福利茶室

营业中

休息中

係大埔墟出發，係「粉嶺鹿頸」行山路徑大約行到一半就會見到左手邊有福利茶室茶室除咗有普通嘅豆腐花同糖水， 亦都有小巴一直好想試嘅農家菜.今次因為同行嘅人數比較多，所以小編都試咗好多唔同款式❇️椒鹽鮮魷❇️客家釀豆腐❇️白切雞❇️香煎蠔餅❇️即採蕃薯苗❇️炒麵.小編十分欣賞佢嘅菜式，唔知大家有冇聽過簡單嘅菜式就越難做佢嘅椒鹽鮮魷同豆腐係做到好香口豆腐同白切雞就好嫩菜苗都感覺好嫩，食落去完全唔會好硬.附近嘅環境望住一條河，環境清幽，好適合俾大家慢慢食下野，照顧下自己身心靈健康.雖然呢個地點唔係好方便，唔係個個都會特登行但係如果大家行山，小編建議大家一定要試吓

名副其實穩世茶室今日約咗幾個行山友去行山，專登去行山路必經嘅福利茶室食雞🤤🤤由烏蛟騰入去行山徑大概1小時就可以到呢間茶室👍🏻👍🏻如果想食佢哋嘅雞粥必須早一日前打電話去預約留定，我哋今次一行四個人叫咗白切雞、花蟹粥、手打墨魚丸、釀豆腐、佢自家製嘅豆腐花同埋茶果！白切雞超有雞味，此農村自己養雞嗰種咁，花蟹粥即叫即擋非常鮮甜姨姨推介我哋食佢個手打墨魚丸係必食推介，確實識落口感彈牙墨魚味重，呢個真係必食👍🏻👍🏻👍🏻仲有佢個自家製豆腐花再配佢幾重薑味皇糖漿超級好味😋😋

與屋企人行山，由烏蛟騰行去三椏村，中午在期待已久的福利茶室食午餐。茶室坐落在濕地草原旁，行山行得又累又餓，能夠一邊欣賞美景，一邊品嚐客家美食，真是人生一大樂事，值得推薦。客家炆豬肉豬肉炆得腍，鹹菜惹味，我們食完一份不夠，大家一致同意，再點一份。😂椒鹽魷魚魷魚表面的粉漿頗厚，以為口感一般，但嘗一口，非常鬆化，啖啖魷魚鮮味，抵讚。手打墨魚丸類似打邊爐的魷魚滑，大大粒，咬落去十分有口感，佐點豉油汁十分惹味。豉油皇炒麵 麵條口感煙韌，有鑊氣，但嫌不夠咸，多些豉油會好些。客家釀豆腐豆腐煎得外脆內軟，釀在上面的豬肉有醇香豬肉味，不錯。蒜蓉炒蕃薯葉番薯葉應該是後院自家種的菜，少鹽少油，如果咸一點會好吃些。

母親大人成日同朋友由烏蛟騰行入荔枝窩，次次都話中途必去福利茶室叉電食正嘢，仲要指明走地雞好好食。今日終於明白點解佢次次食但次次都話「正」。今日我同朋友同樣由烏蛟騰出發行入荔枝窩，進入三椏村範圍，已經見到迎面有人一面行一面話「好食⋯⋯好正」。我地偷聽到佢地話下次要encore 墨魚丸同炆豬肉。我地照板煮碗叫左手打墨丸同炆豬肉，再加埋釀豆腐、梅菜炆茄子、白灼鮮魷，終於明白點解母親大人對佢讚不絕口。每道菜都唔係花巧野，但係越簡單就越見心思。可惜一坐低已經聽到呀姐大叫「無晒雞喇！」同走地雞緣慳一面。餐牌仲有好多想食之選，可惜胃口有限，大家有無好推介？

獨木舟後食好西！玩完一日獨木舟，上岸後當然要食好西！墨魚餅唔係成日有玩左幾次獨木舟，今次終於有啦！墨魚餅好香好脆，墨魚味好鮮！呢個應該係我呢世仔食過最好食既墨魚餅！沒有之一！另外買左糯米糍返去食d花生味好香，無得彈！

