福岡拉麵 (已結業)

周未一個走到太安樓行經福岡定食選擇多魚生刺生套餐好吸引更多一人前都係98已有啤酒主食小食一坐底 有杯好香嘅茶，好少有好飲嘅茶三文魚頭帶子鍋定食魚頭煎香過 巨峰葡萄有氣特飲煎餃子🥟

黎過兩次食晚飯，貪佢價錢夠平民。既然一分錢 一分貨，質素當然唔可以強求。今次叫左5款左右壽司同個撈烏冬仲有兩串串燒。講真壽司真係普通，唔算好新鮮，中等質素，但勝在價錢夠平。火炙三文魚壽司有驚喜，燒到d魚油出曬黎，加埋芝士，入口即溶，正！親子撈烏冬即係親子丼 飯變烏冬，烏冬仲有跟個中華沙律同麵豉湯，個烏冬黎到以為係乾身，點知出哂水。雞肉同住家煮嘅亦都冇乜分別。牛舌串燒唔差，唔會燒得過熟，咬唔爛。相反雞軟骨就唔得啦，炸到乾曬水，痴住曬支竹籤，咬都要唔甩！好嘅係店員非常好服務，食得舒服，平民價錢啱哂長期糧尾嘅朋友。

每當月尾就係最窮困嘅時候，但係飯都要照食，於是就喺太安樓搵左間日式料理。由於Lunch多人，舖頭一早坐滿哂人，staff問我同同事介唔介意坐後門(其實後門即係喺太安樓入面嘅走廊位)，話會送飲品俾我地。我地覺得冇咩所謂，咁就去左後面啦。食物真係好平，Lunch set多數都係喺$3x-$5x，而且款式好多，每日黎食一款一個月都食唔哂佢成個menu。我叫左滑蛋鰻魚飯，同事就叫左雞扒拉麵。啲食物都幾快黎到，味道都ok，個飯好蛋滑蛋我好鍾意。睇黎以後糧尾都要靠佢！

今日同媽媽去左西灣河,原本食 越南餐廳, 但太多人,媽媽肚餓, 就食旁邊的日本野。幫媽媽叫左個手打 烏冬, 加$5 豬骨湯底。 碗嘢一放落嚟, 我已經嗅到勁重嘅味精味, 媽媽食左一口 ,佢話好"鮮" ,頂唔順。 我試咗一口, 好咸, 勁。。。。。。。重味精。於是我同媽媽交換咗我碗飯, 我食咗佢碗 麵。 一路食, 一路勁嬲, 因為當時last call, 下午落場, 有兩個 疑似 廚師嘅出嚟, 坐喺我隔離, 係咁講粗口, 拍檯話輸錢。 忍住啖氣食飽就走, 呢間野以前試過2次, 都正正常常。 一個sunday lunch 食到咁唔開心, 今次之後, 我唔會再嚟。

上完堂, 行過西灣河諗住食中午飯, 點知好多都未開, 係門口係咁易望下個MENU, 明明未開門, 位員工竟然比我地入去坐住先! 唔使大熱天時係出門呆等, 值得加分!打開個MENU, 實在太多野揀, 都唔知揀咩好, 今次兩個人食, 就一人揀個拉面配加洲卷, 另一個揀魚生飯配鳥冬! 仲有麵豉湯/ 餐飲揀! 就咁睇都幾多野食由於間野其實仲係準備中, 我地都等左一輪先有野食..不過間野都好快就坐滿左了間野話係用日本拉面...食落其實都係同街市買果D 差唔多, 唔算好彈牙, 不過好就好在又有叉燒, 又有嗚門卷, 又有紫菜栗米之類,烏冬都足料O既, 不過湯底有D 咸,加洲卷入面D 沙津醬好足, 面頭D魚子都好脆, 不過得兩舊, 意猶未盡!係個魚生飯D 魚生部位唔係太好...

行去海濱前諗住醫肚 行到太熱出哂汗係加油站轉角見到有間拉麵店即刻入去 餐廳名用既字體同logo都好有童真😂坐低餐牌太多選擇 揀左好耐拉麵 刺身 飯都有套餐組合 最尾揀左刺身稻庭定食同拉麵一人前套餐啲刺身好水😖賣相討好但味道不能接受 有種雪左幾日之後臨時解凍既感覺拉麵就普通 咁既價位 味道都算average 同紅磡平價拉麵店相若 拉麵套餐有包餃子 個黑椒醋汁係重點 餃子係附菜最好味係碟炸雞軟骨 炸得剛好整體環境都ok 但無咩特別想再去既感覺😂

