祺森冰室

营业中

休息中

今日同🐥仔留港消費，去坪洲1日遊，由於大家都是第一次來坪洲，所以上網找了坪洲有什麼好食的，看到這間餐廳蝦多士有好多人推薦，一於同🐥仔試試。餐廳地方細細，枱與枱之間都好親密，所以都好迫。我們等了差不多20分鐘才有位，並安排我們坐卡位，由於人多關係，所以一定要同其他人搭枱。我們點了：蝦多士（下午茶套餐包一杯飲品）$53 ～ 炸起熱辣辣，好脆口，口感外脆內軟，食到有2粒蝦肉，但如果蝦肉再多點，增加咬口及蝦味會更好！奶茶紅豆冰（套餐另加$13轉紅豆冰）～ 好好飲奶茶味奶及茶比例和甜度都剛剛好，紅豆份量多，又不會太甜及太淋，不錯 xo醬豬扒炒烏冬（午市套餐包一杯飲品）$65 ～ 份量都多， xo醬香辣惹味，但略嫌豬扒質地較薄，烏冬口感太淋，味道整體一般 Tiramis紅豆冰（套餐另加$13轉紅豆冰）～ 飲第一啖覺得有點甜，但加埋紅豆一齊飲味道剛好，都好好飲總結：本人覺得飲品比較有驚喜

當日星期六 好多人排隊 又熱 小妹都係網上見推薦 走過黎試下太多人就唔排喇外賣試下 五十蚊一份左右 3件人生第一次食蝦多士 Um..本人唔中意食油炸嘢食落又無咩特別可能細個無食過 少左份懷舊味😂

兩年前嚟過，今日再嚟排隊嘅人龍冇咁多，所以都再試一試。不過試埋今次，應該冇下次啦。😬⭕️蝦多士 $51（+$3凍飲）蝦多士依舊酥脆🦐，不過隻蝦細隻咗啲，以前比較大隻，內餡比較多美乃滋，但係就冇乜味，主要靠點沙律醬先有味道。🍞以蝦多士，又差唔多價位嘅嚟講，咁「越南仔」嘅好食好多好多。🫥❌XO醬豬扒炒烏冬 連飲品$63炒烏冬唔夠鑊氣，食落除咗少少黑椒、辣味之外，就冇乜其他味道。😐豬扒用咗好多鬆肉粉，腍啤啤咁，亦冇咗本身豬扒嘅味道。🐷環境迫狹，兼外面長期有兩、三個人排隊，食完就走，所以無論食物定係想Hea嚟講，特登入到坪洲就唔值得黎啦。

📍祺森冰室放假最好出外走走🚶🏻‍♀️💨今次去左坪洲郊遊遊去發掘小島美食🏝️見到網上食評指坪洲最出名係呢間冰室既蝦多士即刻衝去試試佢💪🦐蝦多士 （$53茶餐）四件蝦多士新鮮熱辣辣炸起多士熱度十足所以好脆口🔥蝦多士係用左一塊方包再加海蝦粒溝薯蓉舖面拎去炸一啖咬落去真係有一粒粒海蝦係入面炸既程度都岩岩好成塊多士既感覺唔會好乾但係油炸既關係食完件蝦多士油膩感幾重最好同朋友share🫂🐷XO醬豬扒炒烏冬 （$65）見到店舖寫住特別介紹呢碟炒烏冬即刻嗌埋試試佢💪本身以為烏冬連埋d豬扒一齊炒原來係炒左烏冬之後再將一塊豬扒舖面烏冬用左芽菜同洋蔥炒的確鑊氣十足🔥可惜整體口感都真係偏油見到每條烏冬都閃令令重口味人士會中意🤣試完呢間冰室之後主觀感覺覺得不妨一試🫰🏻始終唔係成日去坪洲所以可以試下呢件坪洲名物蝦多士🦐不過如果再去坪洲我就會留quota試下其他食物😋繼續發揮我既冒險精神🫡