會唔會係Foodie界入面介紹得最偏門既餐廳🤣竟然要行幾個鐘山先食到🤣🤣椒鹽鮮魷Price：$120📌可能係小妹食過最正既椒鹽鮮魷😋！個皮超薄唔會太多生粉，出面d大排檔通常層皮都好厚好似食麵粉咁🤢一咬落去仲Feel到條魷魚好Fresh好彈牙👍🏻個口感真係好正🤪可惜整到成份冬蟲草咁又細份量又少🥲三椏白切雞Price：$135 / 半隻📌呢到專做客家菜式，呢隻雞個人認為係必嗌！平時d走地雞嚡熠熠食到牙都痛埋🥶呢隻雞肉質真係超級嫩滑而且啖啖肉🤤無乜調味料食到既都係雞既鮮味😛煎釀豆腐Price：$80📌小妹自己本身對於豆腐就麻麻地🤔覺得太啖茂茂無乜味，所以對呢味餸無乜期望同驚喜🥲豆腐中間夾左粒豬肉，而且夾起唔易散，同行朋友們覺得呢道菜係必食，中意食豆腐既朋友可以留意下～蕃薯苗Price：$60📌成日見人投訴蕃薯苗又硬又苦🧐但呢到既蕃薯絲超級好味！菜好嫩滑同鮮甜，油度適中，食到停唔到口👍🏻店員呀姐果然無介紹錯🥳自製豆腐花Price：$15📌當日涼粉賣哂得返豆腐花😭豆腐花比較粗糙，唔夠軟滑😥不過佢地個糖水用薑去浸好好味👍🏻糖水同黃糖都係自己調配中意落幾多就幾多，咁就唔洗怕太甜 / 唔夠甜啦✅小妹食

假期行山一早已經訂定枱，可惜未能夠坐出邊面向田，環境比較好！全部都係叫晒啲招牌食物，白切雞真係同傳說中一樣完全冇脂肪好有雞味！炒番薯苗就好嫩！籠仔蒸蜆好鮮甜有一啲未熟叫佢幫我哋再蒸返都可以！椒鹽鮮魷就一般！手打墨魚丸就好好味但係就唔係彈牙嘅但係都值得食！客家炆豬肉好期待但係就覺得麻麻地！之前喺吉澳食過嘅就真係非常之鬆化，呢度嘅個味都好味，但略嫌比較肥啦！其他值得推介嘅煎𧐢餅、一定要食山水豆腐花超滑夠熱！仲有支裝汽水豉油王炒麵就冇乜特別建議唔需要嗌！

秋風起最適合行山，而行山如果有美食嘅話就更加令人興奮😆😋 朋友介紹話呢間農家菜好正，所以專登喺烏蛟騰出發行山入嚟行咗兩個鐘卒之食到喇👏🏼👏🏼👏🏼一入到黎就已經見到好多行山友坐喺度開餐就知道靠得住 我哋幾乎個餐牌上有嘅嘢都叫晒每樣都好好食尤其是生蠔同埋蜆仔，好飽滿又多肉，仲非常之新鮮另外個雞都好正，平時啲走地雞會比較老啲，佢啲雞一啲都唔鞋非常之滑仲啖啖肉另外佢呢度有一樣好正嘅嘢就係糯米糍，係等緊開餐嘅時候可以買一包糯米糍食住先而走嘅時候都可以買啲返屋企做手信，皮薄餡靚係一定要買嘅

假期同朋友由烏蛟騰行山，早餐食得唔多所以都有點肚餓.我地大概行左45分鐘就經開呢間主打客家農家菜的福利茶室！差唔多夠鐘食晏.所以都非常多行山友會選擇係度醫肚或者食碗豆腐花我地三個人點左新鮮白切雞肉質鮮嫩帶咸咸地，呢度仲會跟埋雞腎同雞潤添👍係出面真係好少食到鮮雞！有雞味👍呢度我最愛的手打墨魚丸.濃濃的墨魚味及帶點墨魚肉架！可惜唔夠彈牙🙃我係豆腐控當然要點客家釀豆腐,豆腐好滑之餘面頭用咗蝦膠，口感唔錯！最後唔少得叫蒜蓉炒手扎蕃薯苗.店舖自家種的菜，菜味香濃好新鮮！呢餐每人百零蚊，仲有一人一杯自家浸既咸檸檬配7喜行完山飲返杯氣水食返餐特色農家菜😬正呀😋

