祥景茶餐廳 (已結業)

這裡的常餐叫做午餐沙爹牛肉可以轉豬扒大光麵,米粉,通粉,意粉都試過奄列可以轉炒雙蛋牛油方包轉多士加1蚊牛肉淋滑 沙爹汁濃而不膩屯門友說喜歡它比較甜全香港也吃不到這味道會令人念念不忘偶而會有一兩次失準通粉太糊或炒蛋太老但茶是調得很好的香濃澀出色的香港地道風味下午茶鐘數有蛋撻出爐聽到呼喚就要點 很多捧場客很搶手屯門友說炒野味道好有鑊氣小菜有點貴但是很足料有水準只有一次點的焗飯有點燶味吃好東西有時看一點運氣~

祥景茶餐廳 - 良景人必食🤣第一次食係朋友帶我去，我哋諗住喺茶餐廳求其食下，結果每次去親搵個friend，都會過嚟食下😂通常晏晝朋友就會食沙嗲牛公仔麵，夜晚我哋就會嗌土魷蒸肉餅 ($82) 連白飯同湯，如果兩個女仔食都會十分之飽🤣 有時都會加一個炒通菜👍🏻 佢嘅椒鹽肉排配蒜蓉西蘭花都好好味，平民食堂大家行過可以試下。

每個星期都會帶仔仔去游水，好難自己一個食，但今日因為改左星期日學，學完後仔仔返左主日學，所以即刻食有兒時回憶既祥景，去到我例牌必叫沙嗲牛肉麵，通常個餐都會配一杯飲品再加一份炒蛋，火腿同餐包，沙嗲牛肉麵好食（但記得要叫爽麵），平時我唔食火腿，但今日太肚餓唔記得轉腸仔，本人唔太建議火腿，因為似無煮過做咁擺落碟，至於炒蛋，比較細份，而今日個飽配左有提子包，如果夾蛋會有d奇怪，飲品我叫左凍檸茶，茶底好，唔會澀口，整體上水準無以前咁好，希望遲d會有改善

星期四陪家人去屯門良景商場，換領新智能身份證，辦理完後也到午飯時間，只是想簡單填飽肚子，見到智能身份證旁邊有茶餐廳，便入去食個便飯。環境是一般茶餐廳格局，午飯時間人多也比較嘈，侍應要好大聲問幾多位，然後等了約5分鐘才安排到坐位。侍應抹了檯就走，然後拿了幾杯清茶過來，我看了午餐其中有生炒排骨飯，就點了呢個碟頭飯配凍奶茶少甜。家人也看了餐牌點了個常餐配凍檸蜜。過了幾分鐘，侍應就送上常餐的沙嗲牛肉湯米同多士、奄列，一送上來的米粉吸引了我眼睛，沙嗲牛肉竟然得四片比五蚊銀大少少，孤獨咁鋪在米粉上，而且也沒有見到有乜沙嗲醬料，家人也覺得份量好有問題同冇乜沙嗲醬，反正第一次食也沒什麼期望，家人食了一口，果然連一啲沙嗲味都冇，當然牛肉片也是醃到又淋又無肉味果種。跟餐原本係方包，要求烘底加一蚊，我也試食一少口，完全沒有多士香脆感！奄列普通貨色。之後我點的生炒排骨飯送上，一睇汁就好多，排骨睇就得好少，我馬上拎起匙羹搵啲排骨出嚟，整整五小粒排骨，其中兩小粒仲要係白色軟骨冇乜肉咁，五小粒罐頭菠蘿，一食入口啲汁好怪，又唔甜又唔酸咁，好難食，飯係無飯香果種，最後勉強食完幾粒排骨就冇再食。成餐都只係食咗好少，包括米

一早9點去整身份證，整完見隔離間餐廳咁多人幫襯，心諗應該唔錯，咁就入左去食個早餐，第一次食咁難食既早餐，可以話係難食到嘔，火腿同炒蛋凍冰冰，個炒蛋又老又散晒一粒粒咁，個公仔麵真係好鬼難食，林晒口感好差唔知咩麵黎，腸仔唔似腸仔，牛肉唔似牛肉，個餐包都係凍既，味道就還好，杯奶茶得奶味，檸茶就ok既，食左一半都冇就走左，以後唔會再幫襯，班街坊真係俾面，仲咁多人食結論係，唔會再有下次！！！！！！！！！！！點解一定要俾星，我連一粒星都唔想俾

話說同老婆到良景商場更換智能身份證有見及此，小弟當然要到祥景食早餐啦！小弟去到叫左個沙嗲牛麵早餐啦跟炒滑蛋 火腿 麵包 凍奶茶老婆就覺得沙嗲牛麵麻麻地，因之前食過所以轉左雪菜豬扒米線！熱奶茶！先評論炒蛋 炒得太老，冇滑蛋既汁同口感！火腿就普通餐廳質素，凍奶茶都係咁好飲麵包完全凍冰冰，食唔落沙嗲牛，汁醬太濃，以前都冇呢個問題，諗住用碗湯沖淡d汁，d湯完全唔熱，其次係d麵，又淋又散.....以前係硬身又爽口....我以前食開既祥景茶餐廳 既 沙嗲牛麵點解會變成咁相反我老婆碗野就話好好食祥景茶餐廳，我諗我都唔會再去幫襯了良景商場多餐廳，下次拎身份證再試下其他先

