福元湯圓

营业中

休息中

元宵節食湯圓寓意來年一家人團團圓圓，幸福美滿我們食湯圓是之前在福元買的生湯圓主打手工製傳統湯圓的福元湯圓在炮台山已經開業 20 年是本地老字號小店，也是榮獲米芝蓮的糖水店湯圓新鮮製造一盒 10 粒〈HK$42〉，可以揀花生味 / 芝麻味 / 芝麻 + 花生的雙拼我們買了芝麻湯圓和花生湯圓各一盒返屋企放入冰箱可以存放 15 日湯圓唔需要預先解凍滾水放湯圓煮 5-6 分鐘至浮面就食得儍媽鍾意配暖笠笠的薑糖水儍爸和囝囝就鍾意配凍維他奶或豆漿一起食湯圓夠大粒，皮薄餡靚，糯米皮煙韌不黐牙，仲有流心的效果芝麻餡很香，芝麻是自家生磨再加入豬油來炒，入口油潤不過甜花生餡充滿花生鹹香味，仲有花生碎和白芝麻，吃起來很有口感 ~~** 以上分享是以我的口味、體質和情況作出分享及感受，一試 / 合用與否請自行決定

天氣咁凍，想食食啲暖笠笠嘅嘢暖身❤️‍🔥今次嚟到炮台山嘅福元湯圓，雖然鋪面唔大，冇咩花巧嘅裝修，不過人流絡繹不絕，無論買外賣定係糖食都要排長龍！不過覺得都值得 📌鴛鴦湯圓糖薑水五粒($28) 湯圓大大粒😍 有晒花生同埋芝麻味，餡料好足料，個皮好薄軟，一咬開仲會流心，聞落超級香！真·色香味俱全✨花生湯圓雖然冇芝麻湯圓咁有流心效果，餡料除咗花生仲有啲白芝麻粒喺入面，食落比較有口感～ 如果你咁啱入北角，呢間老字號嘅湯圓值得大家一試👍🏻外表平平無奇但係禾稈冚珍珠😻

「福元湯圓」相信唔會陌生 ， 絕對係老字號 ，坐落於福元街。 係天橋隔離 都好影搵到。話明湯圓店 當然主打係湯圓 依間有超罕見既花生湯圓 ， 想食埋出名既芝麻湯圓，仲有得簡mix埋😏糖水係糖薑水 ， 真材實料，飲落去真係薑味好重 好驅寒 ， 岩哂近排咁凍既天氣 叫左鴛鴦湯圓（$28） 顧名思義， 係mix左芝麻同花生味湯圓 ， 共5粒。 首先講左芝麻湯圓 ， 芝麻味好香 係真材實料既芝麻做成， 食落埋超級重芝麻味；到大愛既花生湯圓 真係粒粒花生， 食落去好有口感岩哂中意花生湯圓既人 唔怪得知依間人氣咁旺盛 吸引左唔少附近既街坊幫襯

聽過這間甜品店無數次知道這裡的湯圓很好吃可是一直都沒機會試昨天終於可以一嘗⋯⋯⋯⋯⋯⋯⋯⋯⋯⋯⋯⋯⋯⋯🥣 湯圓(芝麻+花生) 🥣 $42/10pcs本身以為湯圓就湯圓呀會有不同嗎吃完這個發現真的跟超市買到的有挺大分別外皮的確比急凍的更有嚼勁更QQ一咬開裡面的餡料就慢慢流出來達到流心的效果覺得他們家的餡料比外皮還要厲害芝麻口味真的可以嚐到芝麻自己本身的香味跟口感 不是只有甜味吃到最後會有一點甘苦味但是是好吃的可是我自己比較私心花生口味花生口味不只是有花生裡面還有芝麻吃的時候能吃到一粒一粒芝麻跟花生碎很香花生味蠻濃郁的值得一讚是兩種口味的餡料都很足料好吃程度：🌕🌕🌕🌕（5顆為滿分）〰️〰️〰️〰️〰️〰️〰️〰️〰️〰️〰️雖然覺得有一點點少貴還是蠻推薦大家去吃吃看的不過要留意店家開下午4點太早去會買不到喔回購意願：🌕🌕🌕🌗（5顆為滿分）