每逢週末，我哋都好鍾意捐窿捐罅四出 #打卡、搵啲 #地度美食☺️ 呢日我哋就去咗有 #文青小島 之稱嘅 #坪洲 #四圍look 🤭 由 #中環六號碼頭 出發，大概半個小時鬆啲就到。#坪洲 地方細細，大街小巷都充滿藝術氣息😘 我哋第一站先去到「秘密花園」，雖然花園裡面所有嘅擺設都以回收物之主，不過併合起嚟卻另有一番氣質，最啱鍾意打卡嘅你同我😁 為咗趕船連早餐都未食嘅我，個肚開始餓到打鼓😅 幸好朋友仔一早已經plan好 #美食路線圖，提議我哋先去 祺森冰室 食啲 #小食 再出發。餐廳地方唔算太大，同市區嘅 #冰室 裝飾都差不多，招呼都唔錯。嚟得幫襯，梗係要試吓佢哋馳名嘅 #蝦多士 同 #西多士，雖然等嘅時間比較耐，不過即叫即炸嘅蝦多士特別鬆化，一口咬落去仲會見到隻蝦仁🍤喺中間，口感都幾豐富㗎🤤 而佢哋嘅西多士，火喉都控制得好好，喺夾咗花生醬嘅多士上面加上糖醬，入口甜甜地一啲都唔會油膩🤤 唯一美中不足係杯 #奶茶 茶味唔夠香濃，師傅考慮加多少少茶葉🍃就perfect喇☺️📍 祺森冰室 (坪洲)永安街3號地下B號舖

.#foodie #hk #hkfoodie #HTB美食推介【坪洲網紅蝦多士｜慕名而來排長隊食茶記🍤】🐨蝦多士（4件） $51推薦度：⭐️⭐️蝦多士比想像中厚身，多士上面搽滿蝦膠，有少少蝦粒但就冇咩蝦味同口感🍤而且蝦多士整體炸得好乾而油膩，食一塊已經覺得好嚡口...沙律醬輕輕平衡番，睇埋價錢應該就唔會再食。.🐨紅豆冰 $32推薦度：⭐️紅豆冰奶味偏重仲好甜，紅豆就好大粒，做唔到起沙感，兩者混唔埋咁～ 如果夏天飲都仲可以解渴，冬天就嗰駛試了-----☼-----☼-----☼-----☼-----☼-----祺森冰室 📍地址：坪洲坪洲永安街3號地下B號舖🐨推薦度：😋/5 💰人均價格：$50-100🪸環境：👾🗣️服務：👍🏻📸食物打卡度：💡💡🛠️分類：#HTB坪洲 #HTB茶餐廳 .#坪洲美食 #坪洲 #茶餐廳 #茶記 #蝦多士 #紅豆冰 #美食推介

📍祺森冰室整體黎講都係間唔錯嘅茶餐廳😋係間幾高質嘅茶餐廳#坪洲 ❣️蝦多士多脆內軟crispy~ 個皮炸到好靚嘅金黃色💛加埋好香嘅忌廉同彈牙嘅蝦 不錯不錯 😋💰44.❣️滑蛋照燒雞扒飯意外地係三個主菜裏面唯一一個唔辣嘅😹唔知點解同啲friend都好自覺咁忽略咗XO醬係辣嘅😹 俾個滑蛋吸引咗 (其實個樣唔係真係咁好)但係就係因為塊蛋叫咗 照燒醬係偏日式甜啲嘅嗰種 個雞扒都好滑～😍 overall黎講真係唔錯💰64.❣️XO醬豬扒炒烏冬集體唔記得XO醬係辣嘅😹所以第一啖食落口勁suprise✨ 重口味嘅朋友應該會鍾意❤️有種鐵板烏冬嘅感覺 豬扒唔會話淋 但係好入味🧡💰64.❣️黑椒豬肉眼扒+意粉會話黑椒味好重 但係成個意粉就只有黑椒味. 個豬扒都比較硬同幹身🤔💰64#坪洲 #坪洲美食 #祺森冰室 #祺森冰室蝦多士

蝦多士名物，網紅冰室作為一個坪洲居民，其實喱間褀森出名嘅並非蝦多士，其實叫得最多嘅喺叉燒意粉，但由佢嘅蝦多士跑出之後，週末我都唔敢去食了，因為排隊真喺太多人。佢嘅蝦多士的確喺用心整，比起出面嘅餐廳，佢喱個真喺大件又厚實，或者喺工序有啲麻煩，所以都比較少日再整。而喱到飲品方面，必點嘅喺紅豆冰、紅豆奶茶、紅豆咖啡、菠蘿冰都值得一試。裝修又的確幾有特色，可以話個內籠咁多年都無變，同埋個張綠色嘅卡位座，依家擺咗張喺門口可以比大家打卡影相。

