近年一口氣開左好多間以自己命名嘅餐廳，之前已經試過下午茶，今次要認真試埋個華麗版粟米肉粒飯。原來鮮粟米系列有真正嘅斑塊、黑毛豬粒、滑雞球可以揀選，咁就改為試下鮮粟米汁雞球飯，睇下同肉粒嘅感覺有咩唔同先餐湯先上，祥仔嘅招牌湯係要加3蚊嘅「兩日兩夜羅宋湯」，有一小塊香草牛油，混和左羅宋湯唔算特別起到好大作用，本身湯都濃郁，偏西式，並非港式酸酸辣辣路線。主角鮮粟米汁雞球飯終於上枱，熱辣辣香氣十足，最鍾意食粟米汁嘅我最注重個甜度，因為好多餐廳嘅粟米都係偏稀甚至無味，一係就變左白汁，完全貨不對板。食落係好鮮甜嘅粟米香，送飯一流，粟米粒都係爽甜，雞球已經淪為配角，但都份量十足，肉質滑溜，好快就消滅晒全碟，平時要少飯嘅習慣都忘記了。😆

今天去了ricky大廚的祥仔餐廳.之前其實只係食過普通下午茶,冇認真去試過佢啲嘢食.今日就認真咁去試咗幾樣嘢.第一個係沙丹豬扒鐵板上,熱辣辣！第一感覺就係啲豬扒好有誠意, 非常厚! 一塊豬扒上面仲有火腿同午餐肉仲加一隻煎得好靚嘅太陽蛋,旁邊有六條薯角同埋一啲配菜, 味道上... 因為可能見豬扒幾厚... 所以真係要靠佢啲汁.. 你唔食汁嘅話塊豬扒個味都幾淡.好耐冇食沙丹豬扒但呢一份豬扒味道上冇給我好大驚喜...反而係最搞笑的侍應沒有告訴我們這個是一個餐來的,是有附送意大利菜湯! 還好我哋淨係叫了一個海鮮湯,不然就會好似隔離枱咁要cancel自己叫嗰個湯! 呢個送嘅意大利菜湯啲用料好足嘅!但對一向都唔係好鍾意飲意大利菜湯的我來說就覺得比較酸!还是喜歡羅宋湯....反而我們自己掏腰包點的海鮮湯是整晚最滿意的一個菜式!因為味道真的非常香濃又有海鮮的甜味!感覺非常之好!如果能配一塊小小的蒜蓉包或法包,我可能仲覺得更加開心!點了一個祥仔拼盤! 他的蝦多士味道是可以的,但是我還是覺得蝦多士的蝦還是要緊貼在多士上面會比較好, 三文魚tart只有一個, 酥皮是脆的只是略嫌中間的沙律醬有點太多, 瑞士雞

剛好下午茶時間但個set 其實同茶餐廳個常餐差唔多不過可能响k11 入面，價錢上調係高級版茶記$60 一個常餐又點睇？Any肥，個主菜對我嚟講係個炒蛋，超滑溜份量係少左d不過ok瑞士雞翼冇乜特別算入味咁啫至於如果係配雞扒呢D肉都幾嫩So called 兩日一夜既羅宋湯通心粉應該係講濃郁嘅湯底的確，係啖啖番茄湯出晒嚟，有別於平時茶餐廳果款淡口 牛油多士都幾好味敗响擺位… 响炒蛋隔離，咪濕晒囉個包🥺忘記左點茶走最後都係叫咖啡麻麻地 冇飲晒

一直對肉食為主嘅祥仔餐廳都是過門不入，因為個人開餐喜歡go green🌱（希望盡力支持環保減碳）而他又不是朋友相聚閒聊的合適地方但最近身體免疫力愈來愈差，做了血液測試，好多常吃的食物也顯示是敏感來源，當中用大豆菇菌類做成的植物肉和有酵母成份的素芝士，都是致敏源，要繼續go🌱有些困難😔今天再度經過祥仔，駐足一看，發現他們都有提供三款素食午餐，其中一款“蒜香特純橄欖油辣椒意粉” 沒有大豆素肉和菇菌類，也沒有用芝士、牛油做醬汁👏非常適合我意粉的蒜味濃郁，又帶少許辛辣，使人食慾大增，而且非常合我口味😋只是份量太少了😅寧可他們調高價格來增加份量😬

果個黑豚肉粒飯成百幾蚊，d黑豚肉食落去臭既⋯食完一舊都唔想食，心諗大快活個栗米肉粒飯性價比仲高過佢！仲有飲品問題，加杯凍檸茶都要廿幾蚊幾離地⋯，不可一不可再！食完一次都直接blacklist，大家小心中伏～