•虎年快樂🐯虎進金來🎊 今年依舊祝大家身體健康！虎年第一個post都專登揀同新年有關🧧食碗湯圓 團團圓圓～餃里 @gao_lay 最近同香港製造嘅品牌合作，第一個project同咗福元湯圓搞團購😍 雖然我平時少去北角，但都知道福元湯圓係本地老店，啲湯圓好出名，所以點都要支持下💛•🥢 花生湯圓 $45/盒湯圓皮好薄但又唔會穿，入面個花生餡先係重點！餡比平時食嘅竭少少，但真係有細細粒嘅花生碎同芝麻，食落有啲咬口，而且花生味真係好濃😍•🥢 黑芝麻湯圓 $45/盒黑芝麻湯圓係流心嘅，所以煮完之後粒湯圓會無咁挺身，扁啲又軟腍腍啲～ 雖然皮薄，但都係無穿到👍🏻 芝麻餡好幼滑，而且黑芝麻味幾香濃，唔會太甜，一咬開真係同佢哋形容嘅一樣——「爆漿」🤩

年近歲晚，天氣又凍🥶又無晚市😢為咗令今晚餐團年飯再加多一點甜🥰忍唔住去咗米之蓮福元湯圓買咗芝麻同花生湯圓😍😍用咗啲黃糖加水煮成糖水，再加湯圓一齊煮，令湯圓加多幾分甜😋一咬落其中一粒湯圓，糯米皮軟綿綿又薄！個口一陣芝麻香味充斥住整個口腔😋再仔細一望，啲芝麻蓉好似流心咁流哂出嚟😍原本想減肥，都忍唔住再食多一粒！今次係花生蓉🥜啲皮雖然厚，但都係咁軟糯🤤真係值得再encore!提提大家，福元都有出片教大家點煮到啲湯圓流心㗎❤️想食到流心餡記得睇片啦😜

就黎新年而且天氣又會轉冷⛄️最啱就係食暖笠笠嘅甜品😋之前黎過呢間米芝蓮推薦嘅糖水店真係一試難忘！🥰第一次路過見到好多人排隊所以冇入去第二次都仲係咁多人所以就的起心肝排隊都要食到🤪食完就知係值咁高人氣.🌟棗香合桃露+湯圓 （$35）呢度嘅重點係湯圓湯圓外層軟糯 大大粒而且中間嘅芝麻餡超足料香濃😚仲可以做到流心效果屋企自己整唔到呢種效果 所以好值得黎食合桃露就正常發揮 .鋪頭空間唔多 所以好多人都會選擇外賣🥡呢度仲有生湯圓賣 可以買返屋企自己煮係出色嘅中式糖水

呢兩日又凍又濕，真係要返啲肥仔野暖暖身😂好難得福元唔洗排隊，啦啦林衝入去食！鴛鴦湯圓$28酒釀湯圓$32一路等就一路見好多人外賣急凍湯圓，食落口就知箇中原因😝芝麻餡一咬就爆漿，真係接都接唔住🤣芝麻味好香而且食咁多粒都唔覺得溜，最多都係飽🤣至於花生味🥜，個人就唔特別喜歡，佢都十分足料(見到有白芝麻)，但感覺好油膩。各有千秋，但整體好味，而且薑水真係好姜好辣，正！

◦•●◉✿✿◉●•◦ 今次想介紹呢間人氣湯圓小店比大家💛(連Edan&教主都去過拍MV架🙊)小店地址係北角 唔算太常去呢區 通常👴🏻都會買生湯圓👵🏻返屋企煮😗⁡口味有芝麻湯圓&花生湯圓💛👵🏻一向鐘意食花生味多啲但福元嘅芝麻湯圓改變咗我嘅想法一咬開就有流心嘅芝麻爆出嚟🤤 濃濃嘅芝麻餡超級香🖤食完佢地嘅芝麻湯圓之後真係返唔到轉頭😗⁡👴🏻就鐘情花生湯圓🥜一咬開就流心花生餡爆出嚟而且有粒粒花生係入面🙊湯圓比一般係超市買到嘅大粒好多而且好煙韌🤪 ⁡Overall覺得2款湯圓都好出色😆食完之後真係翻唔到轉頭😗⁡😋: 𝟡/𝟙𝟘

一早已經聽過呢間傳統糖水鋪嘅湯圓好出名😋一直都想去試吓，睇完mv之後有更大嘅動力去朝聖😉鴛鴦湯圓($28)呢度最出名就係黑芝麻湯圓，但我又好想試埋花生湯圓😝一於就嚟個鴛鴦湯圓，一次過滿足晒兩個願望😆手工湯圓嘅皮好薄好軟，一啖咬開，啲餡就湧晒出嚟🤩黑芝麻有炒過嘅香味，比平時食嘅更加香濃🤤相比之下花生湯圓就無咁驚喜，湯圓皮厚啲啲，不過夠煙韌，流心嘅花生餡好香，配埋佢碗糖薑水，超濃嘅辣薑味，尤其嚟緊開始凍，冬天食真係一流😍過一個暖笠笠嘅冬天環境﹕7.5/10 (因為Anson Lo喺度拍mv加分🤣)抵食﹕7.5/10味道﹕8/10