很久沒吃茶餐廳的小甜点，今天忽然好想回味茶餐廳拿破輪的味道，於是便買了一件拿破崙和豆沙酥回家，歎番个悠閒下午茶。服務:餅點老師傅好有人情味，當新鮮出爐，熱騰騰餅點推出時，師傅雖然大汗滴細汗，仍面帶笑容跟捧場客閒談。食物:中式拿破崙$11😃方磚形，有三層酥皮，層次分明，入口鬆化，配搭少甜的奶油和核桃，又酥脆又有飽肚感🤣簡直價廉物美。荳沙酥$6😄外皮酥軟，但不覺太油腻，豆沙少甜忌廉筒$9金黃的筒形，包裹厚厚的幼滑忌廉，我諗是不少人的兒童回憶蝴蝶酥🦋$7下次茶食點甜餅加配埋檸檬茶，真是很好的加油站。

After volunteer work, let’s take a break!-菜遠排骨炒河 $52The pork ribs were quite tender but the cartilages were hard, so I couldn’t finish them.The noodles were fried. They were chewy, but you gotta eat it with the sauce.-蝦醬豆卜銀魚仔蒸腩片（配白飯）I couldn’t taste the shrimp paste only the soy sauce. The pork belly was soft and didn’t have too much fat on it.-熱奶茶(多奶)

因為其他餐廳都比較多人，所以嚟咗呢間冇乜人嘅茶餐廳，平時都會食啲講食嘢，所以你茶餐廳感覺都唔錯，不過睇完水牌想搵呢間茶餐廳原來都好困難，位置好偏僻，雖然喺商場，不過係一個超難搵嘅角落服務方面，我只可以話係極度差，未見過咁差嘅服務，首先佢哋員工好多，不過冇一個人願意落單，見到我哋舉手，佢會話等等，等咗好耐好耐好耐，明明都冇乜客人，都要等咁耐食物方面中等，叫咗個沙嗲牛肉炒蛋飯，一般唔錯，肉醬意粉好難食，林啤啤⋯蓮子冰啲蓮子好苦，要自己一邊食一邊吐芯出來⋯⋯整體來講價錢唔算好平，不過服務太差，食物中等，所以唔會再黎！

良景十分出名嘅茶餐廳放假落樓下食早餐必去祥景, 新鮮出爐嘅蛋撻食極唔厭😋曲奇皮充滿牛油味, 十分香脆中間嘅蛋好滑😋再加個常餐, 沙爹牛肉麵, 火腿奄列炒蛋烘多士😋

個早餐$37 我係有d期待既，可惜完全唔掂！沙爹牛米，d牛肉已拿到不似肉，米粉超淋，湯底無味。太陽旦，食落一口油。好似用溫低溫浸熟咁。餐包還算OK. 應該係店焗既。餐飲叫鴛鴦，俾錯啡，再換都係啡。真心覺得佢俾返同一杯我。聽到新鮮出爐蛋撻，又試下！呢個有驚喜。牛油皮香脆蛋滑 （新鮮麻）！要食，買走好了，不用堂食再講埋環境，wu joe 囉。檯面有食物殘渣，侍應見到居然唔抹！最後檯櫈我都自己抹完再抹。食後感～無。下。次。

呢區茶餐廳冇乜選擇，於是相約朋友食呢間。門面已經展示是日餐牌，大大隻字，方便顧客睇。不過唔岩食的話，只好揀常餐或者其他menu既食物，相對偏貴一點。最後我揀咗咖哩海鮮粒炒飯黎食，第一口幾香，但擺到入口唔覺有味，愈食愈dry。炒飯炒得乾身，但味道唔太夠，配料亦唔多，加多d辣會出味d。飯量足、配料少既情況下，導致食完餸得返飯，搞到有ｄ浪費……另外，待應帶位大大聲，聽到我都打冷震，行慢少少好似被人小咁。

夜晚買左個咖哩雞飯外賣，$50跟湯，一打開得三舊雞，仲要只係骨黎得少少肉，薯仔得兩舊超迷你size，仲有啲零零碎碎既小薯蓉，滿滿咖哩汁得五舊餸仲要超細舊，咩都夾唔到出黎。張相係我夾出黎未開始食既肉，真係好離譜。見到當下真係火到黎，嬲到唔想食，結果要再去買野食！$50當買個教訓，以後唔再幫襯。大x活個咖哩雞飯即時好佢100倍，其實無心做好個出品不如唔好做啦，唔怪得買外賣果陣都無咩客，咁樣既咖哩雞飯都要等左三，四個字先有得攞！究竟個廚房響度做緊咩！？

呢杯奶茶 好味道....沙爹牛肉麵一試難忙....係良景十幾年歷史好好味....蛋撻新鮮好味...每次上去都新鮮出爐.....真係值得一試...平靚正奶茶又滑..

今日打算去屯門大峽谷行山。出發前去咗良景商場入面嘅場景茶餐廳，打算食飽先出發。一入餐廳，就可以選擇用安心出行，或者寫低到訪時間同埋聯絡資料。好快就可以入座，不過要自己搵位。叫咗兩份沙嗲牛肉餐，沙嗲牛肉通加辣椒油冇得輸。火腿奄列炒得相當好味，入面蛋漿仲有少少，非常滑溜。另外仲叫咗蛋撻同埋西多士，全部都係水準之作。蛋撻係曲奇皮，非常鬆化。西多士新鮮炸好，外脆內軟。良景商場真係臥虎藏龍！下次再去行山，一定要試埋其他菜單！