福崎餐廳

营业中

休息中

今日又懶煮飯，叫兩個小菜外賣！ ！一打開外賣盒就聞到陣陣鮮香🤤，果然冇令人失望！🍍菠蘿生炒骨外賣都keep到脆皮！一打開盒就聞到酸甜香🤤排骨炸得金黃色✨，外賣都仲係脆卜卜送飯真係一流🍚，食到最後一件都仲脆！🦑西蘭花炒蝦球西蘭花翠綠爽脆💚，完全冇過火蝦球大大隻又彈牙！蒜片爆香夠鑊氣🔥

食個晚市set 雲吞雞煲湯成八十蚊，四粒雲吞就基本啦，不過湯又冇乜味，啲雞既份量真係搞唔啱，得嗰五六舊，仲要八成係骨，一睇就知佢係攞啲餸頭餸尾煲埋一煲就算。食完仲要冇紙巾 要俾錢。我都已經俾咗兩次機會佢，兩次都係叫依個，兩次都係咁。講真咁我不如去一粥麵食算啦，平又平啲，人哋話晒都俾半隻雞你，唔使淨係喺度吮骨。

芙蓉蛋飯 鹹到會腎病 千萬不要來吃 貼錢買難受 我以後都不來吃 竹園南邨 還有很多餐廳 你廚房日日玩嘢你遲早冇工做 人哋咁大間餐廳交畀你個廚房 你日日趕走食客而家都已經唔旺 我肯定你好快會冇咗份工 搞到連間餐廳都執埋 你呢啲人係冇人性 人哋出份糧畀你 你就要交出水準 每日不停 趕走客人 你老細真係慘

今朝要一大清早返工肚仔餓，咁早屋企樓下又唔多選擇，咁諗住黎呢間食個雙拼麵早餐，叫佐個沙嗲牛肉紅腸麵食，沙牛ok，紅腸一般都係來貨唔會太差，麵底一時時，有時會生啲今日都算正常啦，但係唔知係唔係我眼大睇過龍定係早起身矇查查，三片紅腸有兩片好精緻的色，以為去佐小人國，問店員點解咁細，佢話唔理大細都係三片跟住笑佐聲然後就走佐去，做街坊生意係咁隨意㗎啦，哈哈，下次黎食都要靠運氣。環境方面街坊茶記係咁上下𣎴過不失。早開係優點。

約了朋友在竹園午飯，等候他的時間，讀到2018年的一篇食評，推薦牛腩飯，我即管試下。牛腩夠林滑，有不同的部份。份量OK。味道可以。重要的是吃後沒有口渴的感覺。伙記招呼也可以。這間街坊餐廳，見到一些行動不便的人士來用餐，伙記也很幫忙配合。人間有愛。

我生涯第一次乘搭交通工具前往「黃大仙」來到「竹園邨」和「竹園商場」，首間光顧的食店竟然不是以「堂食」，而是以「外賣自取」方式進行，因為我今次光顧的「竹園」食店是「福崎餐廳」。雖然「福崎餐廳」店舖面積不小，店裡面的電視機聲浪感覺也不大，但是我一看見「福崎餐廳」有平價外賣自取飯盒之後，就改變主意選擇購買「福崎餐廳」的平價外賣自取飯盒食品。不過我最初想購買「照燒雞扒飯」，購買外賣時「福崎餐廳」收銀店員卻告訴我「照燒雞扒飯」已經售罄，相反原本店外外賣飯盒價目表裡面，原本貼着「售罄」的「白汁雞絲飯」反而還未售罄，令當時的我有點摸不着頭腦。我最後還是購買了一盒外賣「白汁雞絲飯」，跟一個「麵包」食品「紅豆菠蘿包」，我付款後拿着「福崎餐廳」兩款外賣自取食品，徒步返回「新蒲崗」。我把「福崎餐廳」的「紅豆菠蘿包」當作下午茶食品來享用，所以「紅豆菠蘿包」當時仍然十分膨脹飽滿，沒有任何變腍或者塌陷的跡象出現。「紅豆菠蘿包」裡面的「紅豆」餡料味道感覺非常之甜，「紅豆菠蘿包」外層的皮口感感覺也都十分香脆，總算符合「福崎餐廳」「紅豆菠蘿包」原本應該有的性價比。至於「白汁雞絲飯」裡面的「雞肉」實際份量雖然肯定沒有「照