建議：節慶日排要有少少耐性，一係就避開假日再買😆終於食到福元湯丸😋 大時大節去一定排長龍。 雖然舖頭係主打爆漿湯丸，不過同普通糖水舖一樣仲有好多其他款既甜品。例如：豆花、涼粉 同布甸…等等。今次試左：▫️糖不甩 (HK$28)有啲舖頭既糖不甩，會用番有餡湯丸。不過福元既就係無餡既丸子，一打開個碗真係正宗既白玉丸子，每粒都好飽滿。8️⃣粒既份量都算多🤣 要開心Share 先食得哂。糖不甩會跟包花生粉，唔知係咪磨得太碎，唔係好食到花生味，定其實要落到遮哂全粒丸子先夠呢⁉️🤔另外，有餡既湯丸真係好正，餡既油份較高，所以好滑👍同FD子交換左一粒花生湯丸。一咬開真係會爆漿，視覺效果好流心🤤 如果想食有餡既糖不甩都得，餐牌上都有得揀。5️⃣粒HK$32 以湯丸既質素，絕對抵食😋

終於去左試大名鼎鼎嘅福元湯圓啦🤗🤗一咬開裏面嘅芝麻餡係以秒速+瀑布式+失控地流出😈而且芝麻味都好香呀😻😻食飽之後即刻果斷地買咗兩盒生湯圓返屋慢慢嘆👻（個人覺得芝麻餡比花生餡出色）😜另外個薑汁湯底都真係好夠薑🤡係有辣嘅感覺😚天氣凍嘅時候食夠晒暖身🥰 呢碗芝麻湯圓我比100分👍🏻 不過個芝麻糊就令人失望左🥶都食唔到芝麻味嘅🥶 餐廳4點開始營業，但係未到四點已經見到有人開始排隊😲果然係人氣小店😬📍北角炮台山福元街7號利都樓地下I-1舖

鴛鴦湯圓 $26天氣開始涷 最啱飲碗糖薑水暖下胃💛湯圓皮薄餡靚 煙韌得嚟又唔痴牙有流心嘅效果🥰芝麻味好香濃 一咬就爆曬漿🤣花生味甜甜哋有花生碎增加口感果然係米芝蓮呀😍芋頭椰汁西米露 $26芋頭同椰汁味好香濃💕芋頭好粉嫩🤤但係西米露未能夠做到粒粒分明嘅效果🙈不過食完都會好滿足🥰ps喺門口安排坐位嘅伯伯好可愛🤩💛ps2 教主都係喺到拍mv㗎🤫Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟🌟📌環境：🌟🌟🌟📌服務：🌟🌟🌟🌟

第一次黎食湯圓，點左合桃露加芝麻湯圓，朋友點左芝麻糊加芝麻湯圓。我地覺得合桃露同芝麻糊都好一般，味道偏淡。不過芝麻湯圓超級好食，有種好rich的感覺。食完好飽。不過座位好少，見大部分人都係叫外賣。

由1990開張到呢2021年，人氣係有增無減！老年號已經係打入左香港人心中，一到大時大節更加會引來一番人龍，冬至就緊要食湯圓拉～團團圓圓好意頭！😆🍡薑汁花生湯圓 $28呢個係佢地招牌黎，個個都叫薑湯！湯圓可以揀花生/芝麻/鴛鴦，湯圓賣相大大粒🤩排隊果時見到個姐姐包，粒粒都係甘標準大細架！🤩花生唔係靜係得蓉，夾雜花生碎同芝麻，幾有口感！！皮佢係厚身啲，咬落係煙煙韌韌😋薑湯就唔算好濃，係可以再薑啲😂🍡黑芝麻糊芝麻湯圓 $34一於試埋佢其他糖水，黑芝麻糊真心必食！！黑芝麻糊磨得幼細，口感香滑😍😍雖然佢未做到超濃芝麻味但個口感已經贏左😍😍我地以為湯圓會有5粒，其實有啲傷心🥲因為會唔夠侯🤣芝麻湯圓配黑芝麻糊係另一番風味😋佢唔算係流心餡，但都唔錯！