中午食飯，人多擁擠。又要同人搭臺，搞到想同屋企人傾多的嘢，都唔方便，好唔自在。間餐廳為咗多做點生意，搞到陝小空間，人逼人。夥計又忙，根本無法應付這麽多客人，整個餐廳就像菜市場一下，好噪！

平日很少機會來西灣河，今天行完香港電影資料館要找個地方晚餐，不想幫襯連鎖財團，於是就選擇了這間街坊小店。魚生飯$88八十八蚊的價錢不算平，在尖沙咀地區更可吃個魚生飯套餐，有沙律、蒸蛋、麵豉湯，及飲品而這個魚生飯就相對失色得多，刺身份量很少，只得3片三文魚，兩片帶子薄切及兩隻蝦刺身蝦刺身不新鮮，吃下去覺得有點腥味...及不爽口雞翼餃子就是將餃子餡料釀進去雞翼之中，不過不失，雞肉又點過熟街坊小店的質量應該要比連鎖餐廳的更好吧真的要用心好好改善了

This is our regular Japanese restaurant since we discovered it. Very fast service. Have always ordered sashimi and sushi. Price is very resonable. The california roll should be fully covered with salmon roe. Everything else is fresh and good.Great cosy place in a great location. Friendly staff 100%.

今日星期六，在下依舊在西灣河打完波，就想係附近一帶食午餐。於是就決定去福岡拉麵回味一下。😄🍜 入到去，顧客的數目不少，非常熱鬧。在下和爸爸好不容易找到位子，才勉強地坐落去。見到隔離搭枱的那個顧客，他叫的三文魚便當吸引了我，他吃得津津有味的，令我垂然三尺。我忍不住要快點落單叫嘢食。😋😋 在下敢講，福岡拉麵的菜式和小食的款式都十分多。令我們很難選擇吃那一款。 最後，在下決定點了 吉列豬排拉麵 （包含了:吉列豬排、鳴門卷、芽菜、粟米、小量蔬菜，及日本拉面。）並附送飲品。 爸爸便點了照燒雞扒手打烏冬（包含了:照燒雞扒、鳴門卷、芽菜、粟米、小量蔬菜及手打烏冬）並附送飲品。 小食更是難以決定去選擇。最後決定點 鹽燒牛舌，及糖心蛋。🍴 由於食慾高，所以令我們等得非常急不及侍。我們的食物終於上枱了，感到又肚餓，又期待。😆 在下的拉麵軟硬適中，湯底既濃又甜，食到湯已滲入了拉麵中，令它變得很有層次感。吉列豬扒炸粉薄，肉厚而多汁。配合沙律醬，酸酸地，好開胃！👍🏻 芽菜則爽口。 XD。爸爸的烏冬十分彈牙，能吃得出是「自家制」的。照燒雞扒的醬汁與雞扒很配合。 糖心蛋則退步了😥。蛋太細，但仍

今日在下同爸爸係西灣河打完波，就想到去很久已經沒有去的 福岡拉麵 食午餐。我十分期待！ 店舖外没有怎麼變。一入去，內面也没有變，只是多了幾個服務員在這裏打工。那些服務員熱心地招呼客人，並為我們遞上兩杯水。 在下點了本店的招牌菜：福岡拉麵。（包含了：糖心蛋半隻，叉燒3片，拉麵，芽菜，魚肉2片，粟米，豬骨湯底。） 而在下的爸爸就點了自家親子撈烏冬定食。（包含了： 照燒雞扒，雞蛋，洋蔥，珍珠米。) 並點了炸曰本芝士年糕。 大約7分鐘後，我們所點的食物來了。 在下的拉麵十分彈牙，糖心蛋也很好食，叉燒有濃郁的叉燒味，軟硬適中。芽菜很「爽口」，湯底 Good! 而在下的爸爸的自家親子撈烏冬 OK. 最後的炸芝士年糕，外面脆脆的， QQ的。裏面的芝士很好吃！ （總括來說很好吃！）

太古城鯉景灣一帶，聚集了不少日本人。在西灣河附近，吃拉麵的食肆不多，福岡拉麵屹立了原址五個年頭，小妹卻一直沒有光顧。是晚，一個人，不想煮飯吃，又想吃拉麵，就走了進去。甫坐下，女侍應即送上一杯茶，並向小妹推介Asahi一人前$98，在福岡拉麵、雞扒拉麵、吉列豬扒拉麵和豬軟骨拉麵中，可任選一款；蕃茄芝士球、炭燒餃子雞翼、紫芋甘栗餅或山野胡椒煎餅4款小食中，也可揀一款，再配Asahi一支，或免費轉飲特飲，共有6款任君選擇。在灣仔區，一碗拉麵已索價百元了，西灣河則可以同等價錢，享用拉麵、小食和特飲，更為經濟實惠。福岡拉麵有兩塊叉燒、半隻溏心蛋、紫菜、海帶、粟米、芽菜和鳴門卷，頗有港式拉麵的影子。豬骨湯底呈乳白色的，入口質感稀薄，豬骨味淡，清甜易入口，不太濃鹹，與正宗日式豬骨湯不可同日而語﹗拉麵軟硬度中等，口感爽滑，但獨欠麵香。兩塊叉燒以瘦肉為主，沒有肥膏油脂的摻雜，肉質較為乾嚡，肉香肉淡略為失色，如在吃瘦肉般。半隻溏心蛋蛋白軟腍，口感略欠Q彈爽口；幸溏心蛋黃粘稠甘香，且帶醬油香。紫菜浸在湯中，上枱前已浸淋了，粟米夠甜美，海帶和芽菜嚼勁十足，再加上兩小片鳴門卷，拉麵雖稱不上是上品，也不夠正宗，但

