福利茶室

营业中

休息中

行山最喜愛見到士多。每次行烏蛟騰我都會幫襯呢間士多！老闆超好人，又好傾！行山要食返碗山水豆腐花是常識吧？佢既豆腐花豆味好重！真心覺得好organic, 不過唔知係咪今次石灰粉落重手左d?所以有少少唔夠滑，但整體因爲夠凍同夠味，仲有好足料，所以都仲係好正！不過如果你本身就喜歡密度高d既豆腐花，下次行過就真係要試下啦！

是日行山, 做下運動, 朋友話行到一半就士多可以叫野食, 我地班為食友, 愈行愈快, lunch之前...就到左...=_="其實呢條行山路徑都幾多野食, 一忍唔到口, 好似我地咁...行左就真係等於冇行到.....黎到福利, 我第一眼就見到手打墨魚丸!! 香港有幾間行山/塔船先可以去到既食店, 佢地既手打墨魚丸真係一試難忘, 所以我二話不說, 叫左呢碟!! 再叫左個炒飯同炒麵, 一碟菜同埋...嘻嘻~~一碟蠔餅!我都話..我地食左好多野架啦....先黎我期待已久既手打墨魚丸! 黎左6粒每人兩粒~ 好軟滑, 墨魚打得好細, 但特別加幾粒大少少既肉比你咬到, 味覺非常滿足 鮮味非常!而個蠔餅本身佢有得簡大同細, 但...叫個時話只有大既~ 唔緊要啦, 大家都好想食! 嘩每一粒蠔都幾大粒, 唔係太油有少少脆口, 好有蛋味。一個楊州炒飯, 飯好多, 色好淡, 味道都比較淡, 仲有星洲炒米, 有少少辣, 炒得幾乾身, 冇痴埋一patpat, 呢個真係唔錯! 真係好飽! 但係...冇理由唔叫山水豆腐花掛? 豆花好滑, 入口即溶, 熱辣辣咁放上台, 真係好正! 有朋友話要食喊既...加左豉油...

最近，戀上大自然。繼上星期東龍島郊遊，是日，去得更激 - 由烏蛟騰暴走至鹿頸，挑戰個人極限。三人行，捨平坦小路不走，偏向高山行，自找苦吃。天陰陰，然，置身荒野，心情舒暢，沿途，風光明媚。且，看見一個個跑山者拼命往前跑，與時間競賽。我們仨人，尤如閒雲野鶴，樂得逍遙自在。邊走邊聊邊吃水果，不樂亦乎？至三椏村，體力耗盡，且有點累，與紅樹林的小蟹say goodbye後，去福利茶室小休用膳。茶室人手不足，要自己招呼自己，以客家菜式為主。然，胃口不佳，只想簡單吃碗麵，然後繼續趕路。先來三樽冰凍可口可樂$11／枝。茶室乃烏蛟騰至三椏村必經餐廳，大家都以此為補給站，故座無虛席，要久候食物上枱。小妹要了一碗餐蛋麵$25，生菜夠鮮嫩，份量也多；煎蛋碩大且美味，比坊間還要好吃；餐肉煎得也香口，但不夠合全士多厚身。麵淥得極為準繩，軟硬度適中，湯則鹹淡得宜，較為輕盈健康。Cc和云各要了一碗腸蛋麵$25。茶一壺索價$30，熱水則任斟。臨走時，借鄰枱茶壺影相，也順便斟滿一膠樽。然後，向荔枝窩進發。。。步行不久，始發覺，三椏村另一側，有另一間茶室。

行烏蛟騰必食店 - 福利茶室行到好累，必定要去食福利茶室！但旁邊有難食店，小心中伏。福利茶室只開星期六日(不是成日開門)！可打電話去查詢留位，推 : 雞 ！海鮮 ! 豆花

呢日行山，由烏蛟騰出發—》三亞村—》荔枝窩，得知這間店的家鄉菜不錯，但只在假日營業及需要預訂。幸好當天經過時有旅行團預訂了故有營業，我才可以大飽口福！沙頭角走地黃油雞（$100/半隻）個名雖說是走地，但店員說現在沒有了，都是從外面購入的，但雞肉都很滑！炸豆腐店員說這度菜是今天才有，餐牌裡沒有的，既然有緣，當然要試試！果然無叫錯，豆腐炸得外脆內軟滑，無論係點佢呢度嘅自家製辣醬或是附上嘅咸咸地嘅醬汁，都係咁正！椒鹽鮮魷（$95）魷魚新鮮，粉槳炸得又薄又脆，味道唔會太鹹，調得啱啱好，真係好食到唔停得口！ 蒜蓉炒生菜（$45）看似無特別，但其實係這店自家種的，故非常新鮮，又清甜！唔記得咩魚添，時價，即場喺魚缸度揀，即蒸，新鮮到呢，連我平時唔多食魚都覺得好食！豉油皇炒麵（$50）麵炒得夠乾身得來又唔油，正～自家製豆腐花（$10）又香又滑，連彊水都係自家製，真係無得頂！

輕鬆的假日遊,朋友介紹下除了行山還前來享用鄉村風味美食~從來都是由最懂得食既朋友發板,再加埋好nice既阿姐推介,我地一行5人,足足叫左8道菜,仲未計豆腐花豆漿,因為菜色都頗吸引~上菜非常有效率,而且賣相好得,見到就已經好想食喇尤其蒸蜆真係非常有鮮味! 蠔餅既肥嘟嘟蠔好正呀!蘿蔔牛腩.....蘿蔔清甜,牛腩好入味!芋頭扣肉......賣相好靚,即使我唔食扣肉都忍唔住試左!其他泥蜢粥,薑汁芥蘭,煎釀豆腐,豉油王炒麵,豆腐花,豆漿,都有水準呀!!!!勞動過後總覺得這是一頓獎賞,為接下來的行程繼續打氣,go go go!!!!

相信是行完山的原故，覺得這裡的食物很好吃，因為真的有點餓。說環境，因為是郊野地方，很有鄉村的感覺，在棧村屋旁架起帳篷，真是一個正斗的露天雅座。精選推介有三：1. 田園炒青菜粗粗的菜莖很有田園粗獷的感覺，用蒜溶炒，味道不會很濃，唔錯。2. 雞粥粥很「綿」，很易入口，也很香。雞肉也很好，以至我們叫了第三道菜。3. 白切雞很普通的一度菜，但在飢餓時進食，別有一番感受，加上在郊野地方，特別認為雞味特濃，超讚。