祥興記上海生煎包 (樂道)

营业中

休息中

下班晚了，想不起吃什麼作晚餐。路經小店，這家店的生煎包向來味道不錯。近曰秋風起，店子推出黃金蟹粉生煎包，喜歡蟹粉的我立即試試。黃金蟹粉生煎包$28一件這蟹粉生煎包的包底煎得很脆，一放入口，嘩！爆爆汁！整個口腔都是蟹粉和肉汁的鮮味！生煎包的肉餡鬆軟，包子皮又脆香，加埋少少醋，吊起鮮味。可惜的是我不是即場享用，是買回公司吃，所以包子涼了一點點，令蟹粉有丁點兒腥味。也許就是真材實料的原故吧。點了兩件黑松露生煎包$38/2件這黑松露生煎包又脆又爆汁！生煎包既有濕潤的肉饀，又透出幽幽黑松露香。這黑松露沒有喧賓奪主，沒有蓋過肉餡的味道，就是淡淡然襯托着。或許它的存在不是那麼明顯，但幽幽的淺嚐，倒也不錯。再吃多兩件鮮蝦生煎包42/4件由於掛住食，食左兩件才記得拍照。這鮮蝦生煎包是三款之中我最喜歡的。這鮮蝦生煎包包子皮薄，口感脆香又夠熱。而且一咬爆汁！正！內裡有爽彈的鮮蝦和湯汁，加埋肉饀，認真鮮味！蝦和肉就是特別的合拍，好吃！哈哈，今日一次過食哂三款口味，真滿足！

昨天下午路過尖沙咀，肚有點餓但又不想吃太多嘢，又不想入餐廳食，正想找地方拮串魚蛋醫下肚，見到有間祥興記，跑到玻璃前面除咗見有個大鑊煎緊包外，旁邊有個鑊仔煎緊唔同既生煎包，包頂有紅色乾辣椒碎，行去問個收銀妹仔細鑊煎緊咩東東？妹仔説是麻辣生煎包，叫左一份立即行出門口食，咬一口，即標紅色麻辣湯汁，用力吸湯汁，再咬個包，湯夠味，辣味有，椒味夠，包底亦脆。非常不錯。食完之後，買份招牌返屋企比媽媽食，收銀妹仔見比完份外賣之後，比左幾張紙巾我，指指我心口位，原來之前麻辣生煎包紅紅的湯汁已經彈左好多去我件雪白恤衫度。好似比人斬左一刀咁，明顯件恤衫要報廢，所以食呢間野要非常小心食。

鑱咀萬萬歲!🙌🏻ChamZeoiLongLongLife🙌🏻🐭 祥興記萬歲萬歲萬萬歲🙌🏻....招牌生煎包（4隻$32 ）賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅呢款係渾水全發酵嘅新派生煎包，裡面加入肉皮凍，同埋外皮比起老派嘅薄身。一啖咬落去，啲汁汁爆到周圍都係，好狼狽⋯⋯🤣整體結實敦厚，餡料又鮮又多，上面嘅芝麻蔥花提升咗整體嘅香氣！好幸福啊🥰🥰🥰....🐭食神鼠到祥興記好滿足一遊，拜拜～Yuccielonglonglive

越嚟越鹹，最初開店食係好好既，今次去salon整頭所以叫左外賣，肉餡鹹，叫左個咖喱牛𦟌湯，嘩仲鹹，仲有個酸辣湯，勁杰，救命！！！怕怕了Openrice而家勁衰，一定要夠字先可評味覺分？？？本未倒置