呢個天氣最好跟行山團隊行下山！！一來有益身心！！二來行山之一嘅一大好處就係可以去到平日去吾到嘅地方享用美食！！這日行到粉嶺沙頭角三椏村嘅福利茶室享用客家菜！！多人食嘢好處係可以試到好多餸！！八餸一甜品！！客家走地鷄、客家炆豬肉、梅菜蒸茄子、椒鹽鮮魷、手打墨魚丸、客家釀豆腐，蒜容炒菜、豉油王炒麵同香滑豆腐花！！最正竟然係……梅菜蒸茄子！！原條茄子蒸原來好好味！！雖然淡D但加埋梅菜食剛剛好！！椒盬鲜鱿有驚喜！！有咖哩味㗎！！而且好香脆！！其他食物就一般啦！！不過勝在食到風味！！小貼士: 可能假日先開㗎！！

The best salted pepper squid and fried bean curd can be found here. It is worth the 2 hour hike to get here from Wu Kau Tang or you can also come via speedboat from Tai Mei Tuk or even from Ma Liu Shui. It is definitely a rewarding experience to sit down and enjoy a cold drink as well as a quality meal after a long walk. This place is a like a genuine Hong Kong bed and breakfast, because they even have dorms where you can stay overnight. All the food was delicious, but the salted pepper was to d

客家菜，一向又香又好味，呢間茶室都可以做得到。環境清優，舒服，好多行山人士都會喺度停一停，休一休。特別嘅地方，配特殊的懷舊，別有一翻風味。佢地嘅大茶壺，亦係其中一個特色。客家豬肉，香又不膩，不過啲咸菜咸咗啲。。不過都好好食。釀豆腐的豆腐超滑，食完會想再食。蕃薯苗，嫩滑。吸精的原隻梅菜蒸茄子，味道好夾，茄子新鮮，好juicy。推介煎蠔餅，真正的煎蠔餅。。啲蠔仔多到你唔信。蛋香，蠔香。白切雞，本身凍食嘅，不過唔太熟，要翻一翻熱水，不過味道都無太大分別。瘦就瘦啲，不過都ok嘅最後，香滑豆腐花，一定要試。糯米糍係一定要食，皮薄餡靚，食完包你買走，唔好走寶啦。

新春行大運，浩浩蕩蕩一行十多人由新娘潭作起點，途經烏蛟騰，三亞村，茘枝窩，最後回到新娘潭終結。沿途多是荒癈村屋，好不容易有間小小茶室，聽聞驟有名氣。雖然我們己食過自己帶來的午餐，只見白板上寫著豆腐花三個字，大家的眼睛己發亮了。豆香撲鼻，入口滑溜，熱辣辣，有𦍑汁或黃糖可自由選擇。我則加了少許羗汁，好香好濃郁的味，特別醒神。價錢只十三元一碗，好抵食。食過香滑豆花後感覺能量增加了.....可繼續前行。

週日到烏蛟騰及荔枝窩一帶行山，午飯時間途經三椏村的福利茶室作小休及補給。 雖然地處偏遠，但因茶室座落山徑必經之路，假日山客十分多。部份山客直接在茶室享用炒粉麵飯及小炒作午膳；筆者則選擇享用甜品，一客美味的山水豆腐花。 未知何故，山水豆腐花一向是各大小山徑的人氣小吃，店員也密密手在準備豆腐花。一客美味的豆腐花最緊要豆香滑溜，這碗作品確實有不俗評分。除了黃糖外，茶室亦備有薑汁作調味。相比黃糖，帶甜的薑汁口味更佳更自然。 稍作歇息，又要整裝代發重身上路喇！

在晴朗的一天跟朋友行山, 由烏蛟騰行到三椏灣, 下午三點多來到福利茶室, 正好可以吃個遲來的午餐。一心想叫豆腐花食, 可惜最後的給人吃掉了。  小小的郊外茶室, 餐牌竟然中英都有, 外國人雖喜歡郊遊, 但較多在港島區, 在這條路線是少見的。  蕃薯苗$60 - 新鮮嫩綠, 有清新的菜香, 爽嫩無渣, 調味略咸。 無糖自磨黑豆漿$13 - 無糖是很淡, 但豆味同樣的淡。 餐蛋麵$35 - 在郊外食碗餐蛋麵, 風味就是不一樣, 蛋大大隻煎到剛好無燶, 餐肉厚切, 仲送多兩條菜, 湯底雖然也是味精粉, 但味道剛好不過咸, 麵條軟硬適中有口感。 客家釀豆腐$70-個人覺得焦味稍為太重, 豬肉餡釀入豆腐內, 簡單但美味健康。 在一個荒野外, 無車路入到來, 行出去馬路要行個幾鐘, 不知在這裡住或做生意的人, 是如何採購物品, 難以想像, 行山行到一半有這地方可以休息一下, 該感恩他們的辛勞付出。