今天又有機會偷偷的和星星吃個午飯，和星星吃晚飯的次數多不勝數，但吃午飯的時間反而好像relax一點，所以又挑了這頓午飯來寫食評。福岡拉麵在西灣河地鐵站的不遠處，我在跑步及游水時已經過了好幾遍，晚上的感覺要清優好多；午市的時間卻是人頭擁擁的，心裡很害怕星星會不喜歡咧…沒想到星星的第一句話是說午市的套餐也很化算，有一樣事情我很喜歡，星星在食方面沒有所謂，是真的沒有所謂。無論平貴，我挑了什麼地方，星星很少會 “阿支阿左摩洛哥”。反而我請客的時候挑了太貴的，星星會有一點牢騷。我想借這個機會跟星星說，因為我很重視跟您吃的每一頓飯，是每一頓啊! 所以每次都會做足準備功課… 我不是說錢財如便便，只是在afford到的情況下，希望可以跟星星吃一頓與別不同的飯，老土的在想，真正希望星星欣賞我的不是我願意花錢請佢食餐好，而係背後果種心意。在門口見到好幾個人在排隊，心感不妙，想不到侍應生知道我們是兩位，就很快安排到張檯給我們。這對於跟星星獨處時間什少的我來說，非常重要。雖然福岡都算擠迫，但在沒有熟人的情況下，星星在檯底xxxxx，我覺得把星星帶離開了平日工作的地方，是我今天做得最對的一回事! 哈哈哈!平日很

是日沒有帶飯, 所以相約朋友食lunch由cityplaza 4行過去西灣河都只係5-10分鐘, 我想食日本野所以揀呢間鋪頭不大, 不過都有~10人等緊, 等左一陣就有枱menu都幾多野食, 飯麵烏冬壽司定食不過壽司餐都幾抵食, 有湯+前菜+mochi (突然醒起趕住走唔記得問佢拎 )朋友叫既海鮮烏冬都幾吸引, 有幾舊海鮮天婦羅我叫既三文魚壽司飯就平平無奇, 2片三文魚+2片油甘魚(唔多鮮甜)+2隻甜蝦(偏細隻)唔會刻意再去, 不過悶悶地就可以再試其他野食

喺西灣河住左咁多年，對太安樓既認識就係多小食檔同車仔檔。雖然有太興同大家樂，但絕少會喺太安樓既食店坐低食...福岡拉麵都開左一斷幾長既時間，但因為佢近油站果邊，唔會成日行過，所以好多時都唔記得左佢...直到有一日想起咁耐都冇試過，就揀左去食晚餐。可能我係平日去，全店一半人都坐唔滿。又或者果邊真係太少人會行過啦!估唔到果個位咁細都可以開到一間拉麵店，而且座位尚算舒適。估唔到太安樓除左住宅面積實用，連店鋪都係一樣!不過啲梳化好似有啲舊，唔係話好好好乾淨果啲。不過喺太安樓搵野食都係平民性價比之選，不能挑剔太多。食物方面幾有驚喜：叫餐有小食，小食係一個似牛雜既物體，味道ok...不過賣相真係唔太吸引。滑蛋豬扒飯既豬扒剛剛炸起，唔會俾啲滑蛋浸淋哂。肉質都幾鬆化，亦炸得岩岩好，趣卜卜；滑蛋比較生，可以再多煮一陣，面頭配上紫菜、中間都有一啲菇。以街坊式既滑蛋豬扒飯黎講絕對係足料!另外叫既係牛柳粒(唔記得叫咩名)牛柳粒燒得好香口，肉質juicy，燒汁非常惹味。配埋薯角充滿鐵板風味。今次冇食到魚生，下次試下新唔新鮮先!雖然喺太安樓黎講價錢唔算平，但係佢既質素同銅鑼灣既日式西餐廳黎講佢既價錢絕對相宜!