叫咗兩個下午茶餐，唔係咩難整嘅嘢，兩個都係炒飯，唔係焗飯呢類預咗要等長少少時間嘅餐。餐飲好快到，第一個餐都係好快嚟咗，但另一個就催幾次都唔到，期間仲有職員黑晒面咁話依家個個都忙緊講完就走咗，完全無心幫手跟進到最後第一個餐食完，另一個都仲未嚟，計埋差唔多等咗成半個鐘，唯有同職員講我唔食喇取消個餐諗住走，間嘢道歉都無仲要收我一個餐+一杯剩飲嘅錢（杯嘢其實無飲過，不過算始終係嚟咗）最後叫做打包杯嘢拎走咗，多謝俾咗我一個剩係得餐飲嘅下午茶餐

早晨有驚喜，奶茶好飲，重點糸截12:00👍👍，份量方面正常，價錢方面絕對有優勢⋯⋯會再去，服務方面正常，午餐未試，但係睇到其他人叫都吾會好差，有興趣回頭試一次

食得茶餐廳就係想快見就到下午茶時間諗住快手食個干炒意粉結果等咗20分鐘仲未有前後追咗兩次單第一次就企喺位隔離望入廚房 然後話整緊就走咗去第二次同第一次隔5分鐘 搵過第二個侍應問 今次先真係去廚房問有冇單再隔一陣 一次過出咗7碟炒野仲要送錯枱即係廚房要儲夠食炒野嘅人數先開火炒坐我後面落完單冇5分鐘已經有野食如果你唔好彩係第一個叫炒野嘅 咁你等得就等啦如果唔係你食嘅時間仲快過你等嘅時間仲要未計 佢下午茶其實都賣你差唔多40蚊

裝修後，第一次幫襯，原本諗住都係茶餐廳早餐啫，無咩特別，今早（25/2/2020）叫咗兩個早餐，珍珠帶子火腿通粉，第一次食早餐有珍珠帶子，雖然味道淡些，但都有少許鮮味，另叫了一份沙爹牛肉通粉配牛乳炒滑蛋+丹麥多士，驚喜不在通粉及滑蛋，是在丹麥多士，真係好好味，脆口及香，第一次在屋村茶餐廳食到咁美味及有質素既多士，正。隔離枱，有幾個女人應該係常客，散叫丹麥多士及早餐加錢轉丹麥多士，真識貨。散叫丹麥多士唔平，二片成為二十元，好食，就值啦。最後值得一提，在疫症下，將部份餐枱凳移開，讓座位更闊落，坐得更舒服。

福崎岩岩係農曆新年完成裝修開返舖，剛岩又正正街市內X島冰廳唔開，今日就走去幫襯下。未到下午茶時間，嗌住個飯比兩隻小魔怪食，於是叫個有汁又有肉的「特濃粟米汁肉粒飯配熱檸檬茶」，粟米汁一d都唔濃，水汪汪，叫「特稀粟米汁」都唔會錯。肉粒都還好，部份有d肥肉係食唔到，有紅蘿蔔粒同粟米粒都算係咁。我最期望到下午茶時間喇，叫左「特色豬扒包配奶茶」同「炸雞髀配迷你農夫包，加$10配埋紅豆冰」。先上「特色豬扒包配奶茶」，一上枱，唔係呀，咁細份😨，恕我少出街食下午茶，我未食過咁細份「的色豬扒包」😤，豬扒得半小塊，整個包X家樂都大份過佢。再黎「炸雞髀配迷你農夫包，加$10配埋紅豆冰」，哈哈哈，又恕我見識得太多「大大隻下午茶雞髀餐仲要跟紅豆冰」，呢度個隻「的色」雞髀，又再歎為觀止，同個迷你農夫包差不多的size，利害👏。總括而言，我唔會話唔再黎食，只係一定唔食以上嘅食物。但我眼見，好多食客選擇 - 常餐配丹麥多士的，如果真係有機會，或者會試下喇下。

在竹園邨商場展銷，第一次到地下的福崎餐廳食野。最后揀咗牛腩飯，牛腩和飯是分開兩碟上的。牛腩的份量十足，有用唐生菜墊底，加上整碟腩汁，十分惹味。跟餐還有紫菜湯。也很好。牛腩有差不多廿塊，厚薄適中。易入口，而且十分入味。白飯也煮到粒粒分明，十分好食，入口甘甜。很難得一次可以整碟飯食晒。另外跟餐有熱飲一杯，凍飲加$3。如果有機會來竹園商場的，可以一試。總比次次都連鎖快餐店好。要支持一下小店。要不很快就無晒d小店茶餐廳。