祥興餐室

营业中

休息中

琴日外賣，買咗個越式炒飯，成盒飯最後係倒咗！🤮🤮🤮🤮🤮🤮🤮🤮🤮根本就唔食得， 完全唔係人食嘅， 成盒飯都冇味！佢本身係個餐， 收人六十幾蚊跟一杯飲品， 所以就叫咗一杯檸檬茶， 嗰杯檸檬茶難飲到極， 比坑渠水更差又苦又峽！ 最後都係倒咗入廁所！因為附近一帶都冇啖好食， 較早前曾經去祥興晚飯， 食一個蒸排骨， 嗰個排骨又係健康度呢……冇色冇味， 但係就勁多油， 完全係油浸骨頭粒🥴 其實呢間嘢已經有前科人哋喺碟食物嗰度發現有隻「巨型大曱甴」屍體，好似係幾年前嘅事。

一個人唔知食乜好 茶餐廳就係最好選擇 快靚正 呢到蕃茄湯螺絲粉食過之後 間唔中都會諗起想食 湯底濃郁 其實已經係羅宋湯+扭扭粉🤣🤣 好多菜🥬同紅蘿蔔🥕 非常足料 😋😋😋塊扒夠林又多汁

菠蘿包夾住火腿蛋係double 開心😃 一啖咬落去 脆卜卜既菠蘿包 夾住腿蛋 口感勁豐富 比起普通腿蛋治多多重口感 好正☺️ 重點係唔洗驚菠蘿包跌到一地碎 菠蘿包一定要係街食🤪

餐廳有好多唔同嘅快餐，午飯時間就要注意一下，因為好多學生嚟呢度食，將會有附近嘅地盤工人嚟食飯，所以大家預早少少去啦。我最鍾意食佢哋嘅常餐，就係蕃茄炒蛋嘅麵餐，可以揀一個配菜，有鴨胸啦，雞扒豬扒魚柳等等，我每次去到都係食鴨胸。成個餐蕃茄味非常之濃郁，我炒蛋非常嫩滑，我最鍾意佢個蕃茄湯，蕃茄味非常濃郁，可能因為用茄膏去煲，同埋有好多洋蔥，如果唔鍾意食洋蔥嘅就記得要提一提侍應幫你走洋蔥啦！成個餐連埋飲品加埋都係$60左右，真係好抵食。

情人節，無得外食喇打個電話叫定去自取。希望返到屋企有飯開啦住開呢頭既人都知，呢頭無乜野食，無乜好揀。。。酒樓唔開的話就得佢呢間餐廳。。今晚閒閒地一個小菜，一個特價餐呀（無湯無飲），埋單111😅😅自取都無折，外賣湯加你1蚊，飯合加1蚊。。。迫於無奈接受。。。味道無特別，豬扒都淋既，唔會話干柴咁，偏鹹少少，有西芹生菜配搭呢2日菜貴， 墊底生菜都食埋佢呀窩蛋免治牛飯一個男士係食唔飽嘅😫😫😅😅 整體嚟講係不過不失，因為成日都食呢款，由於本人冇食過，所以唔知道味道。無得評論。。。飯質來講係适中既，有少少口感啦支持下附近小店啦，一齊抗戰疫情呀 好食，唔好食都一餐食飽佢，咁食飽先有力抗疫

服務親切 啲員工都好有禮貌 嘢食中規中矩 個雞煲都足料 幾有味 不過價錢略高左少少 不過環境都尚算可以 光線充足 衛生OK 員工都有帶手套 公司三文治好食多料 仲要有得叫豬仔包 有好多餐廳已經冇

假日早餐時段經常坐滿街坊，今日咁啱有位就會去食個個早餐A- 沙嗲牛肉麵，牛油方包配腸仔蛋，凍奶茶少冰- 沙嗲汁味道濃得黎唔會死咸，食得到沙嗲同蒜既味道，但牛肉既質素都幾浮動，今日既牛咁啱比較韌，要睇彩數- 牛油方包上枱時已經淋左，建議可以加錢烘底。腸仔煎得好香但唔燶，煎蛋夾埋方包一齊食非常之夾- 凍奶茶keep到前身彩龍餐廳既味道，喜歡茶底濃啲既奶茶fans可以一試總結：如果經過既話可以放心食既茶記，早餐時段比較多人要預左等一等先入到座

每次食下午茶都會去食個常餐 鮑片出前一丁 腸仔煎蛋多士唔知點解佢個出前一丁煮得特別好食同埋佢個麻油係會俾我哋自己整落去而佢杯凍飲都好大杯同埋好夠味每次都會叫凍利賓納