今次假日黎到坪洲搵食📍坪洲祺森冰室今次我哋食左坪洲名物：蝦多士 $51即炸又熱又脆既蝦多士，一碟四件，入面既蝦都好大粒，不過沙律醬略多左小小。價錢略貴左小小。XO醬雞絲炒意粉 $63意粉好有鑊氣，炒到比較乾身。陳先生認為個意粉比坪洲名物蝦多士仲好食🫢Tiramisu 紅豆冰 +$13個紅豆冰同Tiramisu又幾夾，好似飲緊杯甜品咁熱情果梳打+$13呢杯係店員介紹，如果天氣熱行完一個圈坪洲飲呢杯岩晒，幾解渴。表現正正經經，冇藥水味，相比之下紅豆冰出色啲。總結：如果去坪洲可以試吓坪洲名物，行到攰叫埋杯紅豆冰最岩。2人總數$140（人均$70）10分滿分）價錢：6.5/10味道：7/10環境：7/10 #hkfoodie #hkigers #hkig #hkblogger#chansfoodie#hkrestaurants#hongkong🇭🇰 #hongkongfood #hongdonglove #hongkongtravel #hongkonginstagram #hongkongfoodblogger

第一次去坪洲 在炎熱的天氣 去坪洲玩 真的是一大挑戰 熱到痴左線搵咗一下資料 坪洲必食的美食 絕對有這家的蝦多士 看到沒有人排隊 當然要立即去試試 重點要涼下冷氣😂· 蝦多士 基本入得餐廳的客人桌上都會有這個小食 這個蝦多士比較厚實 令人有好漏的感覺外皮炸得香口 但一件好了 兩件就會膩口整體來說 可能抱有期望入去食 但事實這個蝦多士沒有令人有驚豔的感覺 普通炸物· 公司三明治 （個人認為）這個公司三文治更好食😋沒有蝦多士那麼膩口 麵包烘得非常脆口 好食👍🏻

One of the most famous Cha Chaan Teng (meaning Hong Kong cafes) located in Ping Chau.It wasn’t as busy as expected, probably because we avoided the peak hours. Prawn toast is one of their signature, crispy on the outside filled with generous portion of prawns. The pork served with stir-fried udon noodles is very tender, and the overall flavour is so homey.🔸Prawn Toast🔸Stir-fried Pork Udon Noodles with XO Sauce

黎到坪洲之前 蝦多士係我bucket list 聽講好好食🤣 岩岩好係下午茶時段嚟到 唔洗排隊 叫左2個下午茶餐填填個肚🤰🏻蝦多士 $51一碟四件 蝦多士炸到脹卜卜 即炸 又夠熱又夠脆🦐 食落係落係蝦粒 而唔係蝦膠 可惜入面太多沙律醬 蓋過哂蝦既味道 期望太高啦 性價比偏低🤦🏻‍♀️XO醬豬扒炒烏冬 $61茶餐廳水準 睇色澤都知夠哂味 都幾夠獲氣😎 但豬扒就偏柴… 淨係食烏冬 唔食豬扒都ok既🤨期望過高 成餐最滿意係有冷氣涼住食 特登入嚟食蝦多士就唔推薦啦️🤷🏻祺森冰室📍坪洲坪洲永安街3號地下B號舖

如果入長洲係必食魚蛋，入坪洲一定係必食蝦多士呢度嘅蝦多士真材實料，蝦肉好彈牙，炸到脆波波，外脆內軟另外就嗌咗個炒烏冬，顏色比較深，色香味俱全嗌多杯凍檸茶一解熱！

因為妹子話從來冇去過坪洲所以想一家大細去玩又怕星期六日多人所以我都陪佢請一日假一齊玩😆上網search話呢間蝦多士，好好食所以一落船就去搵佢我哋好好彩只係等咗幾分鐘就有位急不及待嗌下多士個樣脹卜卜好靚但係可能期望太高，因為個個都話好好食所以食落去又唔係真係話超好食係好味嘅，不過冇聽聞咁誇張如果要我排隊嘅話，我就唔會食😂反而個個豬扒包冇期望反而覺得幾好食西多士都一樣另外係出名，紅豆奶茶每次就勁鍾意飲我就一般般因為我本身都麻麻哋紅豆我諗鍾意紅豆嘅人會好鍾意因為佢啲紅豆好綿，奶茶同紅豆唔搶大家嘅味

除咗著名嘅蝦多士必食之外，💁🏻‍♀️個人就至喜歡佢嘅雞翼豚骨一丁，真係好好味，炸豬扒一丁全部都要食哂，仲要拎走！🤪🤪識飲夏天梗係飲凍奶茶啦，冬天呢就一定要試佢嘅熱咖啡！好有水準！老細同一班員工都好用心製作食物，水準keep得好好！