早幾年，一位朋友推介過祥興記的生煎包，奈何我對大部份用油煎過的包點均有點抗拒，所以一直都意嘗試。今日路經，其實時間也很趕，但又有點兒肚餓，兼且可能剛剛開舖吧，未見有客排隊，心想一試無妨。雖然餐牌上生煎包的款式不多，但除了生煎包系列外，還有湯、粉可供選擇。而我當然主攻出名的生煎包先。原本想食鮮蝦生煎包，可是一買便要4隻起，我又唔想食太多，所以最後點了黑松露生煎包外賣走 ( 2 隻) $ 36 篤開包面，入面不但有豐富的湯汁滲出，還有頗多黑松露，難怪未打開外賣盒已聞到一陣黑松露味。生煎包皮不過厚，皮底煎至微焦，簡直又香又脆；鮮肉內餡肉汁鮮甜，咬一口，湯汁在口內四濺，勁爆汁，一不小心可能會濺到其他地方，簡直出乎意料地好味。驚覺原來生煎包係可以咁好味 ，食兩件真係唔夠喉 ，下次起碼要食4件。

終於係上海以外嘅地方，食到真係好好味嘅生煎包祥興記嘅生煎包，望落表皮油到反光咁，所以唔太敢成日食😝😝原味真係好好食，攞米芝蓮真係名符其實一拎上手，隔住個盒都聞到D肉汁香味，熱辣辣一咬落去，包底好脆，整塊皮厚薄適中，重點係真係爆汁肉餡料好足，個味又調得岩岩好，唔會太濃味精，而且肉質都算滑我估普通女仔LUNCH食4個都飽左67成（抵）P.S. 千祈唔好一拎到手記急住食，因為個包入面超熱，要吹涼一陣先好食😂

說真我未食過此店，因為要外賣在尖沙咀好難有地方食。但是，今天很肚餓，所以也買了，在街頭試吃。脆脆的一層外殼，咬下去，湯汁水標晒出嚟，滲透了肉質的美味，我只買了一盒四件真的太少了

喺尖沙咀做完facial，好肚餓。剛過呢間生煎包，平時好多人，今日竟然冇人！一定要試下。原本好想食松露🍄🍄🍄，不過，媽媽唔捨得🙈 所以一個人只係叫咗個最基本嘅 mix，2隻普通，加，兩隻大蝦生煎包。等咗10分鐘，熱啦啦嘅生煎包黎啦。我企喺街果邊張bar枱食😋😋😋。非常多汁，鮮味，包底煎到好脆口。大蝦果隻嘅大蝦堅大😂🦐🦐🦐食果時真係要好小心，因為太多肉汁，如果一口咬開好容易燙口，兼且爆汁到整污糟自己。下次同老公黎食松露味先得

如果心思思想食上海生煎包祥興記絕對係首選！🤩唔知其他分店有有堂食位置但尖沙咀呢間分店冇堂食但側面有長枱可以立食，企到大約5-6個人招牌生煎包 ($34)一盒四個生煎包，送一包醋熱辣辣，個皮唔厚又唔會好薄👍🏽個底係煎到少少脆嫁！😭😋咬嗰下要好小心！因為好！多！汁！同好熱😂肉好夠，汁都好好味😭👍🏽推介！除左招牌生煎包仲有其他例如鮮蝦生煎包都好好食！總括而言，味道方面好出色👍🏽性價比唔算高，但如果好想好想食生煎包就揀祥興記啦！😂

招牌生煎包 $34用熱爐持續加熱，生煎包拎到手仲係熱辣辣嫁🔥皮薄底脆🤤面皮薄薄的，口感似小籠包既皮。生煎包既底其實好厚，但又可以煎到金黃香脆，出色👍🏻湯汁超多，輕輕咬一下個皮就湧曬出黎🌊食果陣一定要小心啊❗️會爆汁嫁味道稍鹹，但唔算超油膩。豬肉餡🐷份量足，肉質保持到鮮嫩、唔過熟。薄面皮+豐富湯汁+飽滿豬肉餡+香脆包底所有野一啖食，口感層次豐富，滿足😇總體而言，水準唔差，但未到勁好食🍴