唔知食咩好，隨便入左呢間茶仔。乾炒肥牛河，份量都幾少，不過下午茶就算啦。最大既問題係好油膩...基本上覺得自己食緊油：（肥牛炒到唔夠熱，河粉反而炒得幾好。但係真係要強調好油膩，食完唔飽之餘仲覺得好唔健康🤦🏻‍♂️飲熱檸水，檸檬都新新鮮鮮既：p 座位之間都唔會太逼，裝修對比附近既餐廳都唔差，格局就四四正正。員工會有班馬tee dress code ，老闆娘都幾有中氣。如果下次有機會再黎，唔會食炒河etc好油...

老公想食蒸魚 唯有又去呢間（蒸魚係最出色的了）因為附近真係無咩茶餐廳今日叫咗個乾炒牛河，一如以往都係比較淡味。之前食過公仔麵同埋喇沙湯麵都係淡味！呢間野除左唔夠味 基本上都ok 😂不過今日個牛河d肉 都無味同埋好似拿過咁 有少少唔敢食哂覺得自己只係食緊油 湯 野飲 服裝態度 正常！2人食左 $101

多款小菜套餐，由六十幾蚊至八十幾蚊不等，包括 例湯、小菜、白飯……飲品另外再加錢！但份量十足:椒鹽鮮魷: 鑊氣夠， 面層嗰層粉唔厚， 惹味海味雜菜煲: 有粉絲、魷魚 、菜分量都多節瓜排骨煲: 平時好少食，感覺都ok嘅

平民茶餐廳竟然有泰國嘢食首先叫個炒飯，泰式炒飯好似油得滯而且有啲咸配料係冇乜嘢特別至於個撈檬，更加唔使講唔使再食都得最後試嗰個越式牛肉金邊粉啲牛肉真係好厚又老，同碗牛雜冇乜分別小編結論只有一個，請勿再嘗試

以前岩岩開果陣幫襯過伏過一次, 諗住隔咁耐應該有改善啦, 於是去食下午茶, 叫左個馬拉盞豬頸肉炒飯同埋炸魚餅, 炒飯外表正正常常, 但係食落竟然有陣腥味。最離譜係我叫炸魚餅, 結果黎左炸蝦餅, 仲要最初同我講係魚餅咁我咪照食, 直到見到張單貴左先發現唔對路, 因為炸蝦餅貴過炸魚餅好多,  但係餐牌又冇炸蝦餅, 我咪問個阿姐咩事, 蝦餅實際係幾錢? 然後佢叫左個應該係經理既人過黎, 一黎就問我想點? 我都想知咁係想點,  唔食都食左, 錢我係一定會畀, 我只係想知發生咩事, 碟野係幾錢, 好平常姐? 乜茶記有隱藏menu? 仲要價錢都冇得睇? 同我講電腦印出黎係幾多就幾多, 咁不如下次你改到3百幾再叫人畀錢啦, 做生意唔老實仲衰過難食, 以後唔會再幫襯呢間野, 搵笨

今朝我和闊別兩個月的鄰居八點半到這裏食早餐，主要是為咗傾計，大家點了以下早餐套餐：1. 火腿通粉早餐$31，牛油方包，煎雙蛋，熱阿華田；個餐味道OK，鄰居食唔晒個通粉叫打包一半叫咗一個盒，只係方包不知怎樣保存風乾了，不軟熟，阿華田太淡。2. 雪菜雞絲湯意粉早餐，牛油方包，煎午餐肉一件同煎蛋一隻，方包和阿華田問題跟火腿通粉套餐的一樣；個雪菜雞絲湯意粉到底亦都未到OK。由於我哋顧住傾計，我哋喺食完食物之後才落order叫熱我華田兩杯，中途叫咗一個外賣盒，服務員香我們說外賣盒一蚊，另外加多$3不知是什麼，手寫在張單上面，我見鄰居不質問，我也不質問，繼續傾計。在這兒傾計起碼唔使好似酒樓同大快活咁嘈，由於面積都很大，所以早餐傾計人不會太多，不會有客人在後面排隊趕我地走。

山長水遠黎到博康邨就試下呢間餐廳。先黎個老火湯，味道幾好，似乎落足料咁。點了黃金鮮魷同蝦米絲瓜粉絲煲。粉絲好入味，送飯食一流。不過淨食粉絲都飽可以唔駛點太多餸菜食。黃金魷魚好香口，亦係送飯既配搭。