#祥興記上海生煎包 (尖沙咀)尖沙咀樂道48號地下6A號舖～～～這家祥興記的生煎包每次大舊同小Q一路過 就會叫兩盒怒咁食 他們的生煎包皮好薄好薄 中間的肉好多 還有好多肉汁 輕輕咬一口外皮 再把中間的肉汁喝掉 那種美味簡直非文字可以形容 肉汁鮮甜 怕膩的話可以自己加點醋 如果喜歡吃辣 可以加他們的豆瓣醬 甜甜辣辣非常惹味 怒食10個真的是一點難度都沒有呢 米芝蓮果然沒有推薦錯啊 真的非常出色 一點都不輸在上海吃的正宗生煎包～～～推薦度；🔥🔥🔥🔥🔥（最高5🔥）

今日經過尖沙咀有d肚餓，就即刻諗起祥興記嘅生煎包🤤外皮夠脆，豬肉餡料又夠哂多，重點係多到流出嚟嘅肉汁！去唔到上海食小楊生煎食住呢個頂住先啦！不過記住小心熱呀🙈$32/4粒不過不失啦，如果有得坐就仲好啦😬.👍🏻推介：招牌生煎包😋指數：7.5/10

偶爾會想起這間米芝蓮生煎包，有天經過尖沙咀，就專門去食一個，鋪面有點難找，但如果去過一次，便會記起位置鋪面還有其他食物選擇生煎包一客四件，熱辣辣新鮮煎起，所以好熱好熱！另外加了一點醋汁，更帶出香味包內充滿了湯汁和肉汁，肉汁好熱，要小心燙咀。包外脆卜卜，煎得好香，但因為太多汁，又太熱，都要咬一口啜少少湯汁，而有更多湯汁都流了出去。食到最後一粒湯汁一下子噴射式噴了好多出來，整到成張枱都喺，旁邊還有外籍遊客，真尷尬好彩遊客無側目我食到最後剩了好多湯汁在盒中。雖然味道唔錯，但衛生尚有進步空間，有隻烏蠅也到場支持米芝蓮推介，雖然也明白小食店衛生極都有限度。下次有機會再食啦！

約左朋友去尖沙咀睇戲，點知佢話要遲少少😪我見有D肚餓，就搵D嘢食下，行下行下，就見到祥興記😍😍（而且呢個時間未有人龍）我order左個招牌生煎包，生煎包堅係好食，不只外皮脆薄，豬肉餡料亦非常多，咬一口，真係不得了，因為佢係會爆汁😚（食既時侯一定要小心啊)怪不得被選為米之蓮街頭小吃之一今次係食招牌生煎包，下次試試其他口味先🧐佢既位置都算易搵，不過由於店面不太大，得幾個位坐，如果大家想即刻食到爆汁既生煎包，就要企下啦！

我一向都唔太鍾意食生煎包，因為啲皮好厚唔係我杯茶，但係自從去咗一趟上海之後，食過小楊生煎覺得真係超級好味而愛上咗，所以一直都念念不忘！後來朋友介紹話原來香港都可以食到類似嘅味道，就係「祥興記」，而且近近地尖沙嘴都有一間，似所以就專登去咗朝聖！招牌鮮肉生煎包一客有四件，而且睇到店內員工職場新手做，新鮮出爐熱辣辣又好新鮮！而哋嘅生煎包皮非常薄，收口位先煎得非常香脆好似食緊餅乾咁，而生煎包裏面仲好多湯汁， 豬肉餡料帶少少甜，分量十足，肥瘦比例均勻又好鮮嫩，好有小楊生煎既味道，真係好食到停唔到！後來上網睇資料返原來佢哋既師傅係小楊生煎到做過既，所以學到呢一份味道！有圖有真相，用剪刀剪開咗俾大家睇下生煎包入面啲湯真係算多同埋豬肉餡料係真材實料嘅！個人非常推薦嘅生煎包😍唯一美中不足嘅就係冇得坐低